Breaking News
Home / ꠚꠛꠣꠡꠞ ꠈꠛꠞ / ꠇꠥꠞꠥꠟ꠆ꠟꠣ ꠝꠤꠉꠎꠣꠃꠝ • ꠁ ꠏꠦꠘ ꠡꠤꠔꠞꠖꠤꠘ ꠛꠣꠞꠤꠡꠣꠝꠣꠡ

ꠇꠥꠞꠥꠟ꠆ꠟꠣ ꠝꠤꠉꠎꠣꠃꠝ • ꠁ ꠏꠦꠘ ꠡꠤꠔꠞꠖꠤꠘ ꠛꠣꠞꠤꠡꠣꠝꠣꠡ

ꠛꠋꠉꠥꠙꠡꠣꠄꠞꠅ ꠈꠖꠤꠘ ꠔꠘꠦ ꠇꠥꠞꠥꠟ꠆ꠟꠣ ꠍꠟꠦꠞ • ꠘꠣꠝ ꠅꠁꠟ ꠔꠣꠞ ꠝꠤꠉꠎꠣꠃꠝ [Michaung] • ꠏꠦꠉꠥ ꠛꠞ꠆ꠝꠤ ꠝꠣꠔꠞ ꠄꠈꠣꠘ ꠡꠛ꠆ꠖ ⁕ ꠅꠁꠟꠦꠅ ꠖꠇ꠆ꠘꠞ ꠄꠡꠤꠀꠞ ꠖꠦꠡ ꠄꠘꠒꠤꠀ • ꠛꠣꠋꠟꠣꠖꠦꠡ • ꠛꠣꠞꠝꠣ ꠅꠔꠣꠞ ꠝꠣꠏꠦ ꠁꠇꠐꠣꠄ ꠔꠣꠘꠒꠛ ꠍꠣꠟꠣꠁꠍꠦ ⁕ ꠉꠦꠍꠦ ꠞꠣꠔꠤꠞ ꠈꠛꠞꠤꠝꠣ ꠏꠣꠘꠣ ꠉꠦꠍꠦ ꠈꠣꠟꠤ ꠔꠣꠝꠤꠟ ꠘꠣꠠꠥꠔ ꠅ ꠛꠥꠟꠦ 1V ꠏꠘ ꠝꠣꠞꠣ ꠉꠦꠍꠂꠘ ⁕ ꠀꠞꠅ ꠘꠣꠘꠣꠘ ꠏꠣꠉꠣꠁꠘꠔ ꠅ ꠈꠄꠈꠔꠤꠞ ꠈꠛꠞ ꠝꠤꠟꠦꠞ ⁕

ꠅꠚꠤꠡ ꠏꠣꠃꠔꠤ ꠝꠣꠘꠡꠞ ꠈꠡ꠆ꠐ

ꠛꠣꠋꠟꠣꠖꠦꠡꠞ ꠘꠣꠘꠣꠘ ꠏꠣꠉꠣꠔ ꠝꠤꠉꠎꠣꠃꠝꠞ ꠈꠣꠞꠘꠦ ꠏꠠꠤ ꠗꠦꠞ ⁕ ꠏꠦꠉꠔꠤꠇꠦ ꠖꠤꠘꠝꠏꠥꠞ • ꠚꠦꠞꠤꠀꠟꠣ ꠡꠥꠖ꠆ꠖꠣ ꠅꠚꠤꠡ ꠏꠣꠃꠔꠤ ꠝꠣꠘꠡꠞ ꠈꠡ꠆ꠐ ꠅꠁꠞ ꠛꠦꠡꠤ ⁕ ꠍꠤꠟꠐ ꠅ ꠛꠃꠔ ꠏꠦꠉꠣꠔ ꠞꠣꠁꠔ ꠔꠘꠦ ꠝꠦꠊ ꠖꠤꠍꠦ • ꠁ ꠏꠦꠘ ꠡꠤꠔꠞꠖꠤꠘꠇꠥ ꠅꠘꠦ ꠛꠣꠞꠤꠡꠣꠝꠣꠁꠀ ꠖꠤꠘ ꠟꠣꠉꠦꠞ ⁕ ꠏꠦꠞꠣ ꠄꠛ ꠗꠣꠘꠚꠣꠘ ꠔꠥꠟꠍꠂꠘ ꠘꠣ • ꠔꠣꠞꠣ ꠅꠘꠦ ꠛꠣꠇꠇꠣ ꠞꠣꠄꠏꠣꠟꠣꠔ ꠚꠠꠤꠍꠂꠘ ⁕ ꠄꠞꠣꠉꠦ • ꠇꠥꠟꠟꠦ ꠇꠥꠠꠤꠖꠤꠘ ꠀꠉꠦ 1V ꠘꠜꠦꠝ꠆ꠛꠞ ꠇꠥꠞꠥꠟ꠆ꠟꠣ ꠝꠤꠗꠤꠟꠤ ꠀꠍꠠꠤꠀ ꠚꠠꠍꠤꠟ ꠛꠣꠋꠟꠣꠖꠦꠡꠞ ꠡꠣꠄꠅꠞ ꠚꠦꠐꠘꠣꠔ ⁕ ꠏꠦꠈꠐꠣꠞ ꠈꠣꠞꠘꠦ ꠡꠤꠔꠞ ꠔꠣꠞꠈꠣꠞꠤ ꠛꠤꠍꠞꠣꠁꠘ꠆ꠔꠞ ꠛꠦꠔꠣꠟꠣ ꠈꠔꠤ ꠅꠄ ⁕ ꠘꠄꠀ ꠈꠞꠤꠀ ꠝꠣꠘꠡꠦ ꠢꠤꠞꠤ ꠇꠤꠔꠔꠣꠁꠘ ꠈꠞꠦ ⁕ ꠅꠘꠇꠥꠞ ꠁ ꠇꠥꠞꠥꠟ꠆ꠟꠣꠄ ꠞꠣꠎꠎꠤꠞ ꠝꠣꠘꠡꠞ ꠈꠟꠟꠣ ꠀꠔꠣꠘꠤ ꠍꠣꠠꠣ ꠉꠔꠤ ꠘꠣꠄ • ꠏꠦꠁꠘ ꠔꠣꠁꠘ ꠈꠠꠏ ꠢꠣꠃꠟꠣꠔ ꠀꠘꠤꠀ ꠈꠦꠔꠉꠤꠞꠍꠔꠤ ꠈꠞꠍꠤꠟꠣ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …