Breaking News
Home / ꠖꠦꠡꠞ ꠈꠛꠞ / ꠘꠦꠡꠘꠣꠟ ꠢꠣꠞ꠆ꠐ ꠚꠣꠃꠘꠒꠦꠡꠘꠞ ꠚꠔꠤꠡꠐꠣꠔꠣ ꠒꠣ. ꠀꠛꠖꠥꠟ ꠝꠣꠟꠤꠇ ꠝꠣꠞꠣ ꠉꠦꠍꠂꠘ

ꠘꠦꠡꠘꠣꠟ ꠢꠣꠞ꠆ꠐ ꠚꠣꠃꠘꠒꠦꠡꠘꠞ ꠚꠔꠤꠡꠐꠣꠔꠣ ꠒꠣ. ꠀꠛꠖꠥꠟ ꠝꠣꠟꠤꠇ ꠝꠣꠞꠣ ꠉꠦꠍꠂꠘ

ꠘꠦꠡꠘꠣꠟ ꠢꠣꠞ꠆ꠐ ꠚꠣꠃꠘꠒꠦꠡꠘꠞ ꠛꠥꠘꠤꠀꠖ ꠉꠣꠞꠞꠣ ꠀꠞ ꠛꠣꠋꠟꠣꠖꠦꠡꠞ ꠄꠈ ꠘꠣꠝꠤꠀꠟꠣ ꠢꠣꠞꠐꠞ ꠛꠤꠡꠦꠡꠉ꠆ꠉ ꠎꠣꠔꠤꠅ ꠙ꠆ꠞꠚꠦꠍꠣꠞ ꠛꠤꠉꠞꠦꠒꠤꠀꠞ (ꠅꠚꠡꠞ) ꠒꠣ. ꠀꠛꠖꠥꠟ ꠝꠣꠟꠤꠇ ꠝꠣꠞꠣ ꠉꠦꠍꠂꠘ (ꠁꠘꠘꠣ ꠟꠤꠟꠟꠣꠢꠤ ꠅꠀ ꠁꠘꠘꠣ ꠁꠟꠣꠁꠢꠤ ꠞꠣꠎꠤꠃꠘ) ⁕

ꠀꠛꠖꠥꠟ ꠝꠣꠟꠤꠇ (©ꠍꠛꠤ ꠁꠘꠐꠣꠞꠘꠦꠐ ꠔꠘꠦ)

ꠝꠋꠉꠟꠛꠣꠞ (৫ ꠒꠤꠡꠦꠝ꠆ꠛꠞ) ꠛꠤꠀꠘ 9ꠐꠣ b0 ꠝꠤꠘꠤꠐꠞ ꠡꠝꠄ ꠛꠥꠠꠣꠇꠤ ꠢꠣꠟꠔ ꠔꠣꠁꠘ ꠁꠘꠔꠦꠇꠣꠟ ꠈꠞꠂꠘ ⁕ ꠝꠃꠔꠞ ꠈꠣꠟ ꠔꠣꠘ ꠛꠄꠡ ꠅꠁꠍꠤꠟ 9b ꠛꠞꠍ ⁕ ꠀꠛꠖꠥꠟ ꠝꠣꠟꠤꠇ ꠡꠣꠛꠞ ꠏꠣꠘꠣꠏꠣꠞ ꠘꠣꠝꠣꠏ ꠀꠁꠏ ꠛꠣꠖ ꠀꠍꠞ ꠍꠤꠟꠦꠐ ꠍꠤꠐꠤ ꠇꠞꠙꠥꠞꠦꠡꠘꠞ b1 ꠘꠋ ꠃꠀꠞ꠆ꠒ (ꠀꠉꠞ ꠇꠥꠍꠣꠁ ꠁꠃꠘꠤꠅꠘ) ꠅꠞ ꠍꠂꠅꠖꠣ ꠘꠥꠞꠥꠘꠘꠦꠍꠣ ꠡꠞꠈꠣꠞꠤ ꠙ꠆ꠞꠣꠕꠝꠤꠇ ꠁꠍꠇꠥꠟꠅ ꠚꠠꠣꠘꠤ ꠅꠁꠛ ⁕ ꠔꠣꠘꠞ ꠢꠦꠡꠝꠦꠡ ꠅꠍꠤꠅꠔ ꠝꠥꠔꠣꠛꠦꠇ ꠔꠣꠘ ꠝꠣꠁꠅꠞ ꠘꠣꠝꠦ ꠛꠣꠘꠣꠁꠟ ꠁꠍꠇꠥꠟꠅ ꠔꠣꠘ ꠏꠣꠘꠣꠏꠣ ꠚꠠꠣꠘꠤ ꠅꠞ ⁕

ꠀꠛꠖꠥꠟ ꠝꠣꠟꠤꠇ (©ꠍꠛꠤ ꠁꠘꠐꠣꠞꠘꠦꠐ ꠔꠘꠦ)

ꠀꠛꠖꠥꠟ ꠝꠣꠟꠤꠇ 19Γ9 ꠚꠤꠞꠣꠞ 1 ꠒꠤꠡꠦꠝ꠆ꠛꠟ ꠖꠇ꠆ꠇꠤꠘ ꠡꠥꠞꠝꠣ ꠃꠚꠏꠤꠟꠣꠞ ꠇꠥꠍꠣꠁ ꠁꠃꠘꠤꠅꠘꠞ ꠚꠌ꠆ꠌꠤꠝꠜꠣꠉ ꠉꠣꠃꠔ ꠏꠘꠝꠤꠍꠟꠣ ⁕ ꠔꠣꠘ ꠀꠛꠛꠣ ꠝꠞꠢꠥꠝ ꠚꠥꠞꠇꠣꠘ ꠀꠟꠤ ꠀꠞ ꠀꠝꠝꠣ ꠝꠞꠢꠥꠝꠣ ꠍꠂꠅꠖꠣ ꠘꠥꠞꠥꠘꠘꠦꠍꠣ ꠈꠣꠔꠥꠘ ꠀꠍꠟꠣ ⁕ ꠚꠣꠡꠡꠣꠟꠣ ꠛꠣꠖꠦ ꠔꠣꠁꠘ 19৩9 ꠚꠤꠞꠣ ꠍꠤꠟꠦꠐ ꠡꠞꠈꠣꠞꠤ ꠢꠣꠁꠍꠇꠥꠟ ꠜꠞꠔꠤ ꠅꠁꠘ ⁕ 19bV ꠚꠤꠞꠣ ꠝꠦꠐ꠆ꠞꠤꠇ (ꠄꠍꠄꠍꠍꠤ) ꠚꠞꠤꠇꠇꠣ ꠖꠤꠀ ꠁꠍꠐꠣꠞ ꠝꠣꠞ꠆ꠇ ꠡꠥꠖ꠆ꠖꠣ ꠚꠣꠞ꠆ꠍ ꠇꠦꠟꠣꠍ ꠚꠣꠁꠀ ꠚꠣꠡ ꠈꠞꠂꠘ ꠀꠞ ꠡꠞꠈꠣꠞꠤ ꠛꠤꠔ꠆ꠔꠤ ꠚꠣꠁꠘ ⁕ ꠢꠤ ꠀꠝꠟꠅ ꠁꠏꠣꠔꠤ ꠞꠤꠏꠣꠟ꠆ꠐ ꠏꠦ ꠡꠝꠝꠣꠘꠞ ꠀꠍꠤꠟ ⁕

ꠝꠦꠐ꠆ꠞꠤꠇ ꠚꠣꠡꠞ ꠛꠣꠖꠦ ꠔꠣꠁꠘ ꠍꠤꠟꠐ ꠡꠞꠈꠣꠞꠤ ꠄꠝꠍꠤ ꠇꠟꠦꠎꠅ ꠜꠞꠔꠤ ꠅꠁꠘ ⁕ 19b9 ꠚꠤꠞꠣꠔ ꠀꠁꠄꠍꠍꠤ ꠚꠞꠤꠇꠇꠣ ꠖꠦꠁꠘ ⁕ ꠢꠤ ꠡꠝꠄꠇꠥꠞ ꠚꠥꠛ ꠚꠣꠇꠤꠍꠔꠣꠘ ꠇꠥꠟꠟꠦ ꠄꠈ ꠛꠃꠒ ꠃ ꠀꠍꠤꠟ, ꠓꠣꠈꠣ ꠡꠤꠇꠇꠣ ꠛꠃꠒ ⁕ ꠏꠦꠏꠣꠉꠣꠔ ꠔꠣꠁꠘ 11ꠟꠝ꠆ꠛꠞ ꠅꠁꠘ ⁕

ꠀꠁ’ꠄꠍ’ꠍꠤ ꠚꠞꠤꠇꠇꠣꠔ ꠚꠣꠡ ꠈꠞꠤꠀ ꠔꠣꠁꠘ 19b9 ꠚꠤꠞꠣꠔ ꠓꠣꠈꠣ ꠝꠦꠒꠤꠇꠦꠟ ꠇꠟꠦꠏ ꠜꠞꠔꠤ ꠅꠁꠘ ⁕ ꠛꠣꠖꠦ 19৫b ꠚꠤꠞꠣꠞ ꠘꠜꠦꠝ꠆ꠛꠞ ꠝꠣꠡꠅ ꠓꠣꠈꠣ ꠝꠦꠒꠤꠇꠦꠟ ꠇꠟꠦꠏ ꠔꠘꠦ ꠚꠣꠁꠘꠣꠟ ꠚꠞꠤꠇꠇꠣ ꠖꠤꠀ ꠚꠣꠡ ꠈꠞꠂꠘ ⁕

19৫8 ꠚꠤꠞꠔꠤꠔ ꠔꠣꠘꠞꠦ ꠍꠤ’ꠄꠝ’ꠄꠁꠍ (ꠇꠝꠛꠣꠁꠘ꠆ꠒ ꠝꠤꠟꠤꠐꠣꠞꠤ ꠢꠍꠙꠤꠐꠣꠁ) ꠚꠦꠡꠥꠀꠞꠞ ꠇꠞꠘꠦꠟ ꠀꠏꠝꠤꠞꠞ ꠐꠣꠁꠘ ꠝꠦꠒꠤꠇꠦꠟ ꠁꠍꠙꠦꠡꠣꠟꠤꠍ꠆ꠐꠞ ꠟꠣꠈ ꠘꠤ ꠘꠣ ꠚꠞꠤꠇꠇꠣꠞ ꠟꠣꠉꠤ ꠚꠣꠐꠣꠘꠤ ꠅꠄ ⁕ ꠏꠦꠏꠣꠉꠣꠔ ꠔꠣꠁꠘ ꠐꠦꠘꠤꠋ ꠅꠞ ꠟꠣꠉꠤ ꠚꠣꠡ ꠅꠁꠘ ⁕

19d৩ ꠚꠤꠞꠣꠔ ꠡꠞꠈꠣꠞꠦ ꠔꠣꠘꠞꠦ ꠀꠞꠅ ꠛꠦꠡꠤ ꠢꠤꠇꠣꠞ ꠟꠣꠉꠤ ꠛꠤꠟꠣꠔ ꠚꠣꠐꠣꠄ ⁕ 19db ꠚꠤꠞꠣꠔ ꠔꠣꠁꠘ ꠄꠝ’ꠀꠞ’ꠍꠤ’ꠙꠤ ꠚꠣꠡ ꠈꠞꠂꠘ ꠀꠞ ꠢꠦꠝꠣꠞ ꠁꠍꠝꠤꠕ ꠢꠍꠙꠤꠐꠣꠟ ꠄꠘ꠆ꠒ ꠙꠃꠍ꠆ꠐꠉꠦꠞꠏꠥꠄꠐ ꠝꠦꠒꠤꠇꠦꠟ ꠁꠍꠇꠥꠟ, ꠟꠘ꠆ꠒꠘ ꠔꠘꠦ ꠇꠣꠞꠒꠤꠅꠟꠎꠤꠔ ꠛꠠ ꠒꠤꠉꠞꠤ ꠟꠁꠘ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …