Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠗꠣꠝꠣꠁꠟ: ꠝꠄꠘꠣꠞ ꠛꠤꠀ (Moyner Biya)

ꠗꠣꠝꠣꠁꠟ: ꠝꠄꠘꠣꠞ ꠛꠤꠀ (Moyner Biya)

ꠀꠝꠤ ꠚꠣꠟꠤ ꠚꠥꠡꠤ ꠈꠞꠟꠣꠝ ꠛꠠ

ꠀꠖꠞ ꠏꠔꠘ ꠖꠤꠀ । ( ২ )

ꠀꠝꠣꠞ ꠄꠔ ꠡꠣꠗꠦꠞ ꠝꠄꠘꠣ ꠞꠦ

ꠈꠦꠝꠘꠦ ꠖꠤꠔꠣꠝ ꠛꠤꠀ ।। ( ২ )

ꠀꠖꠛ ꠈꠣꠄꠖꠣꠄ ꠢꠇ꠆ꠇꠟ ꠖꠤꠇꠦ

ꠜꠣꠟꠣ ꠀꠝꠞꠣꠞ ꠚꠥꠞꠤ 

ꠔꠥꠝꠤ ꠛꠤꠀꠁ ꠝꠏꠣ ꠟꠁꠞꠣꠄ

ꠚꠥꠀꠞ ꠛꠣꠚ ꠈꠞꠤ ।

ꠛꠦꠡꠤ ꠝꠣꠕꠟꠦ ꠀꠝꠞꠣꠞ ꠚꠥꠞꠤ 

ꠖꠤꠔꠣꠝ ꠘꠣꠄ ꠛꠤꠀ 

ꠚꠥꠀ ꠟꠁꠀ ꠚꠤꠞꠔ ꠏꠣꠁꠛꠣꠄ 

ꠃꠞ꠆ꠔꠞ ꠛꠘ꠆ꠖꠧ ꠖꠤꠅꠀ ⁕ (ꠅꠄ ꠅꠄ)

ꠖꠥꠟꠣꠁꠀ ꠖꠥꠟꠣꠁꠀ ꠘꠣꠍꠦ

ꠈꠝꠞ ꠅ ꠖꠥꠟꠣꠁꠀ 

ꠖꠦꠈ ꠞꠥꠛ꠆ꠛꠣꠘꠦ ꠘꠣꠍꠦ 

ꠈꠝꠞ ꠖꠥꠟꠣꠁꠀ ।

ꠀꠝꠣꠞ ꠄꠔ ꠡꠣꠗꠦꠞ ꠝꠄꠘꠣꠞꠦ

ꠈꠦꠝꠘꠦ ꠖꠤꠔꠣꠝ ꠛꠤꠀ ।। 

ꠀꠖꠛ ꠈꠣꠄꠖꠣꠄ ꠢꠇ꠆ꠇꠟ ꠖꠤꠇꠦ 

ꠀꠝꠞꠣꠞ ꠚꠥꠞꠤ ꠜꠣꠟꠣ 

ꠏꠣꠞ ꠊꠞ ꠏꠣꠁꠛ ꠟꠇ꠆ꠇꠤ 

ꠊꠞ ꠢꠁꠛ ꠃꠏꠣꠟꠣ । ( ২ )

ꠅꠞꠦ’ ꠈꠁꠘ꠆ꠘꠣꠞ ꠝꠣ’ꠄ ꠟꠥꠇꠣꠁꠀ ꠈꠣꠘ꠆ꠖꠁꠘ

ꠝꠥꠇ ꠀꠍꠟ ꠖꠤꠀ ।। ( ২ )

ꠈꠁꠟꠏꠣ ꠗꠞꠤ ꠝꠣꠞꠦ ꠉ ꠐꠣꠘ 

ꠝꠄꠘꠣ’ꠞ ꠅ ꠈꠣꠘ꠆ꠖꠘ 

ꠈꠦꠝꠘꠦ ꠛꠤꠖꠣꠄ ꠖꠤꠔꠣꠝ ꠀꠝꠣꠞ 

ꠡꠣꠔ ꠞꠣꠏꠣꠞ ꠗꠘ । ( ২ )

ꠅꠞꠦ’ ꠈꠁꠘ꠆ꠘꠣꠞ ꠛꠣꠚꠦ ꠈꠞꠁꠘ ꠈꠣꠘ꠆ꠖꠘ

ꠝꠣꠕꠣꠄ ꠢꠣꠔ ꠖꠤꠀ ।। ( ২ )

ꠖꠣꠖꠣ ꠖꠣꠖꠤ ꠘꠣꠘꠣ ꠘꠣꠘꠤ 

ꠜꠣꠛꠤ ꠀꠞ ꠡꠇꠤ

ꠀꠘꠘ꠆ꠖꠦ ꠘꠣꠍꠤꠀ ꠉꠣꠄ

ꠡꠛꠣꠁ ꠛꠤꠀꠞ ꠉꠤꠔꠤ ।

ꠗꠣꠝꠣꠁꠟ ꠉꠣꠘꠦ ꠛꠤꠀ ꠛꠣꠠꠤ

ꠞꠣꠈꠟꠞꠦ ꠝꠣꠕꠣꠁꠀ 

ꠍꠘ꠆ꠖ꠆ꠞꠝꠥꠇꠤ ꠝꠄꠘꠣꠞ ꠈꠣꠘ꠆ꠖꠘ

ꠈꠁꠟꠎꠣ ꠘꠦꠄ ꠍꠤꠠꠤꠀ । ( ꠀꠝꠣꠞ )

ꠖꠥꠟꠣꠁꠀ ꠖꠥꠟꠣꠁꠀ ꠘꠣꠍꠦ 

ꠈꠝꠞ ꠅ ꠖꠥꠟꠣꠁꠀ 

ꠖꠦꠈ ꠞꠥꠛ꠆ꠛꠣꠘꠦ ꠘꠣꠍꠦ

ꠈꠝꠞ ꠖꠥꠟꠣꠁꠀ ।

ꠀꠝꠣꠞ ꠄꠔ ꠡꠣꠗꠦꠞ ꠝꠄꠘꠣꠞꠦ 

ꠈꠦꠝꠘꠦ ꠖꠤꠔꠣꠝ ꠛꠤꠀ ।।

ꠇꠥꠟꠦ ꠚꠤꠑꠦ ꠈꠞꠟꠣꠝ ꠛꠠ

ꠀꠐꠣꠞ ꠛꠍꠞꠦ 

ꠛꠣꠚꠦꠞ ꠜꠤꠐꠣ ꠍꠣꠁꠠꠣ ꠝꠄꠘꠣ 

ꠏꠣꠁꠛꠣ ꠡꠥꠡꠥꠞ ꠊꠞꠦ । ( ২ )

ꠅꠞꠦ’ ꠡꠥꠇꠦ ꠕꠣꠇꠤꠍ ꠄꠁ ꠇꠣꠝꠘꠣꠄ

ꠖꠤꠟꠣꠝ ꠢꠣꠔ ꠡꠚꠤꠀ ⁕⁕ ( ২ )

 

ꠗꠣꠝꠣꠁꠟ: ꠝꠄꠘꠣꠞ ꠛꠤꠀ (Moyner Biya _ ময়নার বিয়া) ⁕ ꠉꠤꠔ ꠁꠇꠣꠘ ꠟꠦꠈꠍꠂꠘ ꠖꠤꠟꠥꠀꠞ ꠡꠣꠢꠘꠣꠃꠀꠏ (Delwar Shahnawaz) ⁕

5/5 - (2 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …