Breaking News
Home / ꠚꠛꠣꠡꠞ ꠈꠛꠞ / ꠟꠘ꠆ꠒꠘꠞ ꠖꠣꠝꠤ ꠄꠟꠣꠇꠣꠁꠘ꠆ꠔ ꠛꠣꠋꠟꠣꠖꠦꠡꠤ ꠚꠄꠡꠣꠟꠣ ꠛꠣꠠꠤꠘ • ꠐꠦꠈꠣ ꠏꠣꠄ ꠇꠥꠀꠁ ꠔꠘꠦ?

ꠟꠘ꠆ꠒꠘꠞ ꠖꠣꠝꠤ ꠄꠟꠣꠇꠣꠁꠘ꠆ꠔ ꠛꠣꠋꠟꠣꠖꠦꠡꠤ ꠚꠄꠡꠣꠟꠣ ꠛꠣꠠꠤꠘ • ꠐꠦꠈꠣ ꠏꠣꠄ ꠇꠥꠀꠁ ꠔꠘꠦ?

‘ꠢꠣꠞꠣ ꠏꠤꠛꠘ ꠟꠘ꠆ꠒꠘ ꠔꠣꠁꠇ꠆ꠇꠣ ꠡꠣꠖꠣꠞꠘ ꠄꠟꠣꠈꠣꠔ ꠍꠥꠐ ꠄꠇ꠆ꠇꠣꠘ ꠉꠞ ꠇꠤꠘ꠆ꠔꠣ ꠚꠣꠞꠟꠣꠝ ꠘꠣ, ꠀꠞ ꠢꠦꠞꠣ ꠖꠦꠡ ꠔꠣꠁꠇ꠆ꠇꠣ ꠞꠣꠎꠣ-ꠞꠣꠘꠤꠞ ꠛꠣꠠꠤꠞ ꠈꠣꠘꠖꠣꠔ ꠉꠞ ꠇꠤꠘꠦ ꠈꠦꠝꠘꠦ? ꠁ ꠐꠦꠈꠣ ꠚꠣꠄ ꠈꠁ, ꠎꠣꠘ ꠘꠤ?’

ꠅꠟꠣꠈꠣꠘ ꠀꠚꠍꠥꠍ ꠈꠞꠤꠀ ꠟꠣꠝꠙꠣ ꠄꠈꠣꠘ ꠡꠣꠡ ꠚꠣꠟꠣꠁꠀ ꠙ꠆ꠞꠣꠄ b0 ꠛꠞꠍ ꠁꠝꠣ ꠟꠘ꠆ꠒꠘꠅ ꠔꠣꠘꠔꠤꠔ ꠟꠃꠀ ꠄꠈ ꠛꠤꠐꠤꠡ ꠛꠣꠋꠟꠣꠖꠦꠡꠤ ꠍꠤꠟꠐꠤ ꠛꠦꠐꠣ ꠝꠣꠘꠡꠦ ꠈꠕꠣꠉꠥꠁꠘ ꠛꠣꠋꠟꠣꠖꠦꠡꠤ ꠚꠔꠞꠤꠇꠣ ꠝꠣꠘꠛꠏꠝꠤꠘꠞꠦ ꠎꠣꠘꠣꠁꠘ ⁕ ꠏꠦ ꠟꠦꠈꠣ ꠔꠘꠦ ꠎꠣꠘꠣ ꠎꠣꠄ-

ꠉꠦꠍꠦ ꠄꠈ ꠖꠡꠇ ꠁꠝꠣ ꠟꠘꠒꠘꠞ ꠚꠄꠡꠣꠟꠣ ꠄꠟꠣꠇꠣ ꠅꠈꠟꠅ ꠛꠤꠖꠦꠡꠤꠘ꠆ꠔꠞ ꠛꠣꠠꠤ ꠇꠤꠘꠣꠞ ꠏꠦ ꠖꠥꠝ ꠚꠠꠍꠦ ⁕ ꠁ ꠎꠦꠉꠣꠔ ꠛꠣꠋꠟꠣꠖꠦꠡꠤꠘ꠆ꠔꠞ ꠔꠣꠘ ꠅ ꠈꠝ ꠘꠣꠄ; ꠛꠣꠋꠟꠣꠖꠦꠡꠤꠘꠔꠦ ꠛꠤꠐꠤꠡ ꠛꠣꠋꠟꠣꠖꠦꠡꠤ ꠇꠥꠐꠥꠝꠈꠦꠡ ꠀꠘ꠆ꠘꠣꠄ ꠛ꠆ꠞꠤꠐꠦꠘꠅ ꠘꠤꠡꠍꠤꠔ ꠘꠣꠄ ꠅꠟꠣꠘ ꠕꠣꠈꠣ ꠇꠥꠐꠥꠝꠈꠦꠡꠞꠦ ꠗꠞꠤꠀ, ꠛꠣꠋꠟꠣꠖꠦꠡꠞ ꠐꠤꠇꠣꠘꠣ ꠛꠦꠛꠀꠞ ꠈꠞꠤꠀ ꠇꠤꠘꠞꠣ ꠚꠄꠡꠣꠟꠣ ꠄꠟꠣꠇꠣꠞ ꠛꠣꠠꠤ ꠅꠈꠟ ⁕ ꠁꠀꠖꠞꠣ ꠎꠦꠔꠣꠞ ꠡꠋꠇꠣ ꠙꠦꠞꠣꠄ Γ00 ꠚꠣꠟꠣꠁꠀꠅ ꠛꠦꠡꠤ ꠎꠣꠁꠔꠉꠤ ꠚꠣꠞꠦ ꠈꠞꠤꠀ ꠝꠘ ꠈꠞꠞꠣ ꠔꠣꠘꠤꠅ ꠛꠤꠍꠟꠦꠡꠇ ꠅꠈꠟꠦ ⁕

ꠛꠤꠐꠤꠡ ꠞꠤꠄꠟ ꠄꠍꠐꠦꠐ ꠙ꠆ꠞꠙꠣꠞꠐꠤ ꠛꠦꠛꠍꠔꠣꠚꠘꠣ ꠉꠥꠁꠐ • ꠘꠣꠁꠐ ꠚ꠆ꠞꠣꠋꠇ • ꠀꠞ ꠛꠤꠐꠤꠡ ꠡꠞꠈꠣꠞꠞ ꠢꠤꠡꠣꠛꠘꠤꠇꠣꠡ ꠝꠥꠔꠣꠛꠦꠇ Γ0Γ0 ꠚꠤꠞꠣꠔ ꠡ ꠢꠣꠃꠍ ꠘꠣꠝꠞ ꠄꠉꠥ ꠛꠦꠚꠡꠣꠁ ꠚꠔꠞꠤꠇꠣ ꠄꠈꠣꠘ ꠞꠤꠙꠐ ꠍꠣꠚꠍꠤꠟ (Γ0Γ0)

ꠢꠤ ꠞꠤꠙꠞ꠆ꠐꠅ ꠈꠃꠀ ꠅꠁꠍꠤꠟ ꠟꠘ꠆ꠒꠘꠅ ꠖꠣꠝꠤꠖꠣꠝꠤ ꠛꠣꠠꠤ ꠇꠤꠘꠣꠔ ꠛꠤꠡ꠆ꠡꠞ ꠗꠘꠤ ꠖꠦꠡꠈꠟꠞ ꠄꠈꠣꠘ ꠎꠣꠙꠣꠘꠞ ꠔꠘꠦꠅ ꠛꠣꠋꠟꠣꠖꠦꠡꠞ ꠔꠣꠘ ꠍꠣꠋꠉꠅ ꠍꠤꠟ ⁕ Γ0Γ0 ꠚꠤꠞꠔꠤꠞ ꠞꠤꠙꠞ꠆ꠐꠅ ꠉꠣꠃꠀ ꠀꠍꠦ- ꠛꠤꠡ꠆ꠡꠞ ꠝꠥꠐ ꠖꠡꠐꠣ ꠖꠦꠡꠣꠁꠘ ꠎꠦꠔꠣ ꠟꠘ꠆ꠒꠘꠅ ꠛꠣꠠꠤ ꠇꠤꠘꠣꠔ ꠀꠉꠥꠀꠁꠟ ꠁꠔꠣꠁꠘ ꠅꠁꠟ- ꠚ꠆ꠞꠣꠘ꠆ꠍ, ꠢꠋꠇꠋ, ꠀꠝꠞꠤꠇꠣ, ꠌꠤꠘ, ꠄꠘꠒꠤꠀ, ꠁꠔꠣꠟꠤ, ꠡꠥꠁꠎꠣꠞꠟꠦꠘ꠆ꠒ, ꠅꠡ꠆ꠐ꠆ꠞꠦꠟꠤꠀ, ꠛꠣꠋꠟꠣꠖꠦꠡ ꠀꠞ ꠎꠣꠙꠣꠘ ⁕ ꠞꠤꠙꠞ꠆ꠐ ꠁꠇꠣꠘꠅ ꠖꠦꠈꠣ ꠎꠣꠄ ꠏꠦ, ꠐꠦꠈꠣꠚꠄꠡꠣ ꠛꠣꠄ ꠀꠉꠥꠀꠁꠟ ꠖꠦꠡ ꠎꠣꠙꠣꠘꠞꠦꠅ ꠀꠞꠣꠁꠟꠤꠍꠦ ꠛꠣꠋꠟꠣꠖꠦꠡꠦ ⁕

ꠖꠥꠘꠤꠀꠞ ꠄꠈꠣꠘ ꠘꠣꠝꠤꠀꠟꠣ ꠎꠣꠉꠣ ꠟꠘ꠆ꠒꠘꠅ ꠖꠣꠝꠤꠖꠣꠝꠤ ꠛꠣꠠꠤ ꠇꠤꠘꠣꠞ ꠅꠃ ꠐꠥꠇꠣꠔ ꠎꠦꠔꠣ ꠖꠦꠡꠣꠁꠘ ꠞꠁꠍꠦ- ꠡꠛꠐꠤꠘ ꠖꠦꠡ ꠃ ꠛꠣꠋꠟꠣꠖꠦꠡꠞ ꠔꠘꠦ ꠐꠦꠈꠣꠚꠄꠡꠣꠄ ꠛꠃꠔ ꠀꠉꠥꠀꠁꠟ, ꠄꠘꠔꠣꠘ ꠟꠉꠦ ꠚꠣꠟ꠆ꠟꠣ ꠖꠤꠀ ꠟꠘ꠆ꠒꠘ ꠛꠣꠠꠤ ꠇꠤꠘꠣ ꠈꠣꠟꠤ ꠝꠥꠇꠞ ꠈꠕꠣ ꠘꠣꠄ ⁕ ꠈꠣꠟꠤ Γ0Γ0 ꠚꠤꠞꠣꠞ ꠚꠁꠟ ꠘꠄ ꠝꠣꠡꠅ ꠛꠣꠋꠟꠣꠖꠦꠡꠤꠘ꠆ꠔꠦ ꠇꠤꠘꠍꠤꠟꠣ 1Γ ꠇꠥꠐꠤ Γ9 ꠟꠣꠈ ꠙꠣꠃꠘ꠆ꠒꠞ ꠡꠝꠚꠔꠔꠤ ꠎꠦꠔꠣ ꠛꠣꠋꠟꠣꠖꠦꠡꠤ ꠐꠦꠈꠣꠄ ꠖꠣꠝ ꠅꠄ d ꠀꠎꠣꠞ ꠇꠥꠐꠤ ꠐꠦꠈꠣꠞ ꠈꠣꠘꠖꠣꠔ ⁕ Γ0Γ0 ꠚꠤꠞꠣꠞ ꠡ ꠢꠣꠃꠍꠞ ꠢꠃ ꠞꠤꠙꠞ꠆ꠐꠞ ꠛꠣꠖꠦ ꠀꠞꠅ ꠙ꠆ꠞꠣꠄ ꠔꠤꠘꠔꠤꠈꠣꠘ ꠛꠍꠞ ꠚꠣꠞꠁ ꠉꠦꠍꠦ ⁕ ꠄꠞ ꠝꠣꠏꠦ ꠛꠣꠋꠟꠣꠖꠦꠡꠤꠘ꠆ꠔꠞ ꠛꠣꠠꠤ ꠇꠤꠘꠣꠞ ꠢꠣꠞ ꠀꠞꠅ ꠛꠟꠍꠦ ⁕ ꠅꠁꠔ ꠚꠣꠞꠦ- ꠅꠘꠇꠥ ꠛꠣꠋꠟꠣꠖꠦꠡꠤꠘ꠆ꠔꠞ ꠛꠣꠠꠤ ꠇꠤꠘꠣꠞ ꠐꠦꠈꠣꠞ ꠚꠞꠤꠝꠣꠘ ꠙ꠆ꠞꠣꠄ Γ0 ꠀꠎꠣꠞ ꠇꠥꠐꠤ ꠐꠦꠈꠣ ꠍꠣꠠꠣꠁꠀ ꠉꠦꠍꠦ ꠀꠞ ꠛꠣꠠꠤꠘ꠆ꠔꠞ ꠡꠁꠋꠇꠣ ꠚꠣꠞꠂꠀ ꠉꠦꠍꠦ Γ☽0 ꠐꠣꠞꠅ ꠃꠚꠞꠦ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …