শুরমা ফারর খবর ছিলটি জবানে ছিলটর খবর
Related Articles
ꠡꠥꠘ꠆ꠖꠞꠛꠘ ꠛꠣꠋꠟꠣꠖꠦꠡꠞ ꠖꠞꠤꠀ ꠚꠦꠐꠘꠣꠔ ꠕꠣꠈꠣ ꠖꠥꠘꠤꠀꠞ ꠡꠛꠍꠦ ꠛꠠ ꠄꠉꠥ ꠝꠦꠘꠉ꠆ꠞꠜ ꠛꠘ। ꠏꠦꠈꠐꠣꠞ ꠉꠣꠍꠉꠣꠍꠣꠟꠤꠄ ꠛꠣꠞꠛꠣꠞ ꠛꠣꠘꠣꠛꠣꠘꠣ ꠇꠥꠞꠥꠟꠟꠣ ꠀꠈꠐꠣꠁꠀ ꠖꠦꠡꠞꠦ ꠛꠃꠔ ꠛꠠ ꠉꠞꠖꠤꠡ ꠅꠈꠟ ꠔꠘꠦ ꠢꠦꠚꠣꠏꠔ ꠈꠞꠍꠦ। ꠅꠔ꠆ꠔ ꠈꠈꠖꠤꠘ ꠀꠉꠞ ꠝꠤꠗꠤꠟꠤ ꠇꠥꠞꠥꠟꠟꠣ ꠔꠘꠦꠅ ꠀꠍꠣꠘ ꠈꠞꠍꠦ • ꠘꠣꠄ ꠇꠤ ꠉꠔꠤ ꠎꠦ ꠅꠁꠔ ꠀꠟ꠆ꠟꠣꠄ ꠃ ꠜꠣꠟꠣ ꠎꠣꠘꠂꠘ। ꠅꠁꠟꠦ ꠇꠤꠔꠣ ꠅꠁꠛ • ꠞꠄꠟ ꠛꠦꠋꠉꠟ ꠐꠣꠁꠉꠣꠞ ꠘꠣꠝꠞ ꠛꠣꠊꠞ ꠟꠣꠉꠤꠘ ꠡꠥꠘ꠆ꠖꠞꠛꠘ ꠀꠝꠞꠣꠞ ꠐꠣꠁꠘ ꠎꠔꠈꠣꠘ ꠎꠣꠘꠣꠎꠣꠘꠤ ꠅꠁꠍꠦ • ꠔꠣꠞ ꠉꠣꠍꠚꠣꠟꠣꠞꠦ ꠇꠥꠘꠥ ꠅꠔ ꠈꠣꠘ ꠏꠣꠘꠤ ꠘꠤ?
ꠀꠞ ꠎꠦꠍꠣ ꠎꠣꠉꠣꠞ ꠔꠘꠦ ꠡꠥꠘ꠆ꠖꠞꠛꠘꠞ ꠚꠇꠞꠤꠔꠤ ꠀꠟꠉꠣ। ꠚꠞꠤꠛꠦꠡꠞ ꠈꠣꠞꠘꠦ ꠡꠥꠘ꠆ꠖꠞꠛꠘꠞ ꠉꠣꠍꠉꠣꠍꠣꠟꠤ ꠀꠞꠈꠣꠘ ꠔꠘꠦꠅ ꠀꠟꠉꠣ। ꠛꠤꠡꠦꠡ ꠈꠞꠤꠀ • ꠀꠝꠒꠣꠞ ꠍꠤꠟꠐ ꠅꠘ꠆ꠌꠟꠞ ꠞꠣꠔꠣꠞꠉꠥꠟ • ꠟꠇꠇꠤꠛꠣꠅꠞ • ꠎꠥꠉꠤꠞꠈꠣꠘ꠆ꠖꠤ • ꠛꠥꠎꠤꠞꠛꠘ ꠁꠔꠣꠁꠘ ꠔꠘꠦ ꠚꠥꠞꠣꠃ ꠀꠟꠉꠣ। ꠡꠥꠘ꠆ꠖꠞꠛꠘ ꠖꠞꠤꠀ ꠚꠦꠐꠘꠣꠞ ꠘꠤꠍꠣ ꠉꠣꠋꠉ ꠖꠤ ꠛꠦꠠꠣꠁꠟ ꠄꠟꠣꠇꠣꠔ ꠚꠠꠍꠦ। ꠞꠥꠎ ꠎꠥꠀꠞ ꠛꠣꠐꠣꠄ ꠎꠋꠟꠣ ꠁꠇꠣꠘꠞꠦ ꠜꠣꠡꠣꠁꠟꠣꠄ। ꠎꠥꠀꠞꠞ ꠛꠣꠟꠣ ꠖꠞꠤꠀꠞ ꠘꠥꠘꠔꠣ ꠚꠣꠘꠤꠔ ꠎꠋꠟꠣ ꠁꠇꠣꠘ ꠜꠥꠞꠤ ꠞꠄ। ꠎꠦꠉꠔꠤꠇꠦ ꠘꠥꠘꠔꠣ ꠅꠁꠟ ꠉꠤꠀ ꠁ ꠎꠋꠟꠣꠞ ꠄꠈꠣꠘ ꠈꠣꠁꠍꠟꠔ। ꠄꠞꠖꠣꠄ ꠡꠥꠘ꠆ꠖꠞꠛꠘꠞ ꠉꠣꠍꠉꠣꠍꠣꠟꠤꠞ ꠅ ꠈꠣꠁꠍꠟꠔ ꠅꠁꠍꠦ ꠘꠣꠘꠣꠘ ꠚꠞꠤꠛꠦꠡꠞ ꠟꠉꠦ ꠘꠤꠏꠞꠦ ꠈꠣꠚ ꠈꠣꠃꠀꠁꠀ ꠘꠦꠃꠀ। ꠀꠝꠒꠣꠞ ꠍꠤꠟꠐꠞ ꠚꠣꠈꠣꠃꠞꠣꠁꠘ ꠡꠥꠘ꠆ꠖꠞꠛꠘ ꠛꠦꠞꠣꠘꠤꠔ ꠉꠦꠟꠦ ꠉꠣꠍꠉꠣꠍꠣꠟꠤ ꠟꠂꠀ ꠀꠉꠔꠘꠦ ꠎꠣꠔꠦ ꠗꠣꠞꠘꠣ ꠚꠣꠁꠘ • ꠅꠃ ꠉꠔꠤꠇꠦ ꠟꠦꠈꠣ ꠈꠣꠘꠔꠣ।
♦ꠉꠣꠍꠞ ꠝꠥꠀ-ꠏꠠ ꠝꠣꠐꠤ ꠚꠣꠐꠣꠁꠀ ꠃꠛꠣꠔ ꠕꠣꠈꠦ:
ꠏꠥꠀꠞꠞ ꠛꠁꠟ ꠘꠥꠘꠔꠣ ꠚꠣꠘꠤꠄ ꠝꠣꠐꠤꠞ ꠜꠤꠔꠞꠞ ꠢꠣꠃꠀ ꠛꠣꠞ ꠈꠞꠤ ꠖꠤꠟꠣꠄ। ꠏꠦꠉꠔꠤꠇꠦ ꠉꠣꠍꠞ ꠏꠠꠦ ꠛꠄꠀꠞ ꠔꠘꠦ ꠖꠞꠈꠣꠞꠝꠔ ꠅꠇꠍꠤꠏꠦꠘ ꠖꠟꠣ ꠈꠞꠔ ꠚꠣꠞꠦ ꠘꠣ। ꠝꠥꠀ-ꠏꠠ ꠄꠞꠟꠣꠉꠤ ꠝꠣꠐꠤꠞ ꠄꠚꠞꠦ ꠜꠣꠁ ꠞꠄ।
♦ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ ꠢꠤ ꠔꠥꠟꠘꠣꠄ ꠛꠣꠐꠐꠤ
ꠀꠞ ꠏꠋꠟꠣꠁꠘꠔꠅ ꠏꠦ ꠟꠣꠝꠙꠣ ꠟꠣꠝꠙꠣ ꠉꠣꠍꠣꠁꠘ ꠖꠦꠈꠣ ꠏꠣꠄ। ꠔꠄ ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ ꠙꠦꠞꠣꠄ ꠢꠝꠣꠘ ꠀꠞ ꠛꠣꠐꠐꠤ ꠇꠤꠍꠤꠝꠞ। ꠝꠥꠟꠔ ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ꠆ꠔꠦ ꠝꠣꠐꠤꠞ ꠃꠚꠞ ꠔꠘꠦꠃ ꠖꠞꠈꠣꠞꠤ ꠚꠣꠘꠤ ꠀꠞ ꠚꠥꠡꠐꠤꠚꠣꠡꠐꠤ ꠚꠣꠁꠟꠣꠄ। ꠝꠣꠐꠤꠞ ꠝꠥꠞꠅ ꠢꠣꠝꠣꠘꠤꠞ ꠀꠞ ꠖꠞꠈꠣꠞ ꠅꠄ ꠘꠣ। ꠅꠔꠣꠞꠖꠣꠄ ꠏꠠ ꠅ ꠀꠞ ꠝꠥꠞꠅ ꠢꠣꠝꠣꠄ ꠘꠣ।
ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ꠆ꠔꠞ ꠏꠠꠞꠦ ꠏꠥꠚꠞ ꠟꠣꠈꠣꠘ ꠟꠣꠉꠦ ꠖꠦꠈꠔꠦ। ꠏꠣꠞꠖꠣꠄ ꠟꠣꠝꠙꠣꠟꠣꠝꠙꠣ ꠉꠣꠍꠣꠁꠘ꠆ꠔꠞ ꠟꠣꠉꠤꠘ ꠏꠦ ꠒꠣꠐ ꠝꠏꠛꠥꠔ ꠁꠀꠘ ꠖꠞꠈꠣꠞ • ꠁꠔꠣ ꠡꠝ꠆ꠜꠛ ꠅꠄ ꠘꠣ। ꠉꠣꠍꠣꠁꠘ ꠄꠈꠏꠞꠣ ꠛꠟꠟꠦꠅ ꠔꠥꠚꠣꠘꠤ ꠛꠄꠀꠞꠦ ꠚꠣꠟꠣꠁ ꠖꠦꠄ। ꠏꠦꠉꠔꠤꠇꠦ ꠖꠥꠞꠁ ꠔꠘꠦ ꠍꠣꠁꠟꠦ ꠡꠥꠘ꠆ꠖꠞꠛꠘꠞꠦ ꠘꠥ ꠎꠥꠚꠞ ꠟꠣꠈꠣꠘ ꠟꠣꠉꠦ।
♦ꠉꠣꠍꠃ ꠕꠣꠈꠔꠦ ꠛꠤꠍꠤꠔ ꠍꠦꠞꠣ ꠃꠐꠤꠏꠣꠄ
ꠁꠇꠣꠘꠞ ꠛꠃꠔ ꠉꠣꠍꠞ ꠚꠟ ꠉꠣꠍ ꠕꠣꠈꠔꠦꠃ ꠎꠣꠟꠣ ꠃꠐꠤꠀ ꠍꠦꠞꠣ ꠅꠁꠏꠣꠄ ꠀꠞ ꠟꠣꠝ꠆ꠛꠣ ꠏꠞꠞ ꠟꠣꠈꠣꠘ ꠛꠣꠞꠂ ꠞꠄ। ꠏꠦꠔꠣ ꠘꠞꠝ ꠚꠦꠈꠞ ꠃꠚꠞꠦ ꠚꠠꠔꠦꠃ ꠝꠣꠐꠤꠔ ꠉꠣꠞꠤ ꠏꠣꠄꠉꠤ • ꠏꠦꠔꠣꠞꠟꠣꠉꠤꠘ ꠀꠞ ꠏꠥꠀꠞꠞ ꠚꠣꠘꠤꠄ ꠜꠣꠡꠣꠁꠀ ꠘꠤꠔ ꠚꠣꠞꠦ ꠘꠣ।
♦ ꠚꠣꠔꠣꠔ ꠝꠥꠀ ꠚꠣꠟꠣꠘꠤ ꠈꠝ ꠅꠄ
ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ꠆ꠔꠞ ꠔꠘꠦ ꠝꠥꠀꠔꠤ ꠔꠞꠤꠇꠣꠄ ꠚꠣꠘꠤ ꠔꠥꠠꠣ ꠛꠣꠞꠄ। ꠈꠦꠘꠦꠘꠣ ꠘꠥꠘꠞ ꠚꠣꠘꠤ ꠔꠘꠦ ꠢꠥꠖꠣ ꠚꠣꠘꠤ ꠌꠥꠡꠔꠦ ꠉꠣꠍꠣꠁꠘꠞꠦ ꠝꠦꠘꠔ ꠈꠞꠣ ꠟꠣꠉꠦ। ꠎꠦꠉꠔꠤꠇꠦ ꠉꠣꠍꠦ ꠍꠦꠡꠐꠣ ꠈꠞꠦ ꠏꠣꠔꠦ ꠛꠦꠡꠤ ꠛꠁꠟ ꠚꠣꠘꠤ ꠗꠞꠤꠀ ꠞꠣꠈꠔ ꠚꠣꠞꠦ।
♦ ꠘꠥꠘ ꠃꠞꠣ ꠚꠣꠘꠤꠔ ꠛꠣꠍꠤꠀ ꠞꠁꠔ ꠚꠣꠞꠦ
ꠡꠥꠘ꠆ꠖꠞꠛꠘꠞ ꠉꠣꠍꠣꠁꠘ꠆ꠔ ꠘꠥꠘ ꠃꠞꠣ ꠚꠣꠘꠤꠔ ꠛꠣꠍꠤꠀ ꠞꠁꠔ ꠚꠣꠞꠦ। ꠁꠔꠣ ꠉꠣꠍ ꠄꠝꠘ ꠚꠖ꠆ꠖꠔꠤ ꠞꠂꠍꠦ ꠏꠣꠔꠦ ꠘꠥꠘ ꠛꠣꠖ ꠖꠤꠀ ꠚꠣꠘꠤ ꠀꠞ ꠀꠞꠏꠣꠔ ꠚꠥꠡꠐꠤ ꠌꠥꠡꠤꠀ ꠟꠂꠔ ꠚꠣꠞꠦ।
