শুরমা ফারর খবর ছিলটি জবানে ছিলটর খবর
Related Articles
ꠟꠦꠈꠞꠣ: ꠝꠥꠢꠣꠝ꠆ꠝꠖ ꠍꠥꠟꠦꠝꠣꠘ ꠀꠟ-ꠀꠎꠣꠖ
ꠖꠦꠡꠞ ꠢꠈꠟ ꠜꠣꠁ ꠛꠁꠘꠞ ꠉꠦꠍꠦ ꠖꠥꠀ ꠍꠣꠁꠞꠣꠝ ꠀꠝꠞꠣꠞ ꠖꠦꠡꠞ ꠅꠡꠢꠣꠄ ꠀꠁꠘ ꠃꠖ꠆ꠖꠤꠘ ꠍꠣꠛꠞ ꠟꠣꠉꠤ।
ꠔꠣꠁꠘꠦ ꠘꠤꠎꠞ ꠍꠃꠈꠦ ꠖꠦꠈꠦꠘꠣ, ꠘꠤꠎꠞ ꠈꠣꠘꠦ ꠢꠥꠘꠦꠘꠣ, ꠘꠤꠎꠞ ꠝꠥꠇꠦ ꠈꠕꠣꠅ ꠈꠁꠔ ꠚꠣꠞꠦꠘꠣ।ꠔꠣꠁꠘꠞꠦ ꠎꠦꠈꠣꠘ ꠖꠦꠈꠣꠁꠟ ꠅꠄ ꠅꠈꠣꠘꠅ ꠖꠦꠈꠦ, ꠎꠦꠈꠣꠘ ꠢꠥꠘꠣꠁꠟ ꠅꠄ ꠅꠈꠣꠘꠅ ꠢꠥꠘꠦ। ꠁ ꠅꠛꠍ꠆ꠕꠣꠄ ꠡꠣꠖꠣ ꠡꠤꠗꠣ ꠀꠁꠘ ꠃꠖ꠆ꠖꠤꠘ ꠍꠣꠛꠞꠦ
ꠀꠝꠞꠣꠞ ꠖꠦꠡꠞ ꠃꠇꠤꠟ ꠀꠟꠤꠞꠣꠄ ꠔꠣꠘ ꠔꠣꠘꠞ ꠘꠤꠎꠞ ꠡꠣꠞ꠆ꠕꠦ ꠘꠤꠎꠞ ꠝꠇ꠆ꠇꠦꠟ ꠛꠣꠍꠣꠁꠔꠦ ꠉꠤꠀ ꠀꠁꠘ ꠃꠖ꠆ꠖꠤꠘ ꠍꠣꠛꠞꠦ ꠑꠦꠟꠣꠁꠀ ꠗꠣꠇ꠆ꠇꠣꠁꠀ ꠄꠈꠦꠞꠦ ꠉꠣꠠꠣꠔ ꠟꠣꠝꠣꠁꠟꠤꠞꠣ। ꠁ ꠅꠛꠍ꠆ꠕꠣꠄ ꠜꠦꠈ ꠛꠦꠈꠣꠁꠀ ꠍꠣꠁꠀ ꠕꠣꠈꠣ ꠍꠣꠠꠣ ꠀꠞ ꠇꠥꠘ ꠞꠣꠍ꠆ꠔꠣ ꠘꠣꠁ।
ꠃꠇꠤꠟ ꠀꠟꠤꠞꠣꠞ ꠖꠤꠟꠞ ꠜꠤꠔꠞꠦ ꠇꠥꠘꠖꠤꠘ ꠖꠄꠀ ꠝꠣꠄꠀ ꠢꠣꠝꠣꠁꠛ? ꠘꠤꠎꠞ ꠖꠦꠡꠞ ꠛꠣꠄ ꠜꠣꠟꠛꠣꠡꠣ ꠀꠁꠛ, ꠀꠞ ꠘꠤꠎꠞ ꠡꠣꠞ꠆ꠕ ꠍꠣꠞꠤꠀ ꠡꠔ꠆ꠔ ꠈꠁꠛ?
ꠀꠞ ꠀꠝꠞꠣꠞ ꠅꠡꠢꠣꠄ ꠀꠁꠘ ꠃꠖ꠆ꠖꠤꠘ ꠍꠣꠛ ꠝꠣꠕꠣ ꠔꠥꠟꠤꠀ ꠃꠑꠤꠛ।
ꠀꠞ ꠀꠝꠞꠣꠞ ꠖꠦꠡꠞ ꠅꠡꠢꠣꠄ ꠉꠞꠤꠛ, ꠡꠝꠟꠣꠞ ꠝꠣ, ꠈꠝꠟꠣꠞ ꠝꠣ, ꠔꠣꠞꠣꠄ ꠄꠈꠦꠞꠦ ꠛꠤꠘꠣ ꠐꠦꠇꠣꠄ ꠘꠣ, ꠈꠝ ꠐꠦꠇꠣꠄ ꠡꠑꠤꠇ ꠛꠤꠍꠣꠞ ꠚꠣꠁꠛ?
