Breaking News
Home / ꠖꠦꠡꠞ ꠈꠛꠞ / ꠖꠃꠟꠔꠖꠤꠀ-ꠙꠣꠐꠥꠞꠤꠀ ꠘꠣꠃꠞꠥꠐꠅ ꠚꠦꠞꠤ ꠍꠟꠣꠍꠟ ꠡꠥꠞꠥ

ꠖꠃꠟꠔꠖꠤꠀ-ꠙꠣꠐꠥꠞꠤꠀ ꠘꠣꠃꠞꠥꠐꠅ ꠚꠦꠞꠤ ꠍꠟꠣꠍꠟ ꠡꠥꠞꠥ

ꠖꠃꠟꠔꠖꠤꠀ-ꠙꠣꠐꠥꠞꠤꠀ ꠘꠣꠃꠞꠥꠐꠅ ꠊꠘ ꠇꠥꠀꠞ ꠟꠣꠉꠤ ꠡꠥꠀ ꠡꠣꠔ ꠊꠘ꠆ꠐꠣ ꠛꠘ꠆ꠗ ꠕꠣꠈꠣꠞ ꠛꠣꠖꠦ ꠚꠦꠞꠤ ꠍꠟꠣꠍꠟ ꠢꠤꠞꠤ ꠡꠥꠞꠥ ꠅꠁꠍꠦ। ꠄꠞ ꠀꠉꠦ, ꠝꠋꠉꠟꠛꠣꠞ ꠖꠤꠘꠝꠣꠞꠤ ꠞꠣꠁꠔ ꠖꠦꠠꠐꠣ ꠔꠘꠦ ꠚꠦꠞꠤ ꠍꠟꠣꠍꠟ ꠛꠘ꠆ꠗ ꠊꠥꠡꠘꠣ ꠈꠞꠍꠤꠟ ꠊꠣꠐꠞ ꠎꠤꠝ꠆ꠝꠣꠖꠣꠞꠦ।

ꠛꠤ’ꠀꠁ’ꠒꠛ꠆ꠟꠤꠃ’ꠐꠤ’ꠍꠤ ꠖꠃꠟꠔꠖꠤꠀ ꠊꠣꠐꠞ ꠡꠣꠖ꠆ꠖꠦꠃꠞꠣ ꠔꠖꠣꠞꠈ ꠀꠛ꠆ꠖꠥꠞ ꠞꠢꠝꠣꠘꠦ ꠎꠣꠘꠣꠁꠘ, ꠚꠖ꠆ꠖꠣ ꠘꠖꠤꠔ ꠝꠋꠉꠟꠛꠣꠞ ꠢꠣꠁꠘꠏꠣ ꠛꠣꠖ ꠔꠘꠦ ꠇꠥꠀꠞ ꠀꠁꠘꠖꠣꠁꠞ ꠛꠟꠔ ꠕꠣꠈꠦ। ꠛꠣꠖꠦ ꠘꠣꠃ ꠄꠇꠍꠤꠒꠦꠘ꠆ꠐ ꠔꠘꠦ ꠛꠣꠍꠣꠞ ꠖꠣꠄ ꠞꠣꠁꠔ ꠖꠦꠠꠐꠣ ꠔꠣꠇꠤ ꠚꠦꠞꠤ ꠍꠟꠣꠍꠟ ꠛꠘ꠆ꠗ ꠞꠣꠈꠣ ꠅꠄ। ꠇꠥꠀ ꠝꠤꠟꠣꠁ ꠉꠦꠟꠦ ꠡꠥꠀ ꠡꠣꠔ ꠊꠘ꠆ꠐꠣ ꠛꠣꠖꠦ ꠀꠁꠎ ꠛꠤꠀꠘ ꠚꠃꠘꠦ ꠘꠄꠐꠣ ꠛꠣꠄ ꠚꠦꠞꠤ ꠍꠟꠣꠍꠟ ꠡꠣꠜꠣꠛꠤꠇ ꠈꠞꠤꠀ ꠖꠦꠃꠀ ꠅꠄ।

ꠁꠛꠣꠄ ꠛꠤꠀꠘ ꠡꠥꠀ ꠀꠐ ꠐꠣ ꠛꠣꠄ ꠛꠣꠟ꠆ꠇꠢꠦꠒꠞ ꠗꠣꠇ꠆ꠇꠣꠄ ꠖꠃꠟꠔꠖꠤꠀ-ꠙꠣꠐꠥꠞꠤꠀ ꠘꠣꠃꠞꠥꠐꠞ ꠙꠣꠐꠥꠞꠤꠀ ꠚꠣꠍ ꠟꠝ꠆ꠛꠞ ꠊꠣꠐꠞ ꠈꠣꠘ꠆ꠖꠣꠔ ꠞꠎꠘꠤꠉꠘ꠆ꠗꠣ ꠘꠣꠝꠞ ꠄꠉꠥ ꠛꠣꠞꠤꠇ ꠚꠦꠞꠤ ꠘꠄꠈꠣꠘ ꠉꠣꠠꠤꠘ ꠟꠂꠀ ꠜꠥꠞꠤ ꠎꠣꠄ। ꠎꠦ ꠊꠐꠘꠣꠄ 10 ꠎꠘꠞꠦ ꠎꠤꠔ꠆ꠔꠣ ꠃꠖ꠆ꠖꠣꠞ ꠈꠞꠣ ꠅꠁꠍꠦ। ꠔꠄ, ꠄꠛꠔꠞꠤ ꠚꠦꠞꠤꠞ ꠒꠣꠁꠛꠣꠞꠞ ꠡꠣꠖꠖꠦꠃꠞꠣ ꠀꠞꠣꠈꠣꠟꠤ ꠞꠁꠍꠂꠘ।

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …