শুরমা ফারর খবর ছিলটি জবানে ছিলটর খবর
Related Articles
ꠛꠣꠋꠟꠣꠖꠦꠡ ꠛꠤꠖꠦꠡ ꠔꠘꠦ ꠀꠁꠀ ꠟꠣꠝꠣꠞ ꠛꠣꠖꠦ ꠁꠀꠞꠙꠥꠐ ꠚꠦꠍꠤꠘ꠆ꠖꠣꠞ ꠅꠈꠟꠞꠦ ꠄꠝꠘ ꠢꠦꠞꠣꠘꠤꠞ ꠝꠣꠏꠦ ꠚꠣꠟꠣꠘꠤ ꠅꠄ, ꠈꠁꠀ ꠡꠦꠡ ꠈꠞꠣ ꠎꠣꠁꠔ ꠘꠣꠄ ⁕ ꠢꠣꠞꠣ ꠎꠤꠘ꠆ꠖꠦꠉꠤ ꠛꠤꠖꠦꠡ ꠞꠈ꠆ꠔ ꠚꠣꠘꠤ ꠈꠞꠤ ꠊꠣꠝ ꠎꠞꠣꠁꠀ ꠈꠣꠝ ꠈꠞꠤꠀ ꠎꠦꠔꠥꠇ ꠛꠣꠋꠟꠣꠖꠦꠡꠞ ꠁꠀꠞꠙꠥꠐꠣꠁꠘ꠆ꠔ ꠀꠁꠀ ꠟꠣꠝꠦ, ꠙ꠆ꠞꠣꠄ ꠡꠝꠄ ꠖꠦꠈꠣ ꠎꠣꠄ ꠝꠣꠘꠡꠞ ꠟꠣꠉꠤꠎ ꠈꠣꠐꠤꠀ ꠡꠢꠣꠄ ꠡꠝ꠆ꠛꠟ ꠟꠁꠀ ꠎꠣꠄꠉꠤ ꠁꠍꠐꠣꠚ ꠅꠈꠟꠦ ⁕ ꠎꠦꠈꠣꠘꠞ ꠟꠉꠦ ꠃꠚꠞꠞ ꠎꠤꠝ꠆ꠝꠣꠖꠣꠞ ꠅꠈꠟ ꠅ ꠡꠞꠤꠇ ꠀꠍꠂꠘ ꠈꠞꠤꠀ ꠛꠤꠛꠤꠘ꠆ꠘ ꠡꠝꠄ ꠈꠛꠞꠅ ꠎꠣꠘꠣ ꠉꠦꠍꠦ ⁕ ꠎꠦꠉꠔꠤꠇꠦ ꠁꠔꠣꠞ ꠢꠇ ꠛꠤꠍꠣꠞ ꠇꠤ ꠁꠘꠍꠣꠚꠞ ꠔꠟ꠆ꠟꠣꠡꠤ ꠀꠞ ꠅꠄ ꠘꠣ ⁕ ꠄꠞꠖꠣꠄ ꠝꠣꠘꠡꠦ ꠛꠣꠇ꠆ꠇꠣꠖꠤꠘ ꠗꠞꠤ ꠁꠍꠐꠣꠚ ꠅꠈꠟꠞ ꠉꠣ’ꠔ ꠛꠒꠤ ꠇꠦꠝꠦꠞꠣ ꠟꠣꠉꠤꠞ ꠈꠕꠣ ꠎꠣꠘꠣꠁꠀ ꠀꠁꠞꠣ ⁕ ꠎꠣꠞꠖꠣꠄ ꠛꠤꠝꠣꠘꠦ ꠢꠦꠡꠝꠦꠡ ꠉ꠆ꠞꠣꠃꠘ꠆ꠒ ꠁꠍꠐꠣꠚ ꠅꠈꠟꠞ ꠟꠣꠉꠤ 1 ꠀꠎꠣꠞ ꠇꠥꠐꠤ ꠐꠦꠈꠣꠞ ꠛꠒꠤ ꠇꠦꠝꠦꠞꠣꠁꠘ ꠇꠤꠘꠦꠞ ⁕ ꠈꠛꠞ ꠁꠇꠣꠘ ꠒꠝ ꠅꠃꠀꠞ ꠛꠣꠖꠦ ꠘꠣꠘꠣꠘ ꠍꠥꠞꠤꠍꠥꠐ꠆ꠐꠣꠝꠤꠞ ꠜꠣꠞꠔ ꠉꠣꠁꠀ ꠍꠡꠣꠟ ꠝꠤꠒꠤꠀꠔ ꠝꠣꠘꠡꠦ ꠎꠦꠎꠣꠔ ꠈꠣꠃꠞꠤ ꠈꠣꠁꠞꠣ ⁕ ꠃꠘ꠆ꠘꠔ ꠖꠦꠡꠣꠁꠘ꠆ꠔꠞ ꠟꠉꠦ ꠖꠞꠖꠣꠝ ꠔꠥꠟꠘꠣ ꠈꠞꠤꠀ ꠝꠣꠘꠡꠦ ꠟꠣꠉꠣꠔꠣꠞ ꠙꠥꠡ꠆ꠐ ꠖꠤꠞꠣ ꠅꠘꠟꠣꠁꠘꠅ ⁕ ꠝꠣꠘꠡꠞ ꠙꠥꠡ꠆ꠐꠣꠁꠘ ꠔꠘꠦ ꠎꠣꠘꠣ ꠎꠣꠄ—
ꠟꠘ꠆ꠒꠘ ꠎꠦꠔꠣ ꠛꠒꠤ ꠇꠦꠝꠦꠞꠣꠁꠘ ꠇꠤꠘꠣ ꠅꠄ, ꠁꠔꠣꠞ ꠖꠣꠝ ꠛꠦꠡꠄꠔꠦ Γ00 ꠙꠣꠃꠘ꠆ꠒ ꠇꠤ ৩0,000 ꠐꠦꠈꠣ ⁕
ꠗꠞꠟꠣꠝ ꠚꠞꠔꠦꠈ ꠁꠀꠞꠙꠥꠐ 1000 ꠛꠒꠤ ꠇꠦꠝꠦꠞꠣ ꠟꠣꠉꠛ ⁕ ꠁꠟꠣꠘ ꠅꠁꠟꠦ ৩000 ꠇꠦꠝꠦꠞꠣ ꠃ ꠎꠕꠦꠡ꠆ꠐ ꠓꠣꠈꠣ, ꠍꠤꠐꠣꠉꠣꠋ ꠀꠞ ꠍꠤꠟꠐꠞ ꠖꠣꠄ ⁕ ꠢꠣꠞꠣ ꠖꠦꠡ ꠀꠞꠅ ꠗꠞꠤꠟꠟꠣꠝ Γ000 ꠇꠦꠝꠦꠞꠣꠁꠘ ꠖꠞꠇꠣꠞ ⁕ ꠔꠃ ꠢꠈꠟꠔꠣꠄ ꠝꠤꠟꠤꠀ ꠅꠄ ৫000 ꠇꠦꠝꠦꠞꠣ ⁕
৩0 ꠀꠎꠣꠞ ꠐꠦꠈꠣ ꠗꠞꠤꠀ ꠢꠤꠡꠣꠛ ꠈꠞꠟꠦ ৫ ꠀꠎꠣꠞ ꠇꠦꠝꠦꠞꠣꠞ ꠖꠣꠝ 1৫ ꠇꠥꠐꠤ ꠐꠦꠈꠣꠞ ꠝꠔꠘ ꠚꠞꠦ ⁕ ꠀꠞꠅ ৫ ꠇꠥꠐꠤ ꠗꠞꠟꠣꠝ ꠄꠒꠝꠤꠘ ꠈꠞꠍ ⁕ ꠁꠟꠣꠘ ꠅꠁꠟꠦ Γ0 ꠇꠥꠐꠤ ꠐꠦꠈꠣꠖꠤ ꠝꠣꠝꠟꠣ ꠒꠤꠡꠝꠤꠡ ꠅꠁꠎꠤꠛꠣꠞ ꠈꠕꠣ!!!
ꠅꠕꠍ ꠁꠔꠣꠞ ꠛꠣꠎꠦꠐ 1 ꠀꠎꠣꠞ ꠇꠥꠐꠤ ꠐꠦꠈꠣ ⁕ ꠎꠦꠔꠣ ꠖꠤꠀ ꠇꠤꠘꠣ ꠎꠣꠁꠛ ৩ ꠟꠣꠈ ৩৩ ꠀꠎꠣꠞ ৩৩৩ ꠐꠤ ꠛꠒꠤ ꠇꠦꠝ!!!
ꠎꠦ ꠛꠣꠎꠦꠐꠅ ꠔ ꠉꠥꠐꠣ ꠖꠦꠡ ꠇꠦꠝꠦꠞꠣꠞ ꠀꠃꠔꠣꠄ ꠀꠁꠅꠁꠛꠣꠞ ꠈꠕꠣ ⁕
