ꠛꠣꠋꠟꠣ ꠖꠈꠟ
ꠇꠝꠞ ꠃꠖ꠆ꠖꠤꠘ ꠟꠡꠇꠞ
__________
ꠖꠣꠠꠤꠀꠟꠣ ꠛꠦꠐꠣ
ꠛꠣꠋꠟꠣꠔ ꠀꠁꠡꠟꠧ ꠎꠦ ꠐꠣ
ꠔꠧꠔꠣꠞ ꠟꠣꠈꠣꠘ ꠛꠣꠋꠟꠣ ꠝꠣꠔꠦ
ꠛꠣꠋꠟꠣ ꠘꠤꠔꠧ ꠙꠣꠞꠦ ꠔꠣꠔꠦ
ꠢꠤꠇꠣꠁꠟ ꠝꠣꠔ ꠝꠣꠔꠤꠀ ꠢꠤ
ꠛꠣꠋꠟꠣ ꠘꠤꠔꠧ ꠙꠣꠞꠛꠘꠤ
ꠛꠣꠋꠟꠣꠞ ꠝꠣꠘꠥ ꠀꠁꠘ ꠘꠣꠄ
ꠇꠞ ꠚꠤꠞꠣꠁꠍꠘ ꠔꠣꠞ ꠛꠣꠄ
ꠈꠣꠁꠍꠦ ꠟꠣꠔ ꠜꠣꠋꠉꠣ ꠚꠣꠅꠞ
ꠛꠣꠋꠟꠣꠔ ꠚꠥꠟ ꠚꠥꠐꠤꠍꠦ ꠊꠣꠅꠞ
ꠛꠣꠋꠟꠣ ꠘꠦꠀ ꠡꠥꠎꠣ ꠘꠣꠄ
ꠍꠧꠇ ꠇꠥꠟꠤꠛꠣ ꠎꠦꠉꠦ ꠍꠣꠄ
ꠛꠣꠞꠧꠁꠍꠦ ꠘꠄꠀ ꠝꠤꠞꠎꠣꠚꠞ
ꠛꠣꠋꠟꠣꠔ ꠢꠤꠘꠖꠤ ꠀꠁꠘꠔꠧ ꠇꠞ
ꠁꠋꠡꠣꠞ ꠀꠉꠥꠘ ꠟꠣꠉꠣꠁꠔꠧ ꠌꠣꠞ
ꠘꠤꠜꠣꠞ ꠛꠦꠐꠤꠄ ꠛꠣꠞꠛꠣꠞ
ꠛꠣꠋꠟꠣꠞ ꠝꠘꠔ ꠉꠤꠀꠘ ꠛꠦꠡ
ꠝꠤꠞꠎꠚꠞꠒꠦ ꠈꠞꠛꠣ ꠡꠦꠡ
ꠞꠛꠤꠘꠋꠖꠋꠞꠧ ꠘꠎꠞꠥꠟ ꠛꠤꠖꠋꠖꠣꠡꠣꠉꠞ
ꠡꠥꠜꠣꠡ ꠡꠤꠞꠣꠎ ꠛꠣꠋꠟꠣꠞ ꠀꠉꠞ
ꠛꠣꠋꠟꠣꠔ ꠘꠣꠁ ꠞꠣꠝꠞ ꠈꠣꠝ
ꠛꠣꠋꠟꠣꠔ ꠀꠍꠦ ꠇꠥꠖꠤꠞꠣꠝ
ꠛꠣꠋꠟꠣ ꠡꠣꠘꠔꠤꠞ ꠘꠤꠇꠦꠔꠘ
ꠖꠥꠞꠉꠣ ꠟꠇ꠆ꠇꠤ ꠖꠦꠛꠤ ꠗꠘꠤ
ꠛꠣꠋꠟꠣ ꠖꠈꠟ ꠈꠞꠣꠔ ꠀꠁꠟꠦ
ꠖꠤꠍꠘꠣ ꠖꠧꠡ ꠛꠣꠊꠦ ꠈꠣꠁꠟꠦ
ꠁꠘꠧ ꠀꠍꠧꠁꠘ ꠢꠣꠎꠣꠞ ꠢꠣꠎꠣꠞ
ꠎꠣꠔꠤ ꠞꠄꠟ ꠛꠦꠋꠉꠟ ꠐꠣꠁꠉꠣꠞ
ꠖꠦꠈꠍꠔꠘꠣ ꠄꠛꠧ ꠁꠔꠣꠞ ꠞꠣꠉ
ꠎꠣꠘ ꠛꠣꠍꠣꠍꠔꠦ ꠎꠟꠖꠤ ꠜꠣꠉ⁕
* ꠝꠘꠞꠣꠈꠛꠣ, ꠡꠣꠁꠔ꠆ꠔ ꠚꠣꠔꠣꠔ ꠟꠦꠈꠣꠞ ꠝꠣꠟꠤꠈꠣꠘꠣ ꠈꠣꠟꠤ ꠟꠦꠈꠞꠣꠞ