ꠉꠤꠔ: ꠇꠦꠘ ꠚꠤꠞꠤꠔꠤ ꠛꠣꠠꠣꠁꠟꠣꠄ ꠞꠦ ꠛꠘ꠆ꠗꠥ [কেনো পিরিতি বাড়াইলারে বন্ধু | Keno Piriti Barailare Bondhu]
ꠉꠤꠔꠤꠈꠣꠞ: ꠡꠣꠢ ꠀꠛ꠆ꠖꠥꠟ ꠇꠞꠤꠝ [Shah Abdul Karim]
ꠇꠦꠘ ꠚꠤꠞꠤꠔꠤ ꠛꠣꠠꠣꠁꠟꠣꠄ ꠞꠦ ꠛꠘ꠆ꠗꠥ ꠍꠦꠠꠦ ꠎꠣꠁꠛꠣꠄ ꠎꠖꠤ
ꠈꠦꠝꠘꠦ ꠞꠣꠇꠤꠛ ꠔꠞ ꠝꠘ ꠀꠝꠣꠞ ꠀꠚꠘ ꠊꠞꠦ ꠛꠣꠘꠗꠤ ꠞꠦ ꠛꠘ꠆ꠗꠥ
ꠍꠦꠠꠦ ꠎꠣꠁꠛꠣꠄ ꠎꠖꠤ ॥
ꠚꠣꠠꠣ-ꠚꠠꠡꠤ ꠛꠣꠖꠤ ꠀꠝꠣꠞ, ꠛꠣꠖꠤ ꠈꠣꠟ ꠘꠘꠖꠤ
ꠝꠞꠝ ꠎꠣꠟꠣ ꠡꠁꠔꠦ ꠘꠣꠞꠤ ꠖꠤꠛꠣꠘꠤꠡꠤ ꠈꠣꠘ꠆ꠖꠤ ꠞꠦ ꠛꠘ꠆ꠗꠥ
ꠍꠦꠠꠦ ꠎꠣꠁꠛꠣꠄ ꠎꠖꠤ ॥
ꠈꠣꠞꠦ ꠇꠤ ꠛꠟꠤꠛ ꠀꠝꠤ ꠘꠤꠎꠦꠁ ꠅꠚꠞꠣꠗꠤ
ꠇꠦꠖꠦ ꠇꠦꠖꠦ ꠍꠥꠇꠦꠞ ꠎꠟꠦ ꠛꠢꠣꠁꠟꠣꠝ ꠘꠖꠤ ꠞꠦ ꠛꠘ꠆ꠗꠥ
ꠍꠦꠠꠦ ꠎꠣꠁꠛꠣꠄ ꠎꠖꠤ ॥
ꠚꠣꠉꠟ ꠀꠛꠖꠥꠟ ꠇꠞꠤꠝ ꠛꠟꠦ ꠢꠟ ꠄ ꠇꠤ ꠛꠦꠗꠤ?
ꠔꠥꠝꠤ ꠛꠤꠘꠦ ꠄ ꠜꠥꠛꠘꠦ ꠈꠦ ꠀꠍꠦ ꠅꠃꠡꠗꠤ ꠞꠦ ꠛꠘ꠆ꠗꠥ
ꠍꠦꠠꠦ ꠎꠣꠁꠛꠣꠄ ꠎꠖꠤ ॥