ꠚꠔꠤꠚꠤꠞꠣ ꠛꠣꠋꠟꠣꠖꠦꠡꠞ ꠀꠇꠣꠡ ꠡꠤꠝꠣꠞ ꠙꠦꠞꠣꠄ 100 ꠇꠥꠐꠤ ꠒꠟꠣꠞꠞ ꠃꠚꠞꠦ ꠟꠣꠜ ꠘꠦꠞꠉꠤ ꠄꠘ꠆ꠒꠤꠀꠄ

Related Articles

ꠀꠉꠥꠘ ꠘꠤꠜꠣꠘꠤꠔ ꠀꠘꠣ-ꠐꠥꠟꠦ ꠄꠇ꠆ꠍꠙ꠆ꠞꠦꠍꠃꠄꠔ ꠃꠑ꠆ꠔ ꠚꠣꠞꠍꠦ ꠘꠣ ꠚꠣꠄꠀꠞ ꠍꠣꠞ꠆ꠜꠤꠍ

1 week ago

ꠀꠝꠞꠤꠇꠣꠔ ꠝꠌ꠆ꠌꠤꠖꠞ ꠛꠣꠞꠦ ꠉꠥꠟꠣꠉꠥꠟꠤ, ꠎꠈꠝ ৩

2 weeks ago

ꠍꠤꠟꠐ ꠡꠣꠢꠤ ꠁꠖꠉꠣꠔ ꠚꠛꠤꠔ꠆ꠞ ꠁꠖꠥꠟ ꠚꠤꠔꠞꠞ ꠝꠥꠟ ꠎꠝꠣꠔ ꠚꠞꠣ ꠅꠄ

2 weeks ago

ꠀꠘ꠆ꠔꠞ꠆ꠎꠣꠔꠤꠇ ꠘꠤꠅꠝ ꠀꠘꠝꠣꠘ ꠎꠦꠍꠣ ꠖꠦꠡꠞ ꠀꠡꠝꠣꠘ ꠛꠣꠄ ꠀꠞ ꠖꠦꠡꠞ ꠛꠣꠘꠤꠎ꠆ꠎꠤꠇ ꠛꠤꠝꠣꠘ ꠛꠦꠛꠀꠞ ꠈꠞꠟꠦ ꠅꠘ꠆ꠔꠔ ꠚꠣꠍ ꠡ ꠒꠟꠣꠞ ꠖꠤꠔ ꠅꠄ ꠢꠃ ꠖꠦꠡꠞꠦ ⁕

ꠖꠇꠘꠞ ꠄꠡꠤꠀꠞ ꠄꠈꠝꠣꠔ꠆ꠞ ꠛꠣꠋꠟꠣꠖꠦꠡꠞ ꠀꠇꠣꠡ ꠛꠦꠛꠀꠞ ꠈꠞꠟꠦꠅ ꠅꠘ꠆ꠔꠔ 9☽ ꠡꠔꠣꠋꠡ ꠛꠣꠘꠤꠎ꠆ꠎꠤꠇ ꠛꠤꠝꠣꠘꠞꠦ ꠛꠣꠋꠟꠣꠖꠦꠡꠞꠦ ꠇꠥꠘꠥ ꠒꠟꠣꠞ ꠖꠦꠃꠀ ꠟꠣꠉꠦ ꠘꠣ ⁕ ꠛꠣꠋꠟꠣꠖꠦꠡꠞ ꠀꠇꠣꠡ ꠛꠦꠛꠀꠞ ꠈꠞꠟꠦꠅ ꠇꠤꠘ꠆ꠔꠥ ꠌꠣꠞ꠆ꠎ ꠚꠣꠄ ꠄꠘ꠆ꠒꠤꠀꠄ ⁕ ꠄꠘ꠆ꠒꠤꠀꠞ ꠞꠣꠒꠣꠞ ꠔꠘꠦ ꠍꠤꠉꠘꠣꠟ ꠞꠦꠎꠤꠡ꠆ꠐ꠆ꠞꠣꠞ ꠈꠞꠣ ꠅꠄ ꠉꠔꠤꠇꠦ ꠁꠔꠣ ꠛꠤꠝꠣꠘꠦ ꠛꠣꠋꠟꠣꠖꠦꠡꠞ ꠀꠇꠣꠡ ꠡꠤꠝꠣ ꠛꠦꠛꠀꠞꠞ ꠡꠈꠟ ꠐꠦꠈꠣ ꠄꠘ꠆ꠒꠤꠀꠄ ꠘꠦꠄꠉꠤ ⁕

ꠝꠥꠟ ꠈꠣꠞꠘ ꠅꠁꠟ ꠉꠤ ꠎꠤꠀꠃꠞ ꠞꠢꠝꠣꠘꠞ ꠀꠝꠟ 1980 ꠡꠣꠟ ꠢꠎꠞꠔ ꠡꠣꠢ ꠎꠣꠟꠣꠟ ꠛꠤꠝꠣꠘ ꠛꠘ꠆ꠖꠞ (ꠢꠤꠡꠝꠄꠇꠥꠞ ꠎꠤꠀ ꠁꠘ꠆ꠐꠣꠞꠘꠦꠡꠘꠣꠟ ꠁꠀꠞꠙꠥꠐ) ꠇꠥꠟꠟꠦ ꠄꠉꠥ ꠞꠣꠒꠣꠞ ꠛꠃꠀꠘꠤ ꠅꠁꠍꠤꠟ ꠀꠞ ꠇꠝꠤꠡꠘ ꠈꠞꠣ ꠅꠁꠍꠤꠟ ⁕ ꠅꠃ ꠄꠈ ꠝꠣꠔ꠆ꠞ ꠞꠣꠒꠣꠞꠉꠥ ꠖꠤꠀ ꠃ ꠒꠤꠎꠤꠐꠣꠟ ꠛꠣꠋꠟꠣꠖꠦꠡꠞ ꠀꠡꠝꠣꠘ ꠚꠣꠞꠣ ꠖꠦꠅꠀ ꠅꠄ ⁕ bb ꠚꠤꠞꠣꠞ ꠚꠥꠞꠣꠘꠣ ꠞꠣꠒꠣꠞ ꠎꠦꠉꠥ ꠛꠃꠔ ꠚꠤꠞꠣ ꠀꠉꠦꠃ ꠛꠦꠈꠣꠝꠣ ꠅꠁ ꠉꠦꠍꠦ ⁕ ꠅꠈꠘꠤꠝꠣ ꠛꠣꠞꠛꠣꠞ ꠛꠣꠃꠇ ꠈꠞꠤꠀ ꠚꠣꠞ꠆ꠍ꠆ꠐ ꠎꠦꠘꠣꠞꠦꠡꠘꠞ ꠁ ꠞꠣꠒꠣꠞ ꠛꠦꠛꠀꠞ ꠈꠞꠣ ꠅꠄ ⁕ ꠅꠔ ꠚꠥꠞꠣꠘꠣ ꠞꠣꠒꠣꠞ ꠖꠇ꠆ꠘꠞ ꠄꠡꠤꠀꠔ ꠈꠣꠟꠤ ꠛꠣꠋꠟꠣꠖꠦꠡꠃ ꠛꠦꠛꠀꠞ ꠈꠞꠣ ꠅꠄ ⁕ ꠎꠦꠈꠐꠣꠞ ꠈꠣꠝꠞꠉꠔꠤ ꠁꠘ꠆ꠐꠣꠞꠘꠦꠡꠘꠣꠟ ꠝꠣꠘꠖꠘ꠆ꠒꠄ ꠚꠍꠘꠞ ꠝꠥꠇꠅ ꠛꠃꠔ ꠖꠤꠘ ꠔꠘꠦ ⁕

ꠓꠋꠉꠞ ꠝꠣꠔ ꠅꠁꠟ, ꠀꠎꠣꠞ ꠀꠎꠣꠞ ꠇꠥꠐꠤ ꠐꠦꠈꠣ ꠈꠞꠍꠣꠁꠀ Γ01V ꠡꠣꠟ ꠍꠤꠐꠣꠉꠣꠋꠉꠞ ꠟꠣꠉꠤꠘ ꠘꠄꠀ ꠄꠉꠥ ꠍꠃꠔꠣ ꠍꠤꠞꠤꠞ (ꠚꠃꠞ꠆ꠕ ꠎꠦꠘꠣꠞꠦꠡꠘꠞ) ꠞꠣꠒꠣꠞ ꠈꠞꠤꠖ ꠈꠞꠣ ꠅꠁꠍꠤꠟ⁕ ꠅꠃ ꠞꠣꠒꠣꠞ ꠅꠉꠥ Γ01V ꠡꠣꠟ ꠚꠤꠐ ꠈꠞꠣ ꠅꠁꠟꠦꠅ ꠅꠈꠘꠤꠝꠣ ꠍꠣꠟꠥ ꠈꠞꠤꠀ ꠇꠝꠤꠡꠘ ꠈꠞꠣ ꠡꠝ꠆ꠜꠛ ꠀꠞ ꠅꠁꠍꠦ ꠘꠣ ⁕ ꠄꠘ꠆ꠒꠤꠀꠞ ꠈꠣꠞꠘꠦꠃ ꠁ ꠞꠣꠒꠣꠞ ꠍꠣꠟꠥ ꠈꠞꠣ ꠎꠣꠁꠞ ꠘꠣ ⁕ ꠞꠣꠒꠣꠞ ꠁꠉꠥ ꠛꠥꠀꠘꠤꠞ ꠛꠣꠟꠣ ꠃ ꠄꠘ꠆ꠒꠤꠀꠄ ꠀꠚꠔ꠆ꠔꠤ ꠈꠞꠍꠤꠟ ⁕ ꠅꠕꠍ ꠄꠘ꠆ꠒꠤꠀꠄ ꠔꠣꠞꠣꠞ ꠞꠣꠒꠣꠞ ꠛꠦꠛꠀꠞ ꠈꠞꠤꠀ ꠛꠣꠋꠟꠣꠖꠦꠡꠞ ꠀꠇꠣꠡ ꠡꠤꠝꠣꠞ ꠜꠣꠞꠣ ꠘꠦꠞ ꠉꠤꠀ ꠀꠘ꠆ꠔꠞ꠆ꠎꠣꠔꠤꠇ ꠛꠤꠝꠣꠘ ꠉꠥꠁꠐꠣꠁꠘ꠆ꠔ ꠔꠘꠦ, ꠎꠣꠞ ꠛꠍꠞꠤ ꠀꠄꠅꠞ ꠚꠞꠤꠝꠣꠘ ꠙꠦꠞꠣꠄ 100 ꠇꠥꠐꠤ ꠒꠟꠣꠞꠞ ꠃꠚꠞꠦ ⁕

ꠈꠣꠟꠤ ꠄꠘ꠆ꠒꠤꠀꠞꠦ ꠃ ꠞꠥꠎ ꠉꠠꠦ ꠄꠈꠡꠞ ꠛꠦꠡꠤ ꠛꠤꠝꠣꠘ ꠛꠣꠋꠟꠣꠖꠦꠡꠞ ꠀꠡꠝꠣꠘ ꠡꠤꠝꠣ ꠛꠦꠛꠀꠞ ꠈꠞꠤꠀ ꠛꠤꠜꠤꠘ꠆ꠘ ꠚꠖꠦꠡ ꠎꠣꠃꠀ ꠀꠃꠀ ꠈꠞꠣ ꠟꠣꠉꠦ ⁕ ꠅꠕꠍ ꠍꠄ ꠚꠤꠞꠣ ꠔꠘꠦ ꠍꠤꠐꠣꠉꠣꠋꠉꠞ ꠞꠣꠒꠣꠞꠉꠥꠄ ꠚꠞꠤ ꠕꠣꠁꠇ꠆ꠇꠣ ꠝꠦꠀꠖ ꠀꠞꠣꠞ ꠖꠤꠘꠖꠤꠘ ⁕

Γ01V ꠡꠣꠟꠞ ꠝꠣꠞ꠆ꠌ ꠝꠣꠡ ꠍꠤꠐꠣꠉꠣꠋꠉꠞ ꠞꠣꠒꠣꠞ ꠅꠉꠥ ꠇꠝꠤꠡꠘ ꠅꠁꠛꠣꠞ ꠄꠟꠣꠘ ꠈꠞꠍꠤꠟ ꠍꠤꠜꠤꠟ ꠄꠜꠤꠄꠡꠘ ꠎꠤꠝ꠆ꠝꠣꠖꠣꠞꠈꠟꠦ, ꠎꠦꠈꠣꠘꠅ ꠙ꠆ꠞꠎꠦꠇ꠆ꠐꠞ ꠈꠞꠍꠣ ꠅꠁꠍꠤꠟ Γ00 ꠇꠥꠐꠤ ꠐꠦꠈꠣ ⁕ ꠈꠈꠖꠤꠘ ꠀꠉꠦ ꠃ ꠀꠞꠛꠣꠞ ꠈꠃꠀ ꠅꠄ ꠎꠦ ꠀꠉꠣꠝꠤ ꠝꠦ ꠝꠣꠡ ꠛꠥꠟꠦ ꠇꠝꠤꠡꠘ ꠅꠁꠛ, ꠅꠛꠂꠡ꠆ꠡ ꠞꠣꠒꠣꠞꠉꠥ ꠛꠁꠀ ꠕꠣꠁꠇ꠆ꠇꠣ ꠃ ꠙ꠆ꠞꠎꠦꠇ꠆ꠐꠞ ꠈꠞꠍꠣꠄ ꠄꠞ ꠝꠣꠎꠦ V৩0 ꠇꠥꠐꠤ ꠐꠦꠈꠣ ꠍꠣꠠꠣꠁꠀ ꠉꠦꠍꠦ ⁕ ꠅꠘꠦ ꠝꠦ ꠝꠣꠡ ꠃ ꠅꠁꠛ ꠘꠤ ꠘꠣ ꠖꠦꠈꠣꠞ ꠛꠤꠡꠄ ⁕ ꠎꠦꠉꠔꠤꠇꠦ ꠛꠣꠋꠟꠣꠖꠦꠡꠤꠘ꠆ꠔꠦ ꠈꠈꠖꠤꠘ ꠔꠘꠦ ꠅꠘꠟꠣꠁꠘꠅ ꠀꠝ꠆ꠙꠣꠛꠟꠤꠈꠞ ꠐꠦꠈꠣꠄ ꠛꠦꠁꠘꠍꠣꠚꠤ ꠈꠣꠝ ꠅꠈꠣꠘ ꠟꠁꠀ ꠘꠣꠘꠣꠘ ꠝꠣꠔꠣꠝꠣꠔꠤ ꠈꠞꠞꠣ ⁕ ꠝꠣꠘꠥꠡꠈꠟꠞ ꠘꠣꠘꠣꠘ ꠙꠥꠡ꠆ꠑ ꠔꠘꠦ ꠈꠛꠞ ꠝꠤꠟꠦ ꠎꠦ—

ꠍꠤꠐꠣꠉꠣꠋꠉꠞ ꠞꠣꠒꠣꠞꠉꠥ ꠍꠣꠟꠥ ꠅꠁꠟ꠆ꠟꠦ ꠄꠘ꠆ꠒꠤꠀꠞ ꠀꠄꠞꠥꠎꠉꠣꠞꠅ ꠐꠣꠘ ꠚꠞꠛ ꠁꠇꠐꠣ ꠀꠉꠦ ꠍꠤꠘ꠆ꠔꠣ ꠈꠞꠟꠦ ꠅꠘ꠆ꠔꠔ ꠍꠄ ꠚꠤꠞꠣ ꠀꠉꠦ ꠅꠔ ꠐꠦꠈꠣ ꠖꠣꠝ ꠖꠤꠀ ꠞꠣꠒꠣꠞꠉꠥ ꠇꠤꠘꠣꠞ ꠖꠞꠈꠣꠞ ꠃ ꠀꠍꠤꠟ ꠘꠣ ⁕ ꠄꠘ꠆ꠒꠤꠀ ꠝꠘ ꠈꠣꠞꠣꠚ ꠈꠞꠛ ꠇꠤ ꠄꠘ꠆ꠒꠤꠀꠞ ꠍꠥꠁ ꠢꠝꠣꠘ ꠡꠣꠞ꠆ꠕꠔ ꠟꠣꠉꠤ ꠎꠣꠁꠛ ꠁꠟꠣꠘ ꠈꠣꠝ ꠔ ꠀꠞ ꠀꠝꠞꠣꠞ ꠚꠇ꠆ꠇꠦ ꠡꠝ꠆ꠜꠛ ꠘꠣꠄ ⁕ ꠖꠦꠡ ꠎꠦꠍꠣ ꠛꠣꠄ ꠎꠣꠃꠇ, ꠛꠣꠘ꠆ꠖꠦ ꠝꠣꠔꠣꠞꠣꠝ ꠃ ꠅꠘꠇꠦꠞ ꠀꠡꠟ ꠌꠦꠔꠘꠣ ꠛꠣꠋꠟꠣꠖꠦꠡꠞ ⁕