শুরমা ফারর খবর ছিলটি জবানে ছিলটর খবর
Related Articles
ꠝꠣꠔꠣꠞ ꠅꠖꠤꠉꠣꠞ ꠛꠥꠏꠣꠞ ꠀꠞ ꠞꠇ꠆ꠇꠣꠞ ꠖꠣꠄ ꠎꠤꠍꠤꠄꠟꠀꠞ ꠅꠞ ꠛꠄꠀꠘ ꠒ. ꠎꠦꠞꠣꠟ꠆ꠒ ꠞꠧꠡ ꠍꠣꠞꠦ ꠎꠥꠉ ꠈꠞꠍꠂꠘ। ꠀꠝꠞꠣ ꠔꠣꠘ ꠡꠝ꠆ꠝꠣꠘꠦ ꠔꠟꠦ ꠟꠦꠈꠣꠈꠣꠘ꠆ꠔꠣ ꠎꠥꠠꠤꠀ ꠖꠤꠟꠣꠝ। ꠔꠟꠞ ꠟꠤꠋꠇ ꠔꠘꠦ ꠀꠚꠘꠦ ꠀꠞꠎꠣꠔꠤ ꠝꠣꠔꠦꠅ ꠚꠠꠔꠣ ꠚꠣꠞꠛꠣ।
ꠀꠚꠘꠦ ꠎꠦꠘꠧꠝꠘꠦꠟꠄ ꠅꠘꠅ⁕ ꠀꠚꠘꠣꠞ ꠎꠛꠣꠘꠦ ꠝꠣꠔꠔꠣ ꠍꠣꠁꠘ ꠅꠟꠣꠈꠣꠘ ꠝꠣꠔꠔꠣ ꠚꠣꠞꠁꠘ⁕
ꠀꠚꠘꠦ ꠇꠤꠔꠣ ꠀꠚꠘꠣꠞ ꠁꠍꠇꠥꠟ ꠝꠥꠖꠞꠍꠣꠔ ꠀꠚꠘꠣꠞ ꠎꠛꠣꠘꠦ ꠝꠣꠔꠈꠕꠣ ꠍꠣꠟꠣꠁꠔꠣ ꠚꠣꠞꠁꠘ꠆ꠘꠤ⁕ ꠀꠚꠘꠦ ꠇꠤꠔꠣ ꠀꠡꠚꠣꠔꠣꠟ ꠅ ꠒꠣꠈꠔꠞ ꠅꠈꠟꠞ ꠟꠉꠦ ꠀꠚꠘꠣꠞ ꠎꠛꠣꠘ ꠛꠦꠛꠀꠞ ꠈꠞꠔꠣ ꠚꠣꠞꠁꠘ꠆ꠘꠤ⁕ ꠀꠚꠘꠦ ꠇꠤꠔꠣ ꠀꠚꠘꠣꠞ ꠎꠛꠣꠘꠦ ꠡꠞꠈꠣꠞꠞ ꠟꠉꠦ ꠎꠥꠉꠣꠎꠥꠉ ꠈꠞꠔꠣ ꠚꠣꠞꠁꠘ꠆ꠘꠤ⁕ ꠀꠚꠘꠦ ꠇꠤꠔꠣ ꠈꠣꠝꠈꠣꠎꠞ ꠛꠦꠟꠣꠄ ꠀꠚꠘꠣꠞ ꠎꠛꠣꠘ ꠍꠣꠟꠣꠁꠔꠣ ꠚꠣꠞꠁꠘ꠆ꠘꠤ⁕ ꠀꠚꠘꠦ ꠎꠖꠤꠘ ꠁꠔꠣ ꠢꠈꠟꠔꠣ ꠈꠞꠔꠣ ꠚꠣꠞꠁꠘ ꠔꠣꠁꠟꠦ ꠀꠚꠘꠣꠞ ꠎꠛꠣꠘꠞ ꠅꠖꠤꠉꠣꠞ ꠀꠍꠦ⁕ ꠎꠖꠤꠘ ꠘꠣ ꠚꠣꠞꠁꠘ ꠔꠣꠁꠟꠦ ꠝꠘꠧꠈꠞꠛꠣ ꠀꠚꠘꠣꠞ ꠎꠛꠣꠘ ꠎꠦꠍꠣꠄ ꠈꠣꠠꠤꠀ ꠘꠤꠍꠦꠉꠤ⁕
ꠀꠚꠘꠦ ꠇꠤꠔꠣ ꠐꠤꠜꠤ⁕ ꠞꠦꠒꠤꠅ, ꠇꠤꠔꠣꠛ,ꠈꠛꠞꠞ ꠈꠣꠉꠎ ꠅ ꠁꠘ꠆ꠐꠣꠞꠘꠦꠐꠧ ꠀꠚꠘꠣꠞ ꠎꠛꠣꠘ ꠢꠥꠘꠔꠣ ꠅ ꠖꠦꠈꠔꠣ ꠚꠣꠁꠘ꠆ꠘꠤ⁕ ꠀꠚꠘꠦ ꠇꠤꠔꠣ ꠀꠚꠘꠣꠞ ꠚꠍꠘꠚꠣꠇꠤꠞ ꠀꠚꠘꠣꠞ ꠎꠛꠣꠘ ꠀꠉꠟꠣ ꠚꠤꠠꠤꠞ ꠟꠣꠉꠤ ꠞꠣꠇꠤꠀ ꠎꠣꠁꠔꠣ ꠚꠣꠞꠞꠣꠘꠤ⁕ ꠀꠚꠘꠦ ꠎꠖꠤꠘ ꠁꠔꠣ ꠢꠈꠟꠔꠣ ꠈꠞꠔꠣ ꠚꠣꠞꠁꠘ ꠔꠣꠁꠟꠦ ꠀꠚꠘꠣꠞ ꠎꠛꠣꠘꠞ ꠅꠖꠤꠉꠣꠞ ꠀꠍꠦ⁕ ꠎꠖꠤꠘ ꠘꠣ ꠚꠣꠞꠁꠘ ꠔꠣꠁꠟꠦ ꠝꠘꠧꠈꠞꠛꠣ ꠀꠚꠘꠣꠞ ꠎꠛꠣꠘ ꠎꠦꠍꠣꠄ ꠈꠣꠠꠤꠀ ꠘꠤꠍꠦꠉꠤ⁕
ꠅꠁꠘ꠆ꠘ ꠎꠦꠍꠣꠄ ꠀꠚꠘꠣꠞ ꠟꠉꠦ ꠇꠤꠔꠣ ꠛꠦꠛꠀꠞ ꠈꠞꠛꠧ ꠁꠔꠣ ꠟꠁꠀ ꠘꠣ ꠚꠤꠇꠤꠞ ꠈꠞꠤꠀ ꠀꠚꠘꠦ ꠎꠦꠛꠟꠣ ꠀꠚꠘꠣꠞ ꠎꠛꠣꠘ ꠍꠣꠟꠣꠁꠔꠣ ꠚꠣꠞꠁꠘ ꠔꠦ ꠝꠘꠧꠈꠞꠛꠣ ꠀꠚꠘꠣꠞ ꠎꠛꠣꠘꠞ ꠅꠖꠤꠉꠣꠞ ꠀꠍꠦ⁕ ꠀꠚꠘꠦ ꠎꠦꠟꠣꠘ ꠝꠣꠔꠁꠘ ꠖꠍꠔꠧꠉꠔ ꠈꠞꠁꠘ ꠛꠣ ꠟꠦꠈꠁꠘ ꠁꠔꠣꠞ ꠛꠦꠀꠚꠣꠞꠦ ꠎꠖꠤꠘ ꠈꠦꠃ ꠀꠚꠘꠣꠞꠦ ꠡꠞꠝ ꠛꠣ ꠢꠣꠝꠟꠣ ꠈꠞꠦꠘꠣ,ꠎꠖꠤꠘ ꠀꠚꠘꠦ ꠛꠣ ꠀꠚꠘꠣꠞ ꠎꠛꠣꠘ ꠅꠁꠘ꠆ꠘ ꠎꠛꠣꠘ ꠔꠘꠦ ꠛꠣꠖ ꠈꠦꠃ ꠘꠣ ꠈꠄ⁕ ꠔꠣꠁꠟꠦ ꠀꠚꠘꠣꠞ ꠎꠛꠣꠘꠞ ꠅꠖꠤꠉꠣꠞ ꠀꠍꠦ⁕ ꠀꠞ ꠎꠖꠤꠘ ꠀꠚꠘꠣꠞ ꠟꠉꠦ ꠛꠣ ꠀꠚꠘꠣꠞ ꠎꠛꠣꠘꠞ ꠟꠣꠉꠦ ꠈꠦꠃ ꠛꠣꠖ ꠛꠦꠛꠀꠞ ꠈꠞꠦ ꠔꠦ ꠝꠘꠧ ꠈꠞꠛꠣ ꠀꠚꠘꠣꠞ ꠎꠛꠣꠘꠞ ꠅꠖꠤꠉꠣꠞ ꠈꠣꠠꠤꠀ ꠘꠤꠍꠦ⁕
ꠎꠥꠖꠤ ꠀꠚꠘꠦ ꠀꠞ ꠀꠚꠘꠣꠞ ꠎꠣꠔꠞ ꠀꠚꠘꠣꠞ ꠎꠛꠣꠘꠞ ꠛꠦꠚꠣꠞꠦ ꠞꠣꠄ ꠘꠤꠔꠣ ꠚꠣꠞꠁꠘ⁕ ꠔꠦ ꠀꠚꠘꠣꠞ ꠎꠛꠣꠘꠞ ꠢꠈ ꠀꠍꠦ⁕ ꠀꠚꠘꠦ ꠀꠚꠘꠣꠞ ꠎꠛꠣꠘ ꠇꠤꠔꠣ ꠘꠣꠝꠦ ꠒꠣꠈꠛꠣ ꠁꠇꠣꠘ ꠅꠞ ꠀꠚꠘꠦ ꠚꠄꠍꠣꠟꠣ ꠟꠁꠔꠣ ꠚꠣꠞꠁꠘ⁕ ꠈꠦꠃ ꠈꠁꠔꠣ ꠚꠣꠞꠔꠣꠘꠣ ꠀꠚꠘꠣꠞ ꠀꠍꠟ ꠎꠛꠣꠘ ꠘꠣꠁ⁕ ꠎꠥꠖꠤ ꠀꠚꠘꠣꠞ ꠎꠣꠔꠤ ꠅꠃ ꠚꠄꠍꠣꠟꠣ ꠘꠣ ꠟꠁꠔꠦ ꠚꠣꠞꠦ ꠔꠦ ꠀꠚꠘꠣꠞ ꠎꠛꠣꠘꠞ ꠢꠈ ꠈꠣꠠꠤꠀ ꠘꠦꠅꠀ ꠅꠁꠍꠦ⁕
ꠎꠥꠖꠤ ꠈꠦꠃ ꠀꠚꠘꠣꠞ ꠎꠛꠣꠘꠞ ꠢꠈ ꠈꠣꠠꠤꠀ ꠘꠦꠄ ꠀꠞ ꠀꠚꠘꠦ ꠁ ꠛꠦꠚꠣꠞꠦ ꠇꠥꠘ꠆ꠔꠣ ꠈꠞꠔꠦ ꠚꠣꠞꠁꠘ-ꠘꠣ ꠔꠦꠃ ꠀꠚꠘꠦ ꠀꠚꠘꠣꠞ ꠎꠛꠣꠘꠞ ꠢꠈ ꠐꠤꠇꠣꠁꠔꠣ ꠚꠣꠞꠁꠘ⁕ ꠀꠚꠘꠣꠞ ꠎꠛꠣꠘꠞ ꠢꠈ ꠈꠦ ꠀꠞ ꠈꠣꠞꠣ ꠈꠣꠠꠤꠀ ꠘꠤꠍꠁꠘ ꠁꠇꠣꠘ ꠀꠚꠘꠦ ꠔꠥꠇꠣꠁꠀ ꠛꠣꠞ-ꠈꠞꠔꠣ ꠅꠁꠛ ꠀꠞ ꠁ ꠛꠦꠀꠚꠣꠞꠦ ꠢꠈꠟꠞꠦ ꠎꠣꠘꠣꠁꠔꠣ ꠅꠁꠛ⁕ ꠀꠚꠘꠦ ꠀꠚꠘꠣꠞ ꠎꠛꠣꠘꠞ ꠛ꠆ꠎꠛꠢꠣꠞ ꠈꠞꠤ ꠝꠣꠘꠥꠡꠞ ꠟꠉꠦ ꠝꠣꠔꠤꠔꠣ ꠚꠣꠞꠁꠘ, ꠍꠠꠈ-ꠅ ꠚꠔꠤꠛꠣꠖ ꠈꠞꠔꠣ ꠚꠣꠞꠁꠘ⁕ ꠍꠡꠤꠀꠟ ꠝꠤꠒꠤꠀ ꠛꠦꠛꠀꠞ ꠈꠞꠔꠣ ꠚꠣꠞꠁꠘ⁕ ꠍꠤꠐꠤ ꠟꠦꠈꠔꠣ ꠚꠣꠞꠁꠘ⁕
ꠎꠛꠣꠘꠞ ꠢꠈ ꠐꠤꠇꠣꠁꠀ ꠞꠣꠈꠣ ꠈꠑꠤꠘ ꠅꠁꠔ ꠚꠣꠞꠦ⁕ ꠀꠛꠣꠞ ꠝꠣꠎꠦ-ꠝꠣꠎꠦ ꠛꠤꠚꠖ-ꠅ ꠀꠘꠔꠦ ꠚꠣꠞꠦ⁕ ꠇꠤꠘ꠆ꠔꠥ ꠁꠇꠐꠣ ꠅ ꠎꠞꠥꠞꠤ ꠎꠦ ,ꠡꠣꠞꠣ ꠖꠥꠘꠤꠀꠁꠞ ꠝꠣꠘꠥꠡ ꠔꠣꠞꠣꠞ ꠎꠛꠣꠘꠞ ꠢꠈ ꠐꠤꠇꠣꠘꠤꠞ ꠟꠣꠉꠤ ꠈꠣꠝ ꠈꠞꠤ ꠎꠣꠞ⁕ ꠀꠝꠞꠣ ꠎꠦ ꠎꠛꠣꠘ ꠛꠦꠛꠀꠞ ꠈꠞꠤ-ꠘꠣ ꠈꠦꠘꠦ ꠀꠝꠞꠣ ꠢꠈꠟꠦ ꠄꠈꠟꠉꠦ ꠈꠣꠝ ꠈꠞꠟꠦ ꠜꠃꠔ ꠜꠣꠟꠣ ꠅꠁꠛ⁕ ꠉꠥꠟꠛꠣꠟ ꠇꠀꠟꠤꠡꠘ ꠚꠞ ꠟꠦꠋꠉꠥꠄꠎ ꠞꠣꠁꠐ꠆ꠡ ꠢꠈꠟꠞ ꠎꠛꠣꠘꠞ ꠢꠈ ꠐꠤꠇꠣꠁꠛꠣꠞ ꠟꠣꠉꠤ ꠈꠣꠝ ꠈꠞꠦꠞ⁕
ꠀꠝꠞꠣꠞ ꠟꠉꠦ ꠡꠞꠤꠇ ꠅꠃꠇ꠆ꠇꠣ
