ꠚꠘ꠆ꠌ ꠈꠘ꠆ꠒ
ꠀꠛꠥ ꠍꠣꠁꠖ
ꠁꠔꠤꠀꠡꠞ ꠚꠘ꠆ꠌ ꠈꠘ꠆ꠒ ꠛꠣꠘꠖꠤꠟꠣ ꠈꠥꠖ
ꠔꠤꠞꠣꠡꠣ ꠘꠣ ꠝꠤꠐꠤꠟ ꠉꠤꠀꠘꠞ – ꠚꠣꠁꠟꠣ ꠛꠥꠖ।
ꠢꠣꠛꠤꠉꠥꠡꠐꠤ • ꠖꠦꠡꠈꠦꠡ ꠛꠣꠐꠤꠟꠣ ꠍꠤꠟꠐꠤ ꠘꠣꠉꠞꠤ
ꠡꠛꠞ ꠐꠣꠁꠘ ꠅꠁꠛ ꠏꠤꠔꠣ • ꠈꠟꠟꠣꠔ ꠞꠁꠛ ꠚꠣꠉꠠꠤ।
ꠛꠤꠡ ꠔꠘꠦ ꠄꠈ ꠈꠝ • ꠡꠣꠐꠤꠞ ꠖꠥꠁ ꠛꠟꠘ •
ꠖꠄꠀꠞ ꠀꠟ꠆ꠟꠣꠞ ꠖꠥꠘꠤꠀꠔ ꠈꠞꠤꠟꠣ ꠏꠘꠝ।
ꠒꠋ ꠔꠣꠝꠡꠣꠞ ꠁ ꠖꠥꠘꠤꠀ • ꠀꠟꠟꠣꠄ ꠖꠤꠟꠣ ꠛꠥꠏꠤ ꠢꠥꠘꠤꠀ।
ꠝꠥꠟꠁꠛꠣꠏꠣꠞ ꠃꠛꠣꠁ ꠀꠍꠦ ꠀꠟꠟꠣꠢꠥ ꠐꠣꠅꠀꠞ
ꠝꠤꠘꠣꠞꠣꠔ ꠔꠣꠘ ꠚꠣꠁꠍꠦ ꠍꠤꠚꠔꠤ ꠘꠣꠝ ꠈꠥꠖꠣꠞ
ꠘꠥꠞꠞ ꠞꠥꠡꠘꠤ ꠓꠦꠃ ꠈꠦꠟꠣꠄ ꠞꠣꠁꠔ ꠖꠤꠘ ꠟꠣꠉꠣꠔꠣꠞ।
ꠟꠘ꠆ꠒꠘ ꠁꠝꠣ ꠞꠣꠋꠉꠣꠁꠟꠣ ꠏꠦꠘ ꠁꠐꠣ ꠞꠣꠎ꠆ꠎꠞ ꠞꠣꠏꠘꠉꠞ
ꠢꠇꠞ ꠈꠣꠝ ꠈꠞꠤꠀ ꠉꠦꠟꠣ ꠖꠦꠡꠞ ꠝꠣꠐꠤꠔ ꠏꠛ꠆ꠛꠞ
ꠇꠃꠐ ꠔꠘꠦ ꠛꠤꠟꠣꠔ ꠁꠝꠣ ꠔꠁꠟꠣ ꠛꠣꠟꠣ ꠈꠣꠝꠞ ꠍꠣꠙ꠆ꠙꠞ।