Home / ꠖꠦꠡꠞ ꠈꠛꠞ / ꠝꠋꠟꠣ ꠅ ꠍꠤꠐꠣꠉꠣꠋ ꠛꠘ꠆ꠖꠞ ꠝꠥꠇꠣꠄ ꠝꠣꠟ ꠀꠘꠣꠘꠦꠃꠀꠔ ꠛꠣꠋꠟꠣꠖꠦꠡꠞꠦ ꠚꠔꠤ ꠐꠘꠅ ২২০ꠐꠦꠈꠣ ꠖꠤꠛ ꠜꠣꠞꠔꠦ

ꠝꠋꠟꠣ ꠅ ꠍꠤꠐꠣꠉꠣꠋ ꠛꠘ꠆ꠖꠞ ꠝꠥꠇꠣꠄ ꠝꠣꠟ ꠀꠘꠣꠘꠦꠃꠀꠔ ꠛꠣꠋꠟꠣꠖꠦꠡꠞꠦ ꠚꠔꠤ ꠐꠘꠅ ২২০ꠐꠦꠈꠣ ꠖꠤꠛ ꠜꠣꠞꠔꠦ

ꠛꠣꠋꠟꠣꠖꠦꠡꠞ ꠝꠋꠟꠣ ꠀꠞ ꠍꠤꠐꠣꠉꠣꠋ ꠛꠘ꠆ꠖꠞ ꠛꠦꠛꠀꠞ ꠈꠞꠤ ꠄꠘ꠆ꠒꠤꠀꠞ ꠃꠔ꠆ꠞ-ꠚꠥꠛꠞ ꠞꠣꠁꠎ꠆ꠎꠁꠘ꠆ꠔꠧ ꠞꠥꠎꠞꠥꠎ ꠝꠣꠟ ꠀꠘꠣꠘꠦꠃꠀ ꠡꠥꠞꠥꠞ ꠚꠕ ꠇꠥꠟꠤ ꠉꠦꠟ। ꠎꠣꠔꠤꠅ ꠞꠣꠎꠡ꠆ꠡ ꠛꠧꠞ꠆ꠒ (ꠄꠘꠛꠤꠀꠞ) ꠡꠝꠛꠣꠞ (২৪ ꠎꠣꠘꠥꠀꠞꠤ) ꠁ ꠛꠦꠚꠣꠞꠦ ꠄꠉꠥ ꠁꠍꠕꠣꠁ ꠀꠖꠦꠡ ꠎꠣꠞꠤ ꠈꠞꠍꠦ। ꠀꠖꠦꠡꠧ ꠁꠇꠣꠘꠞ ꠚꠇ꠆ꠞꠤꠀ ꠡꠝ꠆ꠙꠞ꠆ꠇꠦ ꠜꠣꠟꠣꠝꠔꠦ ꠈꠀ ꠅꠁꠍꠦ।

ꠝꠋꠟꠣ ꠀꠞ ꠍꠤꠐꠣꠉꠣꠋ ꠛꠘ꠆ꠖꠞ ꠛꠦꠛꠀꠞ ꠈꠞꠤ ꠄꠘ꠆ꠒꠤꠀꠞ ꠃꠔ꠆ꠞ-ꠚꠥꠛꠞ ꠞꠣꠁꠎ꠆ꠎꠔ ꠝꠣꠟ ꠀꠘꠣꠘꠦꠃꠀ ꠈꠞꠟꠦ ꠖꠦꠡꠐꠣꠞꠦ ꠚꠔꠤ ꠐꠘꠞ ꠖꠣꠄ ꠛꠣꠋꠟꠣꠖꠦꠡꠞꠦ ২২০ꠐꠦꠈꠣ ꠚꠤ (ꠐ꠆ꠞꠣꠘ꠆ꠍꠡꠤꠙꠝꠦꠘ꠆ꠐ ꠚꠤ, ꠘꠤꠞꠣꠚꠔ꠆ꠔꠣ ꠀꠞ ꠚꠡꠣꠡꠘꠤꠇ ꠌꠣꠞ꠆ꠎ) ꠖꠤꠔ ꠅꠁꠛꠧ। ꠄ ꠍꠣꠠꠣ ꠚꠔꠤ ꠌꠣꠟꠣꠘꠞ ꠟꠣꠉꠤ ৩০ꠐꠦꠈꠣ ꠒꠇꠥꠝꠦꠘ꠆ꠐ ꠙ꠆ꠞꠍꠦꠡꠤꠋ ꠚꠤ, ꠇꠘ꠆ꠐꠦꠁꠘꠣꠞ ꠁꠍꠇꠦꠘꠤꠋ ꠚꠤ ২৫৪ꠐꠦꠈꠣ ꠀꠞ ꠄꠍꠇꠞ꠆ꠐ ꠌꠣꠞ꠆ꠎ ৮৫ꠐꠦꠈꠣꠅ ꠖꠤꠔꠧ ꠅꠁꠛꠧ।

ꠄꠘꠛꠤꠀꠞꠦ ꠄꠈ ꠘꠥꠐꠤꠡꠧ ꠎꠣꠘꠣꠁꠍꠦ, ꠍꠥꠇ꠆ꠔꠤ ꠅꠘꠥꠎꠣꠁ ꠘꠤꠞ꠆ꠖꠤꠡ꠆ꠐ ꠞꠥꠐꠞ ꠛꠣꠞꠣ ꠀꠞꠔꠣꠔ ꠐ꠆ꠞꠣꠘꠎꠤꠐ ꠍꠟꠣꠈꠣꠟꠤꠘ ꠝꠣꠟ ꠀꠘꠣꠘꠦꠃꠀ ꠎꠣꠁꠔꠧ ꠘꠣꠄ।

ꠄꠘꠛꠤꠀꠞ ꠄꠘ꠆ꠒꠤꠀ ꠔꠘꠦ ꠝꠣꠟ ꠀꠘꠣꠘꠦꠃꠀꠞ ꠟꠣꠉꠤꠘ ꠝꠋꠟꠣ ꠀꠞ ꠍꠤꠐꠣꠉꠣꠋ ꠛꠘ꠆ꠖꠞ ꠛꠦꠛꠀꠞꠞ ꠍꠥꠇ꠆ꠔꠤꠞ ꠅꠗꠤꠘꠦ ꠜꠣꠞꠔꠤꠅ ꠚꠘ꠆ꠘꠞ ꠐ꠆ꠞꠣꠘꠎꠤꠐ-ꠐ꠆ꠞꠣꠘ꠆ꠍꠡꠤꠙꠝꠦꠘ꠆ꠐ ꠛꠤꠡꠄ ꠄꠈꠣꠘ ꠁꠍꠕꠣꠁ ꠀꠖꠦꠡ ꠎꠣꠞꠤ ꠈꠞꠍꠦ। ꠁꠍꠐ꠆ꠎꠣꠘ꠆ꠒꠣꠞ꠆ꠒ ꠅꠙꠣꠞꠦꠐꠤꠋ ꠙ꠆ꠞꠍꠤꠒꠤꠃꠞꠞ (ꠄꠍꠅꠙꠤ) ꠎꠞꠤꠀꠄ ꠐ꠆ꠞꠣꠘꠎꠤꠐ ꠚꠤ-ꠞꠥꠐ ꠘꠤꠞ꠆ꠗꠣꠞꠘ ꠈꠞꠣ ꠅꠁꠍꠦ।

২০২০ ꠡꠣꠟꠞ ꠎꠥꠟꠣꠁ ꠝꠣꠡꠞ ꠍꠥꠇ꠆ꠔꠤꠞ ꠅꠗꠤꠘꠧ ꠚꠄꠟꠣ ꠐ꠆ꠞꠣꠄꠀꠟꠧ ꠇꠟꠇꠣꠔꠣꠞ ꠢꠟꠖꠤꠀ ꠛꠘ꠆ꠖꠞ ꠔꠘꠦ ꠍꠤꠐꠣꠉꠣꠋ ꠡꠝꠥꠖ꠆ꠞꠛꠘ꠆ꠖꠞꠧ ꠟꠥꠀꠞ ꠞꠒ ꠀꠞ ꠒꠣꠁꠟ ꠛꠥꠏꠣꠁ ꠍꠣꠁꠞꠈꠣꠘ ꠇꠘ꠆ꠐꠦꠁꠘꠣꠞꠧ ꠚꠣꠑꠣꠘꠤ ꠅꠁꠍꠤꠟ।

ꠄꠘ꠆ꠒꠤꠀ-ꠛꠣꠋꠟꠣꠖꠦꠡ ꠙ꠆ꠞꠐꠇꠟ ꠞꠥꠐꠧꠞ ꠝꠣꠁꠖ꠆ꠖꠝꠦ ꠍꠤꠐꠣꠉꠣꠋ ꠀꠞ ꠝꠋꠟꠣ ꠛꠘ꠆ꠖꠞꠞꠦ ꠃꠔ꠆ꠞ-ꠚꠥꠛꠞ ꠞꠣꠁꠎ꠆ꠎꠉꠥꠘ꠆ꠔꠞ ꠟꠉꠦ ꠡꠋꠎꠥꠉ ꠈꠞꠣꠞ ꠖꠣꠄ ꠍꠃꠐꠣ ꠀꠞ ꠍꠥꠠꠣꠘ꠆ꠔ ꠐ꠆ꠞꠣꠄꠀꠟ ꠞꠣꠘ ২০২২ ꠡꠣꠟꠞ ৭ ꠘꠜꠦꠝ꠆ꠛꠞ ꠡꠦꠡ ꠅꠄ।

ꠛꠣꠋꠟꠣꠖꠦꠡꠞ ꠘꠃ-ꠚꠞꠤꠛꠢꠘ ꠚꠔꠤꠝꠘ꠆ꠔ꠆ꠞꠤ ꠈꠣꠟꠤꠖ ꠝꠣꠢꠝꠥꠖ ꠌꠃꠗꠥꠞꠤ ꠁꠀꠖ꠆ꠞꠣ ꠡꠣꠋꠛꠣꠖꠤꠇꠞꠦ ꠈꠁꠘ, ꠜꠣꠞꠔ ꠍꠤꠋꠉꠣꠚꠥꠞ ꠀꠞ ꠇꠟꠝ꠆ꠛꠧ ꠛꠘ꠆ꠖꠞꠞ ꠛꠤꠇꠟ꠆ꠚ ꠢꠤꠡꠣꠛꠦ ꠝꠋꠟꠣ ꠀꠞ ꠍꠤꠐꠣꠉꠣꠋ ꠛꠘ꠆ꠖꠞ ꠛꠦꠛꠀꠞ ꠈꠞꠔ ꠍꠣꠄ।

ꠟꠣꠉꠣ ꠖꠦꠡꠐꠣꠄ ꠘꠤꠅꠝꠤꠔ ꠐ꠆ꠞꠣꠘꠎꠤꠐꠞ ꠟꠣꠉꠤ ꠈꠣꠁꠡ ꠈꠞꠍꠦ ꠈꠣꠞꠘ ꠔꠣꠞꠣꠞ ꠉꠣꠠꠤꠉꠥꠞꠣꠞꠦ ꠇꠟꠤꠇꠣꠔꠣ ꠔꠘꠦ ꠉꠥꠀꠢꠣꠐꠤ ꠅꠁꠀ ꠀꠉꠞꠔꠟꠣ ꠚꠞ꠆ꠎꠘ꠆ꠔ ꠝꠣꠟ ꠀꠘꠣꠘꠦꠃꠀꠞ ꠟꠣꠉꠤ ১ꠀꠎꠣꠞ ৬৫০ꠇꠤꠟꠧꠝꠤꠐꠣꠞꠞ ꠛꠦꠡꠤ ꠚꠕ ꠚꠣꠠꠤ ꠖꠤꠔ ꠅꠄ।

5/5 - (3 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠣꠢꠚꠞꠣꠘ ꠛꠣꠁꠙꠣꠍ ꠔꠘꠦ ৩0 ꠟꠣꠈ ꠐꠦꠈꠣꠞ ꠄꠘ꠆ꠒꠤꠀꠘ ꠍꠤꠘꠤꠡꠢ ꠉ꠆ꠞꠦꠚ꠆ꠔꠣꠞ ৩

ꠍꠤꠟꠐ ꠁꠀꠖ꠆ꠞꠣ ꠈꠣꠘ꠆ꠖꠣꠁꠘ꠆ꠔꠣ ꠄꠘ꠆ꠒꠤꠀꠘ ꠍꠤꠘꠤ-ꠚꠤꠀꠁꠎ ꠅꠔꠣ ꠀꠐꠈ ꠅꠁꠔꠦꠅ ꠀꠍꠦ ⁕ ꠍꠤꠟꠐ ꠡꠢꠞꠔꠟꠤꠞ ꠡꠥꠞꠝꠣ ꠛꠣꠁꠙꠣꠍ ꠔꠘꠦ …