Home / ꠍꠤꠟꠐꠞ ꠡꠣꠁꠔ꠆ꠔ / ꠗꠣꠝꠣꠁꠟ: ꠀꠁꠟꠣꠞꠦ ꠘꠄꠀ ꠖꠣꠝꠣꠘ

ꠗꠣꠝꠣꠁꠟ: ꠀꠁꠟꠣꠞꠦ ꠘꠄꠀ ꠖꠣꠝꠣꠘ

ꠀꠁꠟꠣꠞꠦ ꠘꠄꠀ ꠖꠣꠝꠣꠘ (আইলারে নয়া দামান) ꠍꠤꠟꠐꠤ ꠝꠣꠔꠈꠕꠣꠄ ꠘꠣꠝꠈꠞꠣ ꠄꠈꠣꠘ ꠛꠤꠀꠞ ꠉꠤꠔ ꠅꠁꠟꠦꠅ ꠚꠦꠁꠍꠛꠥꠇ, ꠐꠤꠇꠐꠇ, ꠁꠃꠐꠤꠃꠛ ꠡꠁꠔꠦ ꠡꠣꠝꠣꠎꠤꠇ ꠎꠥꠉꠣꠎꠥꠉ ꠝꠣꠁꠖ꠆ꠖꠝꠧ ꠜꠣꠁꠞꠣꠟ ꠅꠄ⁕

https://bangladeshpost.net/posts/workshop-on-dhamail-dance-and-music-held-at-bsa-6679
@ꠛꠣꠋꠟꠣꠖꠦꠡ ꠙꠧꠍ꠆ꠐ

ꠀꠁꠟꠣꠞꠦ ꠘꠄꠀ ꠖꠣꠝꠣꠘ ꠀꠍꠝꠣꠘꠦꠞꠧ ꠔꠦꠞꠣ

ꠛꠤꠍꠣꠘꠣ ꠛꠤꠍꠣꠁꠀ ꠖꠤꠟꠣꠝ ꠡꠣꠁꠟ ꠗꠣꠘꠦꠞ ꠘꠦꠠꠣ

ꠖꠣꠝꠣꠘ ꠛꠃ ꠖꠣꠝꠣꠘ ꠛꠃ।।

ꠅ ꠖꠣꠝꠣꠘ ꠈꠅꠞꠦ ꠈꠔꠣ ꠈꠣꠅꠞꠦ ꠛꠣꠐꠣꠞ ꠚꠣꠘ

ꠎꠣꠁꠛꠣꠞ ꠈꠔꠣ ꠈꠅ ꠎꠖꠤ ꠈꠁꠐ꠆ꠐꠣ ꠞꠣꠈꠝꠥ ꠈꠣꠘ

ꠖꠣꠝꠣꠘ ꠛꠃ ꠖꠣꠝꠣꠘ ꠛꠃ।।

ꠀꠁꠟꠣꠞꠦ ꠖꠣꠝꠣꠘꠦꠞ ꠜꠣꠁ ꠢꠤꠎꠟꠦꠞꠧ ꠝꠥꠠꠣ

ꠑꠥꠘꠇꠤ ꠖꠤꠟꠦ ꠝꠣꠐꠤꠔ ꠚꠞꠁꠘ ꠡꠣꠁꠐ/ꠡꠔ꠆ꠔꠁꠞꠦꠞ ꠛꠥꠠꠣ

ꠖꠣꠝꠣꠘ ꠛꠃ ꠖꠣꠝꠣꠘ ꠛꠃ।।

ꠀꠁꠟꠣꠞꠦ ꠖꠣꠝꠣꠘꠦꠞ ꠛꠁꠘ ꠈꠁꠛꠣ ꠄꠇ꠆ꠇꠣꠘ ꠈꠔꠣ

ꠈꠁꠘꠣꠞ ꠜꠣꠁꠞ ꠍꠦ’ꠞꠣ ꠖꠦꠁꠇꠣ ꠢꠁꠀ ꠉꠦꠟꠣ ꠛꠥꠛꠣ

ꠖꠣꠝꠣꠘ ꠛꠃ ꠖꠣꠝꠣꠘ ꠛꠃ।।

ꠀꠁꠟꠣꠞꠦ ꠖꠣꠝꠣꠘꠦꠞ ꠜꠣꠁ, ꠛꠃ ꠖꠦꠈꠔꠦ ꠛꠐꠦꠞ ꠉꠣꠁꠟ

ꠃꠑꠔꠦ ꠛꠁꠔꠦ ꠍꠄ ꠝꠣꠡ ꠟꠣꠉꠦ ꠈꠞꠁꠘ ꠀꠁꠘ ꠍꠣꠁꠘ

ꠖꠣꠝꠣꠘ ꠛꠃ ꠖꠣꠝꠣꠘ ꠛꠃ।।

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠣꠢꠚꠞꠣꠘ ꠛꠣꠁꠙꠣꠍ ꠔꠘꠦ ৩0 ꠟꠣꠈ ꠐꠦꠈꠣꠞ ꠄꠘ꠆ꠒꠤꠀꠘ ꠍꠤꠘꠤꠡꠢ ꠉ꠆ꠞꠦꠚ꠆ꠔꠣꠞ ৩

ꠍꠤꠟꠐ ꠁꠀꠖ꠆ꠞꠣ ꠈꠣꠘ꠆ꠖꠣꠁꠘ꠆ꠔꠣ ꠄꠘ꠆ꠒꠤꠀꠘ ꠍꠤꠘꠤ-ꠚꠤꠀꠁꠎ ꠅꠔꠣ ꠀꠐꠈ ꠅꠁꠔꠦꠅ ꠀꠍꠦ ⁕ ꠍꠤꠟꠐ ꠡꠢꠞꠔꠟꠤꠞ ꠡꠥꠞꠝꠣ ꠛꠣꠁꠙꠣꠍ ꠔꠘꠦ …