ꠄꠉꠘꠣꠁ ꠈꠞꠣꠞꠦ ꠈꠦꠃ ꠈꠦꠃ ꠝꠎꠛꠥꠞꠤ ꠝꠘꠦ ꠈꠞꠦ [এ্যগনাই করারে কেউ কেউ মজবুরী মনে করে] ?!
__________________ꠞꠣꠎꠤꠘꠞ ꠛꠣꠚ [রাযীনর বাফ]
⏹️ ꠀꠐꠇꠤ ꠉꠦꠍꠁꠘ-
ꠈꠦꠃꠞꠞ ꠐꠣꠁꠘ ꠐꠦꠈꠣ-ꠚꠄꠡꠣ ꠍꠣꠁꠍꠁꠘ,
ꠟꠉꠦꠟꠉꠦ ꠀꠚꠘꠣꠞꠦ ꠐꠦꠈꠣ-ꠚꠄꠡꠣ ꠀꠘꠤꠀ ꠖꠤꠍꠦ, ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ, ꠔꠣꠞ ꠐꠣꠁꠘ ꠐꠦꠈꠣꠞ ꠉꠣꠁꠐ ꠀꠍꠦ। ꠅꠁꠔ ꠚꠣꠞꠦ ꠀꠚꠘꠣꠞ ꠛꠣꠄ ꠔꠣꠞ ꠄ ꠢꠣꠝꠣꠁꠉꠦꠍꠦ।
⏹️ ꠢꠥꠐꠦꠟꠅ ꠍꠣ-ꠚꠣꠘꠤ ꠈꠣꠁꠍꠁꠘ,
ꠈꠦꠃ ꠄꠈꠎꠘꠦ ꠀꠚꠘꠣꠞ ꠈꠣꠘꠤꠞꠅ ꠛꠤꠟ ꠖꠤꠟꠣꠁꠍꠦ, ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ, ꠔꠣꠞ ꠐꠣꠁꠘ ꠐꠦꠈꠣ-ꠚꠄꠡꠣꠄ ꠍꠣꠝꠣꠁ ꠅꠞ ꠘꠣ। ꠅꠁꠔ ꠚꠣꠞꠦ ꠀꠚꠘꠣꠞꠦ ꠔꠣꠞ ꠝꠣꠄꠀ ꠟꠣꠉꠦ ꠇꠤ’ꠛꠣ ꠀꠚꠘꠣꠞꠦ ꠁꠎ꠆ꠎꠔ ꠈꠞꠦ।
⏹️ ꠟꠇꠣꠟ ꠛꠣꠍ ꠛꠣ ꠐꠦꠝ꠆ꠙꠥ/ ꠚꠃꠞꠡ꠆ꠐꠇ/ ꠐꠝꠐꠝꠅ ꠃꠑꠍꠁꠘ। ꠍꠤꠘꠣ-ꠎꠣꠘꠣ ꠈꠦꠃ ꠄꠈꠎꠘꠦ ꠀꠚꠘꠣꠞ ꠉꠣꠠꠤ ꠜꠣꠠꠣ ꠖꠤꠟꠣꠁꠍꠦ, ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ ꠛꠦꠐꠣꠞ ꠝꠣꠘꠤ ꠛꠦꠉ ꠐꠦꠈꠣꠄ ꠜꠞ꠆ꠔꠤ। ꠐꠦꠈꠣ ꠈꠞꠍꠤꠛꠣꠞ ꠎꠣꠉꠣ ꠚꠣꠞ ꠘꠣ। ꠅꠁꠔ ꠚꠣꠞꠦ ꠀꠚꠘꠣꠞ ꠛꠦꠇꠥꠍꠤ ꠢꠣꠟ꠆ꠟꠔ ꠔꠣꠞ ꠎꠣꠘꠣ ꠀꠍꠦ, ꠅꠔꠣꠞꠖꠣꠄ ꠔꠥꠠꠣ ꠄꠉꠘꠣꠁ ꠈꠞꠦꠞ।
⏹️ ꠈꠦꠃ ꠀꠚꠘꠣꠞꠦ ꠘꠞꠝ ꠅꠁꠀ ꠍꠞꠤ ꠈꠁꠟꠤꠍꠦ, ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ, ꠢꠈꠟ ꠖꠥꠁꠡ ꠔꠣꠞ-ꠃ ꠅꠁꠍꠦ। ꠢꠄꠔ ꠁꠘ ꠇꠤꠍꠥ ꠖꠥꠁꠡ ꠀꠚꠘꠣꠞꠅ ꠕꠣꠈꠔꠦ ꠚꠣꠞꠦ। ꠁꠟꠣꠘꠅ ꠅꠁꠔꠦ ꠚꠣꠞꠦ, ꠔꠣꠞ ꠇꠥꠘꠥ ꠖꠥꠁꠡꠃ ꠀꠍꠤꠟ ꠘꠣ। ꠡꠥꠗꠥ ꠚꠦꠍꠣꠟ ꠕꠣꠇꠤ ꠛꠣꠍꠛꠣꠞ ꠟꠣꠉꠤ ꠍꠞꠤ ꠈꠁꠍꠦ।
⏹️ ꠈꠦꠃ ꠀꠚꠘꠣꠞ ꠢꠈꠟ ꠝꠣꠔ ꠝꠣꠘꠤꠟꠌꠦ, ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ ꠀꠚꠘꠣꠞ ꠢꠈꠟ ꠝꠣꠔ ꠝꠣꠘꠛꠣꠞ ꠝꠔ ꠛꠣ ꠎꠥꠇ꠆ꠔꠤꠎꠥꠇ꠆ꠔ। ꠅꠁꠔ ꠚꠣꠞꠦ ꠀꠚꠘꠣꠞꠦ ꠁꠎ꠆ꠎꠔ ꠖꠦꠄ ꠛꠣ ꠜꠣꠟꠣ ꠚꠣꠄ, ꠅꠔꠣꠞꠖꠣꠄ ꠀꠚꠘꠣꠞ ꠢꠈꠟ ꠝꠣꠔꠞꠦ ꠝꠣꠘꠤꠟꠣꠄ, ꠎꠣꠔꠦ ꠀꠚꠘꠣꠞ ꠝꠘ ꠇꠥꠘꠥ ꠖꠥꠇ꠆ꠇ ꠘꠣ ꠟꠣꠉꠦ।
⏹️ ꠢꠈꠟ ꠝꠣꠔꠞ ꠎꠥꠀꠚ ꠢꠈꠟꠦ ꠝꠥꠇ ꠖꠤꠀ ꠖꠦꠄ ꠘꠣ। ꠈꠦꠃ ꠈꠦꠃ ꠡꠝꠄꠞ ꠀꠔ ꠍꠣꠠꠤ ꠖꠦꠄ। ꠈꠦꠃ ꠢꠣꠟꠇꠣ ꠀꠡꠤꠀ ꠎꠣꠄꠉꠤ। ꠔꠣꠞ ꠝꠣꠘꠦ ꠁꠇꠣꠘ ꠘꠣꠄ ꠎꠦ, ꠀꠚꠘꠣꠞ ꠝꠣꠔ ꠇꠥꠛ ꠜꠣꠟꠣ ꠟꠣꠉꠍꠦ।
ꠀꠁꠎ ꠀꠞ ꠕꠣꠈꠃꠇ, ꠀꠞꠈ ꠖꠤꠘ ꠚꠥꠞꠣꠁꠝꠥ ꠘꠦ।