Breaking News
Home / ꠖꠦꠡꠞ ꠈꠛꠞ / ꠝꠥꠟꠤꠛꠣꠏꠣꠞ ꠡꠖꠞ ꠃꠚꠏꠤꠟꠣꠞ ꠚꠁꠟ ꠌꠤꠀꠞꠝꠦꠘ ꠝꠦꠎꠞ ꠈꠣꠟꠦꠖꠥꠞ ꠞꠢꠝꠣꠘ ꠀꠞ ꠘꠣꠁ

ꠝꠥꠟꠤꠛꠣꠏꠣꠞ ꠡꠖꠞ ꠃꠚꠏꠤꠟꠣꠞ ꠚꠁꠟ ꠌꠤꠀꠞꠝꠦꠘ ꠝꠦꠎꠞ ꠈꠣꠟꠦꠖꠥꠞ ꠞꠢꠝꠣꠘ ꠀꠞ ꠘꠣꠁ

ꠝꠦꠎꠞ ꠈꠣꠟꠦꠖꠥꠞ ꠞꠢꠝꠣꠘ (ꠍꠛꠤ ꠁꠘꠐꠣꠞꠘꠦꠐ ꠔꠘꠦ)

ꠝꠘꠥ ꠛꠦꠞꠦꠏꠞ ꠁꠘ꠆ꠎꠤꠘꠤꠀꠞ • ꠛꠣꠢꠣꠞꠝꠞ꠆ꠖꠣꠘ (ꠡꠝꠙꠣꠡꠤ) ꠘꠤꠛꠣꠡꠤ ꠡꠣꠛꠦꠇ ꠝꠥꠟꠤꠛꠣꠏꠣꠞ ꠡꠖꠞ ꠃꠚꠏꠤꠟꠣ ꠚꠞꠤꠡꠖꠞ ꠚꠣꠡꠈꠞ꠆ꠞꠣ ꠚꠁꠟ ꠌꠤꠀꠞꠝꠦꠘ, ꠚꠣꠇꠤꠍ꠆ꠔꠣꠘ ꠀꠞ ꠛꠣꠋꠟꠣꠖꠦꠡ ꠀꠞ꠆ꠝꠤꠞ ꠁꠘ꠆ꠎꠤꠘꠤꠀꠞ (ꠛꠥꠄꠐ) ꠇꠃꠞꠞ ꠅꠚꠡꠞꠤ ꠝꠦꠎꠞ ꠝꠥ. ꠈꠣꠟꠦꠖꠥꠞ ꠞꠢꠝꠣꠘ ꠀꠞ ꠘꠣꠁ। ꠔꠣꠁꠘ ꠉꠦꠍꠦꠈꠣꠁꠟ (11 ꠍꠦꠚꠐꠦꠝ꠆ꠛꠞ) ꠍꠛꠞꠦ Vꠐꠣ Γ0 ꠝꠤꠘꠤꠐꠞ ꠛꠣꠟꠣ ꠒꠣꠈꠔꠞꠤ ꠈꠞꠣꠘꠤꠔ ꠍꠤꠟꠦꠐ ꠃꠁꠝꠦꠘ꠆ꠍ ꠝꠦꠒꠤꠇꠦꠟ ꠢꠍꠙꠤꠐꠣꠟ ꠁꠘ꠆ꠔꠦꠇꠣꠟ ꠈꠞꠂꠘ (ꠁꠘ꠆ꠘꠣ ꠟꠤꠟ꠆ꠟꠣꠢꠤ ꠃꠀ ꠁꠘ꠆ꠘꠣ ꠁꠟꠣꠁꠢꠤ ꠞꠣꠎꠤꠃꠘ)। ꠝꠃꠔꠞ ꠡꠝꠄ ꠔꠣꠘ ꠛꠄꠡ ꠅꠁꠍꠤꠟ 8৩ ꠛꠍꠞ। ꠔꠣꠁꠘ Γ ꠚꠥꠀ (ꠖꠄꠏꠘ ꠃ ꠝꠣꠞꠣ ꠉꠦꠍꠂꠘ) ꠀꠞ 1 ꠚꠥꠠꠤꠞ ꠛꠣꠚ। ꠝꠃꠔꠞ ꠈꠣꠟꠅ ꠔꠣꠁꠘ ꠛꠃ ꠀꠞ 1 ꠚꠥꠠꠤ, ꠇꠥꠐꠥꠝꠈꠦꠡ ꠡꠢ ꠛꠃꠔꠞꠦ ꠞꠣꠇꠤꠀ ꠉꠦꠍꠂꠘ। ꠝꠞꠢꠥꠝꠞ ꠘꠣꠝꠣꠏꠦ ꠏꠣꠘꠣꠏꠣ ꠉꠦꠍꠦꠈꠣꠁꠟ ꠛꠣꠖ ꠀꠍꠞ ꠔꠣꠘꠞ ꠉꠣꠃꠞ ꠛꠣꠠꠤ ꠡꠖꠞ ꠃꠚꠏꠤꠟꠣꠞ ꠝꠍ꠆ꠔꠔꠚꠣꠚꠥꠞ ꠁꠃꠘꠤꠅꠘꠞ ꠛꠣꠢꠣꠞꠝꠞ꠆ꠖꠣꠘ ꠎꠣꠝꠦ ꠝꠡꠎꠤꠖꠞ ꠃꠐꠣꠘ ꠚꠠꠣ ꠅꠄ। ꠏꠣꠘꠣꠏꠣꠞ ꠘꠣꠝꠣꠏꠞ ꠛꠣꠖꠦ ꠀꠞ꠆ꠝꠤꠞ ꠡꠤꠀꠘꠣ ꠄꠈ ꠉꠥꠞꠄ ꠔꠣꠘꠞꠦ ꠉꠣꠞ꠆ꠒ ꠅꠛ ꠅꠘꠣꠞ ꠖꠤꠀ ꠢꠦꠡꠤꠝꠦꠡꠤ ꠁꠎ꠆ꠎꠔ ꠏꠣꠘꠣꠄ। ꠢꠦꠡꠈꠣꠟ ꠔꠣꠘꠞꠦ ꠘꠤꠏ ꠉꠣꠃꠞ ꠚꠣꠞꠤꠛꠣꠞꠤꠇ ꠡꠚꠚꠣꠘꠣꠔ ꠖꠣꠚꠘ ꠈꠞꠣ ꠅꠄ। ꠔꠣꠁꠘ ꠘꠣꠝꠤꠀꠟꠣ ꠚꠞꠝꠣꠘꠥ ꠛꠤꠉ꠆ꠉꠣꠘꠤ ꠒꠇ꠆ꠐꠞ ꠈꠟꠤꠟꠥꠞ ꠞꠢꠝꠣꠘꠞ ꠚꠥꠞꠥꠜꠣꠁ।

19৫9 ꠚꠤꠞꠣꠔ ꠔꠣꠁꠘ ꠝ꠆ꠦꠐ꠆ꠞꠤꠇ ꠚꠣꠡ ꠈꠞꠍꠤꠟꠣ। ꠛꠣꠖꠦ 19d1 ꠚꠤꠞꠣꠔ ꠁꠘ꠆ꠐꠣꠞꠝꠤꠒꠤꠄꠐ ꠚꠣꠡ ꠈꠞꠤꠀ ꠓꠣꠇꠣ ꠁꠘ꠆ꠎꠤꠘꠤꠀꠞꠤꠋ ꠇꠟꠦꠎꠅ ꠜꠞ꠆ꠔꠤ ꠅꠁꠘ। ꠢꠘ ꠔꠘꠦ ꠁꠘ꠆ꠎꠤꠘꠤꠀꠞꠤꠋ ꠚꠣꠡ ꠈꠞꠂꠘ। ꠛꠥꠄꠐ ꠢꠤ ꠡꠝꠄ ꠅ ꠘꠣꠝꠞꠣꠈꠣ ꠅꠁꠍꠤꠟ ꠘꠣ। ꠄꠞꠛꠣꠖꠦ ꠚꠣꠇꠤꠍ꠆ꠔꠣꠘ ꠝꠤꠟꠤꠐꠣꠞꠤ ꠁꠘ꠆ꠎꠤꠘꠤꠀꠞꠤꠋ ꠇꠃꠞ ꠅꠞ ꠢꠣꠝꠣꠁ ꠏꠣꠁꠘ। ꠖꠥꠘꠤꠀꠞ ꠡꠛꠍꠦ ꠛꠦꠏꠥꠁꠔꠣ ꠞꠣꠍꠔꠣꠞ ꠘꠣꠝ ꠇꠣꠞꠣꠇꠥꠞꠣꠝ ꠢꠣꠁ-ꠃꠄ। ꠁ ꠞꠣꠍꠔꠣ ꠛꠣꠄ ꠚꠣꠇꠤꠍ꠆ꠔꠣꠘ ꠔꠘꠦ ꠌꠤꠘꠞ ꠃꠁꠊꠞ ꠡꠤꠘꠎꠤꠀꠋ ꠙ꠆ꠞꠖꠦꠡꠅ ꠉꠦꠍꠦ। ꠚꠣꠠꠞ ꠃꠚꠞꠦ ꠖꠤ ꠛꠣꠘꠣꠁꠟ ꠁ ꠞꠣꠍꠔꠣꠁꠉꠥꠞ ꠐꠥꠟꠟꠤ 1৫000 ꠀꠏꠣꠞ ꠚꠥꠐ! ꠛꠃꠔꠦ ꠁ ꠞꠣꠍꠔꠣꠞꠦ ꠖꠥꠘꠤꠀꠞ ꠀꠡ꠆ꠐ ꠀꠍꠝ꠆ꠛꠤꠔ ꠈꠁꠘ। ꠅꠃ ꠞꠣꠍꠔꠣ ꠁꠇꠣꠘ ꠛꠣꠘꠣꠘꠤꠞ ꠁꠘ꠆ꠎꠤꠘꠤꠀꠞ ꠅꠈꠟꠞ ꠄꠈꠏꠘ ꠀꠍꠟꠣ ꠝꠦꠎꠞ ꠈꠣꠟꠤꠖ। ꠔꠣꠘꠞ ꠁ ꠅꠛꠖꠣꠘꠞ ꠟꠣꠉꠤ ꠁ ꠞꠣꠍꠔꠣꠞ ꠄꠉꠥ ꠚꠥꠟꠞ ꠘꠣꠝꠞꠣꠈꠣ ꠅꠁꠍꠦ ꠇꠦꠙ꠆ꠐꠦꠘ ꠈꠣꠟꠤꠖ ꠛ꠆ꠞꠤꠎ। ꠢꠤꠡꠝꠄ ꠔꠣꠁꠘ ꠚꠣꠇꠤꠍ꠆ꠔꠣꠘ ꠀꠞ꠆ꠝꠤꠔ ꠇꠦꠙ꠆ꠐꠦꠘ ꠀꠍꠟꠣ। ꠝꠥꠟꠤꠛꠣꠏꠣꠞ ꠡꠢꠞꠞ ꠙꠣꠠꠅ ꠝꠘꠥ ꠉꠣꠋ ꠚꠠꠍꠦ, ꠉꠣꠋꠉ ꠁꠇꠐꠣ ꠚꠣꠢꠣꠠꠤ ꠅꠃꠀꠄ ꠏꠦ ꠉꠠꠣꠘꠣꠟꠣ। ꠁ ꠉꠣꠋꠉꠞ ꠛꠣꠃꠇ ꠈꠞꠣꠔꠅ ꠔꠣꠁꠘ ꠀꠍꠟꠣ। ꠏꠦꠉꠔꠤꠇꠦ ꠅꠘꠦ ꠀꠞ ꠡꠢꠞ ꠅ ꠀꠉꠞ ꠟꠣꠈꠣꠘ ꠚꠣꠘꠤ ꠅꠄꠘꠣ।

ꠀꠞ꠆ꠝꠤꠞ ꠉꠣꠞ꠆ꠒ ꠅꠛ ꠅꠘꠣꠞ (ꠍꠛꠤ ꠝꠣꠘꠛꠏꠝꠤꠘ)

ꠈꠣꠟꠦꠖꠥꠞ ꠞꠢꠝꠣꠘ ꠝꠞꠣꠄ ꠔꠣꠘꠞ ꠚꠞꠤꠛꠣꠞꠞ ꠐꠣꠁꠘ ꠖꠥꠇ꠆ꠇ ꠏꠣꠘꠣꠁꠍꠂꠘ ꠀꠞ ꠝꠂꠔꠣꠞ ꠝꠣꠉꠚꠤꠞꠣꠔ ꠟꠣꠉꠤ ꠖꠥꠀ ꠏꠣꠘꠣꠁꠍꠂꠘ ꠡꠣꠛꠦꠇ ꠎꠣꠔꠤꠅ ꠡꠋꠡꠖ ꠡꠖꠂꠡ꠆ꠡ ꠀꠞ ꠝꠥꠟꠤꠛꠣꠏꠣꠞ ꠏꠤꠟꠣ ꠛꠤꠄꠘꠙꠤ’ꠞ ꠡꠜꠣꠚꠔꠤ ꠄꠝ ꠘꠣꠍꠦꠞ ꠞꠢꠝꠣꠘ, ꠝꠥꠟꠤꠛꠣꠏꠣꠞ ꠏꠤꠟꠣ ꠚꠞꠤꠡꠖꠞ ꠌꠤꠀꠞꠝꠦꠘ ꠀꠞ ꠏꠤꠟꠣ ꠀꠃꠀꠝꠤ ꠟꠤꠉꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠟꠢꠣꠏ ꠝꠤꠍꠛꠣꠢꠥꠞ ꠞꠢꠝꠣꠘ, ꠝꠥꠟꠤꠛꠣꠏꠣꠞ ꠚꠃꠞꠡꠜꠣꠞ ꠝꠦꠎꠞ ꠝꠥ. ꠚꠎꠟꠥꠞ ꠞꠢꠝꠣꠘ ꠡꠢ ꠛꠃꠔ ꠞꠣꠏꠘꠤꠔꠤꠛꠤꠖ, ꠛꠦꠛꠡꠣꠁ, ꠡꠣꠋꠛꠣꠖꠤꠇ, ꠀꠁꠘꠎꠤꠛꠤ ꠡꠢ ꠘꠣꠘꠣꠘ ꠇꠤꠍꠤꠝꠞ ꠝꠣꠘꠡꠦ।

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠡ꠆ꠇꠥꠟ ꠔꠘꠦ ꠔꠥꠟꠤꠀ ꠘꠤꠀ ꠎꠥꠞꠦ ꠛꠤꠀ ꠈꠞꠣꠞ ꠘꠣꠟꠤꠡ ꠝꠤꠟꠌꠦ VV ꠛꠍꠞꠤ ꠛꠥꠠꠣ ꠡꠣꠛꠦꠇ ꠁꠃꠙꠤ ꠌꠤꠀꠞꠝꠦꠘꠞ ꠛꠤꠞꠥꠖ꠆ꠖꠦ

ꠇꠦꠟꠣꠍ ꠘꠣꠁꠘꠞ ꠚꠞꠥꠀ ꠚꠥꠞꠤꠞꠦ ꠁꠡ꠆ꠇꠥꠟ ꠔꠘꠦ ꠔꠥꠟꠤꠀ ꠘꠤꠀ ꠎꠥꠞꠦ ꠛꠤꠀ ꠈꠞꠣꠞ ꠘꠣꠟꠤꠡ ꠝꠤꠟꠌꠦ ꠡꠣꠛꠦꠇ ꠁꠃꠙꠤ …