Breaking News
Home / ꠍꠤꠟꠐ / ꠐꠣꠈꠍꠤꠚꠣꠄ ꠚꠥꠀꠡꠢ ꠘꠞ꠆ꠕ ꠁꠡ꠆ꠐ ꠀꠡꠚꠣꠔꠣꠟꠞ ꠞꠦꠎꠤꠡ꠆ꠐꠣꠞꠞ ꠝꠃꠔ

ꠐꠣꠈꠍꠤꠚꠣꠄ ꠚꠥꠀꠡꠢ ꠘꠞ꠆ꠕ ꠁꠡ꠆ꠐ ꠀꠡꠚꠣꠔꠣꠟꠞ ꠞꠦꠎꠤꠡ꠆ꠐꠣꠞꠞ ꠝꠃꠔ

ꠖꠇ꠆ꠇꠤꠘ ꠡꠥꠞꠝꠣꠞ ꠢꠥꠝꠣꠁꠃꠘ ꠞꠡꠤꠖ ꠌꠔ꠆ꠔꠞꠅ ꠉꠦꠍꠦ ꠡꠝꠛꠣꠞ ꠞꠣꠁꠔ 10ꠐꠣꠔ ꠐ꠆ꠞꠣꠇ-ꠇꠣꠜꠣꠞ꠆ꠒ ꠜꠦꠘ ꠀꠞ ꠍꠤꠄꠘꠎꠤꠞ ꠔꠤꠘꠝꠥꠇꠤ ꠐꠇ꠆ꠇꠞꠦ ꠄꠈꠎꠘ ꠒꠣꠈ꠆ꠔꠞ ꠀꠞ ꠔꠣꠘꠞ 1৫ ꠛꠍꠞꠤ ꠚꠥꠀꠞ ꠝꠃꠔ ꠅꠄ ⁕ ꠁ ꠄꠇꠍꠤꠒꠦꠘꠐꠦ ꠅꠃ ꠒꠣꠈ꠆ꠔꠞꠞ ꠛꠃ ꠈꠦꠍꠣꠈꠦꠍꠤ ꠎꠈꠝꠤ ꠅꠁꠍꠂꠘ ⁕ ꠔꠣꠘꠞꠦ ꠢꠍꠙꠤꠐꠣꠟ ꠜꠞ꠆ꠔꠤ ꠈꠞꠣ ꠅꠁꠍꠦ ⁕

ꠖꠝ ꠎꠣꠃꠞꠣ ꠄꠁꠘꠔꠣꠁꠘ ꠅꠁꠟꠣ- ꠘꠞ꠆ꠕ ꠁꠡ꠆ꠐ ꠇꠦꠘꠍꠣꠞ ꠀꠡꠚꠣꠔꠣꠟꠞ ꠒꠣꠈ꠆ꠔꠞ ꠒꠣ. ꠔꠃꠢꠤꠖꠥꠞ ꠞꠡꠤꠖ ꠌꠃꠗꠥꠞꠤ (b৫) ꠀꠞ ꠔꠣꠘ ꠚꠥꠀ ꠔꠣꠘꠢꠣ ꠌꠃꠗꠥꠞꠤ⁕ ꠔꠣꠘꠢꠣ ꠁꠍꠇꠟꠣꠞ꠆ꠍꠢꠥꠝ ꠖꠇ꠆ꠇꠤꠘ ꠡꠥꠞꠝꠣ ꠇꠦꠝꠙꠣꠍꠞ ꠇ꠆ꠟꠣꠍ ꠘꠣꠁꠘ ꠚꠠꠥꠀ ꠅꠍꠟꠣ ⁕

ꠚꠥꠟꠤꠡ ꠀꠞ ꠖꠦꠈꠞꠣ ꠅꠈꠟꠦ ꠎꠣꠘꠣꠁꠘ, ꠢꠥꠝꠣꠁꠃꠘ ꠞꠡꠤꠖ ꠌꠔ꠆ꠔꠞꠅ ꠖꠥꠁ ꠈꠣꠘ ꠐꠣꠈꠦ ꠄꠉꠥꠄ ꠀꠞꠉꠥꠞꠦ ꠅꠜꠣꠞꠐꠦꠁꠇ ꠈꠞꠣꠔ ꠉꠤꠀ ꠍꠤꠄꠘꠎꠤꠞꠦ ꠍꠤꠚꠣ ꠖꠦꠄ ⁕ ꠁ ꠛꠣꠟꠣ ꠍꠤꠄꠘꠎꠤꠔ ꠕꠣꠈꠣꠄ ꠝꠣꠘꠥꠡ ꠅꠈꠟ ꠎꠦꠎꠣꠔ ꠎꠈꠝ ꠅꠁꠘ ⁕ ꠛꠣꠖꠦ ꠔꠣꠞꠣꠞꠦ ꠃꠖ꠆ꠖꠣꠞ ꠈꠞꠤ ꠘꠞ꠆ꠕ ꠁꠡ꠆ꠐ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟ ꠘꠦꠃꠀ ꠅꠄ ⁕ ꠢꠈꠣꠘꠅ ꠒꠣꠈ꠆ꠔꠞꠦ ꠔꠣꠞꠣꠞꠦ ꠚꠞꠤꠇ꠆ꠇꠣ-ꠘꠤꠞꠤꠇ꠆ꠇꠣ ꠈꠞꠤꠀ ꠝꠣꠞꠣ ꠉꠦꠍꠂꠘ ꠈꠁꠀ ꠎꠣꠘꠣꠁꠘ ⁕ ꠁ ꠊꠐꠘꠣꠄ ꠍꠤꠄꠘꠎꠤꠀꠟꠣ ꠎꠈꠝ ꠅꠁꠍꠂꠘ ⁕

ꠘꠞ꠆ꠕ ꠁꠡ꠆ꠐ ꠀꠡꠚꠣꠔꠣꠟꠞ ꠔꠖꠣꠞꠇꠤ ꠍꠣꠟꠈꠖꠣꠞ ꠙ꠆ꠞꠚꠦꠍꠣꠞ ꠒꠣ: ꠘꠣꠎꠝꠥꠟ ꠁꠍꠟꠣꠝꠦ ꠈꠁꠘ, ꠝꠣꠞꠣ ꠎꠣꠃꠀ ꠒꠣ: ꠔꠃꠢꠤꠖꠞ ꠖꠦꠡꠞ ꠛꠣꠠꠤ ꠍꠤꠐꠣꠉꠣꠋ ꠎꠤꠟꠣꠕ ⁕ ꠔꠣꠁꠘ ꠘꠞ꠆ꠕ ꠁꠡ꠆ꠐ ꠇꠦꠘꠍꠣꠞ ꠀꠡꠚꠣꠔꠣꠟꠞ ꠘꠤꠎꠞꠦ ꠡꠚꠤꠀꠖꠦꠃꠀ ꠄꠈꠎꠘ ꠒꠣꠈ꠆ꠔꠞ ꠀꠍꠟꠣ ⁕ ꠔꠣꠘ ꠝꠃꠔꠟ ꠈꠛꠞꠦ ꠢꠇ꠆ꠇꠟ ꠛꠤꠔꠣꠚ ꠅꠁꠎꠣꠁꠘ ⁕ ꠒꠣ: ꠔꠃꠢꠤꠖ ꠉꠥꠁꠐꠞ ꠟꠉꠞ ꠖꠥꠇꠣꠘ ꠡꠙ꠆ꠘꠔ (স্বপ্ন) ꠛꠣꠎꠣꠞ ꠈꠞꠤꠀ ꠛꠣꠡꠣꠔ ꠎꠣꠃꠔꠤꠞ ꠚꠕꠅ ꠀꠍꠟꠣ ꠈꠞꠤꠀ ꠔꠣꠁꠘ ꠎꠣꠘꠣꠁꠘ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …