শুরমা ফারর খবর ছিলটি জবানে ছিলটর খবর
Related Articles
ꠚꠍꠝꠞ ꠘꠄꠀꠚꠤꠞꠣ ꠚꠣꠟꠘ ꠈꠞꠣꠔ ꠉꠤꠀ ꠀꠝꠞꠣ ꠈꠔꠔꠣ ꠎꠦ ꠈꠞꠤ, ꠈꠁꠀ ꠡꠦꠡ ꠘꠣꠁ ⁕
ꠅꠃ ꠖꠥꠁꠔꠤꠘ ꠖꠤꠘ ꠀꠉꠦ ꠎꠣꠃꠀ Γ0Γ1 ꠚꠤꠞꠣꠞ ꠕꠣꠞꠐꠤꠚꠣꠍ꠆ꠐ ꠘꠣꠁꠐꠞ ꠀꠔꠡꠛꠣꠎꠤꠞ ꠡꠛ꠆ꠖꠄ ꠛꠦꠝꠣꠞ ꠚꠞꠤꠀ ꠄꠉꠥ ꠉꠦꠖꠣꠞ ꠝꠃꠔ ꠅꠄ ⁕
ꠎꠣꠘ ꠍꠣꠔꠈꠞꠤ ꠃꠐꠣ ꠊꠐꠘꠣ ꠁꠇꠐꠣ ꠊꠐꠍꠤꠟ ꠞꠣꠎꠗꠣꠘꠤ ꠓꠣꠈꠣꠞ ꠁꠃꠍꠥꠚ ꠞꠣꠄꠢꠣꠘꠞ ꠚꠞꠤꠛꠣꠞꠅ ⁕ ꠎꠘ꠆ꠝꠔꠘꠦ ꠢꠣꠞ꠆ꠐꠞ ꠝꠣꠏꠦ ꠚꠥꠞ ꠀꠍꠤꠟ ꠁꠃꠍꠥꠚ ꠞꠣꠄꠢꠣꠘꠞ ꠍꠣꠁꠞ ꠝꠣꠡꠞ ꠛꠣꠁꠌ꠆ꠌꠣ ꠃꠝꠣꠄꠞꠞ ⁕ ꠎꠦꠉꠔꠤꠇꠦ ꠞꠣꠎꠗꠣꠘꠤꠞ ꠝꠤꠞꠚꠥꠞꠞ ꠘꠦꠡꠘꠣꠟ ꠢꠣꠞ꠆ꠐ ꠚꠣꠃꠘ꠆ꠒꠦꠡꠘ ꠢꠍꠙꠤꠐꠣꠟꠅ ꠘꠤꠞꠣꠖꠣꠞꠣ ꠔꠣꠟꠣꠛꠤ ꠍꠟꠍꠤꠟ ꠁ ꠛꠣꠁꠌ꠆ꠌꠣꠞ ⁕ Γ0Γ1 ꠚꠤꠞꠣꠞ ৩1 ꠒꠤꠡꠦꠝ꠆ꠛꠞ ꠞꠣꠁꠔ 1Γ ꠐꠣꠞ ꠀꠉꠦꠜꠣꠉꠦ ꠍꠣꠁꠞꠛꠣꠄ ꠡꠥꠞꠥ ꠅꠄ ꠘꠄꠀ ꠚꠤꠞꠣ ꠚꠣꠟꠘꠞ ꠔꠣꠁꠀꠞꠤ ⁕ ꠛꠤꠡꠦꠡ ꠈꠞꠤꠀ ꠙ꠆ꠞꠣꠄ ꠚꠞꠔꠦꠈꠐꠣ ꠛꠣꠡꠣꠁꠘ꠆ꠔꠞ ꠒꠣꠟꠣꠁꠞ ꠃꠚꠞ ꠔꠘꠦ ꠀꠔꠡꠛꠣꠎꠤ ꠀꠞ ꠛꠋꠉꠥꠟ꠆ꠟꠣ ꠚꠥꠐꠣꠘꠤꠞ ꠡꠛ꠆ꠖ ꠀꠘꠣꠛꠦꠝꠣꠞꠤ ꠇꠥꠘꠥ ꠝꠣꠁꠘꠡꠞ ꠟꠣꠉꠤꠅ ꠎꠣꠠꠣꠞ ꠇꠥꠖꠞꠔ ꠀꠍꠤꠟ ꠘꠣ ⁕
ꠁꠃꠍꠥꠚ ꠞꠣꠄꠢꠣꠘ ৩1 ꠒꠤꠡꠦꠝ꠆ꠛꠞ ꠖꠤꠛꠣꠉꠔ ꠞꠣꠁꠔ ꠔꠣꠘ ꠚꠦꠁꠛꠥꠇ ꠟꠦꠈꠂꠘ, ‘ꠎꠦ ꠛꠤꠇꠐ ꠀꠃꠀꠎ! ꠀꠝꠣꠞ ꠀꠚꠦꠞꠔꠣ ꠛꠣꠁꠌ꠆ꠌꠣꠐꠣ ꠄꠝꠘꠦꠅ ꠢꠣꠞ꠆ꠐꠞ ꠛꠦꠝꠣꠞꠤ ⁕ ꠀꠔꠡꠛꠣꠎꠤꠞ ꠎꠥꠞꠦꠎꠥꠞꠦ ꠡꠛ꠆ꠖꠄ ꠀꠝꠣꠞ ꠛꠣꠁꠌ꠆ꠌꠣꠉꠥꠔꠣ ꠄꠈꠔꠤꠛꠁꠟ ꠛꠣꠖꠦꠛꠣꠖꠦ ꠈꠣꠚꠤꠀ ꠃꠐꠦꠞ ⁕ ꠎꠦ ꠒꠞꠣꠘꠤ ꠒꠞꠣꠞ ꠈꠞꠤꠀ ꠔ ꠟꠣꠉꠦꠞ ⁕ ꠛꠃꠔ ꠎꠣꠟꠣꠔꠣꠁꠡꠞ ꠝꠣꠏꠦ ꠞꠣꠁꠔꠈꠣꠘ ꠈꠣꠐꠣꠁꠞꠣꠝ ⁕’
ꠀꠚꠦꠞꠔꠣ ꠍꠣꠛꠣꠟ ꠃꠝꠣꠄꠞꠞ ꠀꠉꠔꠘꠦꠃ ꠡꠣꠡꠇꠡ꠆ꠐꠄ ꠀꠍꠤꠟ⁕ ꠄꠞꠛꠣꠖꠦ ꠀꠔꠡꠛꠣꠎꠤꠞ ꠛꠤꠇꠐ ꠡꠛ꠆ꠖꠞ ꠟꠣꠉꠤꠘ ꠔꠣꠁꠘ ꠚꠣꠞꠤ ꠞꠣꠁꠔꠃ ꠊꠥꠝꠣꠁꠔꠣ ꠚꠣꠞꠂꠘ ꠘꠣ ⁕ ꠛꠣꠖꠞꠖꠤꠘ ꠛꠤꠀꠘ ꠔꠘꠦ ꠔꠣꠘ ꠡꠣꠡꠇꠡ꠆ꠐ ꠡꠥꠞꠥ ꠅꠁꠟꠦ ꠀꠡꠙꠣꠔꠣꠟ ꠟꠁꠀ ꠎꠣꠃꠀ ꠅꠄ ⁕ ꠀꠡꠙꠣꠔꠣꠟ ꠜꠞ꠆ꠔꠤꠞ ৩ ꠊꠘ꠆ꠐꠣ ꠛꠣꠖꠦ ꠝꠣꠞꠣ ꠎꠣꠄ ꠛꠣꠁꠌ꠆ꠌꠣꠐꠣ ⁕
