শুরমা ফারর খবর ছিলটি জবানে ছিলটর খবর
Related Articles
ꠘꠣꠞꠣꠅꠘꠉꠁꠘ ꠔꠟ꠆ꠟꠣꠔ ꠛꠣꠄꠔꠥ ꠍ ꠍꠣꠟꠣꠔ ꠝꠌ꠆ꠌꠤꠖꠅ ꠒꠣꠐ ꠛꠣꠡ꠆ꠐ ꠅꠀꠞ ꠊꠐꠘꠣꠄ ꠝꠥꠞ꠆ꠖꠣ ꠀꠞ ꠈꠔꠤꠅꠀ ꠚꠞꠔꠦꠈ ꠚꠦꠝꠦꠟꠤꠞꠦ ৫০ ꠟꠣꠈ ꠐꠦꠈꠣ ꠈꠞꠤ ꠈꠔꠤꠚꠥꠞꠘ ꠖꠦꠅꠀꠞ ꠘꠤꠞ꠆ꠖꠦꠡꠘꠣ ꠍꠣꠁꠀ ꠢꠣꠁꠇꠃꠐꠅ ꠞꠤꠐ ꠈꠞꠣ ꠅꠁꠍꠦ⁕ ꠡꠝꠛꠣꠞ (৭ ꠍꠦꠙ꠆ꠐꠦꠝ꠆ꠛꠞ) ꠢꠣꠁꠇꠃꠐꠞ ꠅꠃ ꠡꠣꠈꠣꠔ ꠘꠣꠞꠣꠅꠘꠉꠁꠘꠎꠞ ꠛꠣꠡꠤꠘ꠆ꠖꠣ ꠀꠞ ꠍꠥꠙ꠆ꠞꠤꠝ ꠇꠃꠐꠞ ꠃꠇꠤꠟ ꠛꠦꠞꠤꠡ꠆ꠐꠣꠞ ꠝꠣꠞ ꠁꠀꠝ ꠈꠘ꠆ꠖꠇꠣꠞ ꠎꠘꠡꠣꠁꠍꠕꠔ ꠄ ꠞꠤꠐ ꠈꠞꠁꠘ⁕ ꠞꠤꠐꠅ ꠛꠤꠖ꠆ꠖꠥꠔ ꠅ ꠎꠣꠟꠣꠘꠤ ꠡꠌꠤꠛ, ꠔꠤꠔꠣꠡ ꠉꠦꠡ ꠈꠞꠔꠥꠚꠇ꠆ꠇ, ꠘꠣꠞꠣꠅꠘꠉꠁꠘꠎꠞ ꠎꠤꠟꠣ ꠚꠡꠣꠡꠇ ꠡꠁꠔꠦ ꠡꠋꠍꠤꠟꠤꠡ꠆ꠐ ꠅꠈꠟꠞꠦ ꠛꠤꠛꠣꠖꠤ ꠈꠞꠣ ꠅꠁꠍꠦ⁕
ꠛꠦꠞꠤꠡ꠆ꠐꠣꠞ ꠝꠣꠞ ꠁꠀꠝ ꠈꠘ꠆ꠖꠇꠣꠞꠦ ꠈꠁꠘ, ꠛꠤꠌꠣꠞꠙꠔꠤ ꠎꠦ ꠛꠤ ꠄꠝ ꠢꠣꠍꠣꠘ ꠀꠞ ꠛꠤꠌꠣꠞꠙꠔꠤ ꠝꠥ. ꠈꠣꠄꠞꠥꠟ ꠀꠟꠝꠞ ꠢꠣꠁꠇꠃꠐꠞ ꠛꠦꠘ꠆ꠌ ꠞꠤꠐ ꠉꠥ ꠚꠥꠘꠣꠘꠤꠞ ꠟꠣꠉꠤ ꠔꠥꠟꠣ ꠅꠁꠛ⁕ ꠄꠒꠜꠥꠇꠦꠐ ꠔꠁꠝꠥꠞ ꠀꠟꠝ ꠈꠘ꠆ꠖꠇꠣꠞ ꠞꠤꠐꠞ ꠙꠇ꠆ꠇꠦ ꠀꠖꠣꠟꠔꠅ ꠢꠥꠘꠣꠘꠤ ꠈꠞꠛꠣ⁕
ꠘꠣꠞꠣꠅꠘꠉꠁꠘꠎꠞ ꠔꠟ꠆ꠟꠣꠔ ꠛꠣꠄꠔꠥꠍ ꠍꠣꠟꠣꠔ ꠝꠌ꠆ꠌꠤꠖ ꠛꠣꠡ꠆ꠐ ꠅꠀꠞ ꠊꠐꠘꠣꠄ ꠝꠞꠣꠞ ꠡꠁꠋꠇꠣ ꠛꠣꠠꠦꠞ⁕ ꠄꠛꠅ ২৬ ꠎꠘ ꠝꠣꠞꠣ ꠉꠦꠍꠁꠘ ꠈꠞꠤ ꠎꠣꠘꠣ ꠉꠦꠍꠦ⁕ ꠀꠡꠙꠣꠔꠣꠟ ꠜꠞ꠆ꠔꠤ ꠀꠍꠁꠘ ১১ ꠎꠘ⁕
ꠛꠣꠡ꠆ꠐꠞ ꠀꠉ꠆ꠘꠤꠞ ꠟꠥꠇ꠆ꠇꠣꠄ ꠁ ꠚꠞ꠆ꠎꠘ꠆ꠔ ꠝꠣꠞꠣ ꠉꠦꠍꠁꠘ- ꠝꠌ꠆ꠌꠤꠖꠞ ꠁꠝꠣꠝ ꠀꠛꠖꠥꠟ ꠝꠣꠟꠦꠇ (৬০), ꠝꠥꠀꠎ꠆ꠎꠤꠘ ꠖꠦꠟꠥꠀꠞ ꠢꠥꠡꠦꠘ (৪৮) ꠅ ꠔꠣꠘ ꠚꠥꠀ ꠎꠥꠘꠣꠄꠖ (১৭), ꠖꠥꠁ ꠜꠣꠁ ꠎꠥꠛꠣꠄꠞ (১৮) ꠅ ꠍꠣꠛ꠆ꠛꠤꠞ (২১), ꠇꠥꠖ꠆ꠖꠥꠍ ꠛꠦꠚꠣꠞꠤ (৭২), ꠝꠥꠍ꠆ꠔꠚꠣ ꠇꠣꠝꠣꠟ (৩৪), ꠞꠣꠡꠦꠖ (৩০), ꠢꠥꠝꠣꠁꠃꠘ ꠇꠛꠤꠞ (৭২), ꠎꠣꠝꠣꠟ ꠀꠛꠦꠖꠤꠘ (৪০), ꠁꠛ꠆ꠞꠣꠢꠤꠝ ꠛꠤꠡ꠆ꠛꠣꠡ (৪৩), ꠝꠥ. ꠞꠤꠚꠣꠔ (১৮), ꠝꠣꠁꠘꠥꠃꠖ꠆ꠖꠤꠘ (১২), ꠚꠔꠥꠟ꠆ꠟꠣꠞ ꠎꠄꠘꠣꠟ (৩৮), ꠘꠄꠅꠘ (২৭), ꠘꠤꠎꠣꠝ (৩৪), ꠞꠣꠍꠦꠟ (৩৪), ꠇꠣꠘ꠆ꠌꠘ ꠢꠣꠅꠟꠣꠖꠣꠞ (৫০), ꠡꠤꠡꠥ ꠎꠥꠛꠣꠄꠞ (৭), ꠘꠣꠖꠤꠝ (৪৫), ꠛꠣꠢꠣꠞ ꠃꠖ꠆ꠖꠤꠘ (৫৫), ꠡꠣꠝꠤꠝ ꠢꠣꠍꠣꠘ (৪৫) ꠎꠥꠟꠢꠣꠍ (৩৫), ꠝꠥꠢꠣꠝ꠆ꠝꠖ ꠀꠟꠤ (৫৫), ꠝꠘꠤꠞ ꠚꠞꠣꠎꠤ (৩০)⁕
