শুরমা ফারর খবর ছিলটি জবানে ছিলটর খবর
Related Articles
ꠉꠤꠔ: ꠖꠦꠈꠣ ꠖꠦꠃꠘꠣ, ꠈꠣꠍꠦ ꠘꠦꠃꠘꠣ [Dekha Deona Kache Neona | দেখা দেওনা কাছে নেওনা]
ꠉꠤꠔꠤꠈꠣꠞ: ꠡꠣꠢ ꠀꠛꠖꠥꠟ ꠇꠞꠤꠝ [Shah Abdul Karim]
ꠖꠦꠈꠣ ꠖꠦꠃꠘꠣ, ꠈꠣꠍꠦ ꠘꠦꠃꠘꠣ, ꠀꠞ ꠈꠔ ꠕꠣꠇꠤ ꠖꠥꠞꠦ, ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠝꠥꠞ꠆ꠡꠤꠖ ꠗꠘ ꠢꠦ, ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠝꠣꠄꠀꠞ ꠎꠣꠟꠦ ꠛꠘ꠆ꠖꠤ ꠢꠁꠀ, ꠀꠞ ꠈꠔ ꠖꠤꠘ ꠕꠣꠇꠤꠛ,
ꠝꠘꠦ ꠜꠣꠛꠤ, ꠡꠛ ꠍꠣꠞꠤꠀ, ꠔꠥꠝꠣꠇꠦ ꠇꠥꠎꠦ ꠘꠦꠛ ⁕
ꠀꠡꠣ ꠈꠞꠤ ꠀꠟꠅ ꠚꠣꠛ, ꠒꠥꠛꠦ ꠎꠣꠁ ꠅꠘ꠆ꠖꠈꠣꠞꠦ,
ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠝꠥꠞ꠆ꠡꠤꠖ ꠗꠘ ꠢꠦ, ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠔꠘ꠆ꠔ꠆ꠞ ꠝꠘ꠆ꠔ꠆ꠞ ꠈꠞꠦ ꠖꠦꠈꠤ, ꠔꠣꠞ ꠜꠦꠔꠞꠦ ꠔꠥꠝꠤ ꠘꠣꠁ,
ꠡꠣꠡ꠆ꠔ꠆ꠞ ꠉ꠆ꠞꠘ꠆ꠕ ꠚꠞꠤ ꠎꠔ, ꠀꠞꠅ ꠖꠥꠞꠦ ꠡꠞꠦ ꠎꠣꠁ,
ꠇꠥꠘ ꠡꠣꠉꠞꠦ ꠈꠦꠟꠔꠦꠍ ꠟꠣꠁ ꠜꠣꠛꠔꠦꠍꠤ ꠔꠣꠁ ꠅꠘ꠆ꠔꠞꠦ,
ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠝꠥꠞ꠆ꠡꠤꠖ ꠗꠘ ꠢꠦ, ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠚꠣꠉꠟ ꠀꠛ꠆ꠖꠥꠟ ꠇꠞꠤꠝ ꠛꠟꠦ, ꠖꠄꠀ ꠈꠞ ꠀꠝꠣꠞꠦ,
ꠘꠔꠡꠤꠞꠦ ꠈꠞꠎꠥꠠꠦ ꠀꠍꠤ ꠔꠥꠝꠣꠞ ꠖꠞꠛꠣꠞꠦ,
ꠜꠈ꠆ꠔꠦꠞ ꠅꠗꠤꠘ, ꠢꠃ ꠍꠤꠞꠖꠤꠘ, ꠕꠣꠈ ꠜꠈ꠆ꠔꠦꠞ ꠅꠘ꠆ꠔꠞꠦ,
ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
ꠝꠥꠞ꠆ꠡꠤꠖ ꠗꠘ ꠢꠦ, ꠈꠦꠝꠘꠦ ꠍꠤꠘꠤꠛ ꠔꠥꠝꠣꠞꠦ?
