Breaking News
Home / ꠚꠛꠣꠡꠞ ꠈꠛꠞ / “ꠎꠂꠘꠔꠤꠀ ꠍꠣꠔ꠆ꠞ ꠚꠞꠤꠡꠖ, ꠎꠥꠇ꠆ꠔꠞꠣꠎ꠆ꠎ” ꠘꠣꠝꠦ ꠉꠥꠁꠐ ꠇꠣꠁꠝ

“ꠎꠂꠘꠔꠤꠀ ꠍꠣꠔ꠆ꠞ ꠚꠞꠤꠡꠖ, ꠎꠥꠇ꠆ꠔꠞꠣꠎ꠆ꠎ” ꠘꠣꠝꠦ ꠉꠥꠁꠐ ꠇꠣꠁꠝ

ꠎꠂꠘꠔꠤꠀ ꠍꠣꠔ꠆ꠞ ꠚꠞꠤꠡꠖ, ꠎꠥꠇ꠆ꠔꠞꠣꠎ꠆ꠎ (©ꠜꠄꠍ ꠅꠚ ꠎꠂꠘ꠆ꠔꠤꠀ)

ꠛꠤꠢꠔ꠆ꠔꠞ ꠎꠂꠘꠔꠤꠀ ꠛꠣꠡꠤꠞ ꠛꠃꠔꠖꠤꠘꠞ ꠖꠣꠛꠤꠖꠣꠃꠀꠁꠘ ꠀꠖꠣꠄꠅꠞ ꠟꠣꠉꠤ ꠀꠘ꠆ꠖꠥꠟꠘꠅ ꠛꠤꠟꠣꠔ ꠞꠃꠀ ꠎꠂꠘꠔꠤꠀꠞ ꠚꠠꠞꠣꠁꠘ꠆ꠔꠦ ꠡꠣꠖ ꠖꠤꠔꠣ ꠚꠣꠞꠂꠘ ꠎꠦꠟꠣꠘ, ꠅꠈꠣꠘꠞ ꠟꠣꠉꠤ “ꠎꠂꠘꠔꠤꠀ ꠍꠣꠔ꠆ꠞ ꠚꠞꠤꠡꠖ, ꠎꠥꠇ꠆ꠔꠞꠣꠎ꠆ꠎ” ꠘꠣꠝꠦ ꠄꠉꠥ ꠉꠥꠁꠐꠞ ꠇꠣꠁꠝ ꠅꠁꠍꠦ ⁕ ꠉꠦꠍꠦ ꠡꠥꠇ꠆ꠇꠥꠞꠛꠣꠞ ꠟꠘ꠆ꠒꠘꠞ ꠛ꠆ꠞꠤꠇꠟꠦꠘ ꠅꠃꠀ ꠄꠈꠔꠤꠛꠟꠤꠞ ꠄꠈ ꠚꠣꠘ꠆ꠌꠣꠟꠟꠣꠔ ꠉꠥꠁꠐꠞ ꠚꠞꠣꠝꠤꠡꠖꠣꠞ ꠈꠍꠞꠥꠎ꠆ꠎꠣꠝꠣꠘ ꠈꠍꠞꠥꠄ ꠀꠖꠟꠣ ꠄꠈ ꠇꠝꠤꠐꠤꠞꠦ ꠉꠍꠤꠟꠤꠟꠦ ꠁ ꠉꠥꠁꠐꠦ ꠖꠣꠚꠔꠞꠤꠇꠜꠣꠛꠦ ꠞꠥꠀꠘꠣ ꠖꠦꠄ ⁕

ꠁꠔꠣ ꠍꠣꠠꠣꠅ ꠁ ꠛꠂꠐꠈ ꠅ ꠉꠥꠁꠐꠞ ꠝꠥꠟ ꠖꠣꠛꠤꠖꠣꠃꠀꠁꠘ ꠍꠥꠠꠣꠘ꠆ꠔ ꠈꠞꠤꠀ ꠚꠣꠍ ꠚꠖꠞ ꠄꠉꠥ ꠘꠤꠔꠤꠝꠣꠟꠣꠅ ꠉꠍꠣ ꠅꠄ ⁕ ꠉꠥꠁꠐꠞ ꠝꠥꠟ ꠖꠣꠛꠤꠖꠣꠃꠀꠁꠘ꠆ꠔꠞ ꠜꠤꠔꠞꠦ ꠞꠁꠍꠦ-

  • ꠛꠤꠢꠔ꠆ꠔꠞ ꠎꠂꠘ꠆ꠔꠤꠀꠛꠣꠡꠤꠞ ꠟꠣꠉꠤ ꠈꠝꠐꠦꠈꠣꠞ ꠉꠦꠡꠞ ꠖꠣꠛꠤ,
  • ꠎꠂꠘ꠆ꠔꠤꠀꠛꠣꠡꠤꠞ ꠡꠣꠞ꠆ꠕ ꠀꠞ ꠚꠞꠤꠛꠦꠡ ꠞꠇ꠆ꠇꠣ ꠈꠞꠤꠀ ꠚꠣꠔ꠆ꠔꠞ ꠇꠥꠀꠞꠤ ꠅꠈꠟ ꠍꠣꠟꠥꠞ ꠖꠣꠛꠤ,
  • ꠀꠞꠎꠣꠔꠤ ꠚꠣꠇꠞꠤꠔꠤꠇ ꠡꠝ꠆ꠙꠖꠞ ꠛꠦꠟꠣ ꠝꠣꠘꠡꠞ ꠡꠣꠞ꠆ꠕ ꠘꠤꠌ꠆ꠌꠤꠔ ꠈꠞꠤꠀ ꠁꠎꠣꠞꠣ ꠖꠤꠛꠣꠞ ꠖꠣꠛꠤ,
  • ꠁꠎꠣꠞꠣꠖꠦꠃꠀ ꠚꠣꠇꠞꠤꠔꠤꠇ ꠡꠝ꠆ꠙꠖꠞ ꠛꠦꠛꠀꠞ-ꠜꠥꠉ ꠖꠈꠟ ꠀꠞ ꠛꠦꠛꠡꠣꠞ ꠛꠦꠟꠣꠄ ꠡꠔꠜꠣꠉ ꠘꠤꠅꠝ ꠀꠞ ꠡꠞ꠆ꠔ ꠞꠇ꠆ꠇꠣꠞ ꠖꠣꠛꠤ,
  • ꠡꠛ ꠉꠘꠛꠤꠞꠥꠗꠤ ꠁꠎꠣꠞꠣ ꠛꠣꠔꠤꠟ ꠖꠣꠛꠤ ꠀꠞ ꠁꠎꠣꠞꠣꠞ ꠛꠣꠞꠣ ꠘꠣꠘꠣꠘ ꠅꠛꠂꠗ ꠔꠞꠤꠇꠣꠄ ꠚꠣꠇꠞꠤꠔꠤꠇ ꠡꠝ꠆ꠙꠖ ꠎꠝꠣꠘꠤ ꠛꠘ꠆ꠗꠞ ꠖꠣꠛꠤ ꠅꠔꠣꠁꠘ ⁕

ꠉꠥꠁꠐꠞ ꠀꠖꠟꠣ ꠇꠝꠤꠐꠤꠞ ꠝꠣꠘꠥꠁꠘ ꠅꠁꠟꠣ- ꠡꠜꠣꠚꠔꠤ: ꠀꠍꠤꠚ ꠀꠎꠢꠣꠞ, ꠡꠢ-ꠡꠜꠣꠙꠔꠤ: ꠝꠘꠤꠞ ꠀꠢꠝꠦꠖ ꠡꠂꠇꠔ ꠀꠞ ꠞꠥꠝꠘ ꠢꠥꠍꠣꠁꠘ, ꠡꠣꠗꠣꠞ ꠡꠝ꠆ꠙꠣꠖꠇ ꠁꠇꠛꠣꠟ ꠀꠢꠝꠖ, ꠟꠉꠞ-ꠡꠣꠗꠣꠞꠘ ꠡꠝ꠆ꠙꠣꠖꠇ ꠈꠟꠤꠟꠥꠞ ꠞꠢꠝꠣꠘ ꠡꠥꠢꠣꠘ, ꠘꠥꠞꠥꠟ ꠝꠥꠔ꠆ꠔꠣꠇꠤꠘ, ꠡꠣꠋꠉꠑꠘꠤꠇ ꠡꠝ꠆ꠙꠣꠖꠇ ꠀꠘꠥꠀꠞ ꠢꠥꠡꠦꠘ ꠡꠛꠥꠎ ꠀꠞ ꠡꠖꠂꠡ꠆ꠡ ꠀꠛ꠆ꠖꠥꠟ ꠀꠢꠣꠖ ꠀꠞ ꠡꠥꠢꠦꠟ ꠞꠣꠘꠣ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠈꠖꠤꠘꠞ ꠝꠦꠊꠦ ꠢꠛꠤꠉꠂꠘ꠆ꠎ ꠚꠣꠘꠤ ꠟꠣꠉꠤꠉꠦꠍ

ꠢꠛꠤꠉꠂꠘ꠆ꠎ ꠡꠁꠔꠦ ꠁ ꠈꠈꠖꠤꠘ ꠔꠘꠦ ꠍꠤꠟꠐꠞ ꠘꠣꠘꠣꠘ ꠄꠟꠣꠇꠣꠔ ꠈꠦꠍꠣ ꠝꠦꠊ ꠀꠞ ꠏꠞꠤ ꠖꠤꠞ ⁕ ꠔꠄ …