Breaking News
Home / ꠡꠍꠦꠔꠘꠔꠣ / ꠢꠈꠟꠔꠣ ꠉꠥꠐꠣ-ꠍꠣꠘꠣꠍꠥꠞ ꠅꠁꠉꠦꠍꠦ

ꠢꠈꠟꠔꠣ ꠉꠥꠐꠣ-ꠍꠣꠘꠣꠍꠥꠞ ꠅꠁꠉꠦꠍꠦ

ꠢꠈꠟꠔꠣ ꠉꠥꠐꠣ-ꠍꠣꠘꠣꠍꠥꠞ ꠅꠁꠉꠦꠍꠦ

ꠟꠦꠈꠞꠣ: ꠍꠣꠟꠦꠢ ꠀꠢꠝꠖ [সালেহ আহমদ]


ꠄꠈꠛꠣꠞ ꠢꠥꠘꠤ, ꠇꠦꠀꠞꠉꠤꠜꠣꠞ ꠘꠦꠅꠀ ꠛꠘ꠆ꠗ ꠅꠁꠎꠣꠞ..

ꠀꠞꠦꠈꠛꠣꠞ ꠢꠥꠘꠤ ꠇꠑꠤꠘ ꠈꠞꠦꠞ, ꠅꠞꠤꠎꠤꠘꠣꠟꠤ ꠘꠣꠞ꠆ꠍꠤꠋ ꠇꠃꠞ꠆ꠍ ꠀꠞ ꠄꠇ꠆ꠍꠙꠦꠞꠤꠄꠘ꠆ꠍ ꠍꠣꠠꠣ ꠘꠤꠔ ꠘꠣꠄ (ꠁꠐꠣ ꠢꠥꠘꠤꠀ ꠇꠥꠡꠤ ꠅꠁꠍꠤ)।

ꠀꠛꠣꠞ ꠢꠥꠘꠤ ꠇꠦꠀꠞꠣꠞ ꠅꠈꠟꠦ ꠡꠞ꠆ꠐꠦꠎ ꠅꠇꠥꠙꠦꠡꠘ ꠟꠤꠡ꠆ꠐꠞ ꠎꠛ ꠈꠞꠔ ꠚꠣꠞꠛ ꠅꠈꠘ, ꠢꠥꠝ ꠅꠚꠤꠡꠞꠦ ꠎꠣꠘꠣꠘꠤ ꠟꠣꠉꠔ ꠘꠣꠄ।

ꠀꠛꠣꠞ ꠇꠥꠘꠥ ꠇꠥꠘꠥ ꠍꠤꠘꠤꠅꠞ ꠅꠈꠟꠦ ꠢꠥꠘꠣꠁꠘ, ꠈꠦꠃ ꠄꠈꠛꠣꠞ ꠁꠃꠇꠦꠔ ꠓꠥꠇꠤꠀ ꠇꠦꠀꠞꠉꠤꠜꠣꠞ ꠢꠤꠡꠣꠛꠦ ꠄꠇ꠆ꠍꠙꠦꠞꠤꠄꠘ꠆ꠍꠒ ꠅꠁꠎꠤꠔꠦ ꠚꠣꠞꠟꠦ ꠄꠘꠄꠁꠌꠄꠍ-ꠅꠞ ꠀꠘ꠆ꠒꠣꠞꠦ ꠝꠥꠐꠣ ꠛꠦꠔꠘꠞ ꠍꠤꠇꠤꠃꠞꠒ ꠎꠛ ꠛꠤꠘꠣ ꠐꠦꠈꠣꠄ ꠝꠦꠘꠦꠎ ꠈꠞꠣ ꠎꠣꠄ…

ꠝꠣꠘꠥꠡꠞ ꠚꠦꠞꠦꠡꠣꠘꠤ, ꠢꠥꠝ ꠅꠚꠤꠡꠞ ꠅꠄꠛꠍꠣꠁꠐ, ꠀꠛꠣꠞ ꠁꠐꠣꠞ ꠄꠇ꠆ꠍꠙ꠆ꠟꠦꠘꠦꠡꠘ..

ꠢꠤꠛꠣꠄꠖꠤ ꠃꠁꠘ꠆ꠐꠣꠞ ꠀꠁꠌ꠆ꠌꠦ-ꠀꠁꠌ꠆ꠌꠦ ꠈꠞꠦꠞ, ꠛꠥꠠꠣꠛꠥꠠꠤ ꠅꠈꠟꠞ ꠇꠦꠀꠞꠉꠤꠜꠣꠞ ꠒꠣꠛꠟ ꠟꠣꠉꠣꠞ ꠈꠕꠣ..

ꠝꠣꠘꠦ, ꠈꠁꠔꠦ ꠉꠦꠟꠦ ꠔ ꠀꠝꠤ ꠛꠣꠋꠟꠣꠖꠦꠡꠅ ꠕꠣꠇꠤ, ꠇꠥꠘ꠆ꠔꠣꠃ ꠎꠣꠘꠤ ꠘꠣ। ꠄꠞꠟꠣꠉꠤ ꠢꠈꠟꠔꠣ ꠉꠥꠐꠣ-ꠍꠣꠘꠣꠍꠥꠞ ꠅꠁꠉꠦꠍꠦ। ꠖꠥꠁ ꠏꠣꠈꠞꠣ ꠝꠣꠞꠤꠀ ꠈꠣꠁꠟ꠆ꠟꠦꠁ ꠅꠄ.. ꠇꠤꠟꠣ ꠎꠦ ꠀꠝꠞꠣ ꠅꠔꠔꠣ ꠚꠣꠞꠤ!!!

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …