Breaking News
Home / ꠍꠤꠟꠐ / ꠛꠤꠀꠘꠤꠛꠣꠎꠣꠞ ꠚꠃꠞ ꠀꠅꠀꠝꠤꠟꠤꠉꠞ ꠗꠞ꠆ꠝ ꠛꠤꠡꠄꠇ ꠡꠝ꠆ꠙꠣꠖꠇꠞ ꠛꠤꠞꠥꠖ꠆ꠗꠦ ꠛꠟꠣꠔꠈꠣꠞꠞ ꠘꠣꠟꠤꠡ

ꠛꠤꠀꠘꠤꠛꠣꠎꠣꠞ ꠚꠃꠞ ꠀꠅꠀꠝꠤꠟꠤꠉꠞ ꠗꠞ꠆ꠝ ꠛꠤꠡꠄꠇ ꠡꠝ꠆ꠙꠣꠖꠇꠞ ꠛꠤꠞꠥꠖ꠆ꠗꠦ ꠛꠟꠣꠔꠈꠣꠞꠞ ꠘꠣꠟꠤꠡ

ꠍꠤꠟꠐꠞ ꠛꠤꠀꠘꠤꠛꠣꠎꠣꠞ ꠄꠈ ꠝꠣꠖ꠆ꠞꠡꠣ ꠍꠣꠔ꠆ꠞꠞꠦ ꠛꠟꠣꠔꠈꠣꠞꠞ ꠘꠣꠟꠤꠡꠦ ꠃꠍꠔꠣꠖ ꠢꠣꠚꠤꠎ ꠀꠛ꠆ꠖꠥꠞ ꠞꠢꠤꠝꠞꠦ (৫৫) ꠗꠞꠍꠦ ꠛꠤꠎꠤꠛꠤꠄ⁕ ꠔꠣꠁꠘ ꠛꠤꠀꠘꠤꠛꠣꠎꠣꠞ ꠚꠃꠞ ꠀꠅꠀꠝꠤꠟꠤꠉꠞ ꠗꠞ꠆ꠝ ꠛꠤꠡꠄꠇ ꠡꠝ꠆ꠙꠣꠖꠇ, ꠀꠞ ꠚꠃꠞꠡꠜꠣꠞ ꠚꠔꠦꠢꠚꠥꠞ ꠄꠟꠣꠇꠣꠞ ꠢꠎꠞꠔ ꠢꠣꠄꠖꠞ ꠡꠣꠢ (ꠞꠢ:) ꠢꠣꠚꠤꠎꠤꠀ ꠝꠣꠖ꠆ꠞꠡꠣꠞ ꠚꠤꠘ꠆ꠍꠤꠙꠣꠟ⁕ ꠛꠥꠗꠛꠣꠞ ꠖꠥꠁꠚꠞꠅ ꠛꠤꠎꠤꠛꠤ ꠡꠖꠂꠡ꠆ꠡ ꠅꠈꠟꠦ ꠄꠘꠞꠦ ꠗꠞꠦ⁕ ꠞꠣꠁꠔꠇꠥ ꠔꠣꠘꠞꠦ ꠛꠤꠀꠘꠤꠛꠣꠎꠣꠞ ꠕꠣꠘꠣꠔ ꠉꠍꠣꠘꠤ ꠅꠄ⁕

ꠎꠣꠘꠣ ꠎꠣꠄ, ꠛꠤꠀꠘꠤꠛꠣꠎꠣꠞ ꠛꠤꠎꠤꠛꠤ ৫২ ꠛꠦꠐꠣꠟꠤꠅꠘꠞ ꠄꠈ ꠡꠂꠘꠤꠇꠞ ꠚꠥꠀ ꠅꠃ ꠝꠣꠖ꠆ꠞꠡꠣꠞ ꠍꠣꠔ꠆ꠞ (১৫)⁕ ꠁꠖꠣꠘꠤꠋ ꠢꠦ ꠘꠥ ꠝꠣꠖ꠆ꠞꠡꠣꠔ ꠎꠣꠅꠀ ꠛꠘ꠆ꠗ ꠈꠞꠤ ꠖꠦꠄ⁕ ꠇꠣꠞꠘ ꠎꠤꠇꠣꠘꠤꠄ ꠢꠦ ꠛꠟꠣꠔꠈꠣꠞꠞ ꠛꠤꠡꠄꠐꠣ ꠛꠣꠚꠞꠦ ꠎꠣꠘꠣꠄ⁕ ꠛꠣꠖꠦ ꠁ ꠛꠤꠎꠤꠛꠤ ꠡꠖꠁꠡ꠆ꠡꠦ ꠊꠐꠘꠣꠈꠣꠘ ৫২ ꠛꠦꠐꠟꠤꠅꠘꠞ ꠖꠤꠅꠔ꠆ꠔꠡꠤꠟ ꠅꠈꠟꠞꠦ ꠎꠣꠘꠣꠁꠟꠦ ꠛꠥꠗꠛꠣꠞ ꠖꠥꠁꠚꠞꠤꠛꠣꠟꠣ ꠛꠤꠀꠘꠤꠛꠣꠎꠣꠞ ꠚꠃꠞ ꠀꠅꠀꠝꠤꠟꠤꠉꠞ ꠗꠞ꠆ꠝ ꠛꠤꠡꠄꠇ ꠡꠝ꠆ꠙꠣꠖꠇ, ꠝꠣꠖ꠆ꠞꠡꠣꠞ ꠚꠤꠘ꠆ꠍꠤꠙꠣꠟ ꠢꠣꠚꠤꠎ ꠀꠛ꠆ꠖꠥꠞ ꠞꠢꠤꠝꠞꠦ ꠎꠤꠇꠣꠘꠤꠞ ꠖꠣꠄ ꠛꠤꠎꠤꠛꠤ ꠇꠦꠝ꠆ꠙꠅ ꠘꠦꠅꠀ ꠅꠄ⁕

ꠛꠣꠖꠦ ꠊꠐꠘꠣꠞ ꠡꠂꠔ꠆ꠔꠔꠣ ꠀꠞ ꠛꠟꠣꠔꠈꠣꠞꠞ ꠡꠤꠇꠣꠞ ꠅꠃ ꠍꠣꠔ꠆ꠞꠞ ꠝꠃꠇꠤꠇ ꠎꠛꠣꠘꠛꠘ꠆ꠖꠤꠞ ꠛꠣꠖꠦ ꠉꠦꠍꠦꠈꠣꠟ ꠞꠣꠁꠔ ৮ꠐꠣ ꠛꠣꠄ ꠔꠣꠘꠞꠦ ꠛꠤꠀꠘꠤꠛꠣꠎꠣꠞ ꠕꠣꠘꠣꠔ ꠡꠝꠎꠣꠘꠤ ꠅꠄ⁕

 

ꠛꠤꠀꠘꠤꠛꠣꠎꠣꠞ ꠕꠣꠘꠣꠞ ꠜꠣꠞꠚꠤꠚ꠆ꠔ ꠈꠞ꠆ꠝꠈꠞ꠆ꠔꠣ (ꠅꠍꠤ) ꠢꠤꠟ꠆ꠟꠥꠟ ꠞꠣꠄ ꠈꠂꠘ, ꠛꠤꠎꠤꠛꠤꠄ ꠁ ꠅꠚꠞꠣꠗꠤ ꠛꠦꠐꠣꠞꠦ ꠕꠣꠘꠣꠔ ꠚꠣꠑꠣꠁꠍꠦ⁕ ꠄ ꠊꠐꠘꠣꠄ ꠍꠣꠔ꠆ꠞꠞ ꠛꠣꠚꠦ ꠕꠣꠘꠣꠔ ꠝꠣꠝꠟꠣ ꠖꠤꠍꠂꠘ⁕

5/5 - (11 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …