শুরমা ফারর খবর ছিলটি জবানে ছিলটর খবর
********ꠇꠤꠔꠣ ꠈꠁꠔꠣꠝꠃ ꠈꠣꠞꠦ*********
ꠘꠣꠍꠤꠞ ꠃꠖ꠆ꠖꠤꠘ ꠢꠦꠟꠣꠟ
ꠇꠤꠔꠣ ꠈꠁꠔꠣꠝꠃ ꠈꠣꠞꠦ
ꠀꠚꠘꠎꠘꠦꠃ ꠛꠦꠡꠤ ꠝꠣꠞꠦ
ꠈꠦꠃ ꠝꠣꠞꠦ ꠢꠣꠔꠦ
ꠈꠦꠃ ꠝꠣꠞꠦ ꠜꠣꠔꠦ
ꠈꠦꠃ ꠝꠣꠞꠦ ꠝꠣꠄꠀ ꠈꠞꠤ
ꠈꠦꠃ ꠀꠛꠣꠞ ꠎꠤꠖ ꠈꠞꠤ
ꠘꠣꠖꠣꠘ ꠖꠥꠡ꠆ꠔꠦ ꠝꠣꠞꠦ ꠈꠟ꠆ꠟꠣꠔ ꠛꠣꠠꠤ
ꠛꠣꠎꠣꠞꠤ ꠝꠣꠁꠞ, ꠎꠦ ꠎꠦꠝꠘꠦ ꠚꠣꠞꠦ
ꠇꠤꠔꠣ ꠈꠁꠔꠣꠝꠃ ꠈꠣꠞꠦ-॥
ꠍꠤꠟꠦꠐꠤ ꠙ꠆ꠞꠛꠣꠡꠤꠞ ꠡꠝ꠆ꠙꠖ
ꠅꠁꠍꠦ ꠄꠈ ꠝꠢꠣ ꠛꠤꠙꠖ
ꠎꠥꠠꠣꠁꠍꠟꠣ ꠔꠣꠞꠣ ꠈꠡ꠆ꠐ ꠈꠞꠤꠀ
ꠡꠦꠡ ꠛꠄꠡꠅ ꠈꠣꠁꠔꠣ ꠀꠞꠣꠝꠦ ꠛꠁꠀ
ꠅꠈꠘ ꠘꠤꠎꠞꠔꠣꠄ ꠘꠤꠞꠣꠉꠤ ꠐꠦꠈꠞꠣꠁꠀ
ꠘꠣ ꠚꠣꠞꠞꠣ ꠈꠁꠔꠣ, ꠘꠣ ꠚꠣꠞꠞꠣ ꠡꠁꠔꠣ
ꠝꠄ-ꠝꠣꠝꠟꠣꠔ ꠎꠣꠁꠞꠣꠘꠣ
ꠝꠣꠘ ꠁꠎ꠆ꠎꠔꠞ ꠒꠞꠦ।
ꠇꠤꠔꠣ ꠈꠁꠔꠣꠝꠃ ꠈꠣꠞꠦ-॥।
ꠍꠤꠘ꠆ꠔꠣꠄ ꠀꠍꠁꠘ ꠙ꠆ꠞꠛꠣꠡꠤ ꠢꠈꠟ
ꠝꠘꠦ ꠝꠘꠦ ꠜꠣꠛꠁꠘ ꠎꠤꠛꠘ ꠉꠦꠟ ꠛꠤꠚꠟ
ꠉꠘꠉꠥꠡ꠆ꠑꠤꠞꠦ ꠈꠣꠅꠀꠘꠤ ꠅꠁꠟ ꠘꠤꠡ꠆ꠚꠟ
ꠛꠃ ꠢꠥꠞꠥꠔꠣ ꠍꠣꠠꠣ ꠀꠞ ꠘꠣꠁ ꠇꠥꠘꠥ ꠡꠝ꠆ꠛꠟ
ꠢꠈꠟ ꠎꠣꠉꠣꠔ ꠝꠣꠔꠁꠘꠘꠣ ꠡꠞꠝꠦ ꠗꠞꠦ।
ꠇꠤꠔꠣ ꠈꠁꠔꠣꠝ ꠃ ꠈꠣꠞꠦ॥
