Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠇꠤꠔꠣ ꠈꠁꠔꠣꠝꠃ ꠈꠣꠞꠦ : ꠘꠣꠍꠤꠞ ꠃꠖ꠆ꠖꠤꠘ ꠢꠦꠟꠣꠟ

ꠇꠤꠔꠣ ꠈꠁꠔꠣꠝꠃ ꠈꠣꠞꠦ : ꠘꠣꠍꠤꠞ ꠃꠖ꠆ꠖꠤꠘ ꠢꠦꠟꠣꠟ

********ꠇꠤꠔꠣ ꠈꠁꠔꠣꠝꠃ ꠈꠣꠞꠦ*********
ꠘꠣꠍꠤꠞ ꠃꠖ꠆ꠖꠤꠘ ꠢꠦꠟꠣꠟ


ꠇꠤꠔꠣ ꠈꠁꠔꠣꠝꠃ ꠈꠣꠞꠦ
ꠀꠚꠘꠎꠘꠦꠃ ꠛꠦꠡꠤ ꠝꠣꠞꠦ
ꠈꠦꠃ ꠝꠣꠞꠦ ꠢꠣꠔꠦ
ꠈꠦꠃ ꠝꠣꠞꠦ ꠜꠣꠔꠦ
ꠈꠦꠃ ꠝꠣꠞꠦ ꠝꠣꠄꠀ ꠈꠞꠤ
ꠈꠦꠃ ꠀꠛꠣꠞ ꠎꠤꠖ ꠈꠞꠤ
ꠘꠣꠖꠣꠘ ꠖꠥꠡ꠆ꠔꠦ ꠝꠣꠞꠦ ꠈꠟ꠆ꠟꠣꠔ ꠛꠣꠠꠤ
ꠛꠣꠎꠣꠞꠤ ꠝꠣꠁꠞ, ꠎꠦ ꠎꠦꠝꠘꠦ ꠚꠣꠞꠦ
ꠇꠤꠔꠣ ꠈꠁꠔꠣꠝꠃ ꠈꠣꠞꠦ-॥
ꠍꠤꠟꠦꠐꠤ ꠙ꠆ꠞꠛꠣꠡꠤꠞ ꠡꠝ꠆ꠙꠖ
ꠅꠁꠍꠦ ꠄꠈ ꠝꠢꠣ ꠛꠤꠙꠖ
ꠎꠥꠠꠣꠁꠍꠟꠣ ꠔꠣꠞꠣ ꠈꠡ꠆ꠐ ꠈꠞꠤꠀ
ꠡꠦꠡ ꠛꠄꠡꠅ ꠈꠣꠁꠔꠣ ꠀꠞꠣꠝꠦ ꠛꠁꠀ
ꠅꠈꠘ ꠘꠤꠎꠞꠔꠣꠄ ꠘꠤꠞꠣꠉꠤ ꠐꠦꠈꠞꠣꠁꠀ
ꠘꠣ ꠚꠣꠞꠞꠣ ꠈꠁꠔꠣ, ꠘꠣ ꠚꠣꠞꠞꠣ ꠡꠁꠔꠣ
ꠝꠄ-ꠝꠣꠝꠟꠣꠔ ꠎꠣꠁꠞꠣꠘꠣ
ꠝꠣꠘ ꠁꠎ꠆ꠎꠔꠞ ꠒꠞꠦ।
ꠇꠤꠔꠣ ꠈꠁꠔꠣꠝꠃ ꠈꠣꠞꠦ-॥।
ꠍꠤꠘ꠆ꠔꠣꠄ ꠀꠍꠁꠘ ꠙ꠆ꠞꠛꠣꠡꠤ ꠢꠈꠟ
ꠝꠘꠦ ꠝꠘꠦ ꠜꠣꠛꠁꠘ ꠎꠤꠛꠘ ꠉꠦꠟ ꠛꠤꠚꠟ
ꠉꠘꠉꠥꠡ꠆ꠑꠤꠞꠦ ꠈꠣꠅꠀꠘꠤ ꠅꠁꠟ ꠘꠤꠡ꠆ꠚꠟ
ꠛꠃ ꠢꠥꠞꠥꠔꠣ ꠍꠣꠠꠣ ꠀꠞ ꠘꠣꠁ ꠇꠥꠘꠥ ꠡꠝ꠆ꠛꠟ
ꠢꠈꠟ ꠎꠣꠉꠣꠔ ꠝꠣꠔꠁꠘꠘꠣ ꠡꠞꠝꠦ ꠗꠞꠦ।
ꠇꠤꠔꠣ ꠈꠁꠔꠣꠝ ꠃ ꠈꠣꠞꠦ॥

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ

ꠢꠦꠟꠅ ꠇꠥꠟꠍꠥꠝꠣꠞ ꠝꠣ : ꠍꠤꠟꠦꠐꠤ ꠍꠣꠍꠣꠎꠣꠘ ꠢꠦꠟꠅ ꠇꠥꠟꠍꠥꠝꠣꠞ ꠝꠣ, ꠀꠝꠤ ꠈꠟꠤꠎꠣ ꠚꠍꠣ ꠛꠥꠠꠣ ꠛꠦꠐꠣꠄ “ꠡꠣꠞ꠆ꠕꠚꠞ” …