Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠗꠣꠝꠣꠁꠟ: ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ

ꠗꠣꠝꠣꠁꠟ: ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ

ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ ꠞꠥꠝꠣꠟꠦ ꠉꠦꠕꠤꠀ ꠔꠥꠟ

ꠈꠁꠘ꠆ꠘꠣ ꠟꠧ ꠔꠞ ꠖꠄꠀꠞ ꠛꠣꠛꠣꠏꠤꠞ ꠝꠣꠄꠀ ꠔꠥꠟ ⁕

ꠀꠝꠣꠞ ꠛꠣꠛꠣꠏꠤꠄ ꠚꠣꠟꠤꠍꠟꠣ ꠞꠣꠏꠣꠞ ꠍꠣꠈꠞꠤ ꠈꠞꠤꠀ

ꠔꠞꠅ ꠕꠣꠇꠤ ꠅꠗꠤꠇ ꠝꠣꠄꠀ ꠀꠝꠣꠞ ꠛꠣꠛꠣꠏꠤꠞ ꠟꠣꠉꠤꠀ ⁕

ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ ꠞꠥꠝꠣꠟꠦ ꠉꠦꠕꠤꠀ ꠔꠥꠟ

ꠈꠁꠘ꠆ꠘꠣ ꠟꠧ ꠔꠞ ꠖꠄꠀꠞ ꠝꠣꠁꠏꠤꠞ ꠝꠣꠄꠀ ꠔꠥꠟ ⁕

ꠀꠝꠣꠞ ꠝꠣꠁꠏꠤꠄ ꠚꠣꠟꠤꠍꠟꠣ ꠖꠥꠗ ꠈꠟꠣ ꠈꠣꠅꠀꠁꠀ

ꠔꠞ ꠕꠣꠇꠤ ꠅꠗꠤꠇ ꠝꠣꠄꠀ ꠀꠝꠣꠞ ꠝꠣꠁꠏꠤꠞ ꠟꠣꠉꠤꠀ ⁕

ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ ꠞꠥꠝꠣꠟꠦ ꠉꠦꠕꠤꠀ ꠔꠥꠟ

ꠈꠁꠘ꠆ꠘꠣ ꠟꠧ ꠔꠞ ꠖꠄꠀꠞ ꠍꠣꠍꠣꠏꠤꠞ ꠝꠣꠄꠀ ꠔꠥꠟ ⁕

ꠀꠝꠣꠞ ꠍꠣꠍꠣꠏꠤꠄ ꠚꠣꠟꠤꠍꠟꠣ ꠞꠣꠏꠣꠞ ꠍꠣꠈꠞꠤ ꠈꠞꠤꠀ

ꠔꠞ ꠕꠣꠇꠤ ꠅꠗꠤꠇ ꠝꠣꠄꠀ ꠀꠝꠣꠞ ꠍꠣꠍꠣꠏꠤꠞ ꠟꠣꠉꠤꠀ ⁕

ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ ꠞꠥꠝꠣꠟꠦ ꠉꠦꠕꠤꠀ ꠔꠥꠟ

ꠈꠁꠘ꠆ꠘꠣ ꠟꠧ ꠔꠞ ꠖꠄꠀꠞ ꠍꠣꠍꠤꠏꠤꠞ ꠝꠣꠄꠀ ꠔꠥꠟ ⁕

ꠀꠝꠣꠞ ꠍꠣꠍꠤꠏꠤꠄ ꠚꠣꠟꠤꠍꠟꠣ ꠖꠥꠗ ꠜꠣꠔ ꠈꠣꠛꠣꠁꠀ

ꠔꠞ ꠕꠣꠇꠤ ꠅꠗꠤꠇ ꠝꠣꠄꠀ ꠀꠝꠣꠞ ꠍꠣꠍꠤꠏꠤꠞ ꠟꠣꠉꠤꠀ ⁕

ꠈꠣꠟꠣ ꠛꠣꠁꠋꠉꠘꠦꠞ ꠗꠟꠣ ꠚꠥꠟ ꠞꠥꠝꠣꠟꠦ ꠉꠦꠕꠤꠀ ꠔꠥꠟ

ꠈꠁꠘ꠆ꠘꠣ ꠟꠧ ꠔꠞ ꠜꠣꠁ-ꠜꠘꠤꠞ ꠝꠣꠄꠀ ꠔꠥꠟ ⁕

ꠀꠝꠣꠞ ꠜꠣꠁ-ꠜꠁꠘꠦ ꠚꠣꠟꠤꠍꠟꠣ ꠘꠤꠏꠦ ꠘꠣ ꠈꠣꠁꠀ

ꠔꠞ ꠕꠣꠇꠤ ꠅꠗꠤꠇ ꠝꠣꠄꠀ ꠀꠝꠣꠞ ꠜꠣꠁ-ꠜꠘꠤꠞ ꠟꠣꠉꠤꠀ ⁕

5/5 - (3 votes)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

cc: Wikimedia Commons

ꠗꠣꠝꠣꠁꠟ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ

ꠉꠤꠔ: ꠄꠈꠛꠣꠞ ꠖꠣꠠꠣꠃ ꠛꠘ꠆ꠗꠥ [Ekbar Darao Bondhu | একবার দাঁড়াও বন্ধু] ꠉꠤꠔꠤꠈꠣꠞ: ꠞꠝꠤꠎ ꠚꠣꠉꠟꠣ ꠅꠞꠚꠦ …