শুরমা ফারর খবর ছিলটি জবানে ছিলটর খবর
Related Articles
ꠒꠦꠠꠤꠝꠣꠞꠣ ꠁꠔꠤꠀꠡ ꠀꠞ ꠞꠍꠝꠦ ꠜꠞꠣ ꠅꠘ꠆ꠌꠟ ꠍꠤꠟꠐꠞ ꠔꠣꠘ ꠚꠠꠍꠦ ꠛꠣꠋꠟꠣꠖꠦꠡꠞ ꠃꠔ꠆ꠞ-ꠚꠥꠛ ꠛꠣꠄ। ꠍꠤꠟꠐꠞ ꠐꠤꠇ ꠚꠥꠛ ꠉꠣꠟꠣꠔ ꠈꠣꠘꠖꠣꠞ ꠖꠦꠡ ꠄꠘꠒꠤꠀꠞ ꠀꠡꠣꠝ ꠚꠠꠍꠦ। ꠄꠈ ꠀꠝꠟ ꠍꠤꠟꠐ ꠅꠘ꠆ꠌꠟ ꠀꠡꠣꠝꠞ ꠟꠉꠦ ꠀꠍ꠆ꠟ। ꠏꠦꠉꠔꠤꠇꠦ ꠡꠝꠣꠘ ꠜꠃꠉꠟꠤꠇ ꠀꠞ ꠞꠍꠝꠣꠟꠣ ꠅꠘ꠆ꠌꠟꠅ ꠖꠄ ꠏꠘꠚꠖꠞ ꠝꠣꠘꠥꠡꠣꠁꠘ ꠛꠠ ꠅꠁꠍꠂꠘ। ꠍꠤꠟꠐ ꠅꠘ꠆ꠌꠟꠞ ‘ꠀꠡꠣꠝ-ꠀꠖꠟꠞ ꠛꠣꠠꠤ’ꠉꠥꠁꠘ ꠏꠦꠘ ꠢꠃ ꠞꠤꠔꠤꠞꠦꠃꠀꠏ ꠏꠣꠞꠤ ꠞꠣꠈꠍꠦ।
ꠀꠡꠣꠝ ꠇꠤꠍꠤꠝꠞ ꠛꠣꠠꠤꠘ ꠄꠈꠦꠞꠦ ꠍꠤꠟꠐ ꠀꠞ ꠀꠡꠣꠝꠞ ꠔꠣꠘꠤꠅ ꠖꠟꠣꠘ ꠡꠁꠟꠤꠞ ꠛꠤꠡꠦꠡ ꠒꠃꠟ। 189V ꠚꠤꠞꠣꠔ ꠀꠡꠣꠝ ꠔꠔꠣ ꠍꠤꠟꠐ ꠅꠘ꠆ꠌꠟꠅ ꠏꠦꠏꠣꠔ ꠈꠔꠤꠞ ꠄꠈ ꠜꠁꠍꠣꠟꠞ ꠛꠣꠖꠦ ꠞꠣꠎꠎꠤꠞ ꠖꠟꠣꠘꠇꠥꠐꠣꠁꠘ ꠛꠤꠘꠣꠡ ꠅꠁꠟꠦꠅ ꠀꠡꠣꠝ-ꠀꠖꠟꠞ ꠛꠣꠠꠤꠘ꠆ꠔꠞ ꠢꠤꠟꠣꠘ ꠈꠔꠤ ꠅꠁꠍ꠆ꠟ ꠘꠣ। ꠏꠦꠔꠣꠞꠖꠣꠄ ꠄꠞꠛꠣꠖ ꠔꠘꠦ ꠍꠤꠟꠐ ꠅꠘ꠆ꠌꠟ ꠁꠏꠣꠔꠞ ꠛꠣꠠꠤꠘ ꠔꠥꠟꠣ ꠛꠟꠔꠦ ꠕꠣꠈꠦ। ꠀꠗꠥꠘꠤꠇ ꠍꠈꠍꠈꠣ ꠢꠣꠔꠔꠣꠟꠣ ꠖꠟꠣꠘꠞ ꠛꠖꠟꠣ ꠄꠛ ꠍꠤꠟꠐ ꠅꠘ꠆ꠌꠟꠞ ꠝꠣꠘꠡꠦ ꠁꠔꠣ ꠊꠞꠣꠁꠘ ꠔꠥꠟꠞꠣ।
ꠀꠝꠞꠤꠇꠣꠚꠛꠣꠡꠤ ꠡꠣꠁꠔꠔꠤꠇ ꠀꠞ ꠚꠐꠥꠔꠥꠟꠞꠣ ꠀꠘꠥꠀꠞ ꠁꠇꠛꠣꠟꠞ ‘ꠀꠡꠣꠝ ꠛꠣꠠꠤ’ ꠍꠣꠋꠉꠤꠘꠣꠝꠦ ꠄꠉꠥ ꠟꠦꠉꠣ ꠍꠣꠚꠣ ꠅꠁꠍꠦ ꠡꠣꠝꠍꠥꠟ ꠝꠎꠤꠖ ꠌꠃꠗꠥꠞꠤ ꠍꠣꠇꠤꠞ ‘ꠀꠡꠣꠝ ꠐꠣꠁꠙ ꠁꠃꠘꠤꠇ ꠢꠦꠞꠤꠐꠦꠎ ꠢꠣꠃꠏꠦꠍ ꠁꠘ ꠍꠤꠟꠦꠐ’ ꠘꠣꠝꠞ ꠛꠁꠅ।
ꠁꠘꠅ ꠈꠃꠀ ꠅꠄ, ꠄꠋꠟ-ꠛꠞꠝꠤ ꠎꠥꠖ꠆ꠖꠔ ꠏꠤꠔꠣꠞ ꠛꠣꠖꠦ 18Γd ꠚꠤꠞꠣꠔ ꠁꠋꠟꠤꠡ ꠅꠈꠟꠦ ꠀꠡꠣꠝꠅ ꠚꠡꠣꠡꠘꠤꠇ ꠖꠟꠣꠘꠣꠁꠘ ꠇꠣꠁꠝ ꠈꠞꠣꠞ ꠢꠣꠃꠍ ꠈꠞꠦ। ꠢꠤ ꠡꠝꠄ ꠝꠥꠉꠟ ꠅꠈꠟꠞ ꠀꠛꠤꠡꠇꠣꠞꠤ ꠝꠢꠟ ꠁꠍꠔꠣꠚꠘꠣꠞ ꠛꠖꠟꠣ ꠁꠋꠟꠤꠡ ꠅꠈꠟꠦ ꠀꠡꠣꠝꠞ ꠚꠇꠞꠤꠔꠤ, ꠚꠞꠤꠛꠦꠡ ꠀꠞ ꠀꠛꠢꠣꠃꠀ ꠝꠥꠔꠣꠛꠦꠇ ꠘꠄꠀ ꠄꠈꠏꠣꠔꠤ ꠖꠟꠣꠘꠞ ꠇꠤꠍꠤꠝ ꠔꠣꠁꠀꠞ ꠈꠞꠦ। ꠅꠔꠣ ꠖꠟꠣꠘꠣꠁꠘ ꠛꠣꠖꠦ ‘ꠀꠡꠣꠝ ꠇꠤꠍꠤꠝꠞ ꠛꠣꠠꠤ’ ꠘꠣꠝꠦ ꠏꠣꠘꠣꠏꠣꠘꠤ ꠅꠄ।
ꠉꠛꠦꠡꠇ ꠅꠈꠟꠞ ꠔꠁꠔ꠆ꠔ ꠀꠘꠝꠣꠘ, 19Γ0 ꠔꠘꠦ 19d0 ꠚꠤꠞꠣꠞ ꠝꠣꠏꠈꠣꠘꠅ ꠍꠤꠟꠐ ꠅꠘ꠆ꠌꠟꠅ ꠀꠡꠣꠝ ꠇꠤꠍꠤꠝꠞ ꠛꠣꠠꠤꠘ ꠡꠛꠍꠦ ꠛꠦꠡꠤ ꠔꠣꠁꠀꠞ ꠅꠁꠍꠦ। ꠛꠣꠋꠟꠞ-ꠟꠣꠈꠣꠘ ꠈꠞꠤꠀ ꠁꠔꠣ ꠖꠟꠣꠘꠣꠁꠘ ꠛꠣꠘꠣꠁꠔꠦ ꠛꠣꠡ ꠇꠤ ꠞꠥꠇꠞ ꠛꠦꠐꠘ ꠛꠦꠛꠀꠞ ꠈꠞꠣ ꠅꠁꠔ। ꠏꠦꠉꠔꠤꠇꠦ ꠁꠔꠣ ꠛꠣꠠꠤꠘꠞꠦ ‘ꠛꠣꠋꠟꠣ ꠛꠦꠐꠘ ꠁꠡꠐꠣꠁꠟ’ ꠈꠃꠀ ꠅꠄ ꠈꠞꠤꠅ ꠏꠣꠘꠣ ꠏꠣꠄ। ꠁꠔꠣ ꠖꠟꠣꠘ ꠛꠣꠘꠣꠘꠤꠔ ꠄꠈ ꠡꠝꠄꠇꠥ ꠛꠣꠡ, ꠔꠈꠔꠣ, ꠝꠣꠐꠤ ꠀꠞ ꠍꠥꠘ ꠟꠣꠉꠣꠘꠤ ꠅꠁꠟꠦꠅ ꠡꠝꠄ ꠅꠞ ꠍꠇꠇꠞꠦ ꠐꠤꠘ, ꠔꠤꠘꠇꠥꠘꠤ ꠟꠥꠀꠞ ꠞꠒ ꠀꠞ ꠍꠥꠘ–ꠡꠥꠞꠇꠤ ꠖꠦꠃꠀ ꠅꠄ। ꠄꠞꠛꠣꠖꠦ ꠁꠐ, ꠚꠣꠔ꠆ꠔꠞ, ꠛꠣꠟꠥ, ꠍꠤꠝꠦꠘꠐꠞ ꠛꠦꠛꠀꠞ ꠡꠥꠞꠥ ꠅꠄ। ꠀꠍꠔꠦ ꠀꠍꠔꠦ ꠖꠥꠁꠔꠣꠟꠣ ꠀꠡꠣꠝ-ꠇꠤꠍꠤꠝꠞ ꠛꠣꠠꠤꠅ ꠛꠘꠔꠦ ꠕꠣꠈꠦ।
ꠀꠞꠅ ꠚꠠꠇ꠆ꠇꠣ: ꠒꠣꠃꠇꠤꠞ ꠀꠃꠇꠤ
ꠡꠣꠝꠍꠥꠟ ꠝꠎꠤꠖ ꠌꠃꠗꠥꠞꠤꠄ ꠔꠣꠘꠞ ꠀꠡꠣꠝ ꠐꠣꠁꠙ ꠁꠃꠘꠤꠇ ꠢꠦꠞꠤꠐꠦꠎ ꠢꠣꠃꠏꠦꠍ ꠁꠘ ꠍꠤꠟꠦꠐ ꠛꠁꠅ ꠈꠁꠍꠂꠘ, ꠁꠔꠣ ꠛꠣꠠꠤꠘ ꠚꠞꠤꠛꠦꠡꠞ ꠟꠣꠉꠤ ꠛꠃꠔ ꠛꠣꠟꠣ ꠀꠟ ꠀꠞꠣꠝꠞ। ꠜꠤꠔꠞꠞ ꠚꠞꠤꠛꠦꠡ ꠡꠤꠔꠞꠖꠤꠘ ꠃꠝ ꠀꠞ ꠉꠞꠝꠞ ꠖꠤꠘ ꠐꠣꠘꠒꠣ ꠕꠣꠈꠦ। ꠁꠔꠣ ꠛꠣꠠꠤꠔ ꠢꠣꠃꠀ ꠢꠣꠝꠣꠘꠤꠞ ꠚꠕ (ꠜꠦꠘꠒꠤꠟꠦꠐꠞ) ꠞꠄ ꠉꠔꠤꠇꠦ ꠘꠣ ꠀꠐꠇꠤꠀ ꠛꠄꠀꠞ ꠀꠁꠔ ꠏꠣꠁꠔ ꠚꠣꠞꠦ। ꠏꠣꠞ ꠖꠣꠄ ꠛꠦꠠꠣ ꠉꠤꠟꠟꠣ ꠇꠤ ꠒꠦꠝ꠆ꠙ ꠅꠄ ꠘꠣ। ꠚꠣꠇꠞꠤꠔꠤꠇ ꠇꠥꠘꠥ ꠉꠞꠖꠤꠡꠦ ꠊꠞꠛꠣꠠꠤꠘ ꠛꠤꠘꠣꠡ ꠅꠁꠟꠦꠅ ꠈꠔꠤꠞ ꠚꠞꠤꠝꠣꠘ ꠝꠤꠟꠣꠁꠀ ꠖꠦꠈꠟꠦ ꠈꠝ ꠃ ꠅꠄ, ꠛꠤꠡꠦꠡ ꠈꠞꠤ ꠝꠣꠘꠡꠞ ꠝꠞꠣꠞ ꠒꠞ ꠈꠝ ꠕꠣꠈꠦ।
ꠍꠤꠟꠐ ꠍꠤꠐꠤꠞ ꠇꠣꠡ꠆ꠐꠊꠞ, ꠢꠣꠃꠀꠚꠣꠠꠣ, ꠍꠣꠟꠤꠛꠘ꠆ꠖꠞ, ꠔꠣꠔꠤꠚꠣꠠꠣ, ꠡꠣꠢꠤ ꠁꠖꠉꠣ, ꠀꠝ꠆ꠛꠞꠈꠣꠘꠣ, ꠁꠀꠞꠙꠥꠐ ꠍꠠꠈ, ꠖꠞꠉꠣ ꠉꠦꠁꠐ ꠡꠁꠔꠦ ꠘꠣꠘꠣꠘ ꠏꠣꠉꠣꠔ ꠄꠛꠔꠞꠤ ꠞꠣꠎꠎꠤꠞ ꠀꠡꠣꠝ-ꠇꠤꠍꠤꠝꠞ ꠛꠣꠠꠤꠘ ꠖꠦꠈꠔꠦ ꠝꠤꠟꠦ। ꠄꠞ ꠛꠣꠞꠦꠅ ꠛꠤꠢꠔ꠆ꠔꠞ ꠍꠤꠟꠐꠞ ꠍꠣꠁꠞ ꠎꠤꠟꠣꠞ ꠘꠣꠘꠣꠘ ꠉꠣꠃꠔ ꠅ ꠁꠟꠣꠘ ꠛꠣꠠꠤꠊꠞꠣꠁꠘ ꠞꠁꠍꠦ। ꠍꠤꠟꠐꠞ ꠉꠥꠟꠣꠚꠉꠂꠘ꠆ꠎꠞ ꠞꠘꠈꠦꠟꠤ ꠘꠥꠀꠚꠣꠠꠣ ꠉꠣꠃꠔ ꠕꠣꠈꠞꠣ, ꠛꠦꠋꠇꠅ ꠍꠣꠈꠞꠤꠀꠘ ꠍꠣꠖ ꠀꠢꠝꠖ ꠌꠃꠗꠥꠞꠤꠄ ꠈꠁꠘ, 19৩0 ꠚꠤꠞꠣꠔ ꠔꠣꠘꠞ ꠖꠣꠖꠣ ꠈꠣꠘ ꠛꠣꠢꠣꠖꠥꠞ ꠝꠥꠢꠣꠝ꠆ꠝꠖ ꠌꠃꠗꠥꠞꠤꠄ ꠙ꠆ꠞꠣꠄ 8 ꠀꠏꠣꠞ ꠛꠞ꠆ꠉꠚꠥꠐ ꠏꠣꠉꠣꠔ ꠀꠡꠣꠝ-ꠇꠤꠍꠤꠝꠞ ꠛꠣꠠꠤ ꠔꠥꠟꠌꠤꠟꠣ। ꠄꠛ ꠔꠣꠁꠘꠔꠣꠁꠘ ꠁ ꠛꠣꠠꠤꠔ ꠞꠁꠍꠂꠘ, ꠛꠦꠡ-ꠔꠘꠦ-ꠛꠦꠡ ꠈꠈꠛꠣꠞ ꠈꠣꠟꠤ ꠉꠠꠣ ꠟꠣꠉꠍꠦ।
