শুরমা ফারর খবর ছিলটি জবানে ছিলটর খবর
Related Articles
ꠡꠥꠞꠥꠎ ꠒꠥꠛꠣꠞ ꠛꠣꠖꠦꠅ ꠄꠈꠎꠣꠔꠤ ꠀꠃꠟꠣ ꠛꠄꠀꠞ ꠡꠥꠞꠥ ꠅꠄ⁕ ꠍꠟꠦ ৩/৪ ꠊꠘ꠆ꠐꠣ⁕ ꠛꠣꠖꠦ ꠡꠛꠔꠣ ꠀꠞꠛꠣꠞ ꠘꠤꠞꠣꠁꠍꠤꠞꠣꠁ⁕ ꠁ ꠛꠄꠀꠞ ꠇꠤꠘꠔꠥꠇ ꠇꠥꠛ ꠉꠞꠝ ꠛꠣ ꠁꠝ ꠘꠣꠄ⁕ ꠄꠈꠎꠣꠔꠤ ꠚꠣꠉꠟꠣꠝꠤ ꠀꠍꠦ ꠁ ꠛꠄꠀꠞꠞ ꠝꠣꠏꠦ⁕ ꠄꠈꠧꠖꠤꠘ ꠡꠥꠞ꠆ꠎ ꠃꠑꠣꠞ ꠀꠉꠦ ꠡꠥꠞꠥ ꠅꠁꠀ ꠁ ꠛꠄꠀꠞ ২/৩ ꠊꠘ꠆ꠐꠣ ꠖꠦꠄ⁕ ꠕꠣꠘꠤꠅ ꠝꠣꠘꠡꠦ ꠞꠣ ꠁ ꠛꠄꠀꠞ ꠛꠠ ꠛꠦꠇꠥꠝꠣ⁕
ꠒꠣꠃꠇꠤ ꠜꠣꠞꠔꠞ ꠝꠦꠊꠣꠟꠎ ꠞꠣꠁꠎ꠆ꠎꠞ ꠚꠍꠤꠝ ꠎꠂꠘ꠆ꠔꠤꠀ ꠙꠣꠞ꠆ꠛꠔ꠆ꠔ ꠎꠦꠟꠣꠔ ꠕꠣꠇꠣ ꠄꠈ ꠇꠥꠐꠤꠝꠥꠐꠤ ꠉꠣꠅꠀꠟꠤ ꠡꠢꠞ⁕ ꠛꠣꠋꠟꠣꠖꠦꠡꠞ ꠎꠣꠚꠟꠋ ꠎꠤꠞꠧ ꠙꠄꠘ꠆ꠐ ꠄꠟꠣꠇꠣꠉꠥꠅ ’ꠒꠣꠃꠇꠤ’ ꠘꠣꠝꠦ ꠚꠞꠤꠍꠤꠔ⁕ ꠁꠈꠣꠘ ꠛꠣꠄ ꠛꠣꠁꠀ ꠀꠅꠀ ꠜꠣꠞꠔꠞ ’ꠃꠝꠘꠊꠐ’ ꠛꠣ ’ꠅꠝꠊꠐ’ ꠉꠣꠋꠉ ꠖꠥꠁ ꠈꠟꠤ ꠅꠁꠀ ꠄꠉꠥ ꠡꠥꠎꠣ ꠖꠇ꠆ꠇꠤꠘ ꠛꠣꠄ ꠀꠞ ꠀꠞꠉꠥ ꠚꠍꠤꠝ ꠛꠣꠄ ꠛꠣꠁꠀ ꠉꠦꠍꠦ⁕ ꠖꠇ꠆ꠇꠤꠘ ꠛꠣꠄ ꠛꠟ꠆ꠟꠣꠊꠣꠐ ꠅꠁꠀ ꠍꠟꠣ ꠘꠖꠤꠉꠥ ’ꠒꠣꠃꠇꠤ’ ꠘꠣꠝꠦ ꠚꠞꠤꠍꠤꠔ⁕
‘’ꠀꠃꠇꠤ’ ꠄꠉꠥ ꠕꠣꠘꠤꠅ ꠡꠛ꠆ꠖ⁕ ꠀꠎꠦꠛꠣꠎꠦ ꠝꠣꠔꠤꠀ ꠍꠤꠟ꠆ꠟꠣꠍꠤꠟ꠆ꠟꠤ ꠈꠞꠤꠀ ꠘꠤꠞꠣꠁ ꠚꠞꠤꠛꠦꠡꠞꠦ ꠅꠡꠣꠘ꠆ꠔꠤꠞ ꠈꠞꠤꠣ ꠔꠥꠟꠦ, ꠁꠟꠣꠘ ꠝꠣꠘꠥꠡꠞꠦ ꠡꠣꠗꠣꠞꠘꠔ: ’ꠀꠃꠇꠤ’ ꠈꠃꠀ ꠅꠄ⁕ ꠛꠃꠔꠦ ꠡꠛ꠆ꠖꠐꠣꠞꠦ ’ꠀꠃꠇꠣꠟꠤ’ꠅ ꠈꠂꠘ⁕ ꠒꠣꠃꠇꠤꠞ ꠛꠄꠀꠞꠅ ꠅꠘꠦꠈꠐꠣ ꠅꠟꠣꠘ⁕ ꠢꠦ ꠔꠣꠟꠘꠤꠞꠣꠁ ꠚꠇꠞꠤꠔꠤꠞꠦ ꠛꠦꠔꠣꠟꠣ ꠈꠞꠤ ꠔꠥꠟꠦ ꠎꠣꠞ ꠇꠥꠘꠥ ꠅꠞ꠆ꠕ ꠘꠣꠁ⁕ ꠄꠞꠖꠣꠄ ꠕꠣꠘꠤꠅ ꠝꠣꠘꠡꠞ ꠉꠦꠍꠦ ’ꠒꠣꠃꠇꠤꠞ ꠀꠃꠇꠤ’ ꠘꠣꠝꠦ ꠄꠉꠥ ꠍꠤꠟꠟꠈꠞ ꠍꠟ ꠀꠍꠦ⁕ ꠇꠥꠘꠥ ꠛꠣꠠꠤꠔ ꠅꠔꠤꠞꠤꠇ꠆ꠔ ꠀꠝꠍꠂꠟ, ꠀꠘꠖꠥ ꠢꠣꠃꠇꠍꠤꠇꠞ ꠡꠝꠄ ꠝꠥꠞꠛꠛꠤ ꠝꠣꠘꠥꠡ ꠅꠈꠟꠦ ꠈꠂꠔꠣ ꠁꠘꠧ ’ꠒꠣꠃꠇꠤꠞ ꠀꠃꠇꠤ’ ꠡꠥꠞꠥ ꠅꠁ ꠉꠦꠍꠦ⁕ ’ꠒꠣꠃꠇꠤꠞ ꠀꠃꠇꠤ’ ꠄꠉꠥ ꠒꠣꠈꠞ ꠈꠕꠣ ꠢꠤꠡꠣꠛꠦ ꠚꠍꠟꠤꠔ⁕
’ꠒꠣꠃꠇꠤ ꠚꠟ꠆ꠐ’ ꠢꠣꠞꠤ ꠖꠥꠘꠤꠀꠞ ꠛꠤꠉ꠆ꠉꠣꠘꠤꠘ꠆ꠔꠞ ꠉꠦꠍꠦ ꠄꠈ ꠜꠅꠋꠇꠞ ꠘꠣꠝ⁕ ১৮৯৭ ꠡꠣꠟꠞ ১২ ꠎꠥꠘ ꠅꠀ ’ꠖꠣ ꠉ꠆ꠞꠦꠐ ꠀꠡꠣꠝ ꠀꠞ꠆ꠕꠇꠧꠄꠇ’ ꠛꠣ ’ꠛꠠ ꠛꠂꠍꠣꠟ’ ꠅꠞ ꠝꠦꠅꠀꠛꠤꠘꠖꠥ ꠀꠍꠤꠟ ’ꠒꠣꠃꠇꠤ ꠚꠟ꠆ꠐ’⁕ ꠁꠖꠣꠘꠤꠋꠇꠥꠞ ꠘꠄꠘꠄ ꠛꠂꠍꠣꠟꠦꠅ ꠎꠣꠉꠣꠐꠣꠞ ꠘꠣꠝ ꠛꠣꠞꠛꠣꠞ ꠃꠌ꠆ꠌꠣꠞꠤꠔ ꠅꠞ⁕
’ꠒꠣꠃꠇꠤꠞ ꠀꠃꠇꠤ’ ꠛꠤꠀꠚꠣꠞꠉꠥ ꠟꠂꠀ ꠜꠥꠔꠣꠔ꠆ꠔꠤꠇꠞꠣ ꠉꠛꠦꠡꠘꠣ ꠈꠞꠟꠦ ꠢꠄꠔꠧ ꠛꠃꠔ ꠅꠎꠣꠘꠣ ꠛꠤꠀꠚꠣꠞ ꠎꠣꠘꠣ ꠎꠣꠁꠔꠧ⁕
