Breaking News
Home / ꠖꠦꠡꠞ ꠈꠛꠞ / ꠘꠣꠝꠤꠀꠟꠣ ꠅꠜꠤꠘꠦꠔꠣ ꠀꠢꠝꠦꠖ ꠞꠥꠛꠦꠟ ꠀꠞ ꠘꠣꠁ

ꠘꠣꠝꠤꠀꠟꠣ ꠅꠜꠤꠘꠦꠔꠣ ꠀꠢꠝꠦꠖ ꠞꠥꠛꠦꠟ ꠀꠞ ꠘꠣꠁ

ꠀꠢꠝꠦꠖ ꠞꠥꠛꠦꠟ [ꠍꠛꠤ ©ꠘꠦꠐ]
ꠖꠤꠞ꠆ꠊ ꠀꠐ ꠛꠞꠍ ꠛꠣꠞ ꠍꠣꠁꠀ ꠀꠁꠎ 9 ꠚꠦꠛꠥꠀꠞꠤ ꠍꠣꠞꠣ ꠚꠣꠁꠛ ‘ꠙꠦꠀꠞꠣꠞ ꠡꠥꠛꠣꠡ’ [পেয়ারার সুবাস] ꠍꠛꠤ ⁕ ꠍꠛꠤ ꠁꠉꠥ ꠟꠁꠀ ꠘꠤꠎꠦ ꠃ ꠎꠦ ꠃꠔꠟꠣ ꠀꠍꠟꠣ ꠀꠢꠝꠦꠖ ꠞꠥꠛꠦꠟ ⁕
ꠔꠄ ꠜꠣꠁꠉ꠆ꠉꠞ ꠇꠤ ꠟꠤꠟꠣꠈꠦꠟꠣ, ꠉꠦꠍꠦ ꠛꠥꠗꠛꠣꠞ (V ꠚꠦꠛꠥꠀꠞꠤ) ꠢꠣꠞ꠆ꠐ ꠄꠐꠣꠇ ꠈꠞꠤꠀ ꠝꠣꠞꠣ ꠉꠦꠍꠂꠘ ꠎꠘꠙꠤꠞꠤꠅ ꠅꠜꠤꠘꠦꠔꠣ ꠀꠢꠝꠦꠖ ꠞꠥꠛꠦꠟ (ꠁꠘ꠆ꠘꠣ ꠟꠤꠟ꠆ꠟꠣꠢꠤ ꠃꠀ ꠁꠘ꠆ꠘꠣ ꠁꠟꠣꠁꠢꠤ ꠞꠣꠎꠤꠃꠘ) ⁕ ꠘꠤꠎꠞ ꠅꠜꠤꠘꠤꠔ ꠍꠛꠤꠞ ꠙ꠆ꠞꠤꠝꠤꠀꠞ ꠡꠥ’ꠔ ꠀꠎꠤꠞ ꠅꠁꠛꠣꠞ ꠄꠈꠔꠤꠛꠁꠟ ꠛꠣꠖꠦ ꠃ ꠀꠈꠔꠣ ꠢꠣꠞ꠆ꠐ ꠄꠐꠣꠇꠦ ꠔꠣꠘ ꠖꠝ ꠎꠣꠄꠉꠤ ⁕ ꠝꠞꠣꠞ ꠈꠣꠟꠅ ꠔꠣꠘꠞ ꠛꠄꠡ ꠅꠁꠍꠤꠟ ☽☽ ꠛꠍꠞ ⁕
ꠡꠛ ꠝꠣꠁꠘꠡꠞ ꠡꠖ꠆ꠖꠣ ꠘꠤꠛꠦꠖꠘꠞ ꠟꠣꠉꠤ ꠉꠥꠘꠤꠀꠟꠣ ꠅꠜꠤꠘꠦꠔꠣ ꠀꠢꠝꠦꠖ ꠞꠥꠛꠦꠟꠞ ꠟꠣꠡ ꠛꠤꠞꠥꠡꠥꠔꠛꠣꠞ (8 ꠚꠦꠛꠥꠀꠞꠤ) ꠞꠣꠎꠗꠣꠘꠤꠞ ꠡꠦꠉꠥꠘꠛꠣꠉꠤꠍꠣꠔ ꠞꠃꠀ ꠛꠣꠋꠟꠣꠖꠦꠡ ꠡꠤꠟ꠆ꠙꠇꠟꠣ ꠄꠇꠣꠒꠦꠝꠤꠞ ꠃꠐꠣꠘꠅ ꠞꠣꠈꠣ ꠅꠁꠍꠤꠟ ⁕
ꠓꠣꠈꠣ ꠕꠤꠄꠐꠣꠞꠞ ꠚꠇ꠆ꠇꠦ ꠘꠣꠍꠤꠞ ꠃꠖ꠆ꠖꠤꠘ ꠁꠃꠍꠥꠚ ꠛꠣꠌ꠆ꠌꠥꠄ ꠈꠁꠘ, 198V ꠡꠣꠟ ꠞꠥꠛꠦꠟ ꠓꠣꠈꠣ ꠕꠤꠄꠐꠣꠞꠞ ꠟꠉꠦ ꠎꠥꠉ ꠖꠦꠁꠘ ⁕ ꠄꠞꠛꠣꠖ ꠔꠘꠦ ꠔꠣꠁꠘ ꠔꠣꠞꠣꠞ ꠟꠉꠦ ꠟꠣꠉꠤꠀ ꠀꠍꠟꠣ ⁕

ꠉꠣꠎꠤꠚꠥꠞꠞ ꠝꠥꠟ ꠡꠚꠚꠣꠘꠣꠔ ꠝꠣꠁꠅꠞ ꠈꠄꠛꠞꠅ ꠖꠣꠚꠘ ꠅꠁꠟꠣ ꠅꠜꠤꠘꠦꠔꠣ ꠀꠢꠝꠦꠖ ꠞꠥꠛꠦꠟ ⁕ ꠄꠞꠣꠉꠦ ꠉꠣꠎꠤꠚꠥꠞꠞ ꠞꠣꠎꠛꠣꠠꠤ ꠈꠦꠞꠤꠟꠞ ꠝꠣꠑꠅ ꠎꠣꠘꠣꠎꠣ ꠅꠄ ꠔꠣꠘ ⁕ ꠛꠣꠖꠦ ꠉꠦꠍꠦ ꠈꠣꠁꠟ ꠀꠍꠞꠞ ꠚꠞꠦ ꠔꠣꠋꠞ ꠘꠤꠎ ꠄꠟꠣꠇꠣ ꠉꠣꠎꠤꠚꠥꠞ ꠎꠣꠘꠣꠎꠣ ꠀꠞ ꠖꠣꠚꠘ ꠈꠞꠣ ꠅꠄ ⁕

ꠀꠢꠝꠦꠖ ꠞꠥꠛꠦꠟꠞ ꠖꠥꠁ ꠜꠣꠁ ꠀꠞ ꠍꠣꠁꠞ ꠛꠘꠤꠞ ꠝꠣꠏꠦ ꠄꠈ ꠜꠣꠁ ꠢꠣꠞ꠆ꠐ ꠄꠐꠣꠇꠦ ꠀꠉꠦꠃ ꠝꠣꠞꠣ ꠉꠦꠍꠂꠘ ⁕ ꠞꠥꠛꠦꠟꠅ ꠝꠣꠞꠣ ꠉꠦꠟꠣ ꠄꠇꠤ ꠟꠣꠈꠣꠘ ⁕ ꠔꠣꠘꠔꠣꠘ ꠍꠣꠁꠞ ꠛꠘꠤꠞ ꠝꠣꠏꠦ ꠖꠥꠁ ꠛꠁꠘ ꠕꠣꠈꠂꠘ ꠓꠣꠈꠣꠔ, ꠖꠥꠁ ꠛꠁꠘ ꠀꠝꠞꠤꠇꠣꠔ ⁕ ꠀꠢꠝꠦꠖ ꠞꠥꠛꠦꠟꠞ ꠛꠤꠛꠤꠞ ꠘꠣꠝ ꠝꠘꠥꠀꠞꠣ ꠛꠦꠉꠝ ⁕ ꠞꠥꠛꠦꠟ-ꠝꠘꠥꠀꠞꠣꠞ ꠡꠋꠡꠣꠞꠅ ꠇꠥꠘꠥ ꠛꠣꠁꠌ꠆ꠌꠣ ꠈꠣꠁꠌ꠆ꠌꠣ ꠘꠣꠁ ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …