শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠞ ꠃꠍꠝꠣꠘꠤꠘꠉꠞꠞ ꠀꠢꠝꠖꠘꠉꠞꠧ ꠞꠁꠛꠣꠞ ꠛꠤꠀꠘꠦ ꠍꠤꠟꠐ-ꠑꠣꠈꠣ ꠛꠤꠡ꠆ꠡꠞꠃꠒꠧ ꠄꠈꠟꠉꠦ ৫ꠈꠣꠘ ꠉꠣꠠꠤꠞ ꠐꠇ꠆ꠇꠞ ꠟꠣꠉꠦ। ꠏꠦꠛꠣꠟꠣ ꠏꠣꠉꠣꠔꠃ ꠝꠐꠞꠍꠣꠁꠇꠦꠟ ꠍꠣꠟꠣꠃꠞꠘ ১ ꠏꠘꠞ ꠝꠃꠔ ꠅꠄ। ꠏꠦꠏꠣꠉꠣꠔ ꠀꠞꠈꠏꠘ ꠏꠦ ꠏꠈꠝ ꠅꠁꠘ। ꠁ ꠉꠞꠖꠤꠡ ꠈꠣꠘꠔꠣ ꠊꠐꠦ ꠡꠈꠣꠟ ꠡꠣꠠꠦ ꠘꠄꠐꠣ ꠛꠣꠄ। ꠝꠣꠞꠣ ꠏꠣꠃꠀ ꠈꠟꠤꠟꠥꠞ ꠞꠢꠝꠣꠘꠞ ꠛꠣꠠꠤ ꠃꠍꠝꠣꠘꠤꠘꠉꠞ ꠃꠚꠎꠤꠟꠣꠞ ꠛꠣꠝ꠆ꠝꠘꠡꠣꠡꠘ ꠉꠣꠃꠔ।
ꠔꠁꠔ꠆ꠔ ꠈꠣꠘ ꠘꠤꠌ꠆ꠌꠤꠔ ꠈꠞꠂꠘ ꠃꠍꠝꠣꠘꠤꠘꠉꠞ ꠕꠣꠘꠣꠞ ꠅꠍꠤ ꠝꠣꠍꠥꠖꠥꠟ ꠀꠘꠣꠝꠦ। ꠔꠣꠁꠘ ꠏꠣꠘꠣꠁꠘ, ꠈꠛꠞ ꠚꠣꠁꠀ ꠕꠣꠘꠣ ꠚꠥꠟꠤꠡ ꠀꠞ ꠚꠣꠄꠀꠞ ꠍꠣꠞꠜꠤꠍꠞ ꠛꠦꠐꠣꠁꠘ ꠊꠐꠘꠣꠞ ꠅꠘꠧ ꠉꠤꠀ ꠏꠈꠝꠣꠟꠣꠘꠞꠦ ꠍꠤꠟꠦꠐ ꠄꠝꠄꠎꠤ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟꠧ ꠚꠣꠐꠣꠄ।
ꠖꠦꠈꠞꠣ ꠅꠈꠟꠞ ꠏꠞꠤꠀꠄ ꠚꠥꠟꠤꠡꠦ ꠈꠄ, ꠄꠈꠟꠉꠦ ꠄꠈꠣꠘ ꠐꠣꠈ, ꠛꠣꠍ, ꠙꠤꠇꠀꠙ ꠀꠞ ꠅꠐꠧꠞꠤꠇꠡꠣꠞ ꠄꠇꠍꠤꠒꠦꠘ꠆ꠐ ꠊꠐꠦ। ꠙꠤꠇꠀꠙꠦ ꠈꠣꠘꠖꠣꠞ ꠝꠐꠞꠍꠣꠁꠇꠦꠟꠞꠦ ꠍꠤꠚꠣ ꠝꠣꠞꠟꠦ ꠏꠣꠉꠣꠔꠃ ꠝꠣꠞꠣ ꠏꠣꠁꠘ ꠈꠟꠤꠟꠥꠞ ꠞꠢꠝꠣꠘ।
