শুরমা ফারর খবর ছিলটি জবানে ছিলটর খবর
Related Articles
ꠍꠤꠟꠐꠤ ꠘꠣꠉꠞꠤꠟꠤꠚꠤꠞꠦ ꠖꠥꠘꠤꠀꠞ ꠐꠣꠁꠘ ꠚꠞꠤꠍꠄ ꠈꠞꠣꠘꠤꠞ ꠘꠤꠅꠔꠦ ꠘꠣꠉꠞꠤ ꠜꠣꠡꠣ ꠁꠘ꠆ꠍꠐꠤꠐꠤꠃꠐ ꠉꠠꠤꠀ ꠔꠥꠟꠣꠞ ꠟꠣꠉꠤꠘ ꠀꠞ ꠍꠤꠟꠐ ꠛꠤꠜꠣꠉꠞ ꠘꠤꠀꠎ꠆ꠎ ꠖꠣꠛꠤ ꠖꠣꠃꠀ ꠀꠖꠣꠄꠞ ꠟꠣꠉꠤꠘ ꠛꠘꠣ ꠞꠣꠎꠘꠂꠔꠤꠇ ꠡꠋꠉꠑꠘ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠁꠘ꠆ꠔꠦꠏꠣꠝꠦ ꠖꠂꠘꠤꠇ ꠍꠤꠟꠦꠐꠦꠞ ꠒꠣꠈꠞ ꠡꠝ꠆ꠙꠣꠖꠇ ꠝꠘ꠆ꠒꠟꠤꠞ ꠡꠜꠣꠚꠔꠤ ꠖꠣꠘꠛꠤꠞ ꠒꠇ꠆ꠐꠞ ꠍꠂꠅꠖ ꠞꠣꠉꠤꠛ ꠀꠟꠤꠞꠦ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠚꠇ꠆ꠇ ꠔꠘꠦ ꠝꠣꠘꠚꠔ꠆ꠞ ꠀꠞ ꠡꠝ꠆ꠝꠣꠘꠘꠣ ꠖꠦꠃꠀ ꠅꠁꠍꠦ ⁕
ꠉꠦꠍꠦꠈꠣꠁꠟ ꠡꠥꠇ꠆ꠇꠥꠞꠛꠣꠞ (11 ꠀꠉꠡ꠆ꠐ) ꠛꠤꠀꠟꠦ ꠍꠤꠟꠐꠞ ꠟꠣꠇ꠆ꠇꠣꠔꠥꠞꠣꠔ ꠞꠣꠉꠤꠛ ꠀꠟꠤꠞ ꠘꠤꠎ ꠛꠣꠋꠟꠧꠔ ꠁ ꠅꠘꠥꠡ꠆ꠑꠣꠘ ꠅꠄ ⁕ ꠁꠛꠣꠟꠣ ꠒ. ꠍꠂꠅꠖ ꠞꠣꠉꠤꠛ ꠀꠟꠤꠄ ꠈꠁꠟꠣ, ꠛꠣꠋꠟꠣꠖꠦꠡꠞ ꠜꠤꠔꠞꠦ ꠍꠤꠟꠐ ꠄꠈꠝꠣꠔ꠆ꠞ ꠛꠤꠜꠣꠉ ꠏꠦꠈꠣꠘꠞ ꠀꠞꠏꠣꠔ ꠝꠣꠔ ꠀꠞ ꠅꠇ꠆ꠇꠞ ꠞꠁꠍꠦ ⁕ ꠏꠦꠔꠣ ꠅꠁꠘ꠆ꠘꠣꠘ꠆ꠘ ꠛꠤꠜꠣꠉꠧ ꠘꠣꠁ ⁕ ꠏꠦ ꠝꠣꠔꠞ ꠘꠣꠝ “ꠍꠤꠟꠐꠤ ꠝꠣꠔ”, ꠏꠦꠉꠥ ꠍꠤꠟꠐ ꠛꠤꠜꠣꠉꠞ ꠝꠥꠇꠧꠞ ꠝꠣꠔ ⁕ ꠏꠦꠉꠥ ꠀꠘ꠆ꠔꠞ꠆ꠎꠣꠔꠤꠇꠜꠣꠛꠦ ꠡꠣꠄ ꠚꠣꠃꠀ ⁕ ꠁ ꠝꠣꠔꠞ ꠅꠇ꠆ꠇꠞꠉꠤꠀꠘꠞꠦ ꠅꠘꠇꠦ ꠄꠟꠣ ꠈꠞꠣ ꠅꠞ ⁕ ꠁ ꠘꠣꠉꠞꠤ ꠅꠇ꠆ꠇꠞ ꠍꠞ꠆ꠍꠣ ꠅꠄ ꠘꠣ ꠈꠁꠟꠦꠃ ꠍꠟꠦ ⁕ ꠁ ꠝꠣꠔ ꠔꠔꠣ ꠅꠇ꠆ꠈꠞ ꠍꠞ꠆ꠍꠣꠞ ꠖꠣꠄ ꠍꠤꠟꠐ ꠛꠤꠜꠣꠉꠞ ꠚꠞꠔꠦꠈꠐꠣ ꠚꠣꠡ꠆ꠡꠣꠟꠣ ꠁꠎꠇꠥꠟꠧ ꠘꠣꠉꠞꠤ ꠅꠇ꠆ꠇꠞ ꠢꠤꠇꠣꠘꠤꠞ ꠏꠥꠠ ꠖꠣꠛꠤ ꠏꠣꠘꠣꠃꠇ꠆ꠇꠣ ⁕ ꠄꠞ ꠟꠉꠦ ꠔꠣꠁꠘ ꠏꠣꠘꠣꠁꠘ, ꠀꠍꠇꠥꠞ ꠁ ꠍꠥꠐ꠆ꠐꠤꠞ ꠖꠤꠘꠇꠥ ꠝꠦꠊꠛꠣꠖꠟꠤꠞ ꠛꠤꠀꠟꠔꠥꠛꠣꠟꠣ ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠡꠖꠂꠡ꠆ꠡ ꠅꠈꠟꠦ ꠏꠦꠘ ꠀꠝꠣꠞꠦ ꠖꠦꠈꠔꠣ ꠀꠁꠍꠂꠘ, ꠀꠝꠤ ꠏꠛꠞ ꠇꠥꠡꠤ ꠅꠁꠍꠤ ⁕
ꠅꠘꠥꠡ꠆ꠑꠣꠘꠧ ꠅꠁꠘ꠆ꠘꠣꠁꠘ꠆ꠘꠞ ꠝꠣꠏꠦ ꠀꠏꠤꠞ ꠀꠍꠟꠣ, ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠃꠚꠖꠦꠡ꠆ꠐꠣ, ꠖꠥꠞ꠆ꠘꠤꠔꠤ ꠝꠥꠇ꠆ꠔꠈꠞꠘ ꠛꠣꠋꠟꠣꠖꠦꠡ ꠚꠧꠞꠣꠝꠞ ꠇꠦꠘ꠆ꠖ꠆ꠞꠤꠅ ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠞ ꠉꠦꠍ ꠛꠤꠖ꠆ꠖꠥꠔ ꠉ꠆ꠞꠣꠢꠇ ꠇꠟ꠆ꠟꠣꠘ ꠚꠞꠤꠡꠖꠞ ꠇꠦꠘ꠆ꠖ꠆ꠞꠤꠅ ꠀꠢꠛꠣꠄꠇ ꠇꠝꠤꠐꠤꠞ ꠡꠖꠂꠡ꠆ꠡ ꠡꠌꠤꠛ ꠎꠘꠘꠦꠔꠣ ꠝꠇꠍꠥꠖ ꠢꠥꠡꠦꠘ, ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠡꠣꠗꠣꠞꠘ ꠡꠝ꠆ꠙꠣꠖꠇ ꠄꠒꠜꠧꠇꠦꠐ ꠔꠣꠎ ꠞꠤꠢꠣꠘ ꠎꠣꠝꠣꠘ, ꠖꠥꠞ꠆ꠘꠤꠔꠤ ꠝꠥꠇ꠆ꠔꠈꠞꠘ ꠛꠣꠋꠟꠣꠖꠦꠡ ꠚꠧꠞꠣꠝꠞ ꠇꠦꠘ꠆ꠖ꠆ꠞꠤꠅ ꠡꠤꠘꠤꠅꠞ ꠡꠢ-ꠡꠜꠣꠚꠔꠤ ꠀꠟꠢꠣꠎ ꠁꠇꠛꠣꠟ ꠢꠥꠡꠦꠘ ꠌꠃꠗꠥꠞꠤ, ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠡꠢ-ꠡꠣꠗꠣꠞꠘ ꠡꠝ꠆ꠙꠣꠖꠇ ꠀꠞ ꠍꠤꠟꠐꠤ ꠜꠣꠡꠣ ꠡꠋꠉꠑꠇ ꠈꠘ꠆ꠖꠇꠣꠞ ꠡꠚꠤꠃꠟ ꠁꠍꠟꠣꠝ, ꠛꠤꠡꠤꠡ꠆ꠐ ꠟꠦꠈꠇ ꠀꠞ ꠉꠛꠦꠡꠇ ꠄ ꠇꠦ ꠀꠎꠣꠖ ꠈꠣꠘ, ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠇꠦꠘ꠆ꠖ꠆ꠞꠤꠅ ꠙ꠆ꠞꠌꠣꠞ ꠡꠝ꠆ꠙꠣꠖꠇ ꠇꠛꠤ ꠇꠣꠝꠣꠟ ꠀꠢꠝꠖ, ꠍꠤꠟꠐꠤ ꠚꠣꠘ꠆ꠌꠣꠁꠔꠞ ꠡꠢ-ꠡꠣꠋꠉꠑꠘꠤꠇ ꠡꠝ꠆ꠙꠣꠖꠇ ꠟꠦꠈꠇ ꠞꠥꠢꠥꠟ ꠀꠝꠤꠘ ꠡꠥꠝꠘ ⁕
