ꠛꠤꠀ ꠡꠣꠖꠤ ꠈꠥꠖꠣꠞ ꠀꠔ, ꠈꠥꠖꠣꠞ ꠈꠟꠝ ꠟꠠꠦ ꠘꠣ
ꠈꠥꠖꠣꠄ ꠏꠣꠞꠦ ꠈꠟꠝ ꠝꠣꠞꠦ ꠢꠃ ꠈꠟꠝ ꠀꠞ ꠚꠤꠞꠦ ꠘꠣ।
ꠎꠣꠞ ꠛꠃ ꠗꠟꠣ, ꠔꠣꠞ ꠈꠚꠣꠟ ꠜꠣꠟꠣ ꠞꠦ
ꠀꠘ꠆ꠖꠣꠁꠞ ꠞꠣꠁꠔ ꠊꠞꠞ ꠜꠤꠔ꠆ꠔꠞ ꠛꠣꠔ꠆ꠔꠤ ꠎꠣꠟꠣꠁꠟ ꠟꠣꠉꠦꠘꠣ।
ꠎꠣꠞ ꠛꠃ ꠈꠣꠟꠣ, ꠔꠣꠞ ꠅ ꠈꠚꠣꠟ ꠜꠣꠟꠣ ꠞꠦ
ꠞꠣꠍ꠆ꠔꠣ ꠊꠣꠐꠦ ꠍꠟꠔꠦ ꠚꠤꠞꠔꠦ ꠈꠦꠃꠞ ꠘꠏꠞ ꠚꠞꠦ ꠘꠣ।
ꠎꠣꠞ ꠛꠃ ꠟꠣꠝ꠆ꠛꠣ, ꠟꠣꠉꠦ ꠘꠣ ꠜꠣꠁ ꠈꠣꠝ꠆ꠛꠣ ꠞꠦ
ꠉꠣꠍ ꠃꠑꠤꠀ ꠘꠣꠁꠇꠟ ꠚꠣꠞꠔꠦ ꠝꠁ ꠐꠣꠋꠉꠣꠘꠤ ꠟꠣꠉꠦꠘꠣ।
ꠎꠣꠞ ꠛꠃ ꠛꠣꠐ꠆ꠐꠤ, ꠔꠣꠞ ꠈꠚꠣꠟ ꠈꠣꠐꠤ ꠞꠦ
ꠃꠛꠣꠁ ꠃꠛꠣꠁ ꠎꠣꠠꠥ ꠖꠤꠛ ꠃꠘ꠆ꠖꠣ ꠀꠅꠀ ꠟꠣꠉꠦ ꠘꠣ।
ꠎꠣꠞ ꠛꠃ ꠝꠥꠐꠣ, ꠟꠣꠉꠦ ꠘꠣ ꠜꠣꠁ ꠇꠥꠐꠣ ꠞꠦ
ꠛꠂꠡꠣꠉ ꠝꠣꠁꠀ ꠏꠠ-ꠔꠥꠚꠣꠘꠦ ꠢꠦꠟꠤꠀ ꠖꠥꠟꠤꠀ ꠚꠞꠦ ꠘꠣ।
ꠎꠣꠞ ꠛꠃ ꠢꠥꠇꠘꠣ, ꠔꠣꠞ ꠏꠣꠝꠣꠁ ꠚꠣꠈꠘꠣ ꠞꠦ
ꠢꠥꠇꠘꠣ ꠀꠞ ꠚꠣꠈꠘꠣ ꠝꠤꠟꠁꠀ ꠡꠋꠡꠣꠞ ꠉꠠꠔꠦ ꠛꠣꠏꠦ ꠘꠣ।
ꠛꠤꠀ ꠡꠣꠖꠤ ꠈꠥꠖꠣꠞ ꠀꠔ ꠈꠥꠖꠣꠞ ꠈꠟꠝ ꠟꠠꠦ ꠘꠣ
ꠈꠥꠖꠣꠄ ꠎꠣꠞꠦ ꠈꠟꠝ ꠝꠣꠞꠦ ꠢꠃ ꠈꠟꠝ ꠀꠞ ꠚꠤꠞꠦ ꠘꠣ।।