Breaking News
Home / ꠍꠤꠟꠐꠞ ꠡꠣꠁꠔ꠆ꠔ / ꠀꠝꠞꠣ ꠢꠈꠟꠦ ꠍꠤꠟꠐꠤ ꠟꠦꠈꠣ ꠀꠞ ꠚꠠꠣ ꠢꠤꠇꠤ

ꠀꠝꠞꠣ ꠢꠈꠟꠦ ꠍꠤꠟꠐꠤ ꠟꠦꠈꠣ ꠀꠞ ꠚꠠꠣ ꠢꠤꠇꠤ

ꠀꠝꠞꠣ ꠢꠈꠟꠦ ꠍꠤꠟꠐꠤ ꠟꠦꠈꠣ ꠀꠞ ꠚꠠꠣ ꠢꠤꠇꠤ

ꠟꠦꠈꠞꠣ: Syloti Nation Worldwide


ꠀꠍ꠆ꠍꠣꠟꠣꠝꠥ ꠀꠟꠣꠁꠇꠥꠝ ⁕

ꠀꠝꠣꠞ ꠝꠣꠄꠀꠞ ꠍꠤꠟꠐꠤ ꠜꠣꠁ ꠛꠁꠘ ꠢꠈꠟ ꠜꠣꠟꠣ ꠀꠍꠁꠘ ꠘꠤ ꠀꠚꠘꠣꠞꠣ ?

ꠀꠁꠎꠇꠥ ꠀꠚꠘꠣꠞꠞ ꠟꠉꠦ ꠔꠥꠞꠣ ꠞꠥꠐꠣ ꠈꠣꠐꠣ ꠝꠣꠔ ꠝꠣꠔꠝꠥ ꠈꠦꠃ ꠖꠥꠇ ꠚꠣꠁꠛꠣ ꠘꠣ ꠛꠣ ꠛꠦꠎꠣꠞ ꠅꠁꠛꠣ ꠘꠣ ⁕ ꠀꠝꠞꠣ ꠖꠦꠈꠍꠤ ꠀꠝꠞꠣꠞ ꠍꠤꠟꠐꠤ ꠛꠃꠔ ꠜꠣꠁ ꠛꠁꠘ ꠢꠈꠟꠦ ꠍꠤꠟꠐꠤ ꠟꠦꠈꠔꠣ ꠛꠣ ꠚꠠꠔꠣ ꠚꠣꠞꠁꠘ ꠘꠣ ⁕ ꠀꠞ ꠍꠤꠟꠐꠤ ꠟꠦꠈꠣ ꠛꠃꠔ ꠜꠣꠁ ꠛꠁꠘ ꠅꠈꠟꠦ ꠀꠋꠉꠣꠎ ꠈꠞꠔꠣ ꠚꠣꠞꠁꠘ ꠘꠣ ⁕ ꠔꠣꠞꠣ ꠘꠤꠎꠞ ꠝꠣꠁꠞ ꠏꠛꠣꠘꠞ ꠟꠦꠈꠣ ꠀꠞ ꠚꠠꠣ ꠢꠤꠇꠔꠣ ꠍꠣꠁꠘ ꠘꠣ ⁕ ꠅꠔꠍ ꠔꠣꠞꠣ ꠖꠦꠈꠛꠣ ꠢꠣꠞꠣ ꠖꠤꠘ ꠍꠤꠟꠐꠤ ꠍꠤꠟꠐꠤ ꠈꠁꠀ ꠍꠤꠟ꠆ꠟꠣꠁꠛꠣ ꠀꠞ‌ ꠛꠠꠣꠁ ꠈꠞꠛꠣ ⁕ ꠀꠚꠘꠣꠞ ꠡꠞꠝ ꠚꠣꠃꠀ ꠃꠍꠤꠔ ꠏꠦ ꠀꠚꠘꠦ ꠀꠚꠘꠣꠞ ꠍꠤꠟꠐꠤ ꠜꠣꠡꠣꠄ ꠟꠦꠈꠔꠣ ꠛꠣ ꠚꠠꠔꠣ ꠚꠣꠞꠁꠘ ꠘꠣ‌ ꠈꠞꠤ ⁕ ꠄꠈꠎꠘ‌ ꠢꠣꠍꠣꠞꠞ ꠍꠤꠟꠐꠤ ꠅꠁꠟꠦ ꠀꠚꠘꠣꠞ ꠃꠍꠤꠔ ꠘꠤꠎꠞ ꠝꠣꠁꠞ ꠎꠛꠣꠘꠞ ꠟꠦꠈꠣ ꠀꠞ ꠚꠠꠣ ꠢꠤꠇꠔꠣ ⁕ ꠀꠞ ꠀꠚꠘꠣꠞꠣ ꠍꠤꠟꠐꠤ ꠜꠣꠡꠣꠄ ꠝꠣꠔꠥ ꠈꠁꠘ ꠘꠣ ꠝꠣꠔ꠆ꠔꠥ ꠘꠣ ꠝꠣꠔꠥꠟ ꠈꠁꠘ ? ꠄꠈꠐꠥ ꠈꠁꠛꠣ ꠢꠈꠟꠦ ⁕ ꠀꠃꠇ꠆ꠇꠣ ꠀꠝꠞꠣ ꠢꠈꠟꠦ ꠍꠤꠟꠐꠤ ꠟꠦꠈꠣ ꠀꠞ ꠚꠠꠣ ꠢꠤꠇꠤ ⁕ ꠀꠝꠞꠣ ꠢꠇ꠆ꠇꠟ ꠍꠤꠟꠐꠤ ⁕ ꠀꠝꠞꠣ ꠝꠣꠔꠤ ꠍꠤꠟꠐꠤ ⁕

#ꠍꠤꠟꠐꠤ #ꠍꠤꠟꠐ #sylheti_language

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) ꠟꠣꠡ ꠉꠍꠣꠘꠤ

ꠍꠤꠟꠐꠞ ꠈꠣꠘꠣꠁꠊꠣꠐ ꠃꠚꠎꠤꠟꠣꠞ ꠟꠣꠉꠣ ꠄꠘ꠆ꠒꠤꠀꠞ ꠛꠒꠣꠞꠞ ꠜꠤꠔꠞꠦ ꠚꠞꠤ ꠕꠣꠈꠣ ꠛꠣꠋꠟꠣꠖꠦꠡꠤ ꠡꠤꠀꠘ ꠚꠥꠀ ꠝꠣꠍꠥꠝ ꠀꠢꠝꠖꠞ (1☽) …