ꠝꠃꠡꠥꠝ ꠀꠘ꠆ꠘꠣꠄ ꠝꠍꠝ ꠅꠁꠟꠉꠤ ꠛꠍꠞꠞ ꠘꠤꠞ꠆ꠖꠤꠡꠐ ꠄꠈꠣꠘ ꠐꠥꠝꠣ ⁕ ꠜꠃꠉꠟꠤꠇ ꠄꠟꠣꠇꠣ ꠀꠞ ꠘꠣꠘꠣꠘꠎꠣꠔꠤ ꠚꠞꠤꠛꠦꠡꠞ ꠈꠣꠞꠘꠦ ꠖꠥꠘꠤꠀꠞ ꠄꠈꠦꠈ ꠉꠣꠟꠣꠞ ꠝꠍꠝ ꠄꠈꠦꠈ ꠟꠣꠈꠣꠘ ꠅꠄ ⁕ ꠝꠥꠟꠔ ꠕꠣꠘꠤꠅ ꠛꠄꠀꠞ ꠀꠞ ꠎꠟꠛꠣꠁꠃꠞ ꠃꠚꠞꠦ ꠜꠤꠔ꠆ꠔꠤ ꠈꠞꠤ ꠝꠃꠡꠥꠝꠞꠦ ꠛꠣꠐꠣ ꠅꠄ ⁕ ꠍꠤꠟꠐꠤ ꠝꠣꠔꠦ ꠍꠤꠎꠘ, ꠞꠤꠔꠥ, ꠝꠣꠁꠀ ꠖꠤꠘ, ꠚꠡꠟꠞ ꠀꠁꠘ꠆ꠖꠣ ꠅꠔꠣ ꠘꠣꠝꠦꠅ ꠝꠃꠡꠥꠝꠞꠦ ꠓꠣꠈꠣ ꠅꠄ ⁕ ꠍꠤꠟꠐ ꠅꠘ꠆ꠌꠟ ꠄꠈꠣꠘ ꠝꠃꠡꠥꠝꠤ ꠞꠖ꠆ꠛꠖꠟꠤ ꠄꠟꠣꠇꠣ ⁕ ꠁꠘꠧ ꠄꠈꠦꠈ ꠝꠃꠡꠥꠝꠞ ꠄꠈꠦꠈ ꠒꠚ ⁕ ꠝꠃꠡꠥꠝꠦ ꠝꠃꠡꠥꠝꠦ ꠍꠟꠦ ꠢꠣꠎꠣꠚꠣꠠꠣꠞ ꠈꠦꠟꠣ ⁕ ꠝꠃꠡꠥꠝ ꠚꠣꠟꠐꠣꠞ ꠟꠉꠦꠟꠉꠦ ꠁꠘꠧ ꠎꠤꠛꠘꠞ ꠞꠋꠉꠅ ꠚꠣꠟꠐꠤ ꠎꠣꠄ ⁕ ꠍꠤꠟꠐ ꠅꠘ꠆ꠌꠟ ꠝꠥꠟꠔ ꠚꠣꠢꠣꠠꠤ, ꠢꠝꠣꠘ ꠀꠞ ꠘꠣꠄ ꠀꠅꠞꠤ ꠄꠟꠣꠇꠣ ꠟꠂꠀ ꠛꠘ꠆ꠌꠦ ⁕ ꠏꠦ ꠉꠔꠤꠇꠦ ꠍꠤꠟꠐꠤꠘ꠆ꠔꠞ ꠚꠡꠟꠞ ꠀꠁꠘ꠆ꠖꠣ ꠔꠤꠘꠐꠣ: ꠀꠃꠡ, ꠀꠝꠘ ꠀꠞ ꠛꠥꠞꠧ ⁕
ꠍꠤꠟꠐꠤ ꠅꠈꠟꠦ ꠛꠣꠋꠟꠣ ꠚꠣꠘꠎꠤ ꠛꠦꠛꠀꠞ ꠈꠞꠂꠘ ꠉꠔꠤꠇꠦ ꠍꠤꠟꠐꠤ ꠚꠣꠘꠎꠤ ꠀꠘꠝꠣꠘ ꠝꠃꠡꠥꠝ ৬ ꠈꠣꠘ ⁕ ꠚꠞꠔꠦꠈ ꠖꠥꠁ ꠝꠣꠡ ꠚꠞ ꠚꠞ ꠄꠈꠦꠈ ꠝꠃꠡꠥꠝ ꠛꠖꠟꠤ ꠎꠣꠄ ⁕ ꠔꠟꠦ ꠐꠥꠝꠣꠐꠥꠝꠣ ꠈꠞꠤ ꠛꠣꠐꠤꠀ ꠖꠦꠈꠣꠘꠤ ꠅꠁꠟꠧ:
ꠝꠃꠡꠥꠝ | ꠡꠥꠞꠥ | ꠡꠦꠡ | ꠍꠤꠟꠐꠤ ꠝꠣꠡꠞ ꠘꠣꠝ |
---|---|---|---|
ꠉꠞꠝ ꠈꠣꠟ | ꠝꠣꠏ-ꠄꠙ꠆ꠞꠤꠟ | ꠝꠣꠏ-ꠎꠥꠘ | ꠛꠂꠡꠣꠉ, ꠎꠂꠑ |
ꠛꠣꠞꠤꠡꠣ | ꠝꠣꠏ-ꠎꠥꠘ | ꠝꠣꠏ-ꠀꠉꠍ꠆ꠐ | ꠀꠠ, ꠢꠣꠅꠘ |
ꠀꠁꠘꠣ | ꠝꠣꠏ-ꠀꠉꠍ꠆ꠐ | ꠝꠣꠏ-ꠅꠇꠐꠥꠛꠞ | ꠜꠣꠖꠧ, ꠀꠡꠤꠘ |
ꠢꠦꠝꠘ꠆ꠔ | ꠝꠣꠏ-ꠅꠇꠐꠥꠛꠞ | ꠝꠣꠏ-ꠒꠤꠡꠦꠝꠛꠞ | ꠈꠣꠔ꠆ꠔꠤ, ꠀꠉꠘ |
ꠡꠤꠔ | ꠝꠣꠏ-ꠒꠤꠡꠦꠝꠛꠞ | ꠝꠣꠏ-ꠚꠦꠛꠥꠀꠞꠤ | ꠚꠃꠡ, ꠝꠣꠊ |
ꠄꠅꠔ | ꠝꠣꠏ-ꠚꠦꠛꠥꠀꠞꠤ | ꠝꠣꠏ-ꠄꠙ꠆ꠞꠤꠟ | ꠚꠣꠟ꠆ꠉꠥꠘ, ꠍꠂꠔ |