শুরমা ফারর খবর ছিলটি জবানে ছিলটর খবর
Related Articles
ꠛꠦꠐꠣ ꠝꠣꠘꠥꠁꠘ ꠛꠃꠔꠔꠣ ꠈꠣꠎꠥꠞ ꠉꠣꠍꠞ ꠟꠣꠈꠣꠘ। ꠝꠣꠄꠀ ꠚꠣꠄꠘꠣ, ꠎꠔ꠆ꠘ ꠚꠣꠄꠘꠣ, ꠈꠦꠃ ꠚꠣꠘꠤ ꠖꠦꠄ ꠘꠣ, ꠚꠣꠡ ꠖꠦꠄ ꠘꠣ, ꠎꠠꠧ ꠈꠦꠃ ꠝꠣꠐꠤ ꠖꠦꠄ ꠘꠣ। ꠃꠚꠔꠣ ꠈꠄ ꠘꠤꠎꠞ ꠚꠣꠅꠞ ꠔꠟꠣꠞ ꠝꠣꠐꠤ ꠘꠤꠎꠦ ꠒꠣꠐ ꠈꠞ!
ꠅꠎꠔꠘꠦ ꠄꠟꠣꠄ ꠅꠟꠣꠄ ꠛꠣꠁꠠ ꠖꠦꠄ! ꠇꠤꠘ꠆ꠔꠥꠇ, ꠛꠣꠁꠠ ꠖꠦꠅꠀꠞ ꠛꠣꠖꠦ ꠃꠟꠐꠣ ꠔꠣꠞ ꠉꠦꠍꠦ ꠀꠡꠣ ꠈꠞꠦ!
ꠔꠣꠞ ꠚꠟ ꠎꠛꠞ ꠝꠤꠐꠣ, ꠞꠡꠞ ꠎꠦ ꠈꠖꠞ। ꠔꠣꠞ ꠞꠡꠞ ꠉꠥꠞ, ꠍꠤꠘꠤ ꠔꠘꠦꠅ ꠈꠄꠈꠉꠥꠘ ꠃꠚꠈꠣꠞꠤ। ꠔꠣꠞꠦ ꠛꠞꠍꠞ ꠛꠞꠍ ꠚꠣꠠꠣꠍꠤꠠꠣ ꠅꠄ! ꠎꠖ꠆ꠖꠤꠘ ꠎꠤꠘ꠆ꠖꠣ ꠞꠄ, ꠔꠣꠞꠦ ꠈꠣꠐꠣ ꠅꠄ। ꠔꠣꠞ ꠞꠡ ꠄꠈ ꠚꠥꠐꠣ, ꠄꠈ ꠚꠥꠐꠣ ꠈꠞꠤ ꠚꠦꠠꠣ ꠅꠄ! ꠞꠡ ꠘꠦꠅꠀ ꠚꠥꠞꠣꠁ ꠉꠦꠟꠦ ꠔꠣꠞ ꠀꠞ ꠈꠖꠞ ꠕꠣꠈꠦ ꠘꠣ। ꠚꠕꠞ ꠉꠣꠟꠣꠔ ꠄꠈꠟꠣ ꠚꠞꠤ ꠕꠣꠈꠦ!
ꠀꠞꠛꠣꠞ ꠎꠤꠛꠘꠇꠥꠞ ꠢꠦꠡꠦ ꠎꠣꠟꠣꠁꠛꠣꠞ ꠟꠣꠈꠠꠤꠅ ꠅꠁꠎꠣꠄ। ꠝꠣꠍ ꠗꠞꠣꠞ ꠚꠣꠘ꠆ꠖ ꠛꠣꠘꠣꠘꠤꠞ ꠟꠣꠉꠤꠘꠧ ꠁꠔꠣ ꠈꠣꠝꠧ ꠟꠣꠉꠦ।
ꠅꠔꠔꠣꠞ ꠛꠣꠖꠦꠅ ꠈꠣꠎꠥꠞ ꠉꠣꠍꠦ ꠇꠥꠘꠥ ꠘꠣꠟꠤꠡ ꠈꠞꠦ ꠘꠣ, ꠇꠥꠘ꠆ꠔꠣ ꠍꠣꠄ ꠘꠣ, ꠝꠣꠄꠀ ꠍꠣꠄ ꠘꠣ। ꠈꠣꠟꠤ ꠚꠟ ꠖꠤꠀ ꠎꠣꠄ, ꠞꠡ ꠖꠤꠀ ꠎꠣꠄ ꠀꠞ ꠝꠣꠕꠣ ꠃꠍꠣ ꠈꠞꠤ ꠛꠣꠍꠤꠀ ꠕꠣꠈꠦ ꠘꠤꠡ꠆ꠡꠣꠞꠕꠞ ꠟꠣꠈꠣꠘ ꠚꠞꠤꠛꠣꠞꠞ ꠛꠦꠐꠣ ꠝꠣꠘꠥꠡꠐꠣꠞ ꠝꠔ!
ꠀꠁꠍꠇꠥ ১৯ ꠘꠜꠦꠝ꠆ꠛꠞ ꠛꠤꠡ꠆ꠡ ꠛꠦꠐꠣ ꠖꠤꠘ। ꠢꠇ꠆ꠇꠟꠞ ꠐꠣꠁꠘ ꠞꠁꠟ ꠁ ꠖꠤꠘꠇꠥꠞ ꠛꠣꠟꠣꠁ।
