শুরমা ফারর খবর ছিলটি জবানে ছিলটর খবর
Related Articles
ꠚꠦꠍꠛꠥꠇꠧ ꠈꠄꠈ ꠊꠘ꠆ꠐꠣ ꠀꠉꠦ ꠙ꠆ꠞꠚꠣꠁꠟ ꠌꠦꠁꠘꠎ ꠈꠞꠤ ꠄꠇ ꠞꠦꠛ ꠡꠖꠁꠡ꠆ꠡ ꠝꠞꠤ ꠉꠦꠍꠁꠘ। ꠙ꠆ꠞꠚꠣꠁꠟꠧ ꠔꠣꠁꠘ ꠟꠦꠈꠍꠁꠘ, ‘ꠁ ꠙ꠆ꠞꠚꠣꠁꠟꠧꠞ ꠝꠣꠟꠤꠇ ꠅꠈꠘ ꠝꠥꠞ꠆ꠖꠣ’। ꠛꠣꠖꠦ ꠔꠣꠁꠘ ꠉꠟꠣꠔ ꠖꠠꠤ ꠖꠤ ꠘꠤꠎꠝꠞꠣ ꠅꠁꠍꠁꠘ।
ꠉꠦꠍꠦ ꠡꠥꠇꠇꠥꠞꠛꠣꠞ (১৯ ꠎꠥꠘ) ꠢꠣꠁꠘꠎꠣꠛꠣꠟꠣ ꠛꠃꠞ ꠟꠉꠦ ꠖꠞꠛꠣꠞ ꠅꠁꠟꠦ ꠝꠣꠝꠣ ꠢꠃꠞꠦ ꠀꠁꠀ ꠔꠣꠘ ꠛꠃꠞꠦ ꠟꠁꠀ ꠎꠣꠁꠘ ꠉꠤ। ꠅꠖꠤꠘ ꠞꠣꠁꠔ ꠔꠣꠘ ꠛꠃꠞꠦ, ‘ꠀꠎꠇꠥ ꠔꠘꠦ ꠇꠥꠘꠥ ꠝꠣꠔ ꠅꠁꠔꠧ ꠘꠣꠄ’ ꠟꠦꠇꠤ ꠝꠦꠍꠦꠎ ꠈꠞꠁꠘ। ꠎꠣꠝꠣꠁꠛꠃꠞ ꠖꠞꠛꠣꠞꠦ ꠛꠃ ꠛꠣꠠꠤ ꠍꠣꠠꠤꠀ ꠎꠣꠅꠀꠄ ꠞꠋꠚꠥꠞ ꠞꠦꠛ-১৩ ꠉꠥꠄꠘꠖꠣ ꠐꠤꠝꠧ ꠕꠣꠈꠣ ꠎꠣꠇꠤꠞ ꠢꠥꠡꠦꠘ (২৭) ꠉꠟꠣꠔ ꠚꠣꠡ ꠖꠤ ꠘꠤꠎꠝꠞꠣ ꠅꠁꠍꠁꠘ। ꠞꠋꠚꠥꠞ ꠝꠦꠐ꠆ꠐꠚꠟꠤꠐꠘ ꠚꠥꠟꠤꠡꠞ ꠇꠔꠥꠀꠟꠤ ꠕꠣꠘꠣꠞ ꠅꠍꠤ ꠀꠛ꠆ꠖꠥꠞ ꠞꠡꠤꠖ ꠘꠤꠎꠝꠞꠣꠞ ꠊꠐꠘꠣ ꠘꠤꠌꠌꠤꠔ ꠈꠞꠍꠁꠘ।
ꠚꠥꠟꠤꠢꠦ ꠈꠁꠘ, ꠞꠦꠛ ꠡꠖꠁꠡ꠆ꠡ ꠎꠣꠇꠤꠞ ꠢꠥꠡꠦꠘ ꠞꠋꠚꠥꠞ ꠍꠤꠐꠤꠞ ꠇꠟꠦꠎ ꠞꠧꠒꠧꠞ ꠢꠣꠛꠤꠛꠘꠉꠞ ꠄꠟꠣꠇꠣꠔ ꠜꠣꠠꠣꠐꠤ ꠛꠣꠡꠣꠔ ꠛꠃ ꠟꠁꠀ ꠕꠣꠈꠔꠣ। ꠡꠥꠇꠇꠥꠞꠛꠣꠞ (১৯ ꠎꠥꠘ) ꠢꠣꠁꠘꠎꠣꠔ ꠛꠃꠞ ꠟꠉꠦ ꠖꠞꠛꠣꠞ ꠔꠣꠘ ꠅꠄ। ꠄꠞ ꠖꠣꠄ ꠝꠣꠝꠣ ꠢꠃꠞ ꠀꠁꠀ ꠔꠣꠘ ꠛꠃꠞꠦ ꠟꠁꠀ ꠎꠣꠁꠘ ꠉꠤ।
ꠅꠖꠤꠘ ꠞꠣꠁꠔꠧ ꠔꠣꠘ ꠛꠃꠞ ꠝꠥꠛꠣꠁꠟꠧ, ‘ꠀꠎꠇꠥ ꠔꠘꠦ ꠇꠥꠘꠥ ꠝꠣꠔ ꠅꠁꠔꠧ ꠘꠣꠄ’ ꠟꠦꠇꠤ ꠝꠦꠍꠦꠎ ꠈꠞꠁꠘ। ꠄꠍꠣꠠꠣ ꠒꠣꠄꠞꠤꠔ ꠄꠈꠎꠣꠞꠣ ꠟꠦꠇꠤꠀ ꠝꠘꠈꠄ ꠞꠣꠔꠇꠥ ꠘꠤꠎꠝꠞꠣ ꠅꠁꠘ। ꠛꠣꠡꠣꠞ ꠝꠣꠟꠤꠇꠦ ꠢꠣꠚꠤꠎꠥꠞ ꠞꠢꠝꠣꠘꠦ ꠈꠁꠘ, ꠍꠄꠝꠣꠡ ꠀꠉꠦ ꠀꠞꠣ ꠛꠣꠡꠣ ꠜꠣꠠꠣ ꠘꠦꠁꠘ। ꠡꠘꠤꠛꠣꠞ ꠛꠤꠀꠘꠔꠥ ꠛꠣꠟꠣ ꠚꠞꠎꠘꠔ ꠇꠥꠘꠥ ꠟꠠꠍꠠ ꠘꠣ ꠕꠣꠈꠣꠄ ꠀꠞ ꠊꠞꠧꠞ ꠖꠞꠎꠣ ꠛꠘ ꠕꠣꠈꠣꠄ ꠚꠥꠟꠤꠡꠞꠦ ꠈꠛꠞ ꠈꠞꠣ ꠅꠄ। ꠈꠛꠞ ꠚꠣꠁꠀ ꠇꠔꠥꠀꠟꠤ ꠕꠣꠘꠣꠞ ꠅꠍꠤ ꠀꠛ꠆ꠖꠥꠞ ꠞꠡꠤꠖ ꠚꠥꠟꠤꠡ ꠚꠧꠞ꠆ꠍ ꠟꠁꠀ ꠀꠁꠘ। ꠛꠣꠖꠦ ꠖꠞꠎꠣ ꠜꠣꠋꠉꠤ ꠜꠤꠔꠞꠦ ꠢꠣꠝꠣꠁꠀ ꠞꠍꠤ ꠖꠤ ꠉꠟꠣꠔ ꠚꠣꠡ ꠟꠣꠉꠣꠁꠟ ꠅꠛꠍꠕꠣꠔ ꠎꠣꠇꠤꠞ ꠢꠥꠡꠦꠘꠧꠞ ꠝꠞꠣꠡꠞꠤꠟ ꠝꠤꠟꠦ। ꠇꠔꠥꠀꠟꠤ ꠕꠣꠘꠣꠞ ꠅꠍꠤ ꠀꠛ꠆ꠖꠥꠞ ꠞꠡꠤꠖꠦ ꠈꠁꠘ, ꠟꠣꠡ ꠃꠖ꠆ꠗꠣꠞ ꠈꠞꠤ ꠝꠄꠘꠣ ꠔꠖꠘꠔꠞ ꠟꠣꠉꠤ ꠞꠋꠚꠥꠞ ꠝꠦꠒꠤꠇꠦꠟ ꠇꠟꠦꠎꠞ ꠝꠞ꠆ꠉꠧ ꠚꠣꠑꠣꠁꠟ ꠅꠁꠍꠦ। ꠎꠣꠇꠤꠞ ꠢꠥꠡꠦꠘꠧꠞ ꠛꠣꠚꠧꠞ ꠈꠛꠞ ꠈꠞꠣ ꠅꠁꠍꠦ। ꠝꠄꠘꠣ ꠔꠖꠘꠔ ꠅꠁꠉꠦꠟꠦ ꠟꠣꠡꠞꠦ ꠇꠥꠐꠥꠝ ꠈꠦꠡꠈꠧꠞ ꠉꠦꠍꠦ ꠡꠝꠎꠣꠘꠤ ꠅꠁꠛꠧ।
ꠞꠦꠛ-১৩ ꠞꠋꠚꠥꠞꠞ ꠡꠅꠇꠣꠞꠤ ꠚꠥꠟꠤꠡ ꠍꠥꠙꠣꠞ ꠝꠤꠒꠤꠀ ꠍꠤꠖ꠆ꠖꠤꠇ ꠀꠢꠣꠝ꠆ꠝꠦꠖꠞ ꠟꠉꠦ ꠝꠣꠔꠟꠦ ꠔꠣꠁꠘ ꠈꠁꠟꠣ, “ꠛꠤꠡꠄꠐꠣ ꠛꠣꠖꠦ ꠀꠘꠥꠡꠐꠣꠘꠤꠇꠜꠣꠛꠦ ꠀꠝꠞꠣ ꠎꠣꠘꠣꠁꠀꠞ।”
