Breaking News
Home / ꠍꠤꠟꠐ / ꠛꠣꠋꠟꠣꠖꠦꠡꠧ ꠉꠘ꠆ꠘꠣ

ꠛꠣꠋꠟꠣꠖꠦꠡꠧ ꠉꠘ꠆ꠘꠣ

ꠛꠣꠋꠟꠣꠖꠦꠡꠧ (২১ ꠎꠥꠘ) ১১ꠐꠣ ১৭ ꠝꠤꠘꠤꠐꠧ ꠖꠦꠡꠧꠞ ꠚꠁꠟ ꠉꠘ꠆ꠘꠣ ꠀꠞꠝꠜ ꠅꠄ ꠞꠣꠡꠡꠣꠁꠔ। ꠀꠞ ꠢꠦꠡ ꠅꠁꠛ ꠍꠤꠐꠣꠉꠣꠋ ২ꠐꠣ ৫৫ꠝꠤꠘꠤꠐꠧ।

solar eclipse

ꠀꠛꠢꠣꠅꠀ ꠅꠗꠤꠖꠚꠔꠞꠦ ꠈꠁꠍꠦ, ꠉꠘ꠆ꠘꠣ ꠓꠣꠈꠣ ꠛꠤꠜꠣꠉꠧ ꠉꠘ꠆ꠘꠣ ১১টꠐꠣ ২৩ ꠝꠤꠘꠤꠐ ৩ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫২ ꠝꠤꠘꠤꠐ ৩ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠝꠝꠤꠡꠤꠋ ১১টꠐꠣ ২৩ ꠝꠤꠘꠤꠐ ২ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫১ ꠝꠤꠘꠤꠐ ২ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠍꠤꠐꠣꠉꠣꠋ ১১টꠐꠣ ২৮ ꠝꠤꠘꠤꠐ ১২ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫৫ ꠝꠤꠘꠤꠐ ১৩ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠍꠤꠟꠐ ১১টꠐꠣ ২৭ ꠝꠤꠘꠤꠐ ৪৭ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫৪ ꠝꠤꠘꠤꠐ ৫২ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠇꠥꠟꠘꠣ ১১টꠐꠣ ২০ ꠝꠤꠘꠤꠐ ১৯ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫০ ꠝꠤꠘꠤꠐ ৯ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠛꠞꠤꠡꠣꠟ ১১টꠐꠣ ২৩ ꠝꠤꠘꠤꠐ ৫ ꠍꠦꠇꠦꠘ꠆ꠒ ꠔꠘꠦ ২ꠐꠣ ৫২ ꠝꠤꠘꠤꠐ ১ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ, ꠞꠣꠡꠡꠣꠢꠤ ১১টꠐꠣ ১৭ ꠝꠤꠘꠤꠐ ১৪ ꠍꠦꠇꠦꠘ꠆ꠒ ꠔꠘꠦ ২ꠐꠣ ৪৭ ꠝꠤꠘꠤꠐ ৫৫ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ ꠀꠞ ꠞꠋꠚꠥꠞ ১১টꠐꠣ ১৭ ꠝꠤꠘꠤꠐ ৩ ꠍꠦꠇꠦꠘ꠆ꠒ ꠔꠘꠦ ২ꠐꠣ ৪৮ ꠝꠤꠘꠤꠐ ৩৩ ꠍꠦꠇꠦꠘ꠆ꠒꠧ ꠢꠦꠡ ꠅꠁꠛ।

ꠎꠣꠔꠤꠅ ꠛꠤꠉꠉꠣꠘ ꠅ ꠚꠎꠥꠇꠔꠤ ꠎꠣꠖꠥꠊꠞꠦ ꠈꠁꠍꠦ, ꠈꠣꠟꠤ ꠍꠃꠇꠦ ꠡꠥꠞꠎꠧ ꠛꠣꠄ ꠘꠣ ꠍꠣꠁꠔꠦ। ꠘꠣꠁꠟꠦ ꠍꠇꠥꠞ ꠒꠦꠘꠎꠣꠞꠣꠍ ꠈꠦꠔꠤ ꠅꠁꠎꠤꠔꠧ ꠚꠣꠞꠦ। ꠟꠉꠦ ꠐꠦꠟꠤꠍꠇꠥꠙ, ꠛꠣꠁꠘꠧꠇꠥꠟꠣꠞ ꠛꠣ ꠇꠦꠝꠦꠞꠣ ꠖꠤ ꠡꠞꠣꠡꠞꠤ ꠡꠥꠞꠎꠧ ꠛꠣꠄ ꠍꠣꠁꠔꠣꠈꠣ ꠛꠣ ꠍꠛꠤ ꠔꠥꠟꠟꠦꠅ ꠍꠇꠥꠞ ꠒꠦꠘꠎꠣꠞꠣꠍ ꠈꠦꠔꠤ ꠅꠁꠎꠤꠔꠧ ꠚꠣꠞꠦ। ꠔꠛꠦ ꠍꠧꠟꠣꠞ ꠚꠤꠟꠐꠣꠞ ꠈꠞꠤ ꠉꠘ꠆ꠘꠣ ꠖꠦꠈꠣ ꠛꠣ ꠍꠛꠤ ꠔꠥꠟꠣ ꠎꠣꠁꠛ।

ꠉꠦꠍꠦꠛꠣꠞ ২৬ ꠒꠤꠡꠦꠝ꠆ꠛꠞ ꠎꠦꠟꠣꠘ ꠉꠘ꠆ꠘꠣ ꠖꠦꠈꠣ ꠉꠦꠍꠤꠟ, ꠁꠛꠣꠞꠧ ꠅꠟꠣꠘ ꠖꠦꠈꠣ ꠎꠣꠁꠛ। ꠄꠈꠐꠥꠇ ꠡꠝꠅꠞ ꠟꠣꠉꠤ ꠅꠁꠟꠦꠅ ꠛꠣꠖꠧꠞ ꠛꠣꠞꠧꠞ ꠟꠣꠉꠤ ২০২২ ꠡꠣꠟꠧꠞ ২৫ ꠅꠇꠐꠧꠛꠞ ꠚꠞꠎꠘꠔ ꠛꠣꠞꠍꠣꠅꠀ ꠟꠣꠉꠛ।

ꠀꠛꠢꠣꠅꠀ ꠅꠚꠤꠡꠦ ꠈꠄ, ꠖꠥꠘꠤꠀꠞ ꠛꠃꠔ ꠖꠦꠡꠧ ꠉꠥꠟꠝꠥꠟ  (Annular solar eclipse) ꠉꠘ꠆ꠘꠣ ꠅꠁꠛꠧ। ꠇꠋꠉꠧ, ꠟꠣꠁꠛꠦꠞꠤꠀ, ꠁꠕꠤꠅꠙꠤꠀ, ꠚꠣꠇꠤꠍꠔꠣꠘ, ꠌꠤꠘ ꠀꠞ ꠜꠣꠞꠔ ꠔꠘꠦ ꠁ ꠉꠘ꠆ꠘꠣ ꠖꠦꠈꠣ ꠎꠣꠁꠛ। ꠛꠣꠋꠟꠣꠖꠦꠡ ꠔꠘꠦ ꠉꠥꠟꠝꠥꠟ ꠉꠘ꠆ꠘꠣ ꠖꠦꠈꠣ ꠎꠣꠁꠔ ꠘꠣꠄ। ꠀꠡꠝꠣꠘꠧ ꠈꠣꠟꠘꠤ ꠘꠣ ꠅꠁꠟꠦ ꠛꠣꠋꠟꠣꠖꠦꠡ ꠔꠘꠦ ꠉꠥꠟꠝꠥꠟ ꠉꠘ꠆ꠘꠣ ꠀꠖꠟꠣ (Partial solar eclipse) ꠢꠤꠡꠣꠛꠦ ꠖꠦꠈꠣ ꠎꠣꠁꠛ।

5/5 - (1 vote)

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠉꠞꠥꠞ ꠉꠥꠍ꠆ꠔꠞ ꠛꠣꠎꠣꠞꠅ ꠎꠦꠎꠣꠔ ꠀꠍꠣꠐꠣ ꠚꠞꠤꠍꠕꠤꠔꠤ

ꠈꠈꠚꠤꠞꠣ ꠔꠘꠦ ꠛꠣꠋꠟꠣꠖꠦꠡꠞ ꠞꠥꠎꠇꠥꠞ ꠛꠣꠎꠣꠞꠅ ꠎꠤꠘꠤꠡꠞ ꠖꠣꠝ ꠛꠉꠔꠤꠇ ⁕ ꠎꠦꠉꠔꠤꠇꠦ ꠝꠣꠘꠡꠦ ꠎꠦꠎꠣꠔ ꠢꠦꠖꠣꠔ ꠚꠣꠁꠞꠣ ⁕ …