ꠡꠣꠗꠣꠞꠘ ꠛꠦꠝꠣꠞꠤ ꠕꠣꠇꠤ ꠟꠁꠀ ꠒꠣꠈꠔꠞ ꠡꠝꠣꠎꠡꠦꠛꠈ, ꠛꠦꠛꠡꠣꠁ ꠈꠦꠃ ꠙ꠆ꠞꠣꠁꠐ ꠀꠡꠚꠣꠔꠣꠟꠧ ꠡꠦꠛꠣ ꠚꠣꠁꠞꠣꠘꠣ⁕ ꠛꠦꠝꠣꠞꠤ ꠟꠁꠅꠣ ꠄꠈ ꠀꠡꠚꠣꠔꠣꠟ ꠕꠣꠇꠤ ꠟꠁꠀ ꠀꠞꠈ ꠀꠡꠚꠣꠔꠣꠟꠧ ꠉꠥꠞꠔꠦ ꠉꠥꠞꠔꠦ ꠛꠦꠝꠣꠞꠤ ꠄꠝ꠆ꠛꠥꠟꠦꠘ꠆ꠍꠞ ꠜꠤꠔꠞꠦ ꠝꠞꠤꠎꠣꠁꠘ ꠇꠤꠘ꠆ꠔꠇ ꠇꠧꠘ ꠀꠡꠚꠣꠔꠣꠟ ꠞꠧꠉꠤ ꠜꠞꠔꠤ ꠈꠞꠦꠘꠣ⁕
ꠖꠥꠇ꠆ꠇꠎꠘꠇ ꠅꠁꠟꠦꠅ ꠢꠣꠍꠣ ꠎꠦ ꠒꠣꠈꠔꠞ ꠝꠁꠘ ꠃꠖ꠆ꠖꠤꠘ ꠝꠣꠘꠡꠞ ꠡꠦꠛꠣ ꠈꠞꠤꠀ ꠉꠞꠤꠛꠞ ꠛꠘꠖꠥ ꠘꠣꠝꠦ ꠚꠞꠤꠍꠤꠔ ꠅꠁꠟꠣ। ꠇꠤꠘꠔꠥꠇ ꠅꠃ ꠒꠣꠈꠔꠞ ꠄꠈꠐꠣ ꠄꠝ꠆ꠛꠥꠟꠦꠘ꠆ꠍ ꠍꠣꠁꠀꠅ ꠚꠣꠁꠟꠣꠘꠣ⁕ ꠍꠤꠟꠐ ꠎꠦꠛꠣꠐꠦ ꠇꠞꠧꠘꠣ ꠛꠦꠝꠣꠞꠤ ꠛꠣꠠꠦꠞ, ꠀꠞ ꠀꠡꠚꠣꠔꠣꠟꠞ ꠁ ꠀꠍꠞꠘꠦ ꠝꠣꠘꠡꠞ ꠝꠘꠞ ꠜꠤꠔꠞꠦ ꠄꠈ ꠖꠞꠘꠞ ꠈꠡ꠆ꠐ ꠅ ꠞꠣꠉꠞ ꠙꠇꠣꠡ ꠅꠞ, ꠈꠦꠃ ꠈꠦꠃ ꠈꠁꠞꠣ ꠎꠦ ꠄꠞꠣ ꠀꠡꠚꠣꠔꠣꠟ ꠛꠣꠘꠣꠁꠍꠦ ꠈꠣꠟꠤ ꠒꠦꠟꠤꠛꠣꠞꠤ ꠞꠧꠉꠤꠞ ꠅꠙꠣꠞꠦꠡꠘ ꠈꠞꠤꠀ ꠈꠣꠠꠤ ꠈꠣꠠꠤ ꠐꠦꠈꠣ ꠈꠣꠝꠣꠁꠛꠣꠞ ꠟꠣꠉꠤ। ꠀꠞ ꠀꠘ꠆ꠔꠣꠎꠤ ꠢꠣꠎꠣꠞꠧ ꠐꠦꠡ꠆ꠐ ꠈꠞꠁꠀ ꠟꠣꠝ꠆ꠛꠣ ꠐꠦꠈꠣꠞ ꠍꠤꠟꠤꠚ ꠀꠔꠧ ꠖꠞꠣꠁꠀ ꠖꠤꠛꠣꠞ ꠟꠣꠉꠤ⁕ ꠘꠣꠁꠟꠦ ꠈꠦꠘꠦ ꠀꠁꠎ ꠝꠣꠘꠡꠞ ꠛꠤꠚꠖꠧ ꠔꠣꠞꠣ ꠡꠦꠛꠣ ꠖꠦꠄ ꠘꠣ⁕
ꠀꠍꠔꠦ ꠀꠍꠔꠦ ꠍꠤꠟꠐꠞ ꠇꠤꠍꠥ ꠇꠤꠍꠥ ꠝꠣꠘꠥꠡ ꠄꠈ ꠅꠁꠞꠣ ꠀꠞ ꠈꠁꠞꠣ ꠎꠖꠤ ꠔꠣꠞꠣ ꠛꠦꠝꠣꠞꠤꠞ ꠡꠦꠛꠣ ꠘꠣ ꠖꠦꠁꠘ ꠔꠣꠁꠟꠦ ꠍꠤꠟꠐꠞ ꠢꠈꠟ ꠛꠦꠡꠞꠈꠣꠞꠤ ꠀꠡꠚꠣꠔꠣꠟꠞ ꠉꠦꠁꠐꠧ ꠔꠣꠟꠣ ꠝꠣꠞꠤꠖꠤꠛꠣ⁕ ꠍꠤꠟꠐ ꠕꠣꠇꠤ ꠁꠡꠐꠣꠚ ꠞꠤꠙꠐꠣꠞ