শুরমা ফারর খবর ছিলটি জবানে ছিলটর খবর
Related Articles
ꠅꠈꠘ ꠔꠘꠦ ꠎꠦꠍꠣ ꠉ꠆ꠞꠣꠢꠇ ꠊꠞꠧ ꠛꠁꠀ ꠡꠥꠘꠣꠟꠤ ꠛꠦꠋꠇꠧꠞ ꠄꠇꠣꠃꠘ꠆ꠐ ꠈꠥꠟꠔꠣ ꠙꠣꠞꠛꠣ⁕ ꠇꠞꠧꠘꠣꠜꠣꠁꠞꠣꠍ ꠔꠘꠦ ꠉ꠆ꠞꠣꠢꠇ ꠅꠈꠟꠞꠦ ꠞꠁꠇꠇꠣ ꠇꠞꠣꠞ ꠖꠣꠄ ꠛꠦꠋꠇ ꠇꠞ꠆ꠔꠤꠙꠇꠇ ꠁ ꠙꠖꠇꠇꠦꠙ ꠘꠤꠍꠦ⁕ ꠄꠇꠣꠃꠘ꠆ꠐ ꠈꠥꠟꠣꠞ ꠟꠣꠉꠤ ꠉ꠆ꠞꠣꠢꠇ ꠅꠈꠟꠦ ꠡꠡꠞꠤꠟꠦ ꠛꠦꠋꠇꠞ ꠇꠥꠘꠥ ꠡꠣꠈꠣꠔ ꠎꠣꠅꠀꠞ ꠖꠞꠇꠣꠞ ꠘꠣꠁ⁕ ꠉ꠆ꠞꠣꠢꠇꠞ ꠍꠛꠤ ꠀꠞ ꠛꠦꠇ꠆ꠔꠤꠉꠔ ꠔꠁꠔꠕ ꠅꠐꠝꠦꠐꠤꠇ ꠙꠖꠗꠔꠤꠔꠦ ꠎꠣꠌꠣꠁ-ꠛꠣꠌꠣꠁ ꠇꠞꠣꠞ ꠖꠣꠄ ꠡꠥꠘꠣꠟꠤ ꠛꠦꠋꠇ ꠇꠞ꠆ꠔꠤꠙꠇꠇ ꠅꠈꠘ ꠕꠣꠇꠤ ꠔꠁꠔꠕ ꠅ ꠚꠎꠥꠇ꠆ꠔꠤ ꠝꠘ꠆ꠔ꠆ꠞꠘꠣꠟꠅꠞ ꠍꠚꠐꠅꠀꠞ ‘ꠙꠞꠤꠌꠄ’ ꠛꠦꠛꠀꠞ ꠇꠞꠛꠧ⁕
ꠁ ‘ꠙꠞꠤꠌꠄ’ ꠍꠚꠐꠅꠀꠞ ꠉ꠆ꠞꠣꠢꠇꠞ ꠎꠦ ꠇꠥꠘꠥ ꠔꠁꠔꠕ (ꠇꠦꠅꠀꠁꠍꠤ) ꠚꠐꠈꠞꠤ ꠛꠣꠋꠟꠣꠖꠦꠡ ꠎꠣꠔꠤꠅ ꠒꠤꠎꠤꠐꠣꠟ ꠀꠞ꠆ꠇꠤꠐꠦꠇꠌꠣꠞ (ꠛꠤꠄꠘꠒꠤꠄ)-ꠞ ꠟꠉꠦ ꠅꠐꠝꠦꠐꠤꠇ ꠝꠤꠟꠣꠁꠀ ꠘꠤꠔꠧ ꠚꠣꠞꠦ⁕ ꠡꠥꠘꠣꠟꠤ ꠛꠦꠋꠇ ꠟꠤꠝꠤꠐꠦꠒꠧꠞ ꠍꠤꠁꠅ ꠄꠘ꠆ꠒ ꠝꠦꠘꠦꠎꠤꠋ ꠒꠤꠞꠦꠇ꠆ꠐꠞ ꠝꠧ. ꠀꠔꠣꠃꠞ ꠞꠢꠝꠣꠘ ꠙ꠆ꠞꠗꠣꠘꠦ ꠈꠁꠘ, ‘ꠁ ꠘꠄꠀ ꠛꠤꠡꠡꠔ ꠀꠝꠞꠣ ꠀꠝꠞꠣꠞ ꠉ꠆ꠞꠣꠢꠇ ꠅꠈꠟꠞꠦ ꠇꠥꠘꠥ ꠡꠣꠈꠣꠔ ꠘꠣ ꠀꠘꠤ ꠁ-ꠇꠦꠅꠀꠁꠍꠤ ꠖꠤꠀ ꠡꠥꠘꠣꠟꠤ ꠁ-ꠡꠦꠛꠣ—– ꠛꠦꠛꠀꠞ ꠇꠞꠤ ꠡꠥꠘꠣꠟꠤ ꠛꠦꠋꠇꠧ ꠄꠇꠣꠃꠘ꠆ꠐ ꠈꠥꠟꠣꠞ ꠡꠥꠛꠤꠗꠣ ꠖꠦꠅꠀꠞ ꠖꠣꠄ ꠁ ꠚꠖꠇꠇꠦꠚ ꠘꠤꠍꠤ⁕ ꠡꠝꠅꠞ ꠟꠉꠦ ꠀꠝꠞꠣ ꠁ ꠡꠥꠛꠤꠗꠣ ꠀꠞꠧ ꠛꠣꠠꠣꠁꠝꠥ⁕
’ ꠡꠥꠘꠣꠟꠤ ꠛꠦꠋꠇꠞ ꠚꠞꠤꠌꠣꠟꠘꠣ ꠚꠞꠡꠖꠞ ꠌꠤꠀꠞꠝꠦꠘ ꠎꠤꠀꠃꠟ ꠢꠣꠍꠣꠘ ꠍꠤꠖ꠆ꠖꠤꠇꠤꠄ ꠈꠁꠘ, ‘ꠁꠇꠐꠣ ꠡꠝꠅꠞ ꠖꠣꠛꠤ⁕ ꠚꠞꠛꠞ꠆ꠔꠤꠔꠦ ꠁ ꠙꠞꠤꠍꠕꠤꠔꠤꠔ ꠉ꠆ꠞꠣꠢꠇꠧꠞ ꠖꠃꠞꠉꠧꠠꠣ ꠔꠘꠦ ꠔꠁꠔꠕ ꠚꠎꠥꠇꠔꠤ ꠜꠤꠔ꠆ꠔꠤꠇ ꠛꠦꠋꠇꠤꠋ ꠡꠦꠛꠣ ꠚꠖꠣꠘꠧꠞ ꠈꠣꠞꠘꠦ ꠀꠝꠞꠣ ꠅꠘꠟꠣꠁꠘꠧ ꠛꠦꠋꠇ ꠢꠤꠡꠣꠛ ꠈꠥꠟꠣꠞ ꠛꠦꠛꠍꠕꠣ ꠉ꠆ꠞꠢꠘ ꠇꠞꠍꠤ⁕’
