শুরমা ফারর খবর ছিলটি জবানে ছিলটর খবর
Related Articles
ꠝꠥꠟꠁꠜꠛꠣꠎꠣꠞ ꠡꠢꠞꠞ ꠛꠖꠞꠥꠘ꠆ꠘꠦꠍꠣ ꠙꠦꠞꠣꠁꠜꠦꠐ ꠀꠡꠚꠣꠔꠣꠟꠦꠣ ꠌꠤꠇꠤꠔꠡꠣ ꠘꠣ ꠖꠦꠅꠀꠄ ꠅ ꠊꠞꠤꠝꠤꠡꠤ ꠈꠞꠣꠄ ꠉꠞꠛꠧꠛꠔꠤ ꠄꠈ ꠛꠦꠐꠤꠞ ꠝꠃꠔ
(ꠝꠥꠟꠁꠛꠣꠎꠣꠞ ꠚꠔꠤꠘꠤꠗꠤ)
ꠝꠥꠟꠁꠜꠛꠣꠎꠣꠞ ꠡꠢꠞꠞ ꠛꠖꠞꠥꠘ꠆ꠘꠦꠍꠣ ꠙꠦꠞꠣꠁꠜꠦꠐ ꠀꠡꠚꠣꠔꠣꠟꠦꠣ ꠌꠤꠇꠤꠔꠡꠣ ꠅꠛꠢꠦꠟꠣꠄ ꠟꠤꠟꠤ ꠛꠦꠉꠝ ꠘꠣꠝꠞ ꠄꠇ ꠉꠞꠛꠧꠛꠔꠤ ꠛꠦꠐꠤꠞ ꠝꠃꠔ ꠅꠁꠍꠦ⁕ ꠁ ꠊꠐꠘꠣꠞ ꠚꠞꠦ ꠀꠡꠚꠣꠔꠣꠟ ꠇꠞꠔꠤꠚꠇ꠆ꠇ, ꠒꠣꠈꠔꠞ, ꠘꠣꠞꠍ ꠅꠈꠟ ꠀꠡꠚꠣꠔꠣꠟ ꠕꠣꠇꠤ ꠢꠞꠤꠀ ꠉꠦꠍꠁꠘꠉꠤ⁕ ꠝꠃꠔ ꠅꠀ ꠉꠞꠛꠧꠛꠔꠤ ꠛꠦꠐꠤ ꠟꠤꠟꠤ ꠛꠦꠉꠝꠞ ꠇꠐꠥꠝꠇꠦꠡꠦ ꠅꠜꠤꠎꠥꠉ ꠇꠞꠍꠁꠘ, ৩০ ꠍꠦꠙ꠆ꠐꠦꠝ꠆ꠛꠞ ꠛꠥꠗꠛꠣꠞ ꠞꠣꠁꠔ ৯ ꠐꠣꠞ ꠖꠤꠇꠦ ꠟꠤꠟꠤ ꠛꠦꠉꠝꠞꠦ ꠀꠘꠤꠀ ꠀꠡꠚꠣꠔꠣꠟꠧ ꠜꠞꠔꠤ ꠈꠞꠁꠘ⁕ ꠜꠞꠔꠤꠞ ꠛꠣꠖꠦ ꠇꠧꠘ ꠌꠤꠇꠤꠔꠡꠣ ꠘꠣ ꠖꠦꠅꠀꠄ ꠅ ꠊꠞꠤꠝꠤꠡꠤ ꠈꠞꠣꠄ ꠞꠣꠁꠔ ১১ ꠊꠐꠤꠇꠣꠄ ꠞꠧꠉꠤꠞ ꠝꠃꠔ ꠅꠄ⁕ꠛꠣꠖꠦ ꠞꠧꠉꠤꠞ ꠟꠉꠦ ꠀꠡꠚꠣꠔꠣꠟ ꠇꠞꠔꠤꠚꠇ꠆ꠇꠞ ꠔꠞꠇꠣꠔꠞꠇꠤ ꠅꠄ, ꠄꠈꠚꠞꠎꠣꠄ ꠜꠣꠛ ꠛꠦꠔꠣꠟꠣ ꠖꠦꠇꠤꠀ ꠀꠡꠚꠣꠔꠣꠟ ꠇꠞꠔꠤꠚꠇ꠆ꠇ ꠅ ꠁꠡꠐꠣꠙ ꠅꠈꠟ ꠀꠡꠚꠣꠔꠣꠟ ꠔꠣꠇꠤ ꠛꠣꠉꠤꠀ ꠢꠞꠤꠎꠣꠄ ⁕ ꠟꠤꠟꠤ ꠛꠦꠉꠝ ꠡꠖꠞ ꠃꠚꠎꠤꠟꠣꠞ ꠌꠣꠖꠘꠤꠊꠣꠐ ꠁꠘꠤꠅꠘꠞ ꠛꠟꠤꠀꠞꠛꠣꠉ ꠉꠣꠃꠞ ꠝꠁꠖ꠆ꠖꠙꠣꠁꠌ꠆ꠌ ꠙꠛꠣꠡꠤ ꠀꠢꠣꠖ ꠝꠤꠀꠞ ꠛꠃ⁕ ꠚꠞꠦ ꠊꠐꠘꠣꠞ ꠈꠛꠞ ꠚꠣꠁꠀ ꠝꠥꠟꠜꠤꠛꠣꠎꠣꠞ ꠝꠒꠦꠟ ꠕꠣꠘꠣ ꠚꠥꠟꠤꠡ ꠡꠞꠎꠝꠤꠘꠧ ꠀꠁꠀ ꠀꠁꠘꠉꠔ ꠛꠤꠡꠄ ꠡꠎꠧꠉꠤꠔꠣ ꠈꠞꠣꠞ ꠀꠡꠡꠣꠡ ꠖꠤꠟꠦ ꠚꠞꠤꠍꠔꠤꠔꠤ ꠘꠤꠅꠘ꠆ꠔꠘꠦ ꠀꠄ⁕
