শুরমা ফারর খবর ছিলটি জবানে ছিলটর খবর
Related Articles
ꠝꠥꠟꠜꠤꠛꠣꠎꠣꠞ ꠎꠤꠟꠣꠞ ꠇꠥꠟꠣꠃꠠꠣ ꠛꠒꠣꠞ ꠄꠟꠣꠇꠣꠔ ꠄꠘ꠆ꠒꠤꠀꠘ ꠡꠤꠝꠞꠇ꠆ꠇꠤ ꠛꠣꠢꠤꠘꠤꠞ (ꠛꠤꠄꠍꠄꠚ) ꠉꠥꠟ꠆ꠟꠤꠄ ꠄꠈ ꠛꠣꠋꠟꠣꠖꠦꠡꠤꠞ ꠝꠃꠔ ꠀꠞ ꠀꠞꠈꠎꠘ ꠎꠈꠝ ꠅꠁꠘ ⁕
ꠉꠦꠍꠦ ꠞꠁꠛꠣꠞ ꠛꠤꠀꠟꠦ ꠇꠥꠟꠣꠃꠠꠣ ꠃꠚꠎꠤꠟꠣꠞ ꠇꠞ꠆ꠝꠗꠣ ꠁꠃꠘꠤꠅꠘꠞ ꠖꠡꠐꠦꠇꠤ ꠛꠒꠣꠞ ꠄꠟꠣꠇꠣꠔ ꠊꠐꠘꠣꠈꠣꠘ ꠊꠐꠦ ꠈꠞꠤꠀ ꠎꠣꠘꠣꠁꠘ ꠇꠥꠟꠣꠃꠠꠣ ꠍꠣꠞ꠆ꠇꠦꠟꠞ ꠖꠦꠞꠤꠕꠣꠈꠣ ꠚꠥꠟꠤꠡ ꠡꠥꠙꠣꠞ ꠖꠤꠙꠋꠇꠞ ꠊꠥꠡꠦ ⁕
ꠇꠞ꠆ꠝꠗꠣ ꠁꠃꠘꠤꠅꠘ ꠚꠞꠤꠡꠖꠞ (ꠁꠃꠙꠤ) ꠌꠤꠀꠞꠝꠦꠘ ꠝꠢꠤꠛꠥꠟ ꠁꠍꠟꠣꠝ ꠀꠎꠣꠖꠦ ꠎꠣꠘꠣꠁꠘ, ꠝꠥꠞ꠆ꠖꠣ ꠍꠣꠖ꠆ꠖꠣꠝ ꠢꠥꠡꠦꠘ (1☽) ꠖꠡꠐꠦꠇꠤ ꠉꠣꠃꠞ ꠀꠎꠇꠤꠞ ꠝꠤꠀꠞ ꠚꠥꠀ ⁕
ꠎꠈꠝ ꠅꠃꠀ ꠍꠤꠖ꠆ꠖꠤꠇ ꠝꠤꠀꠞ (৩d) ꠛꠣꠠꠤꠅ ꠖꠡꠐꠦꠇꠤ ꠉꠣꠃꠔ ⁕ ꠔꠣꠘꠞꠦ ꠍꠤꠟꠐ ꠄꠝꠄꠎꠤ ꠃꠍꠝꠣꠘꠤ ꠝꠦꠒꠤꠇꠦꠟ ꠇꠟꠦꠎ ꠀꠡꠚꠣꠔꠣꠟ ꠜꠞ꠆ꠔꠤ ꠈꠞꠣ ꠅꠁꠍꠦ ⁕
ꠝꠢꠤꠛꠥꠟ ꠁꠍꠟꠣꠝꠦ ꠈꠁꠘ, ꠍꠤꠘꠤ ꠚꠣꠍꠣꠞꠞ ꠌꠦꠡ꠆ꠐꠣ ꠈꠞꠣꠞ ꠡꠝꠄ ꠄꠈꠖꠟ ꠍꠥꠞꠣꠈꠣꠞꠛꠣꠞꠤꠞ ꠟꠉꠦ ꠛꠥꠟꠦ ꠛꠤꠄꠍꠄꠚꠞ ꠗꠣꠅꠀ-ꠚꠣꠟ꠆ꠐꠣ ꠗꠣꠅꠀ ꠅꠄ ⁕ ꠁ ꠛꠣꠟꠣ ꠉꠥꠟ꠆ꠟꠤ ꠈꠣꠁꠀ ꠍꠣꠖ꠆ꠖꠣꠝ ꠝꠣꠞꠣ ꠎꠣꠁꠘ ꠀꠞ ꠍꠤꠖ꠆ꠖꠤꠇ ꠎꠈꠝ ꠅꠁꠎꠣꠁꠘ ⁕
ꠔꠄ ꠁꠔꠣ ꠟꠁꠀ ꠛꠤꠎꠤꠛꠤꠞ ꠕꠣꠘꠤꠅ ꠀꠟꠤꠘꠉꠞ ꠇꠦꠝ꠆ꠙꠞ ꠇꠦꠙ꠆ꠐꠦꠘ ꠀꠞ ꠍꠤꠞꠤꠝꠋꠉꠟ ꠞꠃꠀ bd ꠛꠦꠐꠣꠟꠤꠅꠘ ꠡꠖꠞ ꠎꠤꠝ꠆ꠝꠣꠖꠣꠞꠞ ꠇꠥꠘꠥ ꠛꠄꠀꠘ ꠝꠤꠟ꠆ꠌꠦ ꠘꠣ ⁕
