ꠇꠤꠟꠣ ꠐꠣꠅꠀꠞ ꠟꠦꠘꠒ ꠎꠣꠁꠛꠣ ?

ꠀꠗꠥꠘꠤꠇ ꠁꠍꠟꠣꠝꠤ ꠛꠣꠁꠘꠈꠣꠁꠐꠦ ꠙꠦꠞꠣꠄ Γ ꠇꠥꠐꠤ ꠐꠦꠈꠣ ꠈꠞꠍꠣꠁꠀ ꠝꠣꠘꠣꠘꠤ ꠍꠤꠟꠐ ꠔꠕꠣ ꠛꠣꠋꠟꠣꠖꠦꠡꠞ ꠁꠔꠤꠀꠡꠅ ꠅꠃ ꠚꠄꠟꠣ ꠚꠣꠘꠤꠞ ꠃꠚꠞꠦ ꠜꠣꠃꠀꠁꠟ ꠀꠟ꠆ꠟꠣꠢꠥ ꠐꠣꠅꠀꠞ ꠡꠢ ꠡꠛꠔꠣꠄ ꠚꠣꠍꠉꠥ ꠐꠣꠅꠀꠞ ꠟꠣꠉꠣꠁꠀ ꠝꠌ꠆ꠌꠤꠖ ꠅꠘꠇꠦ ꠘꠣꠝꠤꠀꠟꠣ ꠄꠉꠥ ꠚꠣꠈꠣꠘꠤꠞ ꠔꠣꠘ ꠢꠤꠡꠣꠛꠦ ꠘꠣꠝ ꠚꠣꠁꠍꠦ ⁕ ꠝꠥꠟꠤꠛꠣꠎꠣꠞꠞ ꠜꠣꠃꠀꠁꠟ ꠀꠟ꠆ꠟꠣꠢꠥ ꠐꠣꠅꠀꠞꠞ (ভাসমান আল্লাহু টাওয়ার) ꠁꠀꠘꠉꠞ꠆ꠞꠣ ꠅꠁꠟꠣ ꠉꠤꠀ ꠛꠤꠟꠣꠔ ꠚꠛꠣꠡꠤ, ꠛꠣꠋꠟꠣꠖꠦꠡ ꠍꠥꠙ꠆ꠞꠤꠝ ꠇꠃꠐꠞ ꠀꠉꠞ ꠀꠁꠘꠎꠤꠛꠤ, ꠘꠣꠉꠞꠤ ꠛꠞ꠆ꠘꠦ ꠍꠤꠟꠐꠤ ꠜꠣꠡꠣ ꠡꠤꠇꠞꠤꠔꠤ ꠚꠞꠤꠡꠖꠞ ꠁꠀꠘꠉꠞ꠆ꠞꠣ ꠁꠔꠤꠢꠣꠡꠛꠤꠖ ꠒ. ꠝꠥꠝꠤꠘꠥꠟ ꠢꠇ ⁕ ꠎꠦꠎꠣꠔ ꠡꠥꠘ꠆ꠖꠞ ꠈꠞꠤꠀ ꠉꠞꠣ ꠔꠣꠘ ꠅꠃ ꠁꠍꠟꠣꠝꠤ ꠛꠣꠁꠘꠈꠣꠁꠐ ꠁꠇꠣꠘ ꠖꠦꠈꠣꠞ ꠟꠣꠉꠤꠘ ꠘꠣꠘꠣꠘ ꠎꠦꠉꠣꠞ ꠝꠣꠘꠥꠁꠘ ꠚꠣꠈꠣꠘꠤꠔ ꠀꠁꠘ ⁕ ꠁꠘ ꠔꠣꠁꠘ ꠚꠣꠍꠉꠦꠍꠣ ꠐꠣꠅꠀꠞ ꠉꠞꠍꠂꠘ ⁕ ꠐꠣꠅꠀꠞ ꠁꠇꠍꠣꠁꠘ꠆ꠔꠞ ꠘꠣꠝ ꠖꠤꠍꠂꠘ —

• ꠀꠟ꠆ꠟꠣꠢꠥ ꠐꠣꠅꠀꠞ,
• ꠝꠥꠢꠣꠝ꠆ꠝꠖꠤ ꠐꠣꠅꠀꠞ,
• ꠈꠥꠟꠣꠚꠣꠄ ꠞꠣꠡꠦꠖꠤꠘ ꠐꠣꠅꠀꠞ,
• ꠚꠣꠍ ꠁꠍꠔꠝ꠆ꠜ ꠐꠣꠅꠀꠞ, ꠀꠞ
• ꠝꠣꠎꠢꠣꠛ ꠐꠣꠅꠅꠣꠞ ⁕

ꠁꠔꠣ ꠐꠣꠅꠀꠞꠞ ꠉꠣꠔ ꠟꠦꠈꠣ ꠅꠁꠍꠦ ꠛꠤꠡꠄ ꠀꠘꠝꠣꠘ ꠁꠔꠤꠀꠡ ⁕ ꠖꠥꠘꠤꠀꠎꠥꠞꠤ ꠇꠥꠟ꠆ꠟꠦꠉꠣꠄ ꠍꠤꠟꠐꠤ ꠘꠣꠉꠞꠤ ꠢꠞꠚ ꠀꠞ ꠝꠣꠔꠞ ꠢꠥꠡꠤꠀꠞꠤ ꠀꠞ ꠎꠥꠉꠎꠥꠉ ꠗꠞꠤ ꠍꠟꠤꠀ ꠀꠃꠀ ꠍꠟꠞ ꠖꠥꠀꠞꠤꠀ ꠍꠟ ꠚꠣꠟꠣꠘꠤꠞ ꠟꠣꠉꠤ ꠈꠣꠝꠈꠞ꠆ꠞꠣ ꠒ. ꠝꠥꠝꠤꠘꠥꠟ ꠢꠇꠦ ꠚꠦꠁꠍꠛꠥꠇ ꠙꠥꠡ꠆ꠐ ꠖꠤꠀ ꠟꠤꠝ ꠖꠦꠁꠘ —

ꠇꠤꠟꠣ ꠐꠣꠅꠀꠞ ꠟꠦꠘꠒ ꠎꠣꠁꠛꠣ?

ꠝꠥꠟꠁꠛꠣꠎꠣꠞ ꠔꠘꠦ ꠀꠚꠘꠦ ꠍꠤꠘꠘꠤ ꠊꠣꠐ ꠅꠁꠀ ꠇꠥꠟꠣꠃꠠꠣ ꠞꠃꠒ ꠅ ꠎꠣꠁꠛꠣ ⁕ ꠛꠣꠖꠦ ꠞꠣꠎꠘꠉꠞ ꠕꠣꠘꠣꠞ ꠡꠣꠝꠘꠦ ꠕꠣꠇꠤ ꠛꠣꠃꠄ ꠚꠦꠘꠌꠥꠉꠘꠎ ꠍꠤꠟꠦꠐ ꠞꠃꠒꠅ ꠉꠤꠀ ꠝꠥꠡꠥꠞꠤꠀ ꠅꠈꠣꠘꠞ ꠒꠣꠁꠘꠦ ꠄꠉꠥ ꠛ꠆ꠞꠤꠇ ꠚꠤꠟ꠆ꠒ ꠚꠣꠁꠛꠣ ⁕ ꠄꠞ ꠛꠣꠖꠦ ꠛꠣꠃꠄ ꠉꠦꠁꠐ ꠚꠣꠁꠛꠣ ꠛꠣꠉꠣꠎꠥꠞꠣ ꠝꠣꠖꠞꠣꠡꠣ ꠀꠞ ꠀꠟ꠆ꠟꠣꠢꠥ ꠐꠣꠅꠀꠞꠞ ⁕ ꠁ ꠉꠦꠁꠐ ꠔꠘꠦ ꠖꠥꠁ ꠝꠤꠘꠤꠐꠞ ꠚꠕ ⁕

ꠀꠞꠛꠣꠞ ꠍꠤꠟꠐ ꠔꠘꠦ ꠀꠁꠟꠦ ꠚꠦꠘꠍꠥꠉꠘꠎ ꠅꠁꠀ ꠝꠥꠘ꠆ꠡꠤꠛꠣꠎꠣꠞ ꠅꠁꠀ ꠝꠥꠡꠥꠞꠤꠀ ꠚꠣꠁꠛꠣ ⁕