ꠍꠤꠟꠐ ꠛꠤꠜꠣꠉꠧ ꠄꠈꠖꠤꠘꠦ ꠀꠞꠅ ৮৫ ꠎꠘꠞ ꠇꠞꠦꠣꠘꠣꠜꠣꠁꠞꠣꠡ ꠢꠣꠍꠞꠤꠍꠦ⁕ ꠡꠦꠣꠝꠛꠣꠞ ꠡꠤꠟꠦꠐ ꠄꠝꠄꠎꠤ ꠅꠡꠝꠣꠘꠤ ꠀꠡꠚꠣꠔꠣꠟꠧꠞ ꠙꠤꠡꠤꠀꠞ ꠟ꠆ꠎꠣꠛꠧ ꠍꠤꠟꠐ ꠎꠦꠟꠣꠞ ৬০ ꠎꠘ ꠀꠞ ꠡꠣꠢꠎꠣꠟꠣꠟ ꠛꠤꠉ꠆ꠉꠣꠘ ꠅ ꠙ꠆ꠞꠎꠥꠇꠔꠤ ꠛꠤꠡꠡꠧꠛꠤꠖ꠆ꠖꠣꠟꠄ ꠅꠞ ꠙꠤꠡꠤꠀꠞ ꠟ꠆ꠎꠣꠛꠧ ꠡꠥꠘꠣꠝꠉꠁꠘ ꠎꠦꠟꠣꠞ ২৫ ꠎꠘꠞ ꠇꠞꠦꠣꠘꠣ ꠗꠞꠣ ꠚꠞꠍꠦ⁕ ꠍꠤꠟꠐ ꠎꠦꠟꠣꠞ ꠘꠔꠥꠘ ৮৫ ꠎꠘ ꠇꠞꠧꠘꠣ ꠛꠦꠝꠣꠞꠤꠞ ꠝꠣꠏꠦ ৩৪ ꠎꠘ ꠛꠦꠝꠣꠞꠤ ꠇꠣꠘꠣꠁꠊꠣꠐ ꠃꠚꠎꠦꠟꠣꠞ⁕
ꠁꠝꠥꠇꠣꠄ ꠡꠥꠘꠣꠝꠉꠁꠘ ꠎꠦꠟꠣꠞ ꠘꠀ ২৫ ꠎꠘ ꠛꠦꠝꠣꠞꠤꠞ ꠝꠣꠏꠦ ২১ ꠎꠘꠃ ꠍꠣꠔꠈ ꠃꠚꠎꠦꠟꠣꠞ⁕ ꠢꠈꠟꠔꠣꠄ ꠝꠤꠟꠣꠁꠀ ꠍꠤꠟꠐ ꠛꠤꠜꠣꠉꠧ ꠄꠛꠧꠔꠞꠤ ꠇꠞꠦꠣꠘꠣ ꠛꠦꠝꠣꠞꠤ ꠗꠞꠣ ꠚꠞꠍꠦ ১৬৩১ ꠎꠘ⁕ ꠄꠞ ꠝꠣꠏꠦ ꠍꠤꠟꠐ ꠎꠦꠟꠣꠞ ৯৪২ ꠎꠘ ꠅ ꠡꠥꠘꠣꠝꠉꠁꠘ ৩২৯ ꠎꠘ⁕ ꠍꠤꠟꠐ: ꠍꠤꠟꠐ ꠄꠝꠄꠎꠤ ꠅꠡꠝꠣꠘꠤ ꠀꠡꠚꠣꠔꠣꠟꠧꠞ ꠟ꠆ꠎꠣꠛꠧ ꠘꠝꠥꠘꠣ ꠚꠞꠤꠇ꠆ꠇꠣꠞ ꠚꠟꠣꠚꠟꠧ ꠡꠦꠣꠝꠛꠣꠞ ꠇꠧꠜꠤꠒ-১৯ ꠗꠞꠣ ꠚꠞꠍꠦ ৬০ ꠎꠘꠞ⁕
ꠅꠃ ꠘꠀ ৬০ ꠎꠘꠞ ꠝꠣꠏꠦ ৩৪ ꠎꠘꠃ ꠈꠣꠘꠣꠁꠊꠣꠐ ꠃꠚꠎꠦꠟꠣꠞ⁕ ꠄꠞ ꠛꠣꠖꠦ ꠉꠧꠟꠣꠙꠉꠁꠘ ꠃꠚꠎꠦꠟꠣꠞ ৪ ꠎꠘ, ꠚꠦꠘꠍꠥꠉꠁꠘ ꠃꠚꠎꠦꠟꠣꠞ ৩ ꠎꠘ, ꠛꠣꠟꠣꠉꠁꠘꠎꠧꠞ ১ ꠎꠘ, ꠉꠧꠀꠁꠘꠊꠣꠐꠞ ১ ꠎꠘ, ꠎꠇꠤꠉꠁꠘ ꠃꠚꠎꠦꠟꠣꠞ ১ ꠎꠘ, ꠛꠤꠡꠘꠣꠕꠞ ১ ꠎꠘ, ꠛꠤꠀꠘꠤꠛꠣꠎꠣꠞꠞ ১ ꠎꠘ, ꠍꠤꠟꠐ ꠡꠖꠞ ꠅ ꠡꠤꠐꠤ ꠇꠞ꠆ꠙꠧꠞꠦꠡꠘ ꠄꠟꠣꠇꠣꠞ ১২ ꠎꠘ, ꠝꠟꠁꠛꠣꠎꠣꠞꠞ ১ ꠎꠘ ꠀꠞ ꠡꠥꠘꠣꠝꠉꠁꠘꠎꠧꠞ ꠍꠣꠔꠈ ꠃꠚꠎꠦꠟꠣꠞ ১ ꠎꠘ⁕
ꠈꠛꠞ ꠍꠤꠟꠐ ꠔꠘꠦ ꠝꠥꠢꠣꠝꠝꠣꠖ ꠀꠛꠖꠥꠟ ꠝꠣꠘꠘꠣꠘ