Home / ꠖꠦꠡꠞ ꠈꠛꠞ / ꠙꠦꠟꠦꠁꠘꠧ ১২৯ ꠎꠘ ꠚꠦꠍꠤꠘ꠆ꠖꠣꠞꠞ ꠝꠣꠎꠦ ꠈꠣꠟꠤ ꠒꠣ. ꠚꠦꠞꠖꠣꠃꠍ ꠇꠧꠀꠞꠦꠘ꠆ꠐꠤꠘꠧ

ꠙꠦꠟꠦꠁꠘꠧ ১২৯ ꠎꠘ ꠚꠦꠍꠤꠘ꠆ꠖꠣꠞꠞ ꠝꠣꠎꠦ ꠈꠣꠟꠤ ꠒꠣ. ꠚꠦꠞꠖꠣꠃꠍ ꠇꠧꠀꠞꠦꠘ꠆ꠐꠤꠘꠧ

ꠛꠤꠡꠦꠡ ꠚꠦꠟꠣꠁꠐꠦ ꠉꠦꠍꠦ ꠈꠣꠁꠟ ꠞꠁꠛꠣꠞ (৭ ꠎꠥꠘ) ꠎꠥꠇ꠆ꠔꠞꠣꠡ꠆ꠐ꠆ꠞ ꠕꠣꠇꠤ ꠖꠦꠡꠧ ꠀꠅꠀ ১২৯ ꠎꠘ ꠚꠦꠍꠤꠘ꠆ꠖꠣꠞꠞ ꠝꠣꠎꠦ ꠄꠈꠎꠘ ꠍꠣꠠꠣ ꠢꠈꠟꠞꠦ ꠢꠧꠝ ꠇꠧꠀꠞꠦꠘ꠆ꠐꠤꠘꠧ ꠚꠣꠑꠣꠘꠤ ꠅꠁꠍꠦ⁕ ꠎꠦ ꠄꠈꠎꠘꠞꠦ ꠙ꠆ꠞꠣꠔꠤꠡ꠆ꠑꠣꠘꠤꠇ ꠇꠧꠀꠞꠦꠘ꠆ꠐꠤꠘꠧ ꠚꠣꠑꠣꠘꠤ ꠅꠁꠍꠦ ꠔꠣꠁꠘ ꠅꠁꠟꠣ ꠎꠥꠇ꠆ꠔꠞꠣꠡ꠆ꠐ꠆ꠞꠧꠞ ꠘꠤꠃ ꠁꠅꠞ꠆ꠇ ꠙ꠆ꠞꠛꠣꠡꠤ ꠛꠣꠋꠟꠣꠖꠦꠡꠤ ꠒꠣꠈꠔꠞ ꠚꠦꠞꠖꠣꠃꠍ ꠈꠘ꠆ꠖꠇꠣꠞ⁕ ꠓꠣꠈꠣꠔ ꠀꠁꠀ ꠀꠐꠇꠤ ꠉꠦꠍꠁꠘ ꠇꠞꠧꠘꠣ ꠒꠣꠈꠔꠞꠤ ꠈꠞꠞꠣ ꠀꠟꠧꠌꠤꠔ ꠁ ꠒꠣꠈꠔꠞ⁕ ꠛꠞ꠆ꠔꠝꠣꠘꠦ ꠔꠣꠁꠘ ꠝꠢꠣꠈꠣꠟꠤꠞ ꠛ꠆ꠞꠣꠇ ꠐ꠆ꠞꠦꠘꠤꠋ ꠍꠦꠘ꠆ꠐꠣꠞꠧ ꠙ꠆ꠞꠣꠔꠤꠡ꠆ꠑꠣꠘꠤꠇ ꠇꠧꠀꠞꠦꠘ꠆ꠐꠤꠘꠧ ꠀꠍꠁꠘ ꠈꠞꠤ ꠎꠣꠘꠣ ꠉꠦꠍꠦ⁕ ꠢꠎꠞꠔ ꠡꠣꠢꠎꠣꠟꠣꠟ ꠀꠘ꠆ꠔꠞ꠆ꠎꠣꠔꠤꠇ ꠛꠤꠝꠣꠘꠛꠘ꠆ꠖꠞꠧ ꠖꠣꠅꠤꠔ꠆ꠔꠧꠔ ꠕꠣꠈꠣ ꠡꠣꠁꠡ꠆ꠔꠧ ꠅꠗꠤꠖꠚꠔꠞꠞ ꠡꠅꠇꠣꠞꠤ ꠚꠞꠤꠍꠣꠟꠇ ꠒꠣ. ꠡꠣꠢꠞꠤꠀꠞ ꠡꠣꠎ꠆ꠎꠣꠖ ꠡꠣꠛꠦ ꠈꠁꠍꠁꠘ, ꠒꠣ. ꠚꠦꠞꠖꠣꠃꠍ ꠈꠘ꠆ꠖꠇꠣꠞꠞ ꠇꠞꠧꠘꠣꠞ ꠜꠣꠛ ꠕꠣꠈꠣꠄ ꠔꠣꠁꠘꠞꠦ ꠙ꠆ꠞꠣꠔꠤꠡ꠆ꠑꠣꠘꠤꠇ ꠇꠧꠀꠞꠦꠘ꠆ꠐꠤꠘꠦ ꠚꠣꠑꠣꠘꠤ ꠅꠁꠍꠦ⁕

ꠔꠣꠁꠘ ꠅꠈꠘ ꠝꠢꠣꠈꠣꠟꠤꠞ ꠛ꠆ꠞꠣꠇ ꠐ꠆ꠞꠦꠘꠤꠋ ꠡꠦꠘ꠆ꠐꠣꠞꠧ ꠙ꠆ꠞꠣꠔꠤꠡ꠆ꠑꠣꠘꠤꠇ ꠇꠧꠀꠞꠦꠘ꠆ꠐꠤꠘꠧ ꠀꠍꠁꠘ⁕ ꠒꠣ. ꠡꠣꠎ꠆ꠎꠣꠖ ꠡꠣꠛꠦ ꠈꠁꠍꠁꠘ, ꠒꠣ. ꠚꠦꠞꠖꠣꠃꠍ ꠈꠘ꠆ꠖꠇꠣꠞꠞ ꠇꠞꠧꠘꠣ ꠘꠦꠉꠦꠐꠤꠜ ꠍꠘꠖ ꠕꠣꠈꠟꠦꠅ ꠄꠘ꠆ꠐꠤꠛꠒꠤ ꠐꠦꠡ꠆ꠐ ꠙꠎꠤꠐꠤꠜ ꠕꠣꠈꠣꠄ ꠇꠞꠧꠘꠣ ꠅꠁꠍꠤꠟ ꠁꠇꠣꠘ ꠛꠧꠏꠣ ꠎꠣꠞ⁕ ꠅꠈꠘ ꠁꠐꠣ ꠞꠤꠇꠜꠣꠞꠤ ꠅꠁꠍꠦ ꠘꠣ-ꠇꠤꠔꠣ, ꠘꠣ ꠅꠈꠘꠧ ꠄꠇꠐꠤꠜ ꠀꠍꠦ ꠁꠇꠣꠘ ꠀꠝꠞꠣ ꠡꠤꠅꠞ ꠅꠁꠔꠣꠝ ꠚꠣꠞꠍꠤ ꠘꠣ⁕ ꠄꠟ꠆ꠟꠣꠉꠤ ꠔꠣꠁꠘꠞꠦ ꠙ꠆ꠞꠣꠔꠤꠡ꠆ꠑꠣꠘꠤꠇ ꠇꠧꠀꠞꠦꠘ꠆ꠐꠤꠘꠦ ꠚꠣꠑꠣꠘꠤ ꠅꠁꠍꠦ‌⁕ ꠢꠤꠇꠣꠘꠧ ꠎꠥꠖꠤꠘ ꠖꠦꠈꠣ ꠎꠣꠄ ꠔꠣꠁꠘ ꠕꠣꠇꠤ ꠢꠣꠍꠞꠤꠔꠧ ꠘꠣꠄ ꠔꠦ ꠔꠣꠁꠘ ꠛꠣꠠꠤꠔ ꠎꠣꠁꠔꠣ ꠚꠣꠞꠛꠣ⁕ ꠉꠔꠈꠣꠁꠟ ꠞꠁꠛꠣꠞ ꠝꠣꠖꠣꠘ ৫ꠐꠣꠔ ꠚꠦꠞꠖꠣꠃꠍ ꠈꠘ꠆ꠖꠇꠣꠞꠞ ꠟꠉꠦ ꠀꠞꠧ ১২৯ ꠎꠘꠞꠦ ꠟꠁꠀ ꠇꠣꠔꠣꠞ ꠄꠀꠞꠅꠄꠎꠞ ꠛꠤꠡꠦꠡ ꠚꠦꠟꠣꠁꠐ ꠢꠎꠞꠔ ꠡꠣꠢꠎꠣꠟꠣꠟ ꠀꠘ꠆ꠔꠞ꠆ꠎꠣꠔꠤꠇ ꠛꠤꠝꠣꠘꠛꠘ꠆ꠖꠞꠧ ꠟꠦꠘ ꠈꠞꠍꠦ⁕

ꠎꠥꠇ꠆ꠔꠞꠣꠡ꠆ꠐ꠆ꠞꠧꠞ ꠛꠤꠜꠤꠘ꠆ꠘ ꠃꠌ꠆ꠌ ꠡꠤꠇꠇꠣꠚꠔꠤꠡ꠆ꠑꠣꠘꠧ ꠚꠠꠠꠣ ꠡꠤꠇꠇꠣꠞ꠆ꠕꠤ, ꠃꠌ꠆ꠌꠔꠞ ꠒꠤꠉ꠆ꠞꠤ ꠘꠦꠅꠀꠞ ꠟꠣꠉꠤꠘ ꠀꠅꠀ ꠛꠤꠡ꠆ꠡꠛꠤꠖ꠆ꠖꠣꠟꠄ ꠡꠤꠇꠇꠇ, ꠚꠦꠡꠣꠎꠤꠛꠤ, ꠛꠦꠛꠡꠣꠅꠤ ꠅ ꠚꠣꠈꠣꠘꠤꠞ ꠟꠣꠉꠤꠘ ꠀꠅꠀ ꠝꠣꠘꠥꠡꠅ ꠚꠦꠟꠣꠁꠐ ꠁꠇꠐꠣꠞ ꠚꠦꠍꠤꠘ꠆ꠖꠣꠞ ꠀꠍꠟꠣ⁕

 

ꠈꠛꠞ ꠡꠋꠞꠢ -ꠝꠥꠢꠣꠝ꠆ꠝꠖ ꠀꠛꠖꠥꠟ ꠝꠣꠘꠘꠣꠘ

Rate this post

About surmafarorkhobor

Check Also

ꠍꠤꠟꠐ ꠛꠒꠣꠞꠅ ꠍꠤꠘꠤ ꠃ ꠘꠥ ꠅꠘꠦ ꠘꠄꠀ ꠉꠞꠥ!

ꠁꠀꠖ꠆ꠞꠣ ꠝꠣꠡꠣꠁꠘ꠆ꠔ ꠍꠤꠟꠐꠞ ꠘꠣꠘꠣꠘ ꠛꠒꠣꠞ ꠛꠣꠄ ꠍꠤꠘꠤ ꠍꠥꠞꠣꠍꠣꠟꠣꠘ ꠎꠦꠎꠣꠔ ꠛꠟ꠆ꠌꠦ, ꠈꠃꠀꠞ ꠘꠣꠄ⁕ ꠛꠒꠣꠞ ꠄꠟꠣꠇꠣꠁꠘ ꠔꠘꠦ …