Home / ꠖꠦꠡꠞ ꠈꠛꠞ / ꠎꠟꠡꠤ ꠎꠣꠅꠀ ꠒꠣ. ꠞꠣꠎꠤꠛꠞ ꠝꠃꠔ

ꠎꠟꠡꠤ ꠎꠣꠅꠀ ꠒꠣ. ꠞꠣꠎꠤꠛꠞ ꠝꠃꠔ

ꠢꠦꠡꠝꠦꠡ ꠝꠃꠔꠞ ꠉꠦꠍꠦ ꠢꠣꠞ ꠝꠣꠘꠟꠣ ꠒꠣ. ꠞꠣꠎꠤꠛ ꠜꠐ꠆ꠐꠣꠌꠣꠞ꠆ꠎꠄ⁕ ২২ ꠎꠥꠟꠣꠁ ꠔꠣꠁꠘ ꠀꠞ ꠔꠣꠘ ꠛꠃ ꠞꠣꠎꠗꠣꠘꠤꠞ ꠢꠣꠔꠤꠞꠙꠥꠟ ꠛꠣꠡꠣꠔ ꠀꠔ ꠍꠣꠚꠣꠁ ꠅꠞ ꠀꠉ꠆ꠘꠤ ꠔꠘꠦ ꠚꠥꠠꠤ ꠎꠣꠁꠘ⁕ ꠁꠛꠣꠄ ꠒꠣꠈꠔꠞꠤ ꠈꠞꠣꠘꠤꠔ ꠒꠣ. ꠞꠣꠎꠤꠛ ꠜꠐ꠆ꠐꠣꠌꠣꠞ꠆ꠎ (৩৫) ꠡꠦꠈ ꠢꠣꠍꠤꠘꠣ ꠎꠣꠔꠤꠅ ꠛꠣꠞ꠆ꠘ ꠅ ꠙ꠆ꠟꠣꠍꠐꠤꠇ ꠍꠣꠞ꠆ꠎꠣꠞꠤ ꠁꠘꠍ꠆ꠐꠤꠐꠤꠃꠐ ꠝꠣꠞꠣ ꠉꠦꠍꠁꠘ⁕

ꠝꠋꠉꠟꠛꠣꠞ ꠛꠤꠀꠘ ꠡꠣꠠꠦ ৮ꠐꠣꠔ ꠁꠘꠍ꠆ꠐꠤꠐꠤꠃꠐꠞ ꠀꠁꠍꠤꠁꠃꠔ ꠔꠣꠘ ꠝꠃꠔ ꠅꠄ⁕ ꠔꠣꠁꠘ ꠛꠋꠉꠛꠘ꠆ꠗꠥ ꠡꠦꠈ ꠝꠥꠎꠤꠛ ꠝꠦꠒꠤꠇꠦꠟ ꠛꠤꠡ꠆ꠡꠛꠤꠖ꠆ꠖꠣꠟꠅꠞ ꠘꠤꠃꠞꠍꠣꠞ꠆ꠎꠣꠞꠤ ꠛꠤꠜꠣꠉꠞ ꠒꠣꠈꠔꠞ ꠀꠍ꠆ꠟꠣ⁕

ꠡꠦꠈ ꠢꠣꠡꠤꠘꠣ ꠎꠣꠔꠤꠅ ꠛꠣꠞ꠆ꠘ ꠅ ꠙ꠆ꠟꠣꠍꠐꠤꠇ ꠍꠣꠞ꠆ꠎꠣꠞꠤ ꠁꠘꠍ꠆ꠐꠤꠐꠤꠃꠐꠞ ꠡꠝꠘ꠆ꠘꠄꠇ ꠒꠣ. ꠡꠣꠝꠘ꠆ꠔ ꠟꠣꠟ ꠡꠦꠘ ꠝꠃꠔꠞ ꠛꠤꠡꠄꠐꠣ ꠘꠤꠌ꠆ꠌꠤꠔ ꠈꠞꠍꠁꠘ⁕

ꠔꠣꠁꠘ ꠎꠣꠘꠣꠁꠘ, ꠞꠣꠎꠤꠛꠞ ꠡꠣꠡꠤ ꠡꠥꠁꠖ꠆ꠖꠣ ꠉꠔ꠆ꠞꠞ ৮৭ ꠜꠣꠉ ꠚꠥꠠꠤ ꠉꠦꠍꠤꠟ⁕ ꠔꠣꠘꠞꠦ ꠀꠁꠍꠤꠁꠃꠔ ꠟꠣꠁꠚ ꠍꠣꠙꠥꠞ꠆ꠐꠅ ꠞꠣꠈꠣ ꠅꠁꠍꠤꠟ⁕ ꠀꠁꠎꠇꠥ ꠛꠤꠀꠘ ꠡꠣꠠꠦ ৮ꠐꠣꠔ ꠔꠣꠘ ꠝꠃꠔ ꠅꠄ⁕ ꠔꠣꠘ ꠛꠃ ২০ ꠜꠣꠉ ꠚꠥꠠꠣ ꠟꠁꠀ ꠄꠛꠅ ꠛꠣꠞ꠆ꠘꠅ ꠜꠞ꠆ꠔꠤ ꠞꠁꠍꠁꠘ⁕

২২ ꠎꠥꠟꠣꠁ ꠖꠤꠘꠝꠣꠞꠤ ꠞꠣꠁꠔ ꠖꠦꠠꠐꠣ ꠛꠣꠄ ꠛꠣꠡꠣꠔ ꠞꠣꠎꠤꠛ ꠄꠈꠐꠣ ꠛꠠ ꠛꠥꠔꠟ ꠔꠘꠦ ꠀꠔ ꠍꠣꠚꠣꠁ ꠚꠥꠞꠥ ꠛꠥꠔꠟꠅ ꠓꠣꠟꠣꠔ ꠀꠍ꠆ꠟꠣ⁕ ꠢꠡꠝꠄ ꠛꠥꠔꠟ ꠕꠣꠇꠤ ꠚꠣꠚꠣꠁ ꠚꠠꠤ ꠉꠤꠀ ꠝꠥꠈꠞ ꠍꠤꠉꠣꠞꠦꠐ ꠛꠣ ꠝꠡꠣꠞ ꠇꠄꠟꠞ ꠀꠉ꠆ꠘꠤꠄ ꠔꠣꠘ ꠉꠔ꠆ꠞ ꠀꠉꠥꠁꠘ ꠗꠞꠤ ꠎꠣꠄ⁕ ꠁꠔꠣ ꠖꠦꠈꠤꠀ ꠝꠘꠈꠄ ꠔꠣꠘ ꠛꠃ ꠛꠣꠍꠣꠘꠤꠔ ꠉꠤꠀ ꠘꠤꠎꠦꠅ ꠎꠟꠤ ꠎꠣꠁꠘ⁕ ꠛꠣꠖꠦ ꠍꠤꠇ ꠢꠥꠘꠤꠀ ꠚꠣꠄꠚꠔꠤꠛꠦꠡꠤꠘ꠆ꠔꠦ ꠔꠣꠞꠣꠞꠦ ꠃꠖ꠆ꠗꠣꠞ ꠈꠞꠤ ꠡꠦꠈ ꠢꠣꠍꠤꠘꠣ ꠎꠣꠔꠤꠅ ꠛꠣꠞ꠆ꠘ ꠅ ꠙ꠆ꠟꠣꠍ꠆ꠐꠤꠇ ꠍꠣꠞ꠆ꠎꠣꠞꠤ ꠁꠘꠤꠡ꠆ꠐꠤꠐꠤꠃꠐ ꠜꠞ꠆ꠔꠤ ꠈꠞꠁꠘ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ ꠍꠣꠟꠣꠝ, ꠁꠖ ꠝꠥꠛꠣꠞꠇ

ꠍꠃꠖꠤ, ꠝꠤꠒꠤꠟꠤꠡ꠆ꠐ ꠡꠢ ꠚꠍ꠆ꠝꠞ ꠖꠦꠡꠣꠁꠘ꠆ꠔ ꠀꠁꠎ ꠁꠖ-ꠃꠟ-ꠚꠤꠔꠤꠞ ꠚꠣꠟꠘ ꠈꠞꠣ ꠅꠁꠞ ⁕ ꠡꠛꠞ ꠐꠣꠁꠘ ꠀꠝꠒꠣꠞ ꠁꠖꠞ …