Breaking News
Home / ꠚꠛꠣꠡꠞ ꠈꠛꠞ / ꠛꠤꠀꠘꠤꠛꠣꠎꠣꠞ ꠡꠝꠤꠔꠤꠞ ꠜꠥꠐ, ꠝꠣꠘ꠆ꠘꠣꠘ-ꠝꠣꠢꠛꠥꠛ ꠙꠦꠘꠦꠟ ꠚꠥꠞꠣ ꠛꠤꠎꠁ

ꠛꠤꠀꠘꠤꠛꠣꠎꠣꠞ ꠡꠝꠤꠔꠤꠞ ꠜꠥꠐ, ꠝꠣꠘ꠆ꠘꠣꠘ-ꠝꠣꠢꠛꠥꠛ ꠙꠦꠘꠦꠟ ꠚꠥꠞꠣ ꠛꠤꠎꠁ

ꠝꠤꠡꠤꠉꠣꠘꠧ ꠛꠣꠡ ꠈꠞꠣ ꠙ꠆ꠞꠛꠣꠡꠤ ꠛꠣꠋꠟꠣꠖꠦꠡꠤꠘ꠆ꠔꠞ ꠀꠁꠘ꠆ꠌꠟꠤꠇ ꠡꠋꠉꠑꠘ ꠛꠤꠀꠘꠤꠛꠣꠎꠣꠞ ꠡꠣꠝꠣꠎꠤꠇ ꠅ ꠡꠣꠋꠁꠍꠇ꠆ꠞꠤꠔꠤꠇ ꠡꠝꠤꠔꠤ ꠁꠘꠇ ꠅꠞ ꠖꠥꠁꠛꠍꠞꠤ ꠘꠤꠞ꠆ꠛꠣꠌꠘ ꠉꠦꠍꠦꠈꠣꠁꠟ ১০ ꠅꠇ꠆ꠐꠥꠛꠞ  ꠒꠦꠐ꠆ꠞꠄꠐ ꠡꠢꠞꠞ ꠉꠦꠁꠐ ꠅꠛ ꠇꠟꠝ꠆ꠛꠣꠍꠧ ꠛꠤꠀꠘ ৯ꠐꠣ ꠕꠣꠇꠤ ꠞꠣꠁꠔ ৮ꠐꠣ ꠚꠞ꠆ꠎꠘ꠆ꠔ ꠇꠥꠡꠤꠛꠣꠡꠤꠞ ꠝꠣꠏꠦ ꠛꠦꠟꠐꠧꠞ ꠝꠣꠁꠖ꠆ꠖꠝꠦ ꠡꠦꠡ ꠅꠁꠍꠦ⁕

ꠘꠄꠀ ꠎꠂꠁ ꠡꠜꠣꠚꠔꠤ ꠝꠧ: ꠀꠛ꠆ꠖꠥꠟ ꠝꠣꠘ꠆ꠘꠣꠘ (ꠚꠣꠅꠀ ꠜꠥꠐ ১৮৪৭) ꠟꠠꠞꠣ ꠚꠣꠞ꠆ꠕꠤ ꠝꠤꠍꠛꠣꠢ ꠀꠢꠝꠖ (ꠚꠣꠅꠀ ꠜꠥꠐ ১৩৫৯) ꠀꠞ ꠘꠄꠀ ꠎꠂꠁ ꠡꠣꠗꠣꠞꠘ ꠡꠝ꠆ꠙꠣꠖꠇ ꠘꠣꠎꠝꠥꠟ ꠢꠇ ꠝꠣꠢꠛꠥꠛ (ꠚꠣꠅꠀ ꠜꠥꠐ ১৬৬০) ꠟꠠꠞꠣ ꠚꠣꠞ꠆ꠕꠤ ꠞꠦꠎꠣꠃꠟ ꠁꠍꠟꠣꠝ ꠅꠙꠥ (ꠚꠣꠅꠀ ꠜꠥꠐ ১৪৭৯)⁕

ꠜꠥꠐꠧ ꠝꠣꠘ꠆ꠘꠣꠘ-ꠝꠣꠢꠛꠥꠛ ꠚꠞꠤꠡꠖ ꠀꠞ ꠝꠤꠍꠛꠣꠢ-ꠅꠙꠥ ꠚꠞꠤꠡꠖ ꠘꠣꠝꠦ ꠖꠥꠁꠐꠣ ꠙꠦꠘꠦꠟꠦ ꠟꠠꠣꠁ ꠈꠞꠦ⁕

ꠝꠤꠡꠤꠉꠣꠘꠞ ꠛꠃꠔ ꠀꠁꠘ꠆ꠌꠟꠤꠇ ꠡꠋꠉꠑꠘꠞ ꠝꠣꠏꠦ ꠡꠛꠔꠘꠦ ꠛꠠ ꠛꠣꠋꠟꠣꠖꠦꠡꠤ ꠡꠋꠉꠑꠘ ꠁꠇꠐꠣ⁕ ꠡꠋꠉꠑꠘꠉꠥꠔꠣ ১৯৯৩ ꠡꠣꠟꠧ ꠚꠔꠤꠡꠐꠣ ꠅꠁꠀ ꠄꠛꠧ ꠚꠞ꠆ꠎꠘ꠆ꠔ ꠡꠥꠡ꠆ꠑꠥ, ꠡꠣꠘ꠆ꠔꠤꠚꠥꠞ꠆ꠘ ꠀꠞ ꠘꠤꠅꠝꠝꠣꠚꠤꠇ ꠚꠇꠞꠤꠀꠄ ꠍꠟꠤꠀ ꠀꠞ⁕ ꠁꠇꠐꠣꠞ ꠈꠝꠔꠣ ꠛꠖꠟ ꠛꠦꠡꠤꠞꠜꠣꠉ ꠡꠝꠄꠃ ꠡꠞꠣꠡꠞꠤ ꠜꠥꠐꠞ ꠝꠣꠁꠖ꠆ꠖꠝꠦ ꠉꠍꠣꠘꠤ ꠅꠁꠀ ꠀꠞ⁕ ꠎꠦꠈꠐꠣ ꠢꠣꠍꠣꠅ ꠈꠀꠞ ꠝꠔ ꠛꠤꠡꠄ⁕ ꠎꠕꠣꠎꠕ ꠡꠣꠋꠉꠑꠘꠤꠇ ꠘꠤꠅꠝ ꠘꠤꠔꠤ ꠝꠣꠘꠤꠀ ꠀꠅꠀꠄ ꠁ ꠡꠋꠉꠑꠘꠉꠥꠔꠣ ꠀꠁꠎꠅ ꠘꠤꠎꠘꠣꠝꠦ ꠐꠤꠇꠤꠀ ꠀꠍꠦ⁕ ꠛꠤꠀꠘꠤꠛꠣꠎꠣꠞ ꠃꠚꠎꠤꠟꠣꠞ ꠝꠣꠘꠡꠞ ꠝꠣꠏꠦ ꠚꠣꠞꠡ꠆ꠚꠞꠤꠇ ꠛꠘ꠆ꠗꠘ, ꠝꠣꠄꠀꠝꠝꠔꠣ, ꠄꠈꠦ ꠀꠞꠧꠞ ꠛꠣꠄ ꠡꠢꠎꠥꠉꠤꠔꠣ ꠅꠘꠥꠇꠞꠘꠤꠅ! ꠎꠥꠖꠤꠘꠅ ꠖꠥꠁꠐꠣ ꠡ꠆ꠐꠦꠁꠐꠧ ꠘꠤꠞ꠆ꠛꠣꠌꠘ ꠅꠞ, ꠔꠛꠥꠅ ꠔꠣꠞꠣꠞ ꠝꠣꠏꠦ ꠔꠦꠝꠘ ꠜꠤꠘ꠆ꠘꠔꠣ, ꠀꠎꠦꠛꠣꠎꠦ ꠝꠣꠔ ꠘꠦꠁ⁕

১৭ꠐꠣ ꠙꠖꠦ ꠖꠥꠁ ꠙꠦꠘꠦꠟ ꠕꠣꠇꠤ ৩৪ ꠎꠘ ꠚꠣꠞ꠆ꠕꠤ ꠟꠠꠣꠁ ꠈꠞꠍꠂꠘ⁕ ꠘꠤꠞ꠆ꠛꠣꠌꠘꠧ ꠚꠗꠣꠘ ꠘꠤꠞ꠆ꠛꠣꠌꠘ ꠇꠝꠤꠡꠘꠣꠞꠞ ꠖꠣꠅꠤꠔ꠆ꠔ ꠚꠣꠟꠘ ꠈꠞꠍꠂꠘ ꠛꠣꠋꠟꠣꠖꠦꠡ ꠔꠘꠦ ꠀꠅꠀ ꠄꠒꠜꠥꠇꠦꠐ ꠝꠥꠢꠣꠝ꠆ꠝꠖ ꠝꠢꠛ꠆ꠛꠔ ꠈꠣꠘ⁕ ꠄꠍꠣꠠꠣ ꠇꠝꠤꠡꠘꠣꠞ ꠢꠤꠡꠣꠛꠦ ꠀꠍꠟꠣ ꠝꠥꠢꠣꠝ꠆ꠝꠖ ꠘꠥꠞ ꠁꠍꠟꠣꠝ (ꠘꠥꠞꠥꠟ) ꠀꠞ ꠝꠍ꠆ꠔꠣꠇ ꠀꠢꠝꠖ⁕

Rate this post

About Abu Sayeed

ꠝꠥꠁ ꠀꠛꠥ ꠍꠣꠁꠖ, ꠡꠥꠞꠝꠣ ꠚꠣꠞꠞ ꠈꠛꠞ ꠅꠄꠛꠍꠣꠁꠐꠞ ꠍꠣꠚꠣꠃꠞꠣ⁕ ꠛꠣꠋꠟꠣ ꠀꠞ ꠁꠋꠟꠤꠡ ꠚꠔꠞꠤꠇꠣꠁꠘ꠆ꠔ ꠟꠦꠈꠣꠟꠦꠇꠤꠞ ꠅꠜꠤꠉ꠆ꠉꠔꠣ ꠔꠘꠦ ꠝꠞ ꠝꠣꠁꠅꠞꠝꠣꠔ ꠍꠤꠟꠐꠤꠔꠦꠅ ꠟꠦꠈꠣꠞ ꠔꠣꠉꠤꠖ ꠛꠥꠗ ꠈꠞꠤ⁕ ꠅꠘꠟꠣꠁꠘꠅ ꠍꠤꠟꠐꠤ ꠅꠈꠟꠞ ꠟꠣꠉꠤ ꠝꠣꠉꠘꠣ ꠢꠤꠇꠣꠞ ꠟꠣꠈ ꠏꠤꠘꠤꠡ ꠛꠤꠡꠦꠡ ꠈꠞꠤ ꠍꠤꠟꠐꠤꠘ꠆ꠔꠞ ꠁꠔꠤꠀꠡ, ꠞꠍꠝ, ꠈꠣꠘꠤꠛꠘꠤ, ꠡꠣꠁꠔ꠆ꠔ ꠡꠛꠞ ꠀꠔ ꠀꠔ ꠚꠃꠍꠣꠘꠤꠞ ꠈꠣꠝ ꠈꠞꠞꠣꠝ, ꠏꠣꠔꠦ ꠁꠔꠣ ꠈꠣꠟꠤ ꠉꠛꠦꠡꠇ ꠅꠈꠟꠞ ꠐꠣꠁꠘ ꠘꠣ ꠕꠣꠇꠤꠀ ꠢꠈꠟꠞ ꠀꠔꠅ ꠉꠤꠀ ꠔꠣꠘ ꠚꠣꠄ⁕ ꠁꠔꠣ ꠖꠦꠇꠤꠀ ꠀꠞꠅ ꠝꠣꠘꠥꠡꠣꠁꠘ ꠀꠉꠥꠀꠁꠀ ꠀꠁꠘ⁕ ꠟꠉꠦ ꠕꠣꠈꠣꠞ ꠀꠞ ꠚꠣꠄꠚꠞꠣꠝꠤꠡ ꠖꠤꠀ ꠡꠣꠖ ꠖꠤꠛꠣꠞ ꠟꠣꠉꠤ ꠡꠛꠞꠦ ꠡꠥꠇꠥꠞ⁕

Check Also

ꠁꠞꠣꠘ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠄꠟꠣ ꠉꠥꠐ꠆ꠐꠣ ꠟꠁꠍꠂꠘ ꠛꠣꠋꠟꠣꠖꠦꠡꠞ ꠛꠡꠤꠞ ꠀꠢꠝꠣꠖ

ꠁꠞꠣꠘꠞ ꠞꠣꠎꠗꠣꠘꠤ ꠔꠦꠢꠞꠣꠘ ꠅꠃꠀ ꠛꠤꠡ꠆ꠡ ꠇꠥꠞꠀꠘ ꠔꠤꠟꠣꠃꠀꠔꠅ ꠚꠕꠝ ꠎꠣꠉꠣ ꠟꠁꠟꠍꠂꠘ ꠢꠛꠤꠉꠘ꠆ꠎꠞ ꠚꠥꠀ ꠢꠣꠚꠤꠎ ꠛꠡꠤꠞ ꠀꠢꠝꠣꠖꠦ …