শুরমা ফারর খবর ছিলটি জবানে ছিলটর খবর
Related Articles
ꠀꠞ꠆ꠔꠡꠣꠝꠣꠎꠤꠇ ꠈꠣꠞꠘꠦ ꠛꠖꠟꠤ ꠎꠣꠄ ꠈꠔꠔꠣ ⁕ ꠞꠤꠔꠤ-ꠞꠤꠃꠀꠎ • ꠍꠟ ꠀꠞ ꠞꠥꠍꠥꠝ • ꠎꠦꠔꠣ ꠎꠥꠉ ꠎꠥꠉ ꠗꠞꠤꠀ ꠍꠟꠤꠀ ꠀꠁꠍꠤꠟ ⁕ ꠄꠈꠅ ꠛꠣꠟꠣ ꠗꠥꠘ ꠈꠞꠤ • ꠈꠁ ꠉꠦꠟ ꠀꠉꠞꠣꠝꠟꠤ ꠛꠤꠀꠞ ꠍꠟ! ꠍꠤꠘꠤꠚꠣꠘꠞ ꠖꠤꠘ ꠔꠘꠦ ꠛꠤꠀ ꠡꠦꠡ ꠁꠝꠣ ꠝꠣ-ꠍꠣꠍꠤꠘ꠆ꠔꠞ ꠗꠣꠝꠣꠁꠟ ꠀꠞ ꠇꠥꠞꠔꠂꠟ ⁕ ꠞꠣꠁꠔꠇꠥꠞ ꠛꠤꠀ-ꠡꠣꠖꠤ • ꠈꠁꠘꠘꠣꠞ ꠛꠣꠠꠤ ꠛꠂꠞꠣꠔꠤ ꠗꠥꠝꠗꠣꠝꠦ ꠞꠣꠁꠔ ꠚꠣꠞ ꠈꠞꠤ ꠛꠣꠖꠞ ꠖꠤꠘ ꠀꠃꠀ ⁕ ꠛꠣꠖꠦ ꠀꠁꠟ ꠖꠤꠘꠇꠥ ꠇꠤ ꠢꠣꠁꠘꠏꠣꠛꠣꠟꠣꠞ ꠛꠤꠀ ⁕ ꠛꠤꠡ • ꠚꠍꠤꠡ ꠇꠤ ꠔꠤꠞꠤꠡ ꠈꠣꠘ ꠉꠣꠠꠤ ꠊꠥꠠꠣ ꠟꠁꠀ ꠎꠣꠃꠀ • ꠘꠣꠘꠣꠘ ꠞꠋ ꠛꠦꠞꠋꠉꠞ ꠟꠣꠟ ꠟꠤꠟ ꠛꠣꠔꠔꠤ ⁕ ꠖꠥꠁ ꠀꠠꠣꠁ ꠚꠤꠞꠣ ꠗꠞꠤ ꠔꠣꠡꠤꠀ ꠅꠁꠍꠦ ꠟꠘ꠆ꠒꠘ ꠎꠣꠃꠀꠞ ꠛꠤꠀ (UK spouse visa) ⁕ ꠎꠦꠈꠐꠣꠄ ꠀꠉꠞ ꠢꠈꠟ ꠞꠥꠍꠥꠝꠞꠦ ꠞꠣꠔꠣꠞꠣꠔꠤ ꠛꠖꠟꠣꠁꠟꠤꠟ ⁕ ꠄꠈꠝꠘꠔꠦ ꠔ ꠛꠣꠟꠣ ꠃ ꠅꠁꠍꠦ ⁕ ꠀꠉꠞ ꠟꠣꠈꠣꠘ ꠢꠣꠛꠤꠉꠥꠡꠐꠤ ꠟꠂꠀ • ꠛꠠ ꠇꠥꠘꠥ ꠍꠦꠘꠐꠣꠞ • ꠢꠟ ꠇꠤ ꠞꠦꠡꠐꠥꠞꠦꠘ꠆ꠐꠅ ꠛꠤꠀꠡꠣꠖꠤꠞ ꠍꠟ ꠈꠝꠤꠀ ꠀꠁꠌ꠆ꠌꠤꠟ ꠅꠞ꠆ꠖꠦꠈ ⁕ ꠎꠣꠔ-ꠚꠣꠔ • ꠖꠟꠣ-ꠉꠥꠠꠤꠀꠘꠣ • ꠟꠣꠝꠙꠣ-ꠛꠣꠐꠐꠤ• ꠎꠣꠔꠤꠀꠟꠣ • ꠚꠄꠡꠣꠟꠣ ꠇꠥꠘꠔꠣ ꠘꠣ ꠔꠥꠇꠣꠁꠀ ꠀꠁꠄꠟꠐꠤꠄꠍ ꠀꠟꠣ ꠘꠡꠣ ꠇꠤ ꠈꠂꠘ꠆ꠘꠣ ꠅꠁꠟꠦꠅ ꠅꠁꠍꠤꠟ ⁕ ꠄꠈꠛꠣꠄ ꠀꠁꠄꠟꠐꠤꠄꠍ ꠀꠟꠣ • ꠀꠞꠛꠣꠄ ꠐꠦꠈꠣꠚꠄꠡꠣ ꠈꠞꠍꠣꠁꠀ ꠟꠘ꠆ꠒꠘ ꠘꠦꠃꠞꠣ ⁕ ꠅꠘꠦ ꠍꠥꠇꠅ ꠅꠃꠇ ꠀꠞ ꠛꠤꠀꠡꠣꠖꠤ ꠉꠣꠁꠀ ꠅꠃꠇ• ꠄꠈꠝꠘꠔꠦ ꠛꠣꠟꠣ ꠃ ꠅꠁꠍꠦ ⁕ ꠀꠘ꠆ꠘꠣꠄ ꠈꠔꠞ ꠇꠥꠀꠛ ꠟꠘ꠆ꠒꠘ ꠎꠣꠃꠀꠞ • ꠁꠔꠣ ꠅꠁꠟ ꠘꠤ ꠅꠘꠦ? ꠘꠣ ꠉꠤꠀ ꠅ ꠘꠥ ꠀꠝꠒꠣꠞ ꠉꠔꠤ ꠘꠣꠄ ⁕ ꠀꠝꠒꠣꠞ ꠖꠦꠡ ꠈꠣꠘꠔꠣꠔ ꠈꠣꠝꠈꠣꠎꠞ ꠢꠤꠟꠣꠘ ꠃꠚꠣꠄ ꠘꠣꠁ • ꠝꠣꠘꠥꠡ ꠅ ꠛꠟꠘ ⁕ ꠈꠔ ꠀꠍꠟꠣ ꠐꠦꠈꠣꠚꠄꠡꠣꠄ ꠈꠟ꠆ꠟꠣꠝꠣꠁꠟ • ꠔꠦ ꠈꠔ ꠀꠍꠟꠣ ꠘꠣ ꠎꠣꠁꠛꠣꠞ ꠟꠣꠈ ⁕ ꠎꠦꠉꠔꠤꠇꠦ ꠁ ꠡꠦꠛ ꠁꠇꠣꠘ ꠀꠝꠒꠣꠞ ꠟꠣꠉꠤ ꠎꠦꠎꠣꠔ ꠚꠣꠄꠖꠣ ꠀꠘ꠆ꠌꠦ • ꠈꠁꠛꠣꠞ ꠃ ꠘꠣꠄ ⁕ ꠎꠦꠞꠣ ꠉꠦꠍꠂꠘ • ꠄꠞꠣ ꠀꠝꠒꠣꠞ ꠅꠞ꠆ꠔꠘꠤꠔꠤꠞ ꠇꠥꠞꠣꠇ • ꠝꠣꠁ-ꠛꠣꠚ ꠀꠞ ꠚꠞꠤꠛꠣꠞꠞ ꠡꠝ꠆ꠙꠖ ⁕
ꠀꠉꠦ ꠍꠦꠘ꠆ꠐꠣꠞ ꠇꠤ ꠛꠤꠀꠛꠣꠠꠤ ꠔꠘꠦ ꠛꠤꠀ ꠈꠣꠁꠀ ꠀꠃꠀꠞ ꠛꠣꠖꠦ ꠄꠈꠖꠣꠉꠤ ꠟꠣꠉꠤꠎꠤꠔꠣ ꠇꠥꠔ ꠔꠥꠇꠣꠘꠤꠔ • ꠘꠣꠘꠣꠘ ꠜꠣꠞꠔ ꠉꠣꠃꠀꠔ ⁕ ꠜꠥꠘꠣ ꠝꠎꠣ ꠅꠁꠍꠦ • ꠅꠁꠟꠦ ꠘꠥꠘ ꠛꠦꠡꠤ ꠅꠁꠉꠦꠍꠦ • ꠞꠥꠡ꠆ꠐ ꠜꠣꠎꠣ ꠅꠁꠍꠦ ꠘꠣ • ꠉꠥꠍ꠆ꠔꠞ ꠝꠣꠎꠦ ꠎꠣꠟ ꠅꠁꠉꠦꠍ ꠀꠞꠘꠣꠄ ꠢꠣꠔꠈꠞꠣ ꠇꠤ ꠀꠍꠣꠞ ꠖꠤꠟꠦ ꠡꠣꠖ ꠅꠁꠔ • ꠖꠁ ꠁꠉꠥꠘ ꠅ ꠇꠤꠟꠣ ꠇꠤꠟꠣ ꠟꠣꠉꠍꠦ ꠈꠣꠁꠔꠦ ⁕ ꠇꠤꠘꠔꠥꠇ ꠁꠇꠣꠘ ꠛꠥꠗ ꠚꠣꠁꠔꠣ ꠘꠣ ꠔꠣꠁꠘꠔꠣꠁꠘ ꠎꠦ ꠅꠘꠇꠦ ꠢꠈꠟꠔꠣꠞ ꠖꠞ ꠛꠟꠔꠤ ꠕꠣꠈꠣ ꠡꠝꠣꠎꠅ ꠄꠈꠎꠘ ꠛꠣꠚꠦ ꠇꠤ ꠈꠁꠘ꠆ꠘꠣꠞ ꠚꠣꠟꠈꠖꠣꠞꠦ ꠢꠣꠞꠤꠎꠤꠛꠘ ꠈꠡ꠆ꠐꠈꠞꠤ ꠚꠣꠟꠤꠀ ꠚꠥꠡꠤꠀ ꠈꠔ ꠈꠞꠍꠣꠁꠀ ꠘꠣ ꠚꠥꠠꠤꠉꠥꠔꠣꠞꠦ ꠛꠤꠀ ꠖꠤꠞꠣ ⁕ ꠀꠞ ꠛꠤꠀ ꠘꠤ ꠇꠥꠘꠥ • ꠘꠤꠎꠞ ꠈꠁꠟꠏꠣꠞ ꠐꠥꠇꠞꠣ ꠚꠥꠠꠤꠞꠦ ꠀꠞꠎꠘꠞ ꠐꠣꠁꠘ • ꠘꠄꠀ ꠚꠞꠤꠛꠣꠞ • ꠛꠤꠘꠎꠣꠉꠣꠔ ꠡꠝꠎꠣꠁꠀ ꠖꠤꠟꠣꠁꠞꠣ!
ꠄꠞꠛꠣꠖꠦ ꠢꠤꠞꠤ ꠘꠡꠣꠞꠦ ꠟꠂꠀ ꠅ ꠔ ꠝꠣꠔ ꠀꠍꠦ ⁕ ꠖꠣꠝꠣꠘ ꠇꠤꠟꠣꠘ ꠈꠣꠟꠤꠀꠘꠣ • ꠢꠤꠟꠣꠘ ꠡꠥꠘ꠆ꠖꠞ ꠘꠣꠄ • ꠈꠟꠟꠣꠔ ꠍꠥꠟ ꠘꠣꠄ ⁕ ꠀꠞꠉ꠆ꠉꠥꠞꠄ ꠐꠦꠡ ꠝꠣꠞꠤꠀ ꠈꠁꠛꠣ- ꠚꠦꠐ ꠝꠥꠐꠣ ꠅꠁꠟꠦ ꠇꠤꠔꠣ ꠅꠁꠍꠦ • ꠛꠦꠐꠣꠞ ꠟꠣꠟ ꠚꠣꠍꠚꠥꠐ ꠀꠍꠦ ⁕ ꠈꠁꠘ꠆ꠘꠣ ꠅꠔ ꠟꠣꠝ꠆ꠛꠣ ꠘꠣꠄ • ꠘꠣꠈ ꠍꠦꠚꠣ ⁕ ꠅꠔ ꠡꠥꠘ꠆ꠖꠞ ꠅ ꠘꠣꠄ ⁕ ꠈꠁꠘ꠆ꠘꠣ ꠔꠘꠦ ꠔꠣꠁꠞ ꠛꠁꠘꠣꠁꠘ ꠡꠥꠘ꠆ꠖꠞ • ꠅꠁꠟꠦ ꠇꠤꠔꠣ ꠅꠁꠟ ꠔꠣꠁꠞ ꠈꠚꠣꠟ ꠜꠣꠟꠣ • ꠟꠘ꠆ꠒꠘ ꠎꠣꠁꠛ ꠉꠤꠀ…! ꠀꠞꠅ ꠈꠔ ꠔꠣ ⁕
ꠀꠁꠄꠟꠐꠤꠄꠍ ꠀꠟꠣ ꠈꠁꠘ꠆ꠘꠣ-ꠖꠣꠝꠣꠘꠞ ꠛꠤꠀꠞ ꠍꠥꠛ ꠚꠞꠤꠀ ꠁꠔꠣ ꠅꠘꠦ ꠛꠣꠇꠇꠣ ꠛꠘ ꠀꠍꠤꠟ ꠎꠦꠢꠦꠔꠥ ꠝꠣꠘꠡꠦ ꠇꠥꠘꠥꠝꠘꠔꠦ ꠛꠤꠀ ꠉꠣꠁꠀ ꠎꠦ ꠎꠦꠟꠣꠘ ꠚꠣꠞꠍꠦ ꠛꠤꠖꠦꠡ ꠉꠦꠍꠦ ⁕ ꠅꠘꠇꠦ ꠡꠣꠝꠘꠞ ꠚꠤꠞꠣ Γ0Γb ꠔꠘꠦ ꠢꠤꠞꠤ ꠀꠁꠘ ꠚꠣꠟꠐꠣꠁꠟꠣꠞ ꠟꠘ꠆ꠒꠘꠦ ⁕ ꠎꠦꠉꠔꠤꠇꠦ ꠁ ꠝꠣꠡꠅ ꠀꠁꠄꠟꠐꠤꠄꠍ ꠀꠟꠣ ꠛꠤꠀ ꠈꠝ ꠀꠍꠤꠟ ꠔꠄ ꠀꠝꠒꠣ ꠖꠥꠀ ꠈꠞꠤ ꠀꠞ ꠝꠘꠦꠝꠘꠦ ꠍꠣꠁ ꠟꠘ꠆ꠒꠘ ꠎꠣꠃꠀꠞ ꠀꠁꠘꠈꠣꠘꠥꠘ ꠎꠔ ꠛꠖꠟꠇ ꠘꠣ ꠈꠦꠘꠦ • ꠖꠥꠍꠞꠣ ꠟꠘ꠆ꠒꠘ ꠈꠁꠀ ꠒꠣꠈꠣ ꠀꠝꠒꠣꠞ ꠍꠤꠟꠐꠞ ꠝꠣꠘꠡꠞ ꠟꠣꠉꠤ ꠎꠦꠘ ꠛꠣꠟꠣ ꠇꠥꠘꠔꠣ ꠃ ꠟꠁꠀ ꠀꠄ!
