ꠚꠂꠖ꠆ꠖ: ꠀꠉꠘ ꠝꠣꠡꠦꠞ ꠈꠛꠞ
ꠟꠦꠈꠞꠣ: ꠀꠢꠝꠖ ꠍꠤꠖ꠆ꠖꠤꠇ ꠌꠃꠗꠥꠞꠤ ꠢꠣꠍꠣꠘ
ꠈꠣꠁꠛꠣꠞ ꠛꠥꠏ ꠁꠞꠤ ꠚꠣꠁꠍꠤ
ꠛꠤꠞꠁꠘ ꠔꠛꠦ ꠔꠥꠠꠣ
ꠀꠊꠘ ꠝꠣꠁꠀ ꠝꠍꠣ ꠖꠤꠔꠣꠝ
ꠞꠣꠈꠍꠤ ꠍꠤꠘꠤꠞ ꠉꠥꠠꠣ।
ꠛꠁꠘꠦ ꠈꠣꠟꠤ ꠚꠘ ꠖꠤꠔꠞꠣ
ꠘꠣꠁꠅꠞ ꠛꠥꠟꠦ ꠀꠁꠔꠣ
ꠀꠁꠛꠣꠞ ꠀꠉꠦ ꠚꠦꠍꠈꠣꠘ ꠅꠁꠟ
ꠀꠊꠘ ꠝꠣꠁꠀ ꠚꠣꠁꠔꠣ।
ꠊꠞ ꠀꠍꠦ ꠛꠤꠍꠞ ꠝꠥꠞꠥꠉ
ꠀꠃꠡꠤ ꠈꠖꠥ ꠀꠍꠦ
ꠝꠍꠣ ꠈꠣꠘꠔꠣ ꠖꠤꠔꠣꠝ ꠞꠦꠛꠣ
ꠎꠦꠟꠣ ꠁꠎ꠆ꠎꠔ ꠛꠣꠍꠦ।
ꠛꠁꠘ ꠜꠣꠉꠘꠤꠞ ꠝꠘꠈꠣꠘ ꠇꠥꠡꠤ
ꠞꠣꠈꠔꠣꠝ ꠎꠖꠤ ꠚꠣꠞꠤ
ꠝꠢꠛ꠆ꠛꠔ ꠀꠞ ꠇꠥꠡꠤꠛꠣꠡꠤ
ꠕꠣꠈꠛ ꠡꠖꠣꠄ ꠎꠣꠞꠤ।
ꠁꠔꠣꠞ ꠖꠥꠀꠄ ꠎꠤꠛꠘ ꠈꠣꠘꠔꠣ
ꠛꠣꠟꠣ ꠅꠁꠔ ꠡꠛꠞ
ꠔꠥꠠꠣ ꠛꠦꠡ ꠡꠛꠦꠃ ꠞꠣꠈꠛꠣ
ꠛꠁꠘ ꠜꠣꠉꠘꠤꠞ ꠈꠛꠞ।