শুরমা ফারর খবর ছিলটি জবানে ছিলটর খবর
Related Articles
ꠔꠣꠞꠣꠛꠤꠞ ꠘꠣꠝꠣꠎ ꠚꠠꠤꠀ ꠊꠞꠅ ꠀꠁꠀ ꠖꠦꠇꠤ ꠇꠣꠞꠦꠘ꠆ꠐ ꠘꠣꠄ
ꠊꠞ ꠢꠣꠝꠣꠁꠀ ꠖꠦꠈꠟꠣꠝ ꠇꠥꠐꠤꠝꠥꠐꠤ ꠄꠈꠐꠣ ꠝꠥꠛꠛꠣꠔ꠆ꠔꠤ ꠎꠣꠟꠣꠁꠀ ꠛꠃꠄ ꠘꠣꠝꠣꠎ ꠚꠞꠦꠞ
ꠅꠃ ꠉꠞꠝꠞ ꠝꠣꠏꠦ ꠇꠣꠞꠦꠘ꠆ꠐ ꠘꠣ ꠔꠣꠈꠣꠄ ꠊꠣꠝꠤꠀ ꠎꠥꠛꠎꠥꠛꠣ ꠅꠁꠉꠦꠍ
ꠛꠃ ꠎꠦ ꠡꠝꠄ ꠡꠦꠎꠖꠣꠄ ꠉꠦꠍꠦ
ꠀꠝꠤ ꠇꠥꠘ ꠃꠚꠣꠄ ꠘꠣ ꠚꠣꠁꠀ ꠀꠔꠚꠣꠈꠣ ꠖꠤꠀ ꠚꠣꠁꠟ ꠖꠦꠃꠀꠔ ꠟꠣꠉꠟꠣꠝ
ꠄꠈꠐꠥ ꠛꠣꠖꠦ ꠍꠣꠟꠣꠝ ꠚꠤꠞꠣꠁꠀ ꠛꠃꠄ ꠀꠝꠣꠞ ꠛꠣꠄ ꠍꠣꠁꠀ ꠝꠥꠍꠇꠤ ꠄꠈꠐꠣ ꠀꠡꠤ ꠖꠤꠀ ꠀꠞꠛꠣꠞ ꠞꠣꠈꠣꠔ ꠛꠣꠘ꠆ꠗꠤꠟꠣ
ꠀꠞ ꠀꠝꠤ ꠚꠣꠈꠣ ꠖꠤꠀ ꠚꠣꠁꠟ ꠖꠦꠃꠀꠔ ꠟꠣꠉꠟꠣꠝ
ꠛꠣꠇ꠆ꠇꠣ ꠈꠔꠛꠤꠟ ꠛꠣꠖꠦ ꠇꠤꠀꠟ ꠈꠞꠟꠣꠝ
ꠛꠃ ꠀꠝꠣꠞ ꠡꠦꠎꠖꠣꠔ ꠛꠣꠇ꠆ꠇꠣ ꠡꠝꠄ ꠟꠣꠉꠣꠁꠞꠣ
ꠀꠞꠈꠛꠣꠞ ꠝꠘ ꠅꠄ ꠛꠠ ꠍꠥꠞꠣ ꠖꠤꠀ ꠘꠣꠝꠣꠎ ꠚꠠꠞꠣ
ꠈꠔꠛꠤꠟ ꠛꠣꠖꠦ ꠘꠣꠝꠣꠎ ꠚꠠꠣ ꠡꠦꠡꠦ ꠛꠣꠇ꠆ꠇꠣ ꠡꠝꠄ ꠝꠥꠘꠣꠎꠣꠔꠅ ꠔꠣꠈꠟꠣ
ꠁꠛꠣꠄ ꠖꠤ ꠀꠝꠣꠞ ꠀꠔꠅ ꠛꠦꠖꠘꠣ ꠈꠞꠦꠞ
ꠝꠥꠘꠣꠎꠣꠔ ꠡꠦꠡ ꠈꠞꠤꠀ ꠎꠣꠄꠘꠣꠝꠣꠎ ꠀꠐꠣꠁꠀ ꠀꠝꠣꠞ ꠛꠣꠄ ꠍꠣꠁꠀ ꠝꠥꠍꠇꠤ ꠄꠈꠐꠣ ꠀꠡꠤ ꠖꠤꠀ ꠍꠣꠟꠣꠝ ꠖꠤꠟꠣ
ꠀꠝꠤꠅ ꠍꠣꠟꠣꠝꠞ ꠎꠛꠣꠛ ꠟꠁꠟꠣꠝ
ꠀꠝꠣꠞ ꠀꠔ ꠔꠘꠦ ꠚꠣꠈꠣ ꠟꠁꠀ
ꠀꠝꠣꠞ ꠀꠔ ꠖꠞꠤꠀ ꠈꠁꠟꠣ
ꠇꠥꠛ ꠈꠡ꠆ꠐ ꠅꠁꠍꠦ ꠘꠣꠄ ꠘꠤ
-ꠈꠡ꠆ꠐ ꠅꠁꠔ ꠈꠦꠘꠦ
ꠅꠃ ꠎꠦ ꠅꠔꠛꠤꠟ ꠖꠞꠤ ꠀꠝꠣꠞꠦ ꠚꠣꠁꠟ ꠖꠤꠟꠣꠄ ꠄꠞꠟꠣꠉꠤ
-ꠘꠣ! ꠇꠥꠘ ꠈꠡ꠆ꠐ ꠅꠁꠍꠦꠘꠣ, ꠀꠉꠦ ꠈꠅ ꠀꠁꠎ ꠔꠥꠝꠤ ꠅꠔꠛꠤꠟ ꠖꠞꠤ ꠘꠣꠝꠣꠎ ꠚꠞꠟꠣꠄ ꠡꠦꠎꠖꠣꠄ ꠔꠣꠈꠟꠣꠄ ꠝꠥꠘꠣꠎꠣꠔꠦꠅ ꠡꠝꠄ ꠈꠣꠐꠣꠁꠟꠣꠄ ꠄꠞ ꠈꠣꠞꠘ ꠇꠤꠔꠣ.?
ꠛꠃꠄ ꠝꠥꠍꠇꠤ ꠀꠡꠤꠀ ꠃꠔ꠆ꠔꠞ ꠖꠤꠟꠣ, ꠀꠁꠎ ꠀꠝꠤ ꠎꠣꠘ꠆ꠘꠣꠔꠞ ꠛꠣꠉꠣꠘꠅ ꠘꠣꠝꠣꠎ ꠚꠞꠍꠤ ꠄꠞꠟꠣꠉꠤ ꠘꠣꠝꠣꠎ ꠚꠠꠔꠦ ꠜꠣꠟꠣ ꠟꠣꠉꠍꠦ ꠅꠔꠡꠝꠄ ꠟꠣꠉꠍꠦ
ꠎꠣꠘꠤ ꠔꠥꠝꠣꠞ ꠀꠔꠅ ꠛꠦꠖꠘꠣ ꠈꠞꠍꠦ
-ꠇꠤꠅꠞ ꠛꠦꠖꠘꠣ! ꠁꠔꠣ ꠇꠤꠔꠣ ꠈꠅ ꠎꠣꠘ꠆ꠘꠣꠔꠞ ꠛꠣꠉꠣꠘ ꠔꠥꠝꠤ ꠝꠘꠅ ꠈꠄ ꠘꠣꠝꠣꠎꠞ ꠝꠣꠏꠦ ꠡꠚ꠆ꠘ ꠖꠦꠈꠍ.?
ꠛꠃꠄ ꠝꠥꠍꠇꠤ ꠀꠡꠤ ꠖꠤꠀ ꠈꠁꠟꠣ ꠡꠚ꠆ꠘ ꠘꠣꠄ ꠡꠔ꠆ꠔꠤ
ꠅꠃ ꠎꠦꠘ ꠀꠝꠤ ꠊꠞꠝꠦ ꠊꠣꠝꠤꠀ ꠎꠥꠛꠎꠥꠛꠣ ꠅꠁꠉꠦꠍꠤ
ꠀꠞ, ꠔꠥꠝꠤ ꠀꠁꠀ ꠛꠣꠔꠣꠡ ꠈꠞꠟꠣꠄ
ꠁ ꠡꠝꠄ ꠝꠘ ꠅꠁꠍꠦ ꠖꠥꠘꠤꠀꠞ ꠡꠛ ꠕꠣꠇꠤ ꠜꠣꠉ꠆ꠉꠛꠔꠤ ꠘꠣꠞꠤ ꠀꠝꠤ
ꠔꠥꠝꠣꠞ ꠝꠔ ꠄꠈꠎꠘ ꠡꠣꠝꠤ ꠚꠣꠁꠀ
ꠔꠥꠝꠤ ꠛꠣꠔꠣꠡ ꠖꠦꠃꠀꠞ ꠟꠉꠦ ꠟꠉꠦ ꠀꠝꠣꠞ ꠡꠞꠤꠟ ꠕꠣꠇꠤ ꠊꠞꠝ ꠉꠦꠍꠦꠉꠤꠀ
ꠄꠝꠘ ꠡꠤꠔꠟ ꠄꠈꠐꠣ ꠢꠣꠃꠅꠣ ꠟꠣꠉꠍꠦ ꠡꠞꠤꠟꠅ
ꠛꠤꠡ꠆ꠡꠣꠡ ꠈꠞ ꠀꠝꠣꠞ ꠅꠔ ꠡꠣꠘ꠆ꠔꠤ ꠟꠣꠉꠍꠦ
ꠝꠘ ꠅꠁꠍꠦ ꠀꠝꠤ ꠡꠚ꠆ꠘ ꠖꠦꠈꠞꠣꠝ
ꠀꠝꠤ ꠝꠘꠦ ꠝꠘꠦ ꠎꠣꠘ꠆ꠘꠣꠔ ꠀꠍꠤ ꠀꠞ ꠅꠈꠣꠘꠞ ꠡꠥꠇ ꠐꠦꠞ ꠚꠣꠁꠞꠣꠝ
ꠄꠞꠟꠣꠉꠤ ꠘꠣꠝꠣꠎ ꠟꠣꠝ꠆ꠛꠣ ꠍꠥꠞꠣ ꠡꠦꠎꠖꠣꠄ ꠀꠞ ꠝꠥꠘꠣꠎꠣꠔꠅ ꠔꠥꠝꠣꠞ ꠟꠣꠉꠤ ꠖꠥꠀ ꠈꠞꠟꠣꠝ ꠡꠝꠄ ꠘꠤꠀ
ꠢꠥꠘꠌꠤ ꠡꠦꠎꠖꠣꠞꠔ ꠅꠛꠍ꠆ꠔꠣꠔ ꠀꠟ꠆ꠟꠣꠢ꠆ ꠖꠥꠀ ꠈꠛꠥꠟ ꠈꠞꠂꠘ
ꠔꠥꠝꠣꠞ ꠟꠣꠉꠤ ꠀꠝꠞꠣꠞ ꠖꠣꠝ꠆ꠙꠔ꠆ꠔ ꠎꠤꠛꠘꠞ ꠟꠣꠉꠤ
ꠚꠞꠇꠣꠟꠦ ꠄꠈꠟꠉꠦ ꠎꠦꠘ ꠔꠣꠈꠔꠣꠝ ꠚꠣꠞꠤ ꠅꠔꠣꠞ ꠟꠣꠉꠤ ꠖꠥꠀ ꠈꠞꠤꠀ ꠝꠥꠘꠣꠎꠣꠔꠅ ꠛꠦꠡꠤ ꠡꠝꠄ ꠟꠣꠉꠣꠁꠍꠤ
ꠎꠣꠘꠤꠘꠣ ꠇꠥꠘꠡꠝꠄ ꠀꠞꠛꠣꠞ ꠁ ꠝꠥꠢꠥꠞ꠆ꠔ ꠀꠁꠛ
ꠎꠣꠘꠤꠘꠣ ꠀꠞ ꠇꠥꠘ ꠡꠝꠄ ꠔꠥꠝꠤ ꠀꠝꠣꠞꠦ ꠝꠣꠄꠀ ꠈꠞꠤ ꠅꠟꠣ ꠛꠣꠔꠣꠡ ꠈꠞꠛꠣꠄ
ꠔꠥꠝꠣꠞ ꠈꠡ꠆ꠐ ꠅꠞ ꠝꠘ ꠈꠞꠤꠀ ꠀꠞ ꠔꠣꠈꠔꠣꠝ ꠚꠣꠞꠟꠣꠝ ꠘꠣ।
