শুরমা ফারর খবর ছিলটি জবানে ছিলটর খবর
Related Articles
ꠖꠤꠘꠣꠎꠙꠥꠞꠞ ꠊꠥꠠꠣꠊꠣꠐ ꠃꠚꠎꠤꠟꠣ ꠘꠤꠞ꠆ꠛꠣꠢꠤ ꠇꠞ꠆ꠝꠇꠞ꠆ꠔꠣ (ꠁꠃꠄꠘꠅ) ꠅꠀꠢꠤꠖꠣ ꠈꠣꠘꠝꠞ ꠃꠚꠞꠦ ꠢꠣꠝꠟꠣꠈꠞꠞꠣ ꠖꠥꠉꠥ ꠎꠥꠀꠘ ꠈꠞꠤꠀ ꠎꠣꠘꠣꠁꠍꠦ ꠎꠘꠚꠡꠣꠡꠘ ꠚꠔꠤꠝꠘ꠆ꠔ꠆ꠞꠤ ꠚꠞꠢꠣꠖ ꠢꠥꠍꠦꠘ-ꠄ⁕ ꠔꠣꠁꠘ ꠈꠁꠘ, ꠔꠣꠞꠣꠞꠦ ꠢꠣꠟꠇꠣ ꠚꠣꠔꠟꠣ ꠟꠣꠉꠍꠦ⁕
ꠛꠤꠞꠡꠁꠔꠛꠣꠞ (০৩ ꠡꠦꠙ꠆ꠐꠦꠝ꠆ꠛꠞ) ꠛꠤꠀꠟꠦ ꠓꠣꠈꠣꠞ ꠘꠦꠡꠘꠣꠟ ꠁꠘꠍ꠆ꠐꠤꠐꠤꠃꠐ ꠅꠚ ꠘꠤꠃꠞ ꠍꠣꠁꠘ꠆ꠍ ꠄꠘ꠆ꠒ ꠢꠍꠙꠤꠐꠣꠟꠅ ꠒꠣꠈꠔꠞꠤ ꠈꠞꠣꠘꠤꠔ ꠅꠀꠢꠤꠖꠣ ꠈꠣꠘꠝꠞꠦ ꠖꠦꠈꠣꠔ ꠉꠤꠀ ꠚꠔꠤꠝꠘ꠆ꠔ꠆ꠞꠤ ꠁ ꠈꠕꠣ ꠈꠁꠘ⁕
ꠢꠣꠝꠟꠣ ꠈꠞ꠆ꠞꠣꠁꠘꠞꠦ ꠌꠤꠘ꠆ꠘꠔ ꠈꠞꠣꠞ ꠛꠤꠡꠄ ꠡꠣꠋꠛꠣꠖꠤꠇꠞ ꠚꠍ꠆ꠘꠞ ꠎꠥꠀꠚꠦ ꠚꠔꠤꠝꠘ꠆ꠔ꠆ꠞꠤꠄ ꠈꠁꠘ, ꠄꠛꠅ ꠈꠣꠞꠘ ꠎꠣꠘꠣ ꠉꠦꠍꠦ ꠘꠣ⁕ ꠔꠖꠘ꠆ꠔ ꠍꠟꠦꠞ, ꠈꠣꠞꠘ ꠛꠣꠞ ꠈꠞꠣꠞ ꠌꠦꠡ꠆ꠐꠣ ꠍꠟꠦꠞ⁕ ꠍꠤꠍꠤ ꠇꠦꠝꠦꠞꠣꠞ ꠚꠥꠐꠦꠎ ꠖꠦꠈꠣ ꠉꠦꠍꠦ ꠢꠣꠟꠇꠣ ꠚꠣꠔꠟꠣ ꠖꠥꠁ ꠎꠥꠀꠘ⁕ ꠔꠄ ꠔꠣꠞꠣꠞ ꠝꠥꠇ ꠚꠥꠞꠣ ꠍꠤꠘꠣ ꠎꠣꠞ ꠘꠣ⁕ ꠀꠔꠥꠠꠣꠞ ꠟꠣꠈꠣꠘ ꠇꠥꠘ꠆ꠔꠣ ꠖꠤ ꠀꠊꠣꠔ ꠈꠞꠍꠦ⁕ ꠢꠣꠝꠟꠣ ꠈꠞ꠆ꠞꠣꠁꠘꠞꠦ ꠗꠞꠣꠞ ꠇꠥꠛ ꠌꠦꠡ꠆ꠐꠣ ꠍꠟꠦꠞ⁕ ꠚꠥꠟꠤꠡ ꠡꠥꠙꠣꠞ ꠈꠁꠍꠁꠘ ꠔꠣꠁꠘ ꠀꠡꠣ ꠈꠞ꠆ꠞꠣ, ꠇꠥꠛ ꠎꠟꠖꠤ ꠗꠞꠔꠣ ꠚꠣꠞꠛꠣ⁕
